Morgunblaðið - 23.07.2002, Blaðsíða 3

ÍÞRÓTTIR
MORGUNBLAÐIÐ ÞRIÐJUDAGUR 23. JÚLÍ 2002 B 3

ÍVAR Ingimarsson lék allan leik-
inn í vörninni með Úlfunum, þegar
þeir máttu sætta sig við tap í sínum
öðrum æfingaleik í Portúgal, fyrir
Maritimo, 1:0.

REINHARD Strumpf var í gær
vikið úr starfi yfirþjálfara þýska liðs-
ins Kaiserslautern. Strumpf stýrði
liðinu til 7. sætis í þýsku úrvalsdeild-
inni á síðustu leiktíð en hann var
hægri hönd Andreas Brehme, knatt-
spynrustjóra. Strumpf hafði verið
yfirþjálfari í tvö en kom til liðsins
fyrir fimm árum sem einn þjálfara
þess. Ekkert var gefið upp í gær-
kvöldi af hverju Strumpf var sagt
upp en hann átti enn eftir tvö ár af
starfssamningi sínum við félagið.

DAVID Moyes, knattspyrnustjóri
Everton, er að reyna að fá Richard
Wright, varamarkvörð Arsenal, til
liðs við sig er tilbúinn að greiða fimm
millj. punda fyrir hann. Ekki er þó
líklegt talið að Arsenal láti vara-
markvörð sinn fara.

JACQUES Santini, nýráðinn
landsliðsþjálfari Frakka ætlar að
kalla á alla sína sterkustu leikmenn
til að leika vináttuleik við Túnis 21.
ágúst, aðeins tveimur dögum áður en
Chelsea og Man. Utd. mætast í
deildarleik á Stamford Bridge.

JAPP Stam, leikmaður Lazio seg-
ir það ekki koma til greina að hann
fari til Leeds nú þegar Rio Ferdin-
and hefur verið seldur frá félaginu til
Manchester United. Vitað er að for-
ráðamenn Leeds renna nú hýru auga
til hollenska varnarjaxlsins. Stam
segist aldrei ætla að leika að nýju í
ensku úrvalsdeildinni, en hann yfir-
gaf Manchester United í byrjun síð-
ustu leiktíðar með miklum hvelli.

GRAEME Souness hefur fram-
lengt samning sinn við Blackburn til
vorsins 2006. Souness segir ekki
koma til greina að selja Damien Duff
nema eitthvert félag bjóði a.m.k. 20
millj. punda í sóknarmanninn knáa,
sem nokkur félög langar til þess að
krækja í.
FÓLK
Íþróttir geta verið ósanngjarnar ogKeflvíkingar fengu að finna fyrir
því í gærkvöldi. Þeir voru atkvæða-
meiri allan leikinn
en það hvorki gekk
né rak hjá þeim þeg-
ar þeir komust í ná-
munda við mark
Framara. Haukur Ingi Guðnason,
besti maður Keflvíkinga, átti frá-
bært skot frá vítateigshorninu,
skrúfaði boltann í markstöngina
fjær. Þetta gerðist á 27. mínútu og
þremur mínútum síðar kom fyrsta
markið.
Há sending kom frá miðlínu
vinstra megin. Andri Fannar Ott-
ósson stökk upp með varnarmanni
Keflvíkinga og náði að skalla. Annar
varnarmaður stökk upp og ætlaði að
skalla frá en Kristján Brooks, sem
virtist rangstæður, ýtti við varnar-
manninum þannig að knötturinn
barst til Thomasar Rutters sem
skoraði úr markteignum vinstra
megin.
Markið var gegn gangi leiksins
því þó svo Fram hefði fengið eitt og
eitt færi höfðu gestirnir fengið enn
fleiri. Adolf Sveinsson fékk dauða-
færi á 36. mínútu en mokaði bolt-
anum yfir markið rétt utan mark-
teigs þegar auðveldara virtist að
leggja hann í markið. Thomas átti
síðan flott langskot hinum megin
mínútu síðar og mínútu eftir það
kom annað markið.
Kristján Brooks, sem þakkaði
fyrir að vera í byrjunarliði Fram í
fyrsta sinn, fékk boltann fyrir innan
vörn Keflvíkinga, brunaði upp og
skoraði. Kristján var kolrangstæður
en línuvörðurinn missti einhverra
hluta vegna af þessu og markið stóð
þrátt fyrir að Keflvíkingar væru
eðlilega mjög ósáttir.
„Það er aldrei talað um hvernig
dómararnir dæma og þið verðið að
fara að tala um þetta,“ sagði Kjart-
an Másson, þjálfari Keflvíkinga,
mjög ósáttur eftir leikinn. „Við vor-
um miklu betri og fengum alveg
helling af færum en við getum sjálf-
um okkur um kennt að hafa ekki
nýtt þau. Ég held svei mér þá að ég
hafi aldrei fengið svona mörg færi í
leik,“ sagði Kjartan.
Mikið rétt hjá honum og færi
Keflvíkinga urðu miklu fleiri, Fram-
arar björguðu á marklínu og Gunn-
ar varði vel einu sinni áður en
Framarar skutust í eina sókn og
skoruðu fallegt mark. Kristján
komst í gegn hægra megin, náði
skoti sem Ómar Jóhannsson varði
en boltinn fór út á hægri kant þar
sem Kristján náði honum og gaf fyr-
ir. Daði Guðmundsson kastaði sér
fram og skallaði fallega í bláhornið.
Staðan orðin 3:0 og komu öll
mörkin gegn gangi leiksins!
Stórskotahríð Keflvíkinga hélt
áfram en það var sama hver átti í
hlut hjá þeim, boltinn vildi hreinlega
ekki í netið, enda vörðust Framarar
fimlega. Adolf minnkaði muninn á
75. mínútu með skoti rétt utan
markteigshornsins vinstra megin.
Lengra komust gestirnir ekki.
„Þetta var nokkuð sérstakur leik-
ur,“ sagði Kristinn R. Jónsson,
þjálfari Fram, brosandi í leikslok.
„Mér fannst við heldur sterkari í
fyrri hálfleik þó svo þeir fengju góð
færi. Í þeim síðari vorum við undir
allan tímann og heppnir að fá ekki á
okkur fleiri mörk,“ sagði Kristinn.
Spurður um óskamótherja í und-
anúrslitunum sagði hann það ekki
skipta máli, það væru bara sterk lið
eftir. En Fram er eina liðið sem fær
heimaleik, sama hvernig dregið
verður í dag. „Já, þú segir það. Við
höfum nú ekki litið á Laugardals-
völlinn sem sérstakan heimavöll,“
sagði þjálfarinn.
Morgunblaðið/Arnaldur
Framarar höfðu ærna ástæðu til að fagna sigri á Keflavík í gærkvöldi. Gestirnir sóttu og sóttu en Framarar sigruðu.
Ekki nóg
að sækja
og sækja
EINHVER undarlegustu úrslit sumarsins litu dagsins ljós í átta liða
úrslitum bikarkeppninnar í knattspyrnu í gærkvöldi. Fram tók á
móti Keflavík og þrátt fyrir að sækja mun meira, fá mun fleiri mark-
tækifæri og vera talsvert sterkara liðið á vellinum tókst gestunum
ekki að sigra, lentu 3:0 undir en minnkuðu muninn seint í síðari
hálfleik. Keflavík er því úr leik en Framarar komnir áfram í keppn-
inni og verða eina liðið sem fær heimaleik því undanúrslitaleikir
keppninnar verða báðir leiknir á Laugardalsvelli, heimavelli Fram.
Skúli Unnar
Sveinsson
skrifar
Arnar til
Dundee
United?
SVO kann að fara að
knattspyrnumaðurinn
Arnar Gunnlaugsson leiki
með skoska úrvalsdeild-
arliðinu Dundee United á
laugardaginn í æfingaleik
gegn Coventry, en Arnar
er að leita fyrir sér um
þessar mundir með samn-
ing við félög á Bretlands-
eyjum. Í samtali við
Morgunblaðið í gærkvöldi
staðfesti Arnar að þetta
boð hefði borist frá Dun-
dee United og hann biði
staðfestingar frá umboðs-
manni sínum á því hvort
af þessu yrði. Reiknaði
hann með að þetta skýrð-
ist á næstu klukkustund-
um.
Arnar hefur verið
samningslaus síðan
skammtímasamningur
hans við Stoke City rann
út upp úr miðjum maí.
Verði af ferð Arnars
heldur hann til Skotlands
á morgun og æfir með lið-
inu áður en að leiknum
kemur. Arnar vildi ekk-
ert gefa út á hvort honum
stæði til boða samningur
við Dundee Utd. Um slíkt
hefði ekki verið rætt. Að
öðru leyti kvað hann ekk-
ert annað vera í bígerð
hjá sér.
Fyrri hálfleikur var tíðindalítill enEyjamenn sóttu meira og besti
maður norðanmanna, markvörðurinn
Þorvaldur Þorsteins-
son, varði nokkrum
sinnum mjög vel.
Gestirnir áttu þó sín
færi en Birkir Krist-
insson sá við þeim. Eyjamenn voru
klaufar að skora ekki undir lok fyrri
hálfleiks, fyrst er Gunnar Heiðar Þor-
varldsson átti gott skot úr miðjum
teig sem Þorvaldur varði frábærlega
og svo fékk Atli dauðafæri, einn fyrir
opnu marki en hitti ekki boltann.
Það var ekki fyrr en á 64. mín. að
eitthvað markvert gerðist er Gunnar
Heiðar fékk góða sendingu inn fyrir
vörn norðanmanna og átti ágætis skot
sem Þorvaldur varði. Skömmu síðar
lék Unnar Hólm á varnarmann og var
svo felldur af öðrum á vítateigshorni
og réttilega dæmd vítaspyrna sem
Bjarnólfur skoraði úr. Á 79. mín. sló
Heiðar Gunnólfsson Atla Jóhannsson
og leit rauða spjaldið fyrir vikið.
Eyjamenn voru heppnir undir lok-
in að norðanmenn jöfnuðu ekki er
sóknarmaður þeirra fékk gott færi í
miðjum teig en hitti boltann illa.
Eyjamenn léku án Tómasar Inga
Tómassonar og Páls Almarssonar,
sem voru í banni, en Kjartan Antons-
son kom inn á ný eftir meiðsli. Þá hafa
Eyjamenn fengið danskan leikmann,
Niles Bo Daugaard, og lofar hann
góðu. „Ég er mjög ánægður með leik
okkar, við fengum ágætis færi en
boltinn datt ekki okkar megin. Við
höfðum trú á að við gætum sigrað en
það er gríðarlega erfitt að koma til
Eyja og sigra. Okkur fannst vítið al-
gjör gjöf en þeir áttu skilið að sigra,
þótt þeir sýndu engan stjörnuleik. En
það var mjög gaman að koma hér og
spila við góðar aðstæður,“ sagði Jón
Örvar Eiríksson, fyrirliði Leifturs/
Dalvíkur.
Sanngjarnt
í Eyjum
ÍBV komst í gær í undanúrslit
bikarkeppninnar með því að
leggja Leiftur/Dalvík 1:0 og
gerði Bjarnólfur Lárusson mark
heimamanna úr vítaspyrnu í
síðari hálfleik.
Helgi
Bragason
skrifar