Morgunblaðið - 23.07.2002, Blaðsíða 4

ÍÞRÓTTIR
4 B ÞRIÐJUDAGUR 23. JÚLÍ 2002 MORGUNBLAÐIÐ

ÞAÐ þurfti bráðabana til að fá
meistara á Akureyri um helgina.
Sigurpáll G. Sveinsson og Ingvar
Karl Hermannsson voru jafnir en í
bráðabana hafði Sigurpáll betur.
Hann lék einnig bráðabana í fyrra og
vann þá Sigurð Ringsted.

ÓLÖF María Jónsdóttir varð
meistari hjá Keili sjöunda árið í röð.
Ólafur Már Sigurðsson sigraði í
karlaflokki, hans fjórði sigur á sex
árum.

GUNNAR Þorsteinsson, GOB, fór
holu í höggi á 17. braut á Færeysk-
um dögum í Ólafsvík á dögunum.
Brautin er 96 metra löng og var
þetta ánægjulegt fyrir Gunnar þar
sem hann er tiltölulega nýbyrjaður í
golfi.

VEÐRIÐ setti strik í reikninginn
hjá mörgum á þriðja degi Opna
breska golfmótsins. Rigning og
nokkur vindur sló menn út af laginu.
Tiger Woods, sem verður að bíða
betri tíma til að vinna á öllum fjórum
risamótum ársins, lék á 81 höggi, tíu
yfir pari og er það versti hringur
hans sem atvinnumanns.

WOODS náði sér vel á strik síðasta
daginn og lék á 65 höggum, eða sex
undir pari og endaði keppnina á pari.

COLIN Montgomerie gekk ekki
eins vel, en hann lék á 74-64-84 og
síðasta hringinn á 75, óneitanlega
hefði serían verið flottari hefði hann
leikið síðasta á 74 höggum. Ótrúleg-
ar sveiflur á einu móti.

ÞRIÐJA dag keppninnar léku
saman í riðli vinirnir Tiger Woods og
Mark O’Meara. Í fyrra léku þeir
einnig saman þriðja dag keppninnar
og léku illa. Það sama gerðist í ár og
spurning hvort þeir eigi ekki að
stefna að því að leika ekki saman á
næstu stórmótum.

GARY Evans gekk vasklega fram
síðasta dag keppninnar. Hann byrj-
aði raunar illa, fékk skolla á fyrstu
braut sem var í rökréttu framhaldi af
deginum áður þegar hann fékk
skolla á síðustu þremur holunum. En
þá hrökk kappinn í gang og var á
tíma sjö undir pari, sex í heildina.
Hann setti niður frábært pútt á 17.,
sló síðan upp í áhorfendastúku á 18.
og lauk leik á 5 undir pari.

ELS fékk rúmar 90 milljónir króna
fyrir sigurinn á Opna breska. Hann
lék af öryggi í umspilinu og bráða-
bananum, lék allar holurnar fimm á
pari.

ÞETTA var í fyrsta sinn sem fjórir
fara í umspil á þessu móti, en þeir
hefðu getað verið fleiri því Padraig
Harrington, Shigeki Maruyama og
Gary Evans voru allir höggi á eftir.

GRAEME Souness, knattspyrnu-
stjóri Blackburn, segir að írski
landsliðsmaðurinn Damien Duff
væri ekki á förum frá liðinu. „Ég skil
vel áhuga liða á honum, því að Duff
er frábær leikmaður. Ef hann yrði
seldur yrði kaupverð hans ekki
minna en Rio Ferdinand,“ sagði
Souness, en Ferdinand var seldur í
gær frá Leeds til Man. Utd. á 30
millj. punda. Liverpool hefur áhuga
á Duff.

ARSENE Wenger, knattspyrnu-
stjóri Arsenals, reyndir nú að fá
Brasilíumanninn Gilberto Silva til
liðs við sig – eftir að ljóst er að ekk-
ert verður af kaupum á hollenska
miðvallarleikmanninum Mark van
Bommel frá PSV Eindhoven á 14
millj. punda. Arsenal þarf á miðju-
manni á að halda, þar sem Robert
Pires, Freddie Ljungberg og Giov-
anni van Bronckhorst geta ekki
byrjað að leika á komandi keppnis-
tímabili vegna meiðsla. Silva, sem
varð heimsmeistari með Brasilíu, á
eitt ár eftir af samningi við brasilíska
liðið Atletico Mineiro.

FRANSKI markvörðurinn Sebast-
ien Chabbert, 24 ára, hefur verið
boðinn samningur hjá Bolton, en
hann hefur æft með Guðna Bergs-
syni og samherjum að undanförnu.
Chabbert er með lausan samning hjá
franska liðinu Lens.
FÓLK
Knattspyrnu-
goðsögnin bras-
ilíska, Pele, fær
heldur betur
kaldar kveðjur
frá landa sínum,
landsliðsþjálf-
ara brasilísku
heimsmeist-
aranna, Luis
Felipe Scolari.
Hann sagði við
dagblað í Chile,
La Tercera, að
Pele hefði ekk-
ert vit á knatt-
spyrnu.
„Mínir menn
vildu ekki að
Pele afhenti þeim
heimsbikarinn eftir sigurinn á
Þjóðverjum og hann hefði ekki ver-
ið velkominn á hótelið okkar í Jap-
an ef hann hefði komið þangað. Ég
held að Pele hafi ekkert vit á knatt-
spyrnu. Hann hefur ekkert gert
sem þjálfari og greining hans á
leiknum reynist alltaf röng. Ef
maður stefnir á
að vinna titil,
gerir maður
þveröfugt við
það sem Pele
segir,“ er haft
eftir Scolari.
Pele er vinsæl-
asti knatt-
spyrnumaður
Brasilíu fyrr og
síðar og af mörg-
um talinn fremsti
knattspyrnu-
maður sem uppi
hefur verið.
Hann varð
heimsmeistari
með Brasilíu 17
ára gamall árið
1958 og aftur 1962 og 1970. Pele
hefur verið sérlegur sendiherra
knattspyrnunnar um allan heim á
undanförnum árum og flestum
þótti það við hæfi þegar hann af-
henti Cafu, fyrirliða Brasilíu,
heimsbikarinn eftir úrslitaleikinn í
Japan um síðustu mánaðamót.
Scolari sendir
Pele tóninn
Reuters
Felipe Luiz Scolari
Ernie Els frá Suður-Afríku einbeittur á svip á síðasta degi Opna b
Liverpool hæt
LIVERPOOL tilkynnti á sunnudagin
enska knattspyrnumanninn Lee Bow
við Bowyer höfðu staðið yfir í nokkur
að samkomulagi um að Liverpool my
fyrir hann.
Í yfirlýsingu frá Liverpool sem birt
dag var sagt að félagið hefði ákveðið
Houllier knattspyrnustjóri var ekki s
að bera nægan vilja til að spila fyrir f
Liverpool einbeitir sér nú að því að
Blackburn, en Graeme Souness, stjór
hann fyrir „rétt verð.“
Herborg sannaði að í fjögurradaga móti er hægt að vinna sig
út úr ógöngum sem menn rata í ein-
hvern tíma á leiðinni. Hún byrjaði
illa á fyrsta degi, lék fyrstu holuna á
þremur höggum yfir pari og var
komin átta högg yfir par eftir fyrstu
níu holurnar. Ragnhildur var hins
vegar á góðu skriði og var á tveimur
yfir pari. Leikurinn jafnaðist, Her-
borg lék fyrsta daginn á tíu höggum
yfir pari en Ragnhildur á sjö.
Annan daginn lék Herborg fyrri
níu holurnar allar á pari á meðan
Ragnhildur lék þær á fjórum yfir
eins og daginn áður. Samtals var
Ragnhildur því á 12 yfir en Herborg
komin með forystu á 10 yfir. Síðari
níu lék Ragnhildur á einu yfir pari og
var á 13 yfir eftir daginn rétt eins og
Herborg sem lék síðan níu á þremur
yfir pari.
Enn bætti Herbrog í og þriðja
daginn lék hún á pari á meðan Ragn-
hildur lék á sex yfir og Herborg í
góðum málum.
Ragnhildur gafst samt ekki upp
og lék fyrri níu síðasta daginn á
tveimur undir pari og var á 17 yfir en
Herborg var hins vegar komin á 16
högg yfir pari í heildina. Ragnhildur
jafnaði síðan á 10. holu en á 12. fékk
hún skolla og skramba á 14 eftir fjór-
pútt og var þá komin 20 yfir par en
Herborg var enn á 17 yfir pari og
hélt því til loka.
„Stundum fær maður eitthvað
ákveðið á tilfinninguna og ég var
aldrei í vafa um að ég myndi sigra,“
sagði Herborg eftir mótið en hún
fagnaði síðast sigri á þessu móti
1993. Síðan þá hefur hún orðið í öðru
sæti og Ragnhildur í því fyrsta.
„Þetta var orðið dálítið þreytandi,“
viðurkennir Herborg.
Haraldur varði titilinn
Haraldur varði meistaratitil sinn
frá því í fyrra en þá sigraði hann í
fyrsta sinn. Hann lék af miklu öryggi
til sigurs, fór fyrsta hringinn á pari
eftir að hafa verið þrjá undir á 12.
holu. Parið dugði þó lítt á fyrsta degi
því Tryggvi Pétursson setti vallar-
met er hann lék á 69 höggum, en
hann var um tíma þrjú högg undir
pari líkt og Haraldur.
Annan daginn lék Haraldur á
tveimur höggum yfir pari, fékk
skolla á fimmtu og 14. braut en ann-
ars lék hann á parinu. Tryggvi var
hins vegar ekki í eins miklum ham og
daginn áður og kom inn á 78 högg-
um, eða 7 höggum yfir parinu og var
því alls á fimm yfir.
Sigurjón Arnarsson, sem lék
fyrsta daginn á pari, lék á þremur
höggum yfir annan daginn og var
kominn í annað sætið, höggi á eftir
Haraldi.
Þriðja daginn lék Haraldur á einu
yfir, Tryggvi líka en Sigurjón á 7 yfir
pari og var nú fjórum höggum á eftir
Tryggva og sjö á eftir Haraldi. Sig-
urður Pétursson var nú kominn á
fullt í baráttuna, hann lék þriðja dag-
inn á pari en var tíu yfir pari eftir
fyrstu tvo dagana þannig að hann
var jafn Sigurjóni.
Þeir léku báðir á fjórum yfir síð-
asta daginn á meðan Tryggvi lék á
sjö yfir og lauk leik á 13 yfir en Sig-
urður og Sigurjón á 14 yfir. Harald-
ur lék hins vegar af öryggi og festu
og fór síðasta hringinn á einu höggi
undir pari. Glæsileg spilamennska
hjá honum, lék hringina á 70-71-72
og 73 höggum.
Herborg og Harald-
ur meistarar hjá GR
HERBORG Arnarsdóttir og Har-
aldur Hilmar Heimsson urðu um
helgina klúbbmeistarar Golf-
klúbbs Reykjavíkur en meist-
aramótum klúbbanna lauk um
helgina. Haraldur sigraði nokk-
uð örugglega, eða með ellefu
högga mun og Herborg með
fjögurra högga mun eftir mikla
baráttu við Ragnhildi Sigurð-
ardóttur.
Herborg Arnarsdóttir fag
Morgunblaðið/Óskar Sæmundsson
Haraldur H. Heimisson varði titilinn í Grafarholtinu.
■ Úrslit/B6