Morgunblaðið - 12.07.2002, Blaðsíða 8

AUÐLESIÐ EFNI
8 FÖSTUDAGUR 12. JÚLÍ 2002 MORGUNBLAÐIÐ
LANDSMÓT hestamanna
tókst mjög vel að sögn
móts-haldara. Mótið var
haldið að Vindheima-melum
í Skagafirði. Tæplega átta
þúsund manns komu á
mótið. Heiðurs-gestir á
mótinu voru Ólafur Ragnar
Grímsson, forseti Íslands,
og Anna Breta-prinsessa.
Hún hefur mikinn áhuga á
hestum og hestamennsku.
Anna tók á móti hesti handa
fötluðum börnum í Bretlandi.
Sér-saumaður hnakkur fyrir
fötluð börn fylgdi gjöfinni.
Gefandi var Landsmót ehf.
fyrir hönd fatlaðra barna á
Íslandi. Á myndinni má sjá
prinsessuna virða fyrir sér
hnakkinn.
Morgunblaðið/Þorkell
Vel heppnað landsmót
Afganistan hefur þurft að
þola miklar hörmungar
vegna átaka milli
þjóð-flokka, og pastúnar,
sem Qadir tilheyrði, er
fjölmennastur. Þess vegna
komst Qadir upphaflega til
valda.
Qadir er annar ráðherrann
sem er myrtur af
skæru-liðum í Afganistan frá
því að stjórn talibana var
hrakin frá völdum. Greinilegt
er að ráðherrar eru í
lífshættu í landinu, þrátt fyrir
að alþjóðlegt friðargæslu-lið
sé nú í landinu til þess að
tryggja öryggi ráða-manna.
VARA-FORSETI Afganistans,
Haji Abdu Qadir, var myrtur á
laugardags-morgun. Hann
var á leið í bíl sinn úr
skrifstofubyggingu þegar
tveir menn skutu að honum
og drápu. Þeir höfðu falið
sig í runna við bygginguna.
Qadir var einn af þremur
vara-forsetum Afganistans.
Hann var einnig ráðherra
opinberra framkvæmda.
Hann var bróðir þekkts
skæruliða-foringja, sem var
hengdur í fyrra. Þeir bræður
voru af þjóð-flokki pastúna,
sem eru stærsti þjóð-flokkur
í Afganistan.
Vara-forseti Afg-
anistans myrtur
HIÐ árlega nauta-hlaup fer
fram í Pamplona á Spáni
þessa dagana. Að vanda
mætir fjöldi manns til þess
að hlaupa undan hópi trylltra
tudda, sem æða um götur
bæjarins. Alls er um ein
milljón gesta á hátíðinni. Á
hverju ári slasast nokkrir
hlauparar í glæfraganginum.
Þó hefur enginn látið lífið
síðan 1995. Hér á myndinni
má sjá hlauparana og nautin
á götunni í gærmorgun. Reuters
Trylltir
tuddar
NÝTT samband,
Afríku-sambandið, var
stofnað í Suður-Afríku
á þriðjudag.
Sambandið leysir af
hólmi Einingar-samtök
Afríku, sem stofnuð
voru árið 1963. Nýja
sambandið er mun
valdameira en það
eldra. Til dæmis mun
það geta haft afskipti af
innanríkis-málum Afríkuríkja
og hyggst einnig stofna friðar-
og öryggis-ráð, Afríkuþing,
sameiginlegan dómstól og
seðlabanka.
Sambandið verður undir
yfirstjórn þjóð-höfðingja
landanna. Um fjörutíu
þjóð-höfðingjar mættu, en ríki
Afríku eru 53. Sambandið er
sniðið að fyrirmynd
Evrópu-sambandsins.
Nokkrir hafa efast um að
sambandið muni virka sem
skyldi, og að leiðtogar
ríkjanna vilji afsala sér valdi
til sambandsins.
Gagnrýnendur stofnunar
sambandsins benda einnig
á, að margir leiðtogar
Afríkuríkja séu ekki
trúverðugir og þess vegna
muni sambandið ekki öðlast
nægilegan styrk. Hér á
myndinni má sjá dansara úr
Zulu-þjóðflokknum á
fundinum en í baksýn eru
fánar Afríkuríkjanna.
Reuters
Afríku-sam-
bandið stofnað
SKAFTÁR-HLAUP hófst
aðfara-nótt mánudags. Á
mánudags-kvöld hafði rennsli
í ánni fimmfaldast á tæpum
sólarhring. Tímasetning
hlaupsins er að sögn
sér-fræðinga eðlileg, oftast í
júlí til september. Vatnið úr
ánni flæðir yfir mosavaxið
hraun og fyllir það af sandi.
Þess vegna er von á sandfoki
að hlaupinu loknu.
Tveir vatna-mælingamenn
fengu brennisteins-eitrun
þegar þeir sváfu í skála
nálægt Skaftá á miðvikudag.
Gufur frá ánni voru meiri en
áður vegna logns, og fundu
mennirnir fyrir óþægindum í
hálsi og sviða í augum. Þeir
voru fluttir á slysadeild, en
munu jafna sig fljótlega.
Morgunblaðið/Brynjar Gauti
Hlaup í
Skaftá BRESK stjórnvöld ætla aðbreyta reglum um
eiturlyfja-notkun. Reglur um
kannabis-neyslu verða
rýmkaðar á þann veg, að
heimilt verður að neyta
efnisins og fólk verður ekki
handtekið við að hafa efnið í
fórum sínum. Ástæða
breytinganna er, að sögn
ráðamanna, að gefa lögreglu
svigrúm til þess að einbeita
sér að sterkari efnum, til
dæmis kókaíni og heróíni.
Þrátt fyrir breytingarnar eru
bresk stjórnvöld alfarið á
móti eiturlyfja-neyslu.
Hass leyft í
Bretlandi
Netfang: auefni@mbl.is