Morgunblaðið - 26.02.2002, Blaðsíða 39

FRÉTTIR
MORGUNBLAÐIÐ ÞRIÐJUDAGUR 26. FEBRÚAR 2002 39
- S P E N N A N D I V A L K O S T U R -
NÖFN voru í vitlausri röð undir
mynd á blaðsíðu 2 í sunnudagsblaði
af Eldmóði, sem sigraði í Frístæl-
danskeppni Tónabæjar. Rétt röð er
f.v. Emilía Ottesen, Ólöf Helga
Gunnarsdóttir, Hildur Jakóbína
Tryggvadóttir, Katrín Gunnarsdótt-
ir, Hugrún Árnadóttir, Eva Dögg
Ingimarsdóttir og Heiða Björk Ingi-
marsdóttir. Beðist er velvirðingar á
mistökunum.
Ranglega farið
með föðurnafn
Ranglega var farið með föðurnafn
Guðmundar Einarssonar, forstjóra
Heilsugæslunnar í Reykjavík, í frétt
sem birtist í Morgunblaðinu á laug-
ardaginn. Beðist er velvirðingar á
þessum mistökum.
LEIÐRÉTT
HEIMAHLYNNING verður
með samverustund fyrir að-
standendur í dag, þriðjudaginn,
26. febrúar kl. 20-22 í húsi
Krabbameinsfélags Íslands,
Skógarhlíð 8.
Bragi Skúlason, sjúkrahús-
prestur á Landspítala við
Hringbraut, fjallar um sorg
karla. Kaffi og meðlæti verður
á boðstólum, segir í fréttatil-
kynningu.
Opið hús
hjá Heima-
hlynningu
SKÓGRÆKTARFÉLÖGIN á höf-
uðborgarsvæðinu halda opinn
fræðslufund í sal Ferðafélags Ís-
lands, Mörkinni 6, í dag, þriðjudag-
inn 26. febrúar kl. 20. Fundurinn er
í umsjón Skógræktarfélags Íslands.
Þetta er fyrsti fræðslufundur
ársins í fræðslusamstarfi skógrækt-
arfélaganna og Búnaðarbanka Ís-
lands.
Til umfjöllunar verður ferð skóg-
ræktarfólks til Alaska haustið 2001.
73 þátttakendur fóru til Alaska á
vegum Skógræktarfélags Íslands
og Landssamtaka skógareigenda.
Skógfræðingarnir Jón Geir Pét-
ursson og Aðalsteinn Sigurgeirsson
segja frá ferðinni og sýna myndir.
Einnig verður kynning á fyr-
irhuguðu fræðslustarfi skógrækt-
arfélanna á árinu. Aðgangur er
ókeypis og allir velkomnir á meðan
húsrými leyfir og verður boðið upp
á kaffi í hléi.
Til Alaska hafa verið sóttar fjöl-
margar trjá- og runnategundir,
sem miklu skipta í skógræktar-
starfinu hér á landi. Margar þess-
ara tegunda hafa þótt henta af-
bragðsvel hér á landi. Í ferðinni
fékkst gott tækifæri til að skoða
þær í náttúrulegum heimkynnum,
ásamt því að fá innsýn í náttúrufar
svæðisins, segir í fréttatilkynningu.
Leiðangursmenn í Matanuskadalnum.
Opið hús skóg-
ræktarfélaganna
FÉLAGSMÁLARÁÐUNEYTIÐ,
Jafnréttisráð, Jafnréttisstofa og
Vinnumálastofnun boða til málþings
um launamun kynjanna fimmtudag-
inn 28. febrúar kl. 13-17 í Borgartúni
6 (Rúgbrauðsgerðinni).
Þau erindi sem þar verða flutt eiga
það sameiginlegt að vera til þess fall-
in að benda á leiðir og aðferðir sem
hægt er að beita til útrýmingar
þessa launamunar. Málþingið er öll-
um opið en sérstaklega er boðið þeim
sem starfs síns og stöðu vegna koma
að ákvörðunum sem skipt geta miklu
varðandi þennan vanda.
Erindi halda: Páll Pétursson, fé-
lagsmálaráðherra, Jón Scheving
Thorsteinsson, framkvæmdastjóri
verslunar- og þjónustusviðs Baugs,
Kjartan Ólafsson frá Rannsókna-
stofnun Háskólans á Akureyri, Alda
Sigurðardóttir, fræðslustjóri Verzl-
unarmannafélags Reykjavíkur, Val-
gerður Magnúsdóttir, starfsmaður
Fjölskylduráðs, Svali H. Björgvins-
son, ráðgjafi hjá Pricewaterhouse-
Coopers. Málþingsstjóri er Elín R.
Líndal, formaður Jafnréttisráðs.
Þátttaka tilkynnist til Gestamót-
tökunnar ehf. í síðasta lagi fyrir 27.
febrúar í síma eða á netfangi, gesta-
mottakan@yourhost.is
Léttar veitingar. Málþingsgjald er
kr. 2.000, segir í fréttatilkynningu.
Málþing um
launamun kynjanna
MORGUNBLAÐINU hefur borist
eftirfarandi athugasemd frá Guð-
mundi Ólafssyni lektor viðskipta- og
hagfræðideild Háskóla Íslands.
„Morgunblaðið birti frétt föstu-
daginn 1. febrúar um kynningu á
meistaraprófsritgerð nemanda í við-
skipta- og hagfræðideild. Kynningin
fór fram deginum áður í Odda. Í
fréttinni kom fram að ritgerðin
hefði ekki átt að „ná þetta langt“.
Rætt hafði verið við einn af starfs-
mönnum deildarinnar en ekki hafði
verið rætt við þá sem málið snerti. Í
framhaldi af kynningunni var rit-
gerðin metin. Prófdómari var
Brynjólfur Sigurðsson, prófessor.
Við Brynjólfur komumst að þeirri
niðurstöðu að ekki bæri að hafna
ritgerðinni og í öðru lagi vorum við
sammála um einkunn.
Til þess að taka af öll tvímæli í
þessum efnum bar ég fram fyrir-
spurn á næsta deildarfundi við-
skipta- og hagfræðideildar sem var
haldinn síðastliðinn föstudag, 22.
febrúar. Spurði ég hvort einhverjar
athugasemdir væru við embættis-
færslu mína og prófdómara í þessu
efni. Svo reyndist ekki vera en for-
maður viðskiptaskorar lýsti yfir
ánægju sinni með niðurstöðuna.“
Athugasemd frá
Guðmundi Ólafssyni
AÐALFUNDUR Foreldrafélags
misþroska barna vegna reiknings-
ársins 2001 verður haldinn miðviku-
daginn 27. febrúar kl. 20 í Safn-
aðarheimili Háteigskirkju. Á dag-
skrá eru hefðbundin aðalfundar-
störf.
Gestur fundarins verður Páll
Magnússon, sálfræðingur og verk-
efnisstjóri, sem segir frá einstakri
rannsókn á erfðum ofvirkni.
Fundurinn er opinn öllum fé-
lögum, segir í fréttatilkynningu.
Aðalfundur
Foreldrafélags
misþroska barna
NÁMSKEIÐ um plöntuvernd
verður haldið í húsakynnum
skólans í Garðyrkjuskólanum
Reykjum í Ölfusi, föstudaginn
1. mars kl. 9–16.15.
Á námskeiðinu verður m.a.
fjallað um breytingar á reglu-
gerð um varnarefni, meðferð á
plöntuvarnarefnum, nýja tækni
við illgresiseyðingu (gasbrenn-
arar, gufutæki o.fl.), lífrænar
varnir gegn sjúkdómum og
meindýrum og sjúkdóma á trjá-
plöntum. Einnig er fjallað um
illgresiseyðingu og sveppasjúk-
dóma á trjágróðri og lífrænar
varnir og hringrásakerfi í gróð-
urhúsum. Leiðbeinendur
verða: Björn Gunnlaugsson, til-
raunastjóri og Sveinn Aðal-
steinsson, skólameistari Garð-
yrkjuskólans, Magnús Á.
Ágústsson og Garðar R. Árna-
son, garðyrkjuráðunautar
Bændasamtaka Íslands, Jón
Guðmundsson, sérfræðingur
hjá RALA, Þorkell Gunnars-
son, skrúðgarðyrkjumeistari
og Svavar Björgvinsson, sölu-
maður hjá Garðheimum, ásamt
fleiri sérfræðingum á þessu
sviði.
Skráning fer fram á skrif-
stofu Garðyrkjuskólans eða í
gegnum netfangið; mhh@reyk-
ir.is, segir í fréttatilkynninu.
Námskeið um
plöntuvernd
TVÖ námskeið um vefjagigt eru að
hefjast hjá Gigtarfélagi Íslands, í
húsnæði félagsins að Ármúla 5, ann-
arri hæð. Um er að ræða þriggja
kvölda námskeið sem byrja bæði
sama kvöld, miðvikudagskvöldið 6.
mars.
Fjallað verður um sjúkdóminn,
einkenni hans og áhrif á daglegt líf,
mikilvægi þjálfunar, slökun, aðlögun
að breyttum aðstæðum í tengslum
við iðju, tilfinningalega, félagslega og
samfélagslega þætti. Langvinnum
sjúkdómum fylgja ekki einungis lík-
amleg einkenni heldur hafa þeir
einnig tilfinningaleg og félagsleg
áhrif.
Leiðbeinendur á námskeiðunum
verða Arnór Víkingsson og Árni Jón
Geirsson, gigtarsérfræðingar, Sól-
veig Hlöðversdóttir, sjúkraþjálfari,
Unnur Stefanía Alfreðsdóttir, iðju-
þjálfi, Jónína Björg Guðmundsdóttir
og Svala Björgvinsdóttir, félagsráð-
gjafar. Skráning fer fram á skrifstofu
Gigtarfélags Íslands. Þar er einnig
hægt að fá frekari upplýsingar um
námskeiðin, segir í fréttatilkynningu.
Vefjagigtarnámskeið