Morgunblaðið - 21.09.2001, Blaðsíða 3

Lampar sem skipta litum
Blaðamaður hváir þegar Ingi Már
segir frá lampa sem skiptir litum.
„Jú,“ segir hann. „Utan um peruna
er hlíf í nokkrum litum. Með því að
ýta á einn takka er hægt að færa hlíf-
ina og skipta um lit á ljósinu. Einn og
sami lampinn með ljósum skermi
getur orðið gulur, appelsínugulur og
grænn – allt eftir andrúmsloftinu
hverju sinni.“
Að síðustu nefnir Ingi Már að
komið sé í tísku að lýsa upp hús og
aðrar byggingar í mismunandi litum.
„Menn hafa verið að leika með lýs-
ingu, t.d. með því að láta ljósin leika
um ákveðna fleti,“ segir hann og
bætir við að hann hafi einmitt fengið
tækifæri til að leika með lýsingu inni
í fyrirtæki fyrir skemmstu. „Við
hönnuðum lýsingu fyrir sýningarsal
Toyota ekki alls fyrir löngu. Með
hvítri grunnlýsingu varpast gult,
rautt og grænt ljós um salinn og
verður sérstaklega áberandi á nótt-
unni. Ef einhver ökumaður á
Kringlumýrabrautinni hefur verið að
velkjast í vafa um hvaðan blikkandi
ljósið í Kópavoginum komi, er þetta
skýringin.“
Rauð ljós eru dæmigerð
áherslulýsing fyrir heimili.
DAGLEGT LÍF
MORGUNBLAÐIÐ FÖSTUDAGUR 21. SEPTEMBER 2001 B 3
MIÐAÐ við lögunina gatStjarna átt jafn vel við.Púsl varð ofan á af því að
hægt er að púsla sömu einingunni
saman með mismunandi hætti,“
segir Dögg Guðmundsdóttir, iðn-
hönnuður, um nýjasta ljósið sitt,
Púsl.
„Ég byrjaði að þróa formið eftir
að hafa hannað annað ljós, Flug-
dreka (Kite), í byrjun janúar. Flug-
dreki byggist upp á uppröðuðum
bylgjulaga hvítum plastblöðum í
A4 stærð sem hægt er að forma að
eigin vild með því að festa þá með
segulhnöppum á járnplötu. Púsl
þróaðist úr ferhyrndri plastplötu í
skerm með hálfkúlu í miðjunni og
fjórum öngum út frá sér. Annars
vegar er hægt að festa einn
skerm á vegg eða loft. Hins
vegar er hægt að setja sam-
an tvo skerma til að mynda
hangandi loftljós, stand-
lampa eða tengja fleiri
skerma saman til að búa til
eins konar skilvegg í þrívídd
á miðju gólfi í stóru rými
sem tengist við loft og gólf.
Fóturinn á standlampanum
er í sömu lögun og skerm-
urinn,“ segir Dögg og fram
kemur að kynning á Púsli sé
þegar hafin. „Ég sendi nokkrar
teikningar í miklum flýti í al-
þjóðlega hönnunarsamkeppni í
Belgíu í vor. Í framhaldi af því var
skermurinn valinn á yfirstandandi
ljósahönnunarsýningu í Knokke-
heist í Belgíu.“
Ekki líður heldur á löngu þar til
Púsl verður komið í verslanir.
„Sænska fyrirtækið sem fram-
leiðir Flugdrekann ætlar að fram-
leiða Púsl. Vonandi verður lamp-
inn kominn á markað í kringum
áramót. Útfærslan fyrir fjölda-
framleiðslu ætti að vera einfaldari
heldur en raunin varð á með Flug-
dreka. Það tók eitt og hálft ár að
undirbúa hann fyrir framleiðslu.“
Dögg lagði stund á iðnhönnun
við Istituto Europeo di Design í
Mílanó 1992 til 1996 og Danmarks
Designskole 1996 til 1998.
Púslað í
tvívídd og
þrívídd
Tvö Púsl verða að loftljósi.
Dögg Guðmundsdóttir
iðnhönnuður
Ljósmynd/Sigurður Páll Sigurðsson
RÓTTÆK dýraverndarsamtök, sem
njóta stuðnings bítilsins fyrrverandi
sir Pauls McCartneys, hafa hafið
krossferð í breskum skólum gegn
mjólkurdrykkju. Í áróðri sínum er
reynt að koma því inn hjá börnum að
mjólk geri þau feit og bólugrafin.
Samtökin bera heitið „People for
Ethical Treatment of Animals (Peta)
sem þýða má „fólk sem berst fyrir
siðferðilegri meðferð dýra“. Þau
hafa meðal annars á stefnuskrá sinni
andstöðu gegn kúabændum „af sið-
ferðilegum ástæðum“ eins og það er
orðað. Samtökin hafa látið prenta
um hundrað þúsund áróðursspjöld
með eins konar „Pokémon-
handbragði“, sem dreift var til
skólabarna í Englandi við upphaf
skólaárs nú í haust. Á áróðursspjöld-
unum eru teiknimyndafígúrur á
borð við „Spotty (bólugrafna) Sue,
Windy (viðreksturs) Wendy,
Phlegmy (hráka) Phil og Chubby
(þybbni) Charlie og gefið í skyn að ef
börnin drekki mjólk muni þau eiga
við sömu vandamál að stríða og
þessar ógæfulegu fígúrur.
Á einu áróðursspjaldanna segir
m.a: „Mjólkurdrykkja gæti orðið til
þess að fólk forðast þig því margir
sem drekka mjólk þjást af – þú fyr-
irgefur – óstöðvandi viðrekstri.“
Peta-herferðinni verður einnig
hleypt af stokkunum á vegum sam-
bærilegra dýraverndarsamtaka í
Bandaríkjunum, sem njóta stuðn-
ings ýmissa frægra kvikmynda- og
rokkstjarna á borð við Ringo Starr,
Oliver Stone og Pamela Anderson, í
andstöðu við bændur og ríkisstjórn
landsins. Paul McCartney hélt ný-
lega samkomu í New York til að
stofna sjóð á vegum Peta, sem not-
aður verður í áróðursskyni, en áróð-
urinn gegn mjólkurdrykkju er með-
al annars liður í að mótmæla
„arðráni“ bænda á húsdýrum al-
mennt.
Bresk heilbrigðisyfirvöld hafa
hvatt börn til að drekka mjólk á
hverjum degi og í breska blaðinu
Sunday Times, sem fjallað hefur um
þetta mál, er haft eftir Suzi Leather,
talsmanni „Food Standards
Agency“, að mjólk sé „einhver nær-
ingarríkasta fæða sem fyrirfinnist
og innihaldi nánast öll þau næring-
arefni sem maðurinn þarfnast,“ eins
og það er orðað.
Samkvæmt frásögn Sunday Times
hafa margir kennarar brugðist hart
við áróðri Peta og þeirri aðferð að
beina áróðrinum beint að börnunum
sjálfum en ekki foreldrum þeirra.
Haft er eftir Tim Benson, skóla-
stjóra Nelson-grunnskólans í austur-
hluta Lundúna, að svona „frekjuleg-
ar baráttuaðferðir séu sorglegar þar
sem saklaus börn eigi í hlut, en börn
trúi yfirleitt því sem þeim er sagt.
Að mínum dómi er mjólk afar þýð-
ingarmikil fyrir heilsu barna og ég
ráðlegg þeim að drekka hana dag-
lega,“ segir skólastjórinn.
Áróðursspjald með mynd
af „Þybbna“-Charlie. Þar
stendur meðal annars: Eftir-
lýstur, þekktur mjólkurþamb-
ari, Chubby Charlie.
Bítill
gegn
mjólk
M
ynd/Sunday T
im
es
Geisladiskahulstur
aðeins 500 kr.
NETVERSLUN Á mbl.is
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is