Morgunblaðið - 26.02.2002, Blaðsíða 19

ERLENT
MORGUNBLAÐIÐ ÞRIÐJUDAGUR 26. FEBRÚAR 2002 19
DÓMSTÓLL í Pakistan fram-
lengdi í gær gæsluvarðhaldsúr-
skurð yfir sheikh Omar og tveimur
öðrum herskáum múslímum sem
taldir eru hafa tekið þátt í ráninu
og morðinu á
bandaríska
blaðamanninum
Daniel Pearl.
Búist hafði
verið við því að
mennirnir yrðu
ákærðir strax
fyrir morð og
mannrán. Dóm-
stóllinn ákvað
hins vegar að
fresta ákærunni og framlengja
gæsluvarðahaldsúrskurðinn um
hálfan mánuð til að lögreglan fengi
meiri tíma til að yfirheyra þá og
leita að líki Pearls, að sögn sak-
sóknara. Þeir sögðu að lögreglan
vildi einnig finna morðvopnið áður
en þeir yrðu ákærðir.
Mikil öryggisgæsla var við dóm-
húsið í Karachi þegar mennirnir
voru leiddir fyrir sérstakan
hryðjuverkadómstól. Sheikh Omar
kvartaði yfir því að lögreglan hefði
knúið hann til að undirrita autt
blað og skrifað síðan á það að hann
hefði játað á sig mannránið, að
sögn verjanda hans í gær. Hann
sagði að dómstóllinn hefði sagt
lögreglunni að beita ekki slíkum
aðferðum.
Sheikh Omar játaði fyrir rétti
14. febrúar að hann hefði skipulagt
mannránið en pakistanskir emb-
ættismenn sögðu síðar að játningin
dygði ekki til sakfellingar þar sem
hann hefði ekki verið eiðbundinn.
Saksóknarar skýrðu dómstóln-
um frá því að yfirvöld væru að
leita að sex öðrum mönnum sem
talið væri að hefðu tekið þátt í
mannráninu. Lögreglan telur að
flestir mannræningjanna hafi verið
í Afganistan um tíma til að styðja
talibana og grunur leikur á að þeir
tengist einnig al-Qaeda, samtökum
Osama bin Ladens.
Var í indversku
fangelsi í fimm ár
Tímaritið Newsweek skýrði frá
því á sunnudag að sheikh Omar
hefði verið ákærður í Bandaríkj-
unum og þarlend yfirvöld myndu
líklega óska eftir því að Pakistanar
framseldu hann. Bandaríkin hafa
ekki gert framsalssamning við
Pakistan en Donald H. Rumsfeld,
varnarmálaráðherra Bandaríkj-
anna, sagði þó að til greina kæmi
að óska eftir því að mannræningj-
arnir yrðu framseldir.
Sheikh Omar, fullu nafni Ahmed
Omar Saeed, var handtekinn 12.
febrúar, 20 dögum eftir að Pearl
hvarf í Karachi. Omar er kominn
af virtum kaupmönnum í borginni
Lahore þar sem hann var handtek-
inn. Hann fæddist árið 1973 í
London, þar sem faðir hans rak
verslun, og stundaði nám í London
School of Economics en útskrif-
aðist ekki.
Barðist í Bosníu
„Margir nánustu ættingjar hans
eru í góðum opinberum stöðum en
trú hans á jíhad, heilagt stríð,
leiddi hann út á aðrar brautir,“
sagði íslamskur klerkur í Karachi.
Faðir Omars sagði að þáttaskil
hefðu orðið í lífi hans þegar hann
hefði ákveðið að berjast með músl-
ímum gegn Serbum í Bosníu árið
1991. „Síðan hefur hann helgað líf
sitt baráttunni fyrir íslam.“
Eftir að hafa barist í Bosníu í
tvo mánuði hélt sheikh Omar til
Pakistans og dvaldi þar og í Afg-
anistan næstu tvö árin. Hann gekk
í hreyfinguna Harkat-ul Ansar,
sem hafði barist gegn sovéska her-
námsliðinu í Afganistan.
Hreyfingin barðist einnig gegn
indverskum yfirráðum í Kasmír og
sheikh Omar barðist þar þangað til
hann var handtekinn 1994 fyrir að
ræna ferðamönnum sem voru not-
aðir til að knýja Indverja til að
leysa skæruliða úr haldi. Honum
var sleppt úr indversku fangelsi í
desember 1999 að kröfu manna
sem rændu indverskri farþegaþotu
á leiðinni frá Nepal til Afganist-
ans.
Ákæru vegna morðs-
ins á Pearl frestað
Gæsluvarðhalds-
úrskurður yfir
sheikh Omar
framlengdur í
Pakistan
Karachi. AFP.
Daniel Pearl