Morgunblaðið - 21.09.2001, Blaðsíða 8

AUÐLESIÐ EFNI
8 B FÖSTUDAGUR 21. SEPTEMBER 2001 MORGUNBLAÐIÐ
Sjúkraliðar
boða verkfall
SJÚKRALIÐAR, sem starfa
hjá ríkinu og stofnununum
Grund og Ási, hafa boðað þrjú
þriggja daga verkföll. Það
fyrsta hefst 1. október ef
samningar hafa ekki náðst.
Verkfallið nær til rúmlega
helmings allra starfandi
sjúkraliða í landinu.
Áhrif verkfalls sjúkraliða
yrðu talsverð og verið er að
skoða hve mikið þyrfti að
draga úr starfsemi sjúkrahús-
anna.
Nýr leiðtogi
IAIN Duncan Smith hefur ver-
ið kjörinn leiðtogi breska
Íhaldsflokksins. Hann hlaut
61% atkvæða.
Duncan Smith tekur við af
William Hague, sem sagði af
sér eftir tap Íhaldsflokksins í
þingkosningum í júní. Ein
fyrsta yfirlýsing hins nýja leið-
toga varðaði árásirnar á
Bandaríkin. Hann fordæmdi
árásirnar og hét stuðningi við
aðgerðir Bandaríkjastjórnar.
20 flóttamenn
á tveimur vikum
20 ERLENDIR flóttamenn
sóttu um pólitískt hæli á Ís-
landi fyrstu tvær vikur sept-
ember. Þetta eru nærri því
jafn margir flóttamenn og allt
árið í fyrra.
Flestir þeirra sem sóttu um
hæli núna eru frá Austur-
Evrópu og Mið-Austurlöndum.
Þeir líta á Ísland sem stökk-
pall til Bandaríkjanna.
Alls hafa nærri 50 manns
sótt um hæli hér á landi á
þessu ári. Flestum umsókn-
um, sem búið er að afgreiða,
hefur verið hafnað. Nokkrir
flóttamannanna hafa fengið
dvalarleyfi hér.
Forsetinn í
Aþenu
ÓLAFUR Ragnar Grímsson,
forseti Íslands, fór í opinbera
heimsókn til Grikklands í vik-
unni. Heimsóknin hófst á
þriðjudaginn með fundi for-
seta Íslands og forseta Grikk-
lands, Constantino Steph-
anopolos, í forsetahöllinni í
Aþenu.
Ólafur Ragnar átti einnig
fundi með forsætisráðherra
Grikklands, forseta gríska
þingsins og forystumönnum
grískra stjórnmálaflokka.
Hann skoðaði sölustaði ís-
lenskra sjávarafurða í Aþenu
og Akrópólishæð. Þá opnaði
forsetinn sýningu sem helguð
er ævi og störfum Halldórs
Kiljans Laxness.
GEORGE W. Bush Bandaríkja-
forseti hefur lýst því yfir að
sádi-arabíski hryðjuverkamað-
urinn Osama bin Laden sé
efstur á lista yfir þá sem grun-
aðir eru um hermdarverkin í
Bandaríkjunum í síðustu viku.
Hann vill ná bin Laden „dauð-
um eða lifandi“. Nærri 6 þús-
und manns létu lífið í árás-
unum. Milljónir manna víða
um heim hafa látið í ljós sam-
úð með Bandaríkjamönnum
vegna árásanna.
Stjórnvöld í Pakistan hafa
heitið Bandaríkjastjórn stuðn-
ingi. Þau sendu á mánudag-
inn hátt setta embættismenn
til Afganistans til fundar við
stjórn talibana. Vöruðu þeir
við því að árásir yrðu gerðar á
landið ef bin Laden yrði ekki
framseldur.
Colin Powell, utanríkis-
ráðherra Bandaríkjanna, hef-
ur lagt áherslu á að baráttan
gegn hryðjuverkamönnum
muni ekki beinast gegn íslam.
Hann sagði að sá tími kynni
að koma að hervaldi yrði beitt.
Tugir þúsunda manna hafa
flúið frá afgönskum borgum
vegna ótta við hugsanlegar
árásir Bandaríkjamanna. Þús-
undir streyma frá landinu til
nágrannaríkja, meðal annars
Pakistans.
Tengsla við bin
Laden leitað
Miklar rannsóknir á tilræð-
unum standa yfir. Þær bein-
ast meðal annars að því að
finna tengsl flugræningjanna
við bin Laden eða stuðnings-
menn hans. Þá er verið að
rannsaka hvort flugræningjar
hafi verið um borð í fimmtu
flugvélinni á þriðjudaginn. Sú
vél fór ekki í loftið vegna bil-
unar.
Margvíslegar
afleiðingar
Mikil röskun hefur orðið á
flugumferð vegna árásar-
innar. Þetta hefur komið illa
við rekstur flugfélaga. Banda-
ríkjaþing hefur ákveðið að
veita 15 milljörðum dollara í
aðstoð við bandarísk flug-
félög. Stjórnvöld í nokkrum
Evrópulöndum íhuga að fara
að dæmi þeirra og veita
evrópskum flugfélögum að-
stoð.
Hlutabréf lækkuðu mikið í
verði þegar opnað var fyrir við-
skipti í Bandaríkjunum á
mánudaginn. Sérstaklega
varð mikil lækkun á hlutabréf-
um í flugfélögum.
Óvissa í kjölfar hryðjuverka
Reuters
Þessi fjölskylda er meðal þúsunda flóttamanna sem hafa flúið til Pakistans undanfarna daga.
JOSÉ Carreras og Sigrún
Hjálmtýsdóttir fengu mikið
klapp og húrrahróp á tón-
leikum í Laugardalshöll á
mánudagskvöldið. Kór Ís-
lensku óperunnar og Sin-
fóníuhljómsveit Íslands og
stjórnandanum, David
Giménez, var líka fagnað
innilega. Fjölmörg aukalög
voru flutt í lok tónleikanna
og þótti lokadúettinn, Li-
biamo úr La Traviata, sér-
lega glæsilega sunginn.
J SÉ arreras og Sigrún
jál týsdóttir fengu ikið
klapp og húrrahróp á tón-
leiku í Laugardalshöll á
ánudagskvöldið. ór Ís-
lensku óperunnar og in-
fóníuhljó sveit Íslands og
stjórnandanu , avid
i énez, var líka fagnað
innilega. Fjöl örg aukalög
voru flutt í lok tónleikanna
og þótti lokadúettinn, Li-
bia o úr La Traviata, sér-
lega gl silega sunginn.
Morgunblaðið/Árni Sæberg
Glæsilegur söngur
Netfang: auefni@mbl.is
Fasteigna- og brunabótamati mótmælt
8.000 kærur bárust
UM það bil 8.000 at-
hugasemdir bárust Fast-
eignamati ríkisins vegna
nýja matsins. Flestir
þeirra sem kæra matið
telja að brunabótamat
húseigna sinna sé of lágt.
Nýja matið tók gildi 15.
september. Nokkurn tíma
tekur að kanna allar þess-
ar athugasemdir og telur
Haukur Ingibergsson, for-
stjóri Fasteignamatsins,
að það muni taka nokkra
mánuði. Meðal annars
þarf að skoða eignirnar.
Viðhorf
til lögregl-
unnar
kannað
ANNAR hver íbúi Reykjavík-
ur er ánægður með þjón-
ustu lögreglunnar. Flestir
Reykvíkinga telja sig örugga
þótt þeir séu einir á gangi í
sínu hverfi eftir miðnætti.
Þetta kemur fram í könnun
sem gerð var í sumar.
Kannað var viðhorf fólks til
afbrota og öryggis í borg-
inni.
Hringt var í 2.700 ein-
staklinga á aldrinum 18-80
ára. Spurt var hvernig þjón-
ustu fólk teldi lögregluna
veita í sínu hverfi. Rúmlega
50% töldu hana góða, en
um 20% sögðust telja hana
slæma. Fram kom að 3%
svarenda höfðu orðið fyrir
ofbeldisbroti á síðasta ári.
7 af hverjum 10 þeirra
töldu lögregluna hafa leyst
illa úr málinu.
Ingimundur Einarsson
varalögreglustjóri segir að
athugað verði hvað sé að í
þessu tilliti. „Svona niður-
staða kallar á það að við
spyrjum okkur að því hvað
við getum gert betur,“ sagði
hann.