Morgunblaðið - 12.07.2002, Qupperneq 3
Mús
in er mætt með
betra
verð í Smáralind
Farðu inná mbl.is og taktu
þátt í ljósmyndasamkeppn
i ársins. Frábær
verðlaun frá meisturum st
afrænnar
ljósmyndunnar!
ÉG er í Converse-skóm sem ég keypti í
Kringlunni í haust, en mig hafði alltaf
langað í svona skó,“ segir Heiða Kristín
Helgadóttir, þegar hún byrjar að lýsa
klæðnaði dagsins. „Svo er ég í svörtum
buxum sem eru eldgamlar, ég fékk þær
einhverntímann í jólagjöf, þær eru
mjög fínar, passa við allt. Ég keypti bol-
inn í fyrra og mér finnst hann mjög lýs-
andi fyrir mig, mér finnst hann þægi-
legur og hann getur bæði verið fínn og
ekki fínn.“ Þá er Heiða í gallajakka og
með tösku þar sem hún geymir það sem
hún þarf fyrir daginn, ,,og svo er það
úrið sem kærastinn minn gaf mér í af-
mælisgjöf. Það er DKNY og ég held að
þetta sé eina merkjavaran sem ég á,
hann er nefninlega mikill merkjamað-
ur, en ég er það ekki,“ segir Heiða hlæj-
andi. „Svo er ég líka með armband sem
ég fékk í Ameríku og arabískan hring
sem er frá systur minni.“
Myndirðu segja að tískan hafi áhrif á
hvernig þú klæðir þig?
„Ég veit það ekki alveg. Ég átta mig
alveg á því hvað er í gangi og ég held að
hún hafi áhrif á mig, ef mér finnst það
sem er í tísku fallegt. Þegar ég var
yngri tók ég ekki svo mikið þátt í tísk-
unni, átti til dæmis aldrei Buffalo-skó
og ég hef aldrei verið skoppari, eins og
var mjög algengt þegar ég var í 8., 9. og
10. bekk. Það hefði bara ekki passað
mér, ég hefði verið asnalegur skoppari.
En núna finnst mér ofboðslega falleg
tíska í gangi, rómantísk og svolítið
sveitó. Ég er sem sagt mjög ánægð með
tískuna núna, hún hentar mér vel,“ seg-
ir Heiða brosandi og bætir því við það
hljóti alltaf að vera persónubundið hvað
fólk tekur inn af tískunni. „Manni þarf
að finnast það flott og það þarf líka að
passa manni. Ég veit sjálf mjög vel hvað
mér finnst flott og ég hef ekki mikið
verið að breyta mínum stíl eftir því
hvað er vinsælt. Mér finnst ekkert mjög
spennandi að vera með eitthvað sem all-
ir eru með og ég held að fólki finnist yf-
irleitt hallærislegt að hitta einhvern í
nákvæmlega eins fötum,“ segir Heiða.
Heiða Kristín 19 ára
Heiða Kristín Helgadóttir, 19 ára nemi í
Menntaskólanum við Hamrahlíð.
Falleg tíska í
gangi núna
DAGLEGT LÍF
MORGUNBLAÐIÐ FÖSTUDAGUR 12. JÚLÍ 2002 B 3
Hans Orri Kristjánsson, 22 ára
nemi í ljósmyndun.
ÉG er í Dolce & Gabbana-bol sem eiginkona
mín gaf mér, hún hefur væntanlega keypt
hann sjá Sævari Karli,“ segir Magnús Þór
Gylfason, aðspurður um þær flíkur sem
hann klæðist í dag. ,,Þá eru það svartar
flauelsbuxur sem ég keypti í Danmörku og
skórnir eru nýir, OXO-skór keyptir í GK, al-
veg sérstaklega þægilegir,“ segir Magnús.
Fylgist þú með tískunni?
„Ég held að ég geri það ómeðvitandi og
óbeint, meðal annars í gegnum konuna mína
– sem er svona frekar mikið tískufrík,“ segir
Magnús og hlær. „Hún kaupir tískublöð inn
á heimilið og ég fletti þeim og hef gaman af
– hef reyndar alltaf haft. Mamma mín vann
sem hárgreiðslumeistari – var þar af leið-
andi í tískubransanum – og þegar ég var lít-
ill voru alltaf til tískublöð eins og Vogue
heima. Ég fletti þeim og þannig hef ég í
gegnum tíðina fylgst með og myndað mér
skoðanir á hlutunum. Ég var samt orðinn
svona tólf ára þegar ég byrjaði að pæla í því
hverju ég klæddist, eins og ég held að sé al-
gengt með stráka, svona um það leyti sem
við förum að taka eftir hinu kyninu.“
Þegar Magnús veltir því fyrir sér hvort
tískan hafi áhrif á klæðaburð hans, segir
hann svarið án efa já. Hann álítur sig þó
ekki eitthvert „fól tískunnar“, en hins vegar
segist hann gjarnan staldra við þegar hann
skoðar gömul föt af sér.
„Það hlýtur að vera sönnun á því að tísk-
an hafi sín áhrif, að föt sem manni þóttu
mjög flott á sínum tíma, verði síðan jafn
hallærisleg og raun ber vitni.“
Hvernig hefur þinn stíll þróast með ár-
unum?
„Ég held að ég hafi gengið í gegnum frek-
ar mörg tímabil hvað þetta varðar. Þegar ég
var unglingur hafði ég gaman af því að prófa
ýmislegt, var með sítt hár til dæmis og átti
kúrekastígvél. Ég var líka rokkari, gekk í
rifnum gallabuxum og í MH átti ég Harley
Davidson-jakka, sem ég var alltaf í, og stíg-
vél í stíl,“ segir Magnús og minnist þess að
hafa verið ginnkeyptari fyrir tískunni og
straumum hennar sem unglingur. „Þegar
maður er yngri er maður frekar leitandi og
svo slappar maður smám saman af og finnur
sér sinn eigin stíl,“ segir Magnús að lokum.
Magnús Þór Gylfason, 28 ára framkvæmdastjóri og
nemi í Háskólanum í Reykjavík.
Að finna sinn
eigin stíl
Magnús Þór 28 ára