Morgunblaðið - 26.02.2002, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 26. FEBRÚAR 2002 VERÐ Í LAUSASÖLU 190 KR. MEÐ VSK.
Morgunblaðið/Kristinn
Kuldaboli gefur ekki eftir
ÞAÐ er búið að vera kalt á landinu
og ekkert útlit fyrir að það breytist
á næstunni. Spáð er niður undir tíu
stiga frosti úti við ströndina síðar í
vikunni og frostið inn til landsins
getur farið niður undir tuttugu stig-
in. Það er því jafngott að klæða sig
vel og þreyja góuna eins og þorrann.
FORSTÖÐUMANNI Þjóðmenning-
arhúss við Hverfisgötu, Guðmundi
Magnússyni, var í gær veitt tíma-
bundin lausn frá embætti. Davíð
Oddsson forsætisráðherra upplýsti
um þetta við umræður utan dagskrár
um málefni Þjóðmenningarhúss og
Þjóðskjalasafns á Alþingi í gær.
Forsætisráðherra sagðist í gær
hafa sent forstöðumanni Þjóðmenn-
ingarhúss bréf þar sem honum væri
þetta tilkynnt, enda hefðu komið í ljós
alvarlegar athugasemdir á embættis-
færslur hans og fyrir lægi að embætti
ríkissaksóknara teldi greinargerð
Ríkisendurskoðunar gefa sér tilefni
til þess að kanna sérstaklega hvort
ástæða væri til þess að fram færi op-
inber rannsókn á embættisfærslum
forstöðumannsins.
„Með vísan til framangreindrar
greinargerðar Ríkisendurskoðunar
og þeirra athugasemda sem stofnunin
gerir varðandi embættisfærslu yðar
og yfirlýsingar stjórnar Þjóðmenn-
ingarhússins um upplýsingagjöf yðar
til hennar, er yður hér með veitt lausn
frá embætti um stundarsakir skv. 3.
mgr. 26. gr. laga nr. 70/1996, um rétt-
indi og skyldur starfsmanna ríkisins.
Ákvörðun þessi er hér með birt yð-
ur og öðlast þegar gildi,“ segir enn-
fremur í bréfi forsætisráðherra til
forstöðumanns Þjóðmenningarhúss.
Fram kom í máli forsætisráðherra
að Sveinn Einarsson, fyrrverandi
þjóðleikhússtjóri, tæki við starfinu
um stundarsakir. Hann benti aukin-
heldur á að Ríkisendurskoðun hefði
gert alvarlegar athugasemdir við
embættisfærslur forstöðumanns
Þjóðmenningarhúss, einkum að því er
varðaði fjársýslu fyrir stofnunina.
Sem fyrstu viðbrögð við þessum at-
hugasemdum hefði hann sent for-
stöðumanninum þegar í stað erindi
þar sem fram hefði komið að fallist
væri á niðurstöður Ríkisendurskoð-
unar og í mörgum tilvikum talið að
um ámælisverða framkvæmd hefði
verið að ræða. Jafnframt hefði komið
fram að ráðuneytið teldi mikilvægt að
úr öllum þessum annmörkum yrði
þegar bætt og mannahaldi og ákvörð-
unum um greiðslur til einstaklinga
fyrir einstök verk hagað þannig að
hafið væri yfir allan vafa.
„Ekkert í þessu erindi gat hins veg-
ar gefið forstöðumanninum eða öðr-
um tilefni til að ætla að um lyktir
málsins væri að ræða,“ sagði Davíð og
benti á að ráðuneytinu hefði verið
„bæði rétt og skylt að taka sér lengri
tíma til þess að kanna hvaða ráðstaf-
anir misfellur af þessu tagi gæfu til-
efni til og eftir atvikum, samkvæmt
stjórnsýslulögum, að gefa forstöðu-
manninum tækifæri til þess að koma
sínum sjónarmiðum og andmælum á
framfæri.“
Forstöðumaður Þjóðmenningarhússins
Veitt tímabundin
lausn frá störfum

Forstöðumanni/10
RÚMLEGA klukkustund leið frá því
að varðskipið Týr heyrði stutt,
ógreinilegt neyðarkall þar til varð-
skipsmenn fengu staðfestingu frá Til-
kynningaskyldu um að Bjarmi VE
hefði horfið úr sjálfvirkri tilkynninga-
skyldu um 10 sjómílur vestur af Þrí-
dröngum kl. 10.44 á laugardagsmorg-
un.
Halldór Nellett, skipherra á Tý,
heyrði neyðarkallið klukkan 10.57 og
hóf þegar eftirgrennslan en þrátt fyr-
ir ítrekaðar fyrirspurnir til Tilkynn-
ingaskyldunnar um að kanna hvort
eitthvað væri athugavert og hvaða
skip væru í nágrenninu fékk hann
ekki upplýsingar um Bjarma fyrr en
klukkan 11.52. Þá voru það skipverjar
á Skálafelli ÁR-50 sem létu varð-
skipsmenn vita af því að Bjarmi hefði
haldið úr höfn í Vestmannaeyjum um
morguninn. Halldór hringdi þá í Til-
kynningaskyldu sem staðfesti að
Bjarmi hefði horfið af ratsjá klukkan
10.44. Halldór lét þá þegar kalla út
þyrlu Landhelgisgæslunnar.
Aðspurður hvers vegna Landhelg-
isgæslunni var ekki tilkynnt fyrr að
Bjarmi VE hefði horfið úr sjálfvirku
tilkynningaskyldunni sagði Valgeir
Elíasson, upplýsingafulltrúi Lands-
bjargar, að verið væri að kanna málið.
Afla þyrfti gagna og funda með Land-
helgisgæslunni um málið. Hann bjóst
við að niðurstöður lægju fyrir síðdeg-
is í dag.
Það þykir ganga kraftaverki næst
að þeir Hilmar Þór Jónsson og Þor-
steinn Kr. Ingimarsson skyldu lifa
slysið af en um 2½ klukkustund leið
frá því Bjarmi sökk og þar til þeir
voru komnir um borð í TF-SIF. Á
meðan héngu þeir á leifum af gúmmí-
björgunarbáti sem hafði sprungið
þegar mastur af Bjarma skall á bátn-
um. Líkamshiti Þorsteins var um 27
gráður þegar komið var með hann til
Eyja og er talið að hann hefði ekki lif-
að margar mínútur til viðbótar í sjón-
um. Hilmar Þór sagði í samtali við
Morgunblaðið að hann hefði verið bú-
inn að gefa upp vonina um björgun
þegar hann sá Orion-flugvél varnar-
liðsins á Keflavíkurflugvelli og stuttu
síðar TF-SIF nálgast úr fjarska.
„Þetta var einhver sú fallegasta sýn
sem ég hafði nokkurn tíma séð,“ sagði
hann.
Meira en klukkustund frá neyðarkalli Bjarma til útkalls
Ítrekað hringt í
Tilkynningaskyldu

Klukkustund leið/26–27
LÖGREGLAN í Reykjavík hefur
nú til rannsóknar hjá embætti Rík-
islögreglustjóra mál lögreglumanns
sem grunaður er um umferðarlaga-
brot með því að hafa ekið um á
einkabifreið sinni sem hann hafði
lagt númerin inn af en með þeim
ráðstöfunum bifreiðaeigenda eru
ekki innheimt trygginga- og bif-
reiðagjöld.
Málið kom upp með þeim hætti
að lögreglan stöðvaði bifreiðina við
venjulegt eftirlit á þessu ári og kom
þá í ljós að samkvæmt bifreiðaskrá
áttu skráningarnúmer bifreiðarinn-
ar að liggja inni. Í ljós kom enn-
fremur að eigandi ökutækisins var
lögreglumaður. Þar sem númera-
skiltin voru á bifreiðinni þrátt fyrir
að þau væru skráð í geymslu er
rannsakað hvort eigandi bifreiðar-
innar hafi átt sér vitorðsmann hjá
viðkomandi skráningarstofu, sem
hafi aðstoðað við að skrá ökutækið
númerslaust án þess að láta fjar-
lægja sjálfar númeraplöturnar.
Hörður Jóhannesson yfirlög-
regluþjónn segir að lögreglan rann-
saki málið eins og hvert annað til-
vik af þessu tagi en líti það
alvarlegum augum að lögreglumað-
ur skuli eiga í hlut.
Mál lög-
reglumanns
í rannsókn
Rannsókn hætt á
meintum brotum
EFNAHAGSBROTADEILD Ríkis-
lögreglustjóra hefur hætt rannsókn
á meintum innherjaviðskiptum
bankastjóra og stjórnenda Búnaðar-
bankans með hlutabréf í Pharmaco,
þar sem málið sé ekki líklegt til sak-
fellis. Rannsókn á hendur einstak-
lingum, sem störfuðu í bankanum,
verður hins vegar haldið áfram.
Í bréfi saksóknara til viðskipta-
ráðherra segir að fyrir liggi að trún-
aðarupplýsingar um Pharmaco hafi
legið fyrir hjá stjórnendum innan
bankans sem önnuðust m.a. fjárfest-
ingar af hálfu bankans og að stjórn-
endur bankans hafi ekki gætt að
þeim aðskilnaði á milli sviða bankans
sem gert sé ráð fyrir í lögum.
Saksóknari vísar hins vegar til ný-
legs dóms varðandi ætluð innherja-
svik stjórnarmanns í Skeljungi sem
komst að þeirri niðurstöðu að þrátt
fyrir að sannað væri að innherji hefði
búið yfir trúnaðarupplýsingum
þyrfti einnig að liggja fyrir sönnun
um ásetning til að hagnast í skjóli
upplýsinganna. Að áliti Ríkissak-
sóknara muni reynast torvelt að
sýna fram á slíkan ásetning og því
hafi þeim dómi ekki verið áfrýjað. Í
ljósi þessa sé mál stjórnenda Bún-
aðarbankans ekki líklegt til sakfellis.
Valgerður Sverrisdóttir segir
ákvörðunina ekki koma á óvart í ljósi
dómsins í Skeljungsmálinu. ,,Það
liggur engu að síður ótvírætt fyrir að
forsvarsmenn Búnaðarbankans
bjuggu yfir trúnaðarupplýsingum en
vegna þess að lögin eru eins og raun
ber vitni þá virðist þarna ekki vera
um ólöglegt athæfi að ræða. Þessu
máli er þar með lokið,“ sagði hún.

Ekki/6
Hjón með ung-
barn aðstoðuð
í aftakaveðri
AFTAKAVEÐUR var í austanverð-
um Skagafirðinum seinnipartinn í
gær og varð að kalla út björgunar-
sveitina á Sauðárkróki til að aðstoða
fólk sem átti í erfiðleikum á bíl ut-
anvert í Blönduhlíðinni og komst
ekki leiðar sinnar vegna veðursins.
Fylgdi björgunarsveitin fólkinu,
hjónum með ungbarn, í Varmahlíð.
Þá fauk vagn aftan í dráttarbíl og
hvolfdi á þjóðveginum um Blöndu-
hlíð nokkru síðar. Nokkurn tíma tók
að koma vagninum, sem er ónýtur, af
veginum en ekki urðu slys á fólki.
Innritun
úr skorðum
LÍKLEGT er að tímasetningar
vegna innritunar í framhalds-
skólana næsta sumar fari úr skorð-
um vegna þess að grunnskólar út-
skrifa nemendur í sumar síðar en
verið hefur eða ekki fyrr en
snemma í júnímánuði.
Þorsteinn Þorsteinsson, formað-
ur Skólameistarafélags Íslands,
sagði að þetta væri svolítið ný staða
sem þeir stæðu frammi fyrir. Yf-
irleitt hefði verið lokið við innritun
í byrjun júní, en nú væri fyr-
irsjáanlegt, með lengingu grunn-
skólans, að þetta myndi dragast,
þ.e.a.s. að nemendur 10. bekkjar
gætu lagt fram skírteini sín með
samræmdum einkunnum og skóla-
einkunnum.
Þorsteinn sagði að menn hefðu
verið að ræða þetta sín á milli hvað
hægt væri að gera og hvaða tími
gæfist til innritunarinnar. „Við er-
um að leita skynsamlegra lausna og
munum áreiðanlega komast að ein-
hverri góðri niðurstöðu,“ sagði
Þorsteinn.
♦ ♦ ♦