Morgunblaðið - 23.07.2002, Blaðsíða 8

HEINER Brand, landsliðsþjálfari
Þýskalands í handknattleik, segir
að Þjóðverjar hafi verið mjög
heppnir þegar dregið var í riðla fyr-
ir heimsmeistarakeppnina í hand-
knattleik. Íslendingar verði erfiðir
en aðrar þjóðir ættu ekki að reynast
þýska liðinu mikil fyrirstaða.
„Íslendingar eru mjög erfiðir
andstæðingar. Í Evrópukeppninni í
Svíþjóð voru þeir með besta liðið
fram að undanúrslitunum. En það
lá alltaf fyrir að við myndum fá að
minnsta kosti einn erfiðan and-
stsæðing í riðlakeppninni. Á þess að
gera lítið úr öðrum liðum í riðlinum
eigum við að hafa yfirhöndina gegn
þeim. Portúgalar munu eflaust
setja pressu á önnur lið á eigin
heimavelli en verða um leið undir
mikilli pressu sjálfir. Við höfum
góða reynslu af að spila gegn gest-
gjöfum og sýndum það meðal ann-
ars á HM í Egyptalandi,“ sagði
Heiner Brand við netmiðilinn Hand-
ball-World eftir að niðurstaðan lá
fyrir.
Ísland er erfiðasti mótherjinn
Fjórar efstu þjóðirnar í riðlinumkomast áfram en nú hefur
keppnisfyrirkomulaginu verið breytt.
Útsláttarkeppni 16 liða hefur verið
felld niður og í staðinn taka við fjórir
milliriðlar. Ísland fer í milliriðil ásamt
einu öðru liði úr B-riðli og tveimur úr
A-riðlinum. Hann skipa Túnis, Spánn,
Júgóslavía, Kúveit, Marokkó og Pól-
land. Liðin í 1. og 4. sæti A-riðils fara í
milliriðil með liðunum í 2. og 3. sæti B-
riðils, og hinn riðilinn skipa liðin í 1.
og 4. sæti B-riðils og liðin í 2. og 3.
sæti A-riðils.
Sigurliðin í milliriðlunum fjórum
leika síðan til úrslita um heimsmeist-
aratitilinn en liðin í öðru sæti spila um
sæti 5–8. Þar verður ekki síður mikið í
húfi því 7 efstu liðin tryggja sér sæti á
Ólympíuleikunum í Aþenu árið 2004.
Í milliriðli er líklegt að íslenska liðið
mæti annaðhvort Spánverjum eða
Júgóslövum, og annaðhvort Túnis eða
Póllandi. Það sleppur hins vegar við
sterkar þjóðir, Svía, Rússa, Frakka,
Dani, Króata, Slóvena og Egypta,
sem allar eru í hinum tveimur riðl-
unum, C og D.
Á pappírunum eiga Þjóðverjar að
vera með sterkasta liðið í B-riðli en
þeir léku mjög vel í Evrópukeppninni
í Svíþjóð snemma á þessu ári og fengu
þar silfurverðlaunin eftir naumt tap
gegn Svíum í framlengdum úrslita-
leik. Íslendingar náðu þó að sigra
Þjóðverja í milliriðli keppninnar og
unnu þá tvívegis í æfingaleikjum
skömmu áður en hún hófst.
Portúgalir leika á heimavelli og
verða af þeim sökum erfiðari and-
stæðingur en ella. Íslendingar og
Portúgalar þekkjast vel eftir viður-
eignir landsliða og félagsliða þjóð-
anna á undanförnum árum. Ísland
vann Portúgal, 22:19, í miklum bar-
áttuleik í HM í Frakklandi á síðasta
ári. Portúgalar hafa lengi haft það að
markmiði að ná hámarksárangri í
heimsmeistarakeppninni á eigin
heimavelli.
Katar fór illa með Suður-Kóreu
Katar leikur í fyrsta skipti í loka-
keppni HM eftir að hafa náð þriðja
sætinu í undankeppninni í Asíu. Þar
töpuðu Katarmenn 19:18 fyrir Kúveit
í riðlakeppninni en sigruðu Íran 26:23
og Bahrain 14:7. Í undanúrslitum
komu þeir heldur betur á óvart með
því að bursta lið Suður-Kóreu, 38:23,
og þar með var HM-sætið í höfn. Í úr-
slitaleik keppninnar biðu þeir síðan
aftur lægri hlut fyrir Kúveit, nú 29:25.
Auðveld undankeppni Ástrala
Ástralar leika einnig í fyrsta skipti í
lokakeppni HM en fulltrúi frá Eyja-
álfu komst nú þangað í fyrsta skipti
án þess að þurfa að fara í gegnum
undankeppni með Asíuþjóðum.
Brautin var bein fyrir Ástrala því þeir
voru ekki í vandræðum með að sigra
hin tvö liðin í álfunni; lið Cook-eyja
með 35:7 og lið Vanuatu með 51:14.
Ástralar léku í handknattleikskeppni
Ólympíuleikanna í Sydney árið 2000,
sem gestgjafar. Þar töpuðu þeir fyrir
Svíþjóð 23:44, Spáni 23:39, Slóveníu
20:33, Túnis 24:34, Frakklandi 16:28,
og loks fyrir Kúbu í leik um 11. sætið,
24:26.
Grænland með í annað skipti
Grænlendingar eru með í loka-
keppni HM í annað skipti en þeir
komu inn í keppnina 2001 á síðustu
stundu þegar Kúba hætti við þátt-
töku. Nú tryggðu þeir sér sætið sjálfir
með því að verða númer þrjú í und-
ankeppninni í Ameríku. Í riðlakeppn-
inni þar unnu þeir Bandaríkin 24:20,
Paraguay 30:15 og Chile 25:16. Í und-
anúrslitum biðu þeir lægri hlut fyrir
Brasilíu, 25:21, en unnu síðan stórsig-
ur á Bandaríkjamönnum, 27:7, í úr-
slitum um þriðja sætið.
Grænlendingar unnu einmitt
Bandaríkin á HM í Frakklandi í
fyrra, þá 26:18. Öðrum leikjum töp-
uðu þeir, 15:25 fyrir Króatíu, 16:31
fyrir Spáni, 20:27 fyrir Suður-Kóreu
og 8:39 fyrir Þýskalandi.
Dregið í riðla fyrir lokakeppni HM í handknattleik í Portúgal
Silfurlið EM og gest-
gjafarnir í riðli Íslands
ÍSLAND leikur í B-riðli með
Þýskalandi, Portúgal, Katar,
Ástralíu og Grænlandi í heims-
meistarakeppninni í handknatt-
leik sem fram fer í Portúgal á
næsta ári. Silfurlið Þjóðverja frá
Evrópumótinu í vetur og gest-
gjafarnir sjálfir verða erfiðu
hindranirnar í þessum riðli en
hinar þrjár þjóðirnar eiga að öllu
óbreyttu að vera íslenska liðinu
lítil fyrirstaða. Dregið var í riðla í
Portúgal á laugardagskvöldið
og fór athöfnin fram um borð í
snekkju sem sigldi um ána Tejo,
en hún rennur í gegnum höf-
uðborgina Lissabon.
Morgunblaðið/Ásdís
Patrekur Jóhannesson og samherjar hans í íslenska landslið-
inu mæta þjóðum sem Ísland hefur ekki áður leikið landsleik
við – Ástralíu og Katar.
Riðlarnir í loka-
keppni HM í hand-
knattleik í Portúgal
2003 eru þannig
skipaðir:
A-riðill:
Túnis
Spánn
Júgóslavía
Kúveit
Marokkó
Pólland
B-riðill:
Þýskaland
Ísland
Portúgal
Katar
Ástralía
Grænland
C-riðill:
Frakkland
Rússland
Króatía
Sádi-Arabía
Ungverjaland
Argentína
D-riðill:
Svíþjóð
Danmörk
Alsír
Egyptaland
Slóvenía
Brasilía
Riðlarnir
á HM
„ÉG er ágætlega sáttur við þenn-
an riðil sem er skipaður sterkum
þjóðum jafnt sem minni spámönn-
um sem við þekkjum minna en
verðum eigi að síður að taka al-
varlega,“ sagði Guðmundur Þ.
Guðmundsson, landsliðþjálfari í
handknattleik um andstæðinga ís-
lenska landsliðsins á heimsmeist-
aramótinu í Portúgal í byrjun
næsta árs.
„Það verður okkar markmið að
tryggja okkur áframhaldandi
þátttöku í sextán liða úrslitum
keppninnar á sannfærandi hátt,
það er að vera eins ofarlega í riðl-
inum og kostur er á, slíkt hjálpar
okkur með andstæðinga í 16 liða
úrslitum,“ segir Guðmundur sem
varar við of mikill bjartsýni þrátt
fyrir að vel hafi gengið á Evr-
ópumeistaramótinu fyrr á þessu
ári. „Nú líður eitt ár á milli stór-
móta og þótt okkur hafi gengið
vel á því síðasta þá er það ekki
sjálfgefið að það takist aftur á því
næsta. Menn verða að vera ein-
beittir í hverjum einasta leik þótt
fyrirfram sé talið að Katar, Græn-
land og Ástralíu séu í hópi lakari
þjóða, menn mega ekki gleyma að
þessar þjóðir verður að vinna eins
og aðrar og það helst á sannfær-
andi hátt.“
Fyrirfram telur Guðmundur að
aðalkeppnin í riðlinum verði við
Þjóðverja og gestgjafa Portúgala.
„Okkur hefur gengið vel gegn
Þjóðverjum upp á síðkastið og
fyrir vikið er ljóst að þeir munu
kom mjög einbeittir til leiks á
móti okkar. Þá er alveg ljóst að
Portúgalar verða erfiðir. Auk
þess að vera á heimavelli þá er lið
þeirra skipað liprum og snöggum
leikmönnum sem eru til alls vísir.
Ég sá þá meðal annars leika vel
gegn Svíum á EM í Svíþjóð.“
Þrátt fyrir að andstæðingarnir
í riðlakeppni HM séu ekki á meðal
sterkari handknattleiksþjóða seg-
ist Guðmundur ekki ætla að haga
undirbúningi í stórum dráttum
öðruvísi en fyrir EM í Svíþjóð.
Áfram verði haldið fast við þá
stefnu að leika undirbúningsleiki
gegn eins öflugum andstæðingum
og kostur er á. Undirbúningurinn
hefjist fyrir alvöru með þátttöku í
heimsbikarmótinu í Svíþjóð 29.
október til 3. nóvember nk. þar
sem leikið verði gegn mörgum
öflugustu handknattleikslands-
liðum heims. Síðan er verið að
leita fleiri verkefna fram að HM.
„Ég sé enga ástæðu til þess að
hverfa frá þeirri stefnu að leika
gegn sterkum þjóðum. Aðeins
með slíkum þjóðum sjáum við
hvar við stöndum hverju sinni og
getum þannig fylgst með hvar
skóinn kreppir hverju sinni. Þessi
stefna okkar er sú vænlegast til
árangurs að mínu mati,“ segir
Guðmundur.
Aðspurður sagðist Guðmundur
geta tekið undir það að of mikið
væri af lakari þjóðum með á
heimsmeistaramótum og sín skoð-
un væri sú að betra væri að hafa
16 þátttökuþjóðir í stað 24 nú.
„Það verður hins vegar að horfa
til þess að forsvarsmenn Alþjóða
handknattleikssambandsins vilja
breiða út íþróttina. Einn liðurinn í
því er að gefa lakari þjóðum tæki-
færi á að taka þátt í heimsmeist-
aramótinu,“ segir Guðmundur
sem telur að riðill Íslands hefði
getað orðið öðruvísi þar sem Pól-
verjar, Ungverjar og Króatar
hefðu getað dregist gegn Íslandi í
stað Katar, Ástralíu og Grænlend-
inga, svo dæmi sé tekið. „Svona
er þetta að þessu sinni og við er-
um sáttir þótt við vitum lítt um
þessar þrjár síðasttöldu þjóðir.“
Er ágæt-
lega
sáttur