Morgunblaðið - 23.07.2002, Blaðsíða 2

ÍÞRÓTTIR
2 B ÞRIÐJUDAGUR 23. JÚLÍ 2002 MORGUNBLAÐIÐ

VILHJÁLMUR R. Vilhjálmsson,
knattspyrnumaður úr Stjörnunni,
skoraði sitt fimmta mark úr auka-
spyrnu á þessu tímabili þegar lið
hans gerði jafntefli, 2:2, við Sindra í
1. deildinni. Vilhjálmur gerði sig-
urmarkið gegn Sindra, 1:0, í fyrri
umferðinni á sama hátt og gerði
síðan óvenjulega þrennu úr auka-
spyrnum þegar Stjarnan gerði
jafntefli, 3:3, við ÍR.

VILHJÁLMUR sýndi einnig svip-
uð tilþrif þegar hann lék með Xiang
Xue í úrvalsdeildinni í Hong Kong
síðasta vetur. Þá skoraði hann þrí-
vegis úr aukaspyrnum fyrir lið sitt.

ÓLAFUR Gottskálksson var fyr-
irliði enska knattspyrnuliðsins
Brentford á laugardaginn þegar
það vann utandeildafélagið Maiden-
head, 2:0, í æfingaleik. Ólafur hafði
lítið að gera í markinu en bjargaði
þó einu sinni vel snemma í leiknum.

ATLI Sveinn Þórarinsson og fé-
lagar í Örgryte eru áfram efstir í
sænsku úrvalsdeildinni í knatt-
spyrnu eftir jafntefli, 1:1, við
Sundsvall á útivelli á sunnudaginn.
Atli, sem spilaði þrátt fyrir veikindi
vegna skordýrabits alla vikuna á
undan, var tekinn af velli á 75. mín-
útu. Þá var fækkað í vörninni eftir
að Sundsvall komst yfir og Bras-
ilíumaðurinn Afonso Alves náði að
jafna fyrir Örgryte áður en yfir
lauk.

STEINGRÍMUR Jóhannesson,
sóknarmaður Fylkis, skoraði á
sunnudaginn sitt 20. mark í bikar-
keppni KSÍ þegar Árbæingar lögðu
ÍA, 4:1. Steingrímur hefur skorað í
öllum þremur umferðum bikarsins í
ár, eitt mark í hverri.

ÓLAFUR B. Lárusson, sem þjálf-
að hefur handknattleikslið Gróttu/
KR í karlaflokki undanfarin ár, hef-
ur ákveðið að taka sér hlé frá þjálf-
un meistaraflokks karla á næstu
leiktíð. Þess í stað ætlar Ólafur að
þjálfa 2. og 3. flokk karla hjá Aftur-
eldingu og hefur gert samning við
félagið þar um.

FJÓRIR íslenskir skíðamenn
dvelja í æfingabúðum á Kaprun-
jökli í Austurríki 21.–28. júlí. Búð-
irnar eru á vegum Alþjóðaskíða-
sambandsins og eru ætlaðar
efnilegu skíðafólki frá smáþjóðum í
íþróttinni. Ísland á fulltrúa í búð-
unum í fjórða skipti en þau sem
fara eru Elvar Þrastarson úr
Fram, Guðrún Jóna Arinbjarnar-
dóttir úr Víkingi og þau Andri Már
Kjartansson og Kristín Birna Inga-
dóttir úr Breiðabliki.

SVEINN Margeirsson, hlaupari
úr Tindastóli, kom fyrstur í mark í
1.500 m og 3.000 m hlaupi á Valbo-
leikunum í Gävle um helgina.
Sveinn hljóp 1.500 m á 3.56,01 mín.,
og var hálfri fimmtu sekúndu á
undan næsta manni. Í 3.000 m
hlaupinu kom Sveinn í mark á
8.29,38 og var um 15 sekúndum á
undan lettneskum hlaupara sem
var annar í mark.

ÞORSTEINN Ingvarsson, úr
HSÞ, bætti Íslandsmetið í lang-
stökki í 14 ára flokki á Meistara-
móti Íslands 12 til 14 ára sem fram
fór á Dalvík um helgina. Þorsteinn
stökk 6,16 m og bætti fyrra met um
5 cm.

PÉTUR Freyr Pétursson, ellefu
ára kylfingur úr GR, verður á meðal
keppenda á heimsmeistaramóti US
Kids Golf í Williamsburg í Virginia
í Bandaríkjunum 31. júlí.

ERIK Solér, umboðsmaður og
fyrrverandi norskur landsliðsmað-
ur í knattspyrnu, ráðleggur Espen
Johnsen, hinum efnilega markverði
hjá Rosenborg, að yfirgefa félagið
sem fyrst. Johnsen fær engin tæki-
færi með aðalliði norsku meistar-
anna vegna frammistöðu Árna
Gauts Arasonar. „Espen verður að
komast að hjá aðalliði í efstu deild.
Hann staðnar bara á að spila með
varaliði í 2. deild,“ sagði Solér við
norska blaðið Fædrelandsvennen.
FÓLK
Aðstæður voru góðar á Akureyriog heimamenn byrjuðu vel.
Dean Martin átti gott skot rétt fram
hjá marki Breiða-
bliks á 4. mínútu og á
6. mínútu sneri Elm-
ar Dan Sigþórsson
sér óvænt við utan
vítateigs og skaut að marki þegar
flestir bjuggust við sendingu til
hægri. Knötturinn skoppaði yfir
Gísla Einarsson í markinu og í netið.
Staðan 1:0. Hreinn Hringsson skap-
aði sér gott færi á 12. mínútu en hitti
ekki markið.
Fyrsta sókn Breiðabliks kom á 15.
mínútu er Árni Kristinn Gunnarsson
sendi fyrir á Ívar Jónsson sem skall-
aði yfir mark KA. Blikar hresstust
nokkuð eftir þetta og spiluðu allvel
um tíma. Á 25. mín. sneru heima-
menn blaðinu við og Ásgeir Ásgeirs-
son átti þá fallega sendingu inn á
Neil McGowan sem skallaði knöttinn
laglega í netið af stuttu færi. Þar
með voru KA-menn komnir í ákjós-
anlega stöðu, 2:0, og litlu munaði að
Elmar Dan bætti við marki undir lok
hálfleiksins.
Blikar fengu fyrsta færið í seinni
hálfeik þegar Hörður Bjarnason
hugðist lauma knettinum fram hjá
Þórði Þórðarsyni en án árangurs og
eftir þetta var nánast allur vindur úr
gestunum. KA-menn fengu allgóð
færi og réðu ferðinni. Steingrímur
Eiðsson innsiglaði góðan sigur með
marki af stuttu færi á 88. mínútu.
KA-liðið lék vel í leiknum og liðið
hefur verið að leika æ betur eftir því
sem liðið hefur á sumarið. Vörnin var
afar traust með Kristján Sigurðsson
fremstan í flokki. Þá vakti Örn Kató
Hauksson verðskuldaða athygli sem
hægri bakvörður. Miðjan var áber-
andi. Ásgeir Ásgeirsson átti stórleik
og félagar hans þar sýndu oft góða
takta, ekki síst Neil McGowan og
Dean Martin á köntunum. Hreinn og
Elmar unnu vel frammi. Blikar náðu
aldrei fullum dampi. Hákon Sverr-
isson var nokkuð lunkinn við að
byggja upp spil meðan þrek entist og
Ívar Jónsson var duglegur á miðj-
unni en liðið hefði þurft að spila
traustari og markvissari varnarleik.
„Þetta var frekar dapurt hjá okk-
ur. Við fengum mark á okkur allt of
snemma. Það hefði verið betra að
hanga á núllinu fram í seinni hálfleik
enda lögðum við upp með það að
bakka og halda jöfnu sem lengst. Við
vorum of værukærir og áttum erfitt
með að rífa okkur upp eftir hafa
fengið á okkur tvö mörk,“ sagði Há-
kon Sverrisson, fyrirliði Breiðabliks.
Gott hljóð var í Þorvaldi Örlygs-
syni, þjálfara KA, eftir leikinn. „Það
er gaman að vera kominn í undan-
úrslit annað árið í röð og við vonum
svo sannarlega að við komumst alla
leið aftur. Þetta er mikil og skemmti-
leg reynsla fyrir leikmennina. Mér
fannst liðið vel stemmt og þetta er
sennilega einn af betri leikjum KA á
heimavelli í sumar,“ sagði Þorvaldur.
Sannfærandi sigur KA
KA-MENN unnu Breiðablik örugglega í 8 liða úrslitum bikarkeppn-
innar á Akureyrarvelli sl. sunnudag. Lokatölur urðu 3:0. Sigurganga
KA á þessum vettvangi heldur því áfram. Liðið er komið í undan-
úrslit og er markmiðið að endurtaka leikinn frá síðasta sumri og
komast í sjálfan úrslitaleikinn. Glímu Kópavogsbúa við Akureyr-
arliðin er hins vegar lokið en Breiðablik komst þetta langt með því
að leggja Þórsara að velli.
Stefán Þór
Sæmundsson
skrifar
Þeir byrjuðu reyndar ekki vel, þvírétt eins og í deildaleik liðanna í
Árbænum á dögunum skoruðu
Skagamenn strax.
Kári Steinn Reynis-
son kom þeim yfir á
6. mínútu með skoti
af markteig eftir
hornspyrnu og skot Guðjóns H.
Sveinssonar að marki Fylkis, 0:1. Í
umræddum deildaleik héldu Skaga-
menn áfram og bættu við tveimur
mörkum áður en heimamenn áttuðu
sig, en í þetta skiptið voru þeir app-
elsínugulu ekki tilbúnir í slíkt. Skaga-
menn voru reyndar sterkari fyrstu 15
mínúturnar eða svo og áttu fleiri góð-
ar sóknir, en síðan tók Fylkir smám
saman völdin á vellinum. Eftir
nokkra pressu jafnaði Steingrímur
Jóhannesson metin á 25. mínútu, 1:1.
Theódór Óskarsson tók hornspyrnu,
Ólafur Þór, markvörður ÍA, varði frá
Sævari Þór Gíslasyni af stuttu færi en
Steingrímur var einu sinni sem oftar
við öllu búinn í markteignum og sendi
boltann í markið.
Fylkir var með undirtökin áfram
en ÍA átti sínar sóknir og úr einni
slíkri varði Kjartan Sturluson vel úr
dauðafæri frá Hirti Hjartarsyni. Rétt
fyrir leikhlé komst Fylkir yfir, Hrafn-
kell Helgason átti fyrirgjöf frá
vinstri, boltinn fór yfir alla og hægra
megin í vítateignum var Finnur Kol-
beinsson. Hann sendi boltann með
viðstöðulausu skoti í markhornið
fjær, 2:1.
Í þessari stöðu hefði mátt búast við
þungri sókn Skagamanna í síðari
hálfleik. Öðru nær. Fylkismenn voru
ekki í neinum varnarhugleiðingum og
hertu enn tök sín á leiknum. Strax á
50. mínútu komust þeir í 3:1 þegar
Steingrímur sendi boltann fyrir frá
hægri og Theódór renndi sér á hann í
markteignum. Eftir þetta var öll
spenna á bak og burt, Árbæingar réðu
lögum og lofum á vellinum og aðeins
slæm hittni þeirra í dauðafærum og frá-
bær markvarsla Ólafs Þórs kom í veg
fyrir að mörkin yrðu fleiri en fjögur.
Það síðasta kom hálfri þriðju mínútu
áður en flautað var af – snögg sókn,
Theódór sendi boltann innfyrir, til
hægri á Björn Viðar Ásbjörnsson vara-
mann sem skoraði af stuttu færi, 4:1.
Það var mikill og góður heildar-
svipur á Fylkisliðinu í þessum leik.
Vörnin var reyndar óörugg til að
byrja með en vann sig út úr því. Finn-
ur var í aðalhlutverki á miðjunni einu
sinni sem oftar, gífurlega duglegur og
stöðugt spilandi. Valur Fannar Gísla-
son var firnasterkur sem hægri bak-
vörður og spilar stöðuna sífellt betur.
Raketturnar í sókninni, Theódór,
Steingrímur og Sævar Þór, héldu
mistækri Skagavörninni við efnið
leikinn á enda, gífurlega fljótir og
baráttuglaðir allir þrír, skiptu ört um
stöður og voru líklegir til góðra verka
í hvert sinn sem þeir fengu boltann.
Ætlum að halda
bikarnum í Árbænum
„Við vorum staðráðnir í að sýna að
síðasti leikur gegn Skagamönnum
var bara slys. Reyndar eru þetta allt-
af hörkuleikir gegn þeim og núna var
viljinn meiri hjá okkur. Við börðumst
af krafti og vorum það vel stemmdir
að þegar þeir skoruðu var ég viss um
að við myndum rífa okkur upp. Eftir
að við náðum forystunni í leiknum var
þetta engin spurning, við bökkuðum
ekki eins og við höfum stundum átt til
og sóttum af krafti til síðustu mínútu.
Bikarinn er í Árbænum og þar ætlum
við að halda honum. Eftir sigurinn í
fyrra erum við komnir á bragðið og
gerum allt til að halda sigurgöngunni
áfram,“ sagði Finnur Kolbeinsson,
fyrirliði Fylkis, við Morgunblaðið.
Skagamenn voru hreinlega yfir-
spilaðir, ef undan er skilinn upphafs-
kafli leiksins. Þeir sýndu oft
skemmtileg sóknartilþrif framan af,
þar sem Bjarki Gunnlaugsson, Hjört-
ur og Ellert Jón Björnsson komu
mest við sögu. En þegar á leið slitnaði
leikur liðsins í sundur, varnarmenn-
irnir komu boltanum illa frá sér og
miðjumennirnir týndust langtímum
saman. Íslandsmeistararnir geta
mikið betur en það er reyndar spurn-
ing hvort nokkurt íslenskt lið hefði
ráðið við Fylkismenn í þessum ham.
Ferðaþreyta engin afsökun
„Við lékum ágætlega fyrstu 10
mínúturnar og skoruðum gott mark.
Þá var eins og menn héldu að sagan
myndi endurtaka sig af sjálfu sér og
við vorum ekki með í leiknum eftir
það. Fylkismenn voru miklu
ákveðnari og unnu öll návígi. Þegar
við erum ekki í standi erum við sjálf-
um okkur verstir eins og sást í þess-
um leik. Það þýðir ekkert að afsaka
sig með þreytu eftir Bosníuferðina,
hér var bikarmeistaratitill í húfi og
það hefði átt að duga til að spila bet-
ur,“ sagði Gunnlaugur Jónsson, fyr-
irliði ÍA.
Meistararnir kaf-
sigldir í Árbænum
FYLKISMENN eru komnir í und-
anúrslit bikarkeppninnar þriðja
árið í röð eftir sannfærandi sig-
ur á Íslandsmeisturum Skaga-
manna, 4:1, í Árbænum í fyrra-
kvöld. Þeir hafa aðeins tapað
einum bikarleik á þessum
þremur árum, gegn ÍBV í undan-
úrslitunum haustið 2000, og
hafa greinilega fullan hug og
getu til að verja titilinn í ár. Mið-
að við frammistöðuna í fyrra-
kvöld verða Árbæingar í barátt-
unni um báða stóru titlana uns
yfir lýkur því þeir áttu stórgóðan
leik og yfirspiluðu meistarana á
löngum köflum, greinilega stað-
ráðnir í að hefna fyrir ósigurinn
gegn þeim á heimavelli í deild-
inni á dögunum.
Morgunblaðið/Jim Smart
Þórhallur Dan Jóhannsson, Gunnar Þór Pétursson og Finnur Kolbeinsson fagna sigrinum á
Skagamönnum og klappa fyrir áhorfendum í Árbæ.
Víðir
Sigurðsson
skrifar