Morgunblaðið - 11.01.2001, Side 3

KNATTSPYRNA
MORGUNBLAÐIÐ FIMMTUDAGUR 11. JANÚAR 2001 C 3
NÁMSKEIÐ Í
ÓLYMPÍU
Íþrótta- og Ólympíusamband Íslands
auglýsir eftir tveimur þátttakendum,
konu og karli, á námskeið ungs íþrótta-
fólks (20 til 35 ára) á vegum alþjóða
Ólympíuakademíunnar í Ólympíu í Grikklandi dagana
19. júní til 4. júlí nk. Flugferðir og uppihald eru þátttak-
endum að kostnaðarlausu.
Leitað er eftir einstaklingum sem náð hafa mjög góð-
um árangri í íþróttagrein (-greinum) og/eða sinnt
kennslu/þjálfun/félagsstörfum innan íþróttahreyfingarinn-
ar, ásamt því að sýna málefnum ólympíuhreyfingarinnar
sérstakan áhuga. Þeir skulu hafa gott vald á ensku og/eða
frönsku og vera fyrirmynd annars æskufólks í hvívetna.
Umsóknarfrestur er til 9. febrúar nk. Umsóknareyðublöð
er hægt að nálgast á skrifstofu ÍSÍ eða á heimasíðu sam-
bandsins, www.isisport.is.
Nánari upplýsingar veitir Kristinn Reimarsson,
ÍSÍ, sími 581-3377, netfang: kjr@isisport.is.
Gunnleifur sagði að hann og Fjal-ar væru tilbúnir í slaginn, sem
verður mjög erfiður. „Ferðin hingað
var erfið og æfing-
arnar hafa verið erf-
iðar. Hitinn hér er
mikill, þannig að það
er mikið vatnstap á
æfingum. Við verðum að hvíla okkur
vel fyrir leikinn gegn Úrúgvæmönn-
um, sem eru vanir að leika í svo mikl-
um hita.
Við markverðir megum þó ekki
kvarta, þar sem við þurfum ekki að
vera eins mikið á ferðinni og útileik-
mennirnir, sem eru á hlaupum út um
allan völl,“ sagði Gunnleifur.
Verðið þið með höfuðfat í leikjun-
um, til að vernda ykkur fyrir sólinni?
„Nei, við erum ekki hrifnir af að vera
með húfur – þær eru óþægilegar í
leik.“ Gunnleifur sagði að það væri
mikill heiður fyrir hann og aðra leik-
menn að fá tækifærið til að leika fyr-
ir hönd Íslands á Indlandi.
„Hópurinn hér er mjög góður, allir
samtaka að gera sitt besta. Það er
létt yfir mönnum og við horfum
óhræddir fram á veg.“ Gunnleifur
sagði að þrátt fyrir að hann og Fjalar
væru óreyndir með landsliðinu,
væru þeir ákveðnir í að sýna að þeir
standi undir nafni sem a-landsliðs-
menn. „Ég er bestur þegar mest á
reynir og flestir áhorfendur eru á
staðnum. Því fleiri áhorfendur, því
betri verð ég,“ sagði Gunnleifur, sem
hefur staðið sig vel á milli stanganna
sem markvörður hjá KR og Kefla-
vík.
Gunnleifur hefur oft mætt í
skrautlegum búningum til leiks og
vakti mikla athygli þegar hann
mætti alhvítur í stuttermabol í
markinu hjá Keflavík.
Verður hann hvítklælddur í leikj-
um hér á Indlandi?
„Ég hefði valið það, ef ég hefði
fengið að ráða. Markverðir íslenska
landsliðsins eru aldrei hvítklæddir,“
sagði Gunnleifur brosandi.
Gunnleifur verður faðir eftir
nokkra daga. Eiginkona hans, Sig-
ríður Hjálmarsdóttir, á von á barni –
tímasetning er 24. janúar.
Íslensku markverðirnir á Indlandi eru með 10 mínútna reynslu að baki
Morgunblaðið/Einar Falur
Á morgunæfingu landsliðsins í Cochin í gær grípur Gunnleifur Gunnleifsson markvörður fyrirgjöf
á sóknarmann. Hann byrjar í markinu í dag gegn Úrúgvæ.
„Því fleiri
áhorfend-
ur, því betri
verð ég“
MARKVERÐIR íslenska landsliðsins hafa ekki mikla reynslu að baki
með landsliðinu. Þeir hafa samtals leikið í marki íslenska liðsins í
tíu mínútur og var það Gunnleifur Gunnleifsson, Keflavík, sem lék
þessar tíu mínútur, en Fjalar Þorgeirsson, Fram, er nýliði í landslið-
inu. Gunnleifur lék síðustu tíu mínúturnar í vináttulandsleik gegn
Möltu á Laugardalsvellinum í sumar, er hann kom inná sem vara-
maður fyrir Birki Kristinsson.
Sigmundur Ó.
Steinarsson
skrifar
frá Indlandi
Indriði og Gylfi
þurfa á stuðn-
ingi að halda
„ÞAÐ er ljóst að Indriði Sig-
urðsson og Gylfi Einarsson
þurfa á góðum stuðningi að
halda þegar þeir bætast í
hópinn. Þeir hafa lent í mikl-
um hremmingum, sem hefur
örugglega tekið á taugarnar
hjá svo ungum mönnum – að
þurfa að ferðast einir hingað
til Cochin á Indlandi. Ferð
þeirra hingað er miklu erf-
iðari heldur en okkar,“ sagði
Böðvar Örn Sigurjónsson,
læknir landsliðsins.
Indriði og Gylfi eru vænt-
anlegir til Cochin í dag, sól-
arhringi á eftir áætlun. Þeir
héldu í gær frá London með
viðkomu í Dubai og í gærdag
fóru þeir þaðan til Bombay. Í
dag halda þeir frá Bombay
og eru væntanlegir á hótel
landsliðsins upp úr hádegi.
„Þeir koma langþreyttir
eftir mikla óvissuferð frá
Ósló. Það er ljóst að þeir
verða ekki með gegn Úrúgvæ
og það kemur síðan í ljós
hvort þeir séu tilbúnir til að
vera með gegn Indlandi á
laugardag,“ sagði Böðvar.