Morgunblaðið - 26.01.2003, Blaðsíða 2
2 C SUNNUDAGUR 26. JANÚAR 2003 MORGUNBLAÐIÐBARNASPÍTALINN
Megi gæfa
fylgja starfseminni
Eirberg ehf. Stórhöfða 25 110 Reykjavík Sími 569 3101 eirberg@eirberg.is www.eirberg.is
T
VEIR sviðstjórar starfa á Barnaspítal-
anum, þeir Gunnlaugur Sigfússon, svið-
stjóri lækninga, og Magnús Ólafsson,
sviðstjóri hjúkrunar. Hlutverk svið-
stjóranna er í nánu samstarfi að bera fyrstu
ábyrgð á allri starfsemi sviðsins sem lýtur að
rekstri og þjónustu. Starf sviðstjóranna er unn-
ið í náinni samvinnu við aðra stjórnendur og
starfsmenn sviðsins.
Á Barnaspítala Hringsins starfa um 200
starfsmenn.
„Það sem er ánægjulegast við nýja Barna-
spítalann er stórbætt aðstaða fyrir börnin sjálf
og aðstandendur þeirra. Þá er það einnig mjög
jákvæð breyting fyrir starfsmenn hvað vinnu-
aðstaða batnar öll. Það er mikil gleði og til-
hlökkun hjá öllum að komast í nýtt húsnæði,“
segir Gunnlaugur.
Betri möguleikar til fræðistarfa
Magnús bendir líka á að þessar aðstæður gefi
nú enn betri möguleika til þekkingarþróunar og
fræðistarfa í heilbrigðisvísindum hvað varðar
þjónustu við börn og þannig verði Barnaspít-
alinn enn betur í stakk búinn til að sinna hlut-
verki sínu sem háskólasjúkrahús.
Barnaspítalinn hefur að sögn Gunnlaugs ver-
ið vinsæll vinnustaður hingað til en þeir Magn-
ús hafi fundið fyrir auknum áhuga fólks að
koma til starfa við hinn nýja spítala og mjög vel
gangi nú að manna stöður lækna, hjúkrunar-
fræðinga unglækna, og annarra starfsstétta.
Sviðstjórarnir segja að allt starfið sem teng-
ist undirbúningnum að flutningi í nýja spítal-
ann sé mjög kærkomið tækifæri til að staldra
við og skoða alla starfsemina og skipulag með
það í huga að gera breytingar, innleiða nýj-
ungar og efla þjónustuna. Þannig verður
göngudeildarstarfsemi stórefld og sérhæfð
bráðaþjónusta tekin upp. Möguleiki er á því að
efla dagdeildarþjónustu þar sem börn koma í
minni háttar aðgerðir og rannsóknir. Þeir
benda einnig á að nýburagjörgæslan eða vöku-
deilin sem hefur verið starfrækt í mjög þröngu
húsnæði flytur nú í afar fullkomna aðstöðu.
Í umræðunni um menningu á barnaspítulum
bendir Gunnlaugur á að margt af starfsfólki
Barnaspítalans hafi unnið erlendis við sér-
hæfða barnaspítala og þekki mikilvægi þess að
hafa alla starfsemina undir sama þaki í sér-
stöku húsnæði. „Öll starfsemin miðast við börn
og því verður til mjög barnvænt umhverfi eða
sérstök menning innan barnaspítalans. Þetta
hús verður miðstöð heilbrigðisþjónustu við
börn á landinu.
Sviðstjórunum verður tíðrætt um þann mikla
velvilja sem Barnaspítalanum hefur verið sýnd-
ur. Nefna þeir í því sambandi Hringskonur,
Thorvaldsensfélagið, ýmis fyrirtæki og einstak-
linga. Þeir segja að allur þessi hlýhugur sé
hvatning fyrir alla starfsmenn Barnaspítalans
til að skila góðu verki. Starfsmenn hafi mikinn
metnað fyrir hönd spítalans og sameinist um að
leggja sig fram í störfum sínum. „Það er metn-
aður okkar sviðstjóranna að byggja upp þessa
starfsemi eins vel og nokkur kostur er,“ segir
Magnús.
Bæði hagræðing og aukin útgjöld
Spurðir um niðurskurð í heilbrigðisþjónust-
unni og hvort það muni hafa áhrif á starfsemi
Barnaspítalans benda þeir á að vitanlega þurfi
að gæta varkárni og aðhalds í öllum rekstri.
Þeir benda á að á þessari stundu sé nokkuð erf-
itt að átta sig á hvað sameining þessarar þjón-
ustu hefur í för með sér. Ljóst er að í sumum
starfsþáttum verður hagræðing en á öðrum
aukin útgjöld.
Varðandi flutninginn á starfsemi benda þeir
Gunnlaugur og Magnús á að lokaundirbúning-
urinn fyrir flutning verði nú eftir vígslu og gera
má ráð fyrir því að starfsemin byrji að flytja í
nýja spítalann þegar líða fer vel á febrúarmán-
uð. Þeir benda á að það sé margt sem þurfi að
íhuga varðandi tækni- og öryggismál áður en
sjúklingar flytja inn.
Að lokum benda sviðstjórarnir á það að dag-
urinn á morgun verður mikill hátíðisdagur sem
allir hafa hlakkað mikið til. Móttakan er þannig
að starfsmenn munu fylgja gestum í gegnum
spítalann og kynna starfsemi sem þar mun
verða. Þá munu nemendur úr hinum ýmsu tón-
listaskólum höfuðborgarsvæðisins setja svip á
daginn og spila tónlist í verðandi veitingastofu
Barnaspítalans. Til gamans má geta þess að þar
er fyrirhugað að hafa tónlistaviðburði meðal
annars frá nemendum í tónlistaskólum einu
sinni í viku í framtíðinni.
Sviðstjórarnir minna á opið hús fyrir þjóðina
frá kl. 14–18.30 og vonast þeir til að sem flestir
sjái sér fært að mæta.
Að lokum vilja þeir Gunnlaugur og Magnús
þakka öllum þeim sem á einhvern hátt hafa
komið að uppbyggingu og stutt við að þessi
glæsilegi barnaspítali er orðinn að veruleika í
íslensku samfélagi.
Á barnaspítala verður til sérstök menning
Morgunblaðið/Golli
Gunnlaugur Sigfússon sviðstjóri lækninga og Magnús Ólafsson sviðstjóri hjúkrunar.
ALMENNINGI verður gefinn kost-
ur á að skoða nýja spítalann í dag á
milli kl. 14 og 18.30 en húsið verður
formlega opnað kl. 10.
Hægt verður að ganga um húsið
og njóta leiðsagnar starfsmanna
Barnaspítalans og fræðslu um þá
starfsemi sem þar verður. Í nýjum
fyrirlestrasal verður sýning á göml-
um og nýjum ljósmyndum um starf-
semi barnasviðs og byggingu Barna-
spítalans.
Nemendur úr tónlistarskólum
borgarinnar munu skemmta gestum
með hljóðfæraleik annað slagið yfir
daginn.
Dagskráin frá kl. 14 er þannig:
Kl. 14–15: Tónskólinn Do-Re-Mi
Jóhanna Guðjónsdóttir, þverflauta
Nína H. Þorkelsdóttir, þverflauta
Daníel Böðvarsson, gítar
Gyða Erlingsdóttir, gítar
Hrólfur Tómasson, gítar
Sigurlaug Hreinsdóttir, gítar
Jökull Örlygsson, harmonikka
Kl. 15–16: Tónskóli Sigursveins
Narfi Þ. Snorrason, Gítar
Sigurjón Halldórsson, gítar
Jón Geirfinnsson, Píanó
Anna Björnsdóttir, píanó
Stefanía Margeirsdóttir, píanó
Daníel G. Sigurðsson, trompet
Júlíana R. Indriðadóttir, píanó
Fiðlukvartett: Guðbjörg H. Guð-
mundsdóttir, Harpa Viðarsdóttir
Freyja Oddsdóttir og Þorbjörg
Karlsdóttir
Vignir S. Vigfússon, gítar
Þorbjörg Gunnarsdóttir, píanó
Brynjar Sigurðsson, selló
Kl. 16–17: Tónlistarskólinn
í Grafarvogi
Hjalti Magnússon, píanó
Daði Sigurðsson, þverflauta Guð-
björn Már Kristinsson, harmon-
ikka.
Kl. 17–18: Tónmenntaskóli
Reykjavíkur
Björg Brjánsdóttir, þverflauta
Erna Agnes Sigurgeirsdóttir,
þverflauta
Brynja Jónsdóttir, fiðla
Guðrún Baldvinsdóttir, fiðla
Sigrún Inga Gunnarsdóttir, fiðla
Sigríður H. Sigurðardóttir, selló
Helga Hjartardóttir, þverflauta
Inga Hlíf Melvinsdóttir, þverflaut
Guðrún Sóley Gestsdóttir, píanó
Ragnheiður Jónsdóttir, píanó
Tónlistarskóla-
nemar skemmta
Opnunarhátíð
ÁSLAUG BJÖRG Viggós-
dóttir, formaður Hringsins,
segir að langþráður draum-
ur sé nú að verða að veru-
leika. „Það er mikil gleði og
tilhlökkun í okkar huga, nú
þegar þessi nýi Barnaspítali
Hringsins verður tekinn í
notkun og við vitum að hann
mun gjörbreyta aðbúnaði
veikra barna á Íslandi, að-
standenda þeirra og starfs-
fólks á barnaspítalanum,“
segir Áslaug.
Verkefni sem lýkur aldrei
Hringurinn hefur safnað
fé fyrir barnaspítalann í 60
ár. Hvað tekur við nú þegar
spítalinn er kominn í gagnið? „Velferð
barna er og hefur verið okkar hjart-
ans mál. Það mun ekki breytast og í
þeim skilningi munum við áfram
sinna okkar móðurhlutverki. Barna-
spítali Hringsins mun áfram þurfa að
endurnýja tæki og annan búnað og
því verkefni lýkur aldrei.“ Áslaug
segir að endurnýjunarþörf búnaðar
spítalans sé 20–30 milljónir á ári og
því sé þörf á aðstoð frá öllum unn-
urum spítalans áfram. „Enda er það
sérstaklega ánægjulegt að geta lagt
þessu málefni lið á þennan hátt.
Vonandi gefst okkur líka tækifæri
til að leggja öðrum málefnum barna
og aðstandenda þeirra lið, enda er
þörfin víða brýn og af nógu er að
taka.“
Félagið aflar fjár með ýmsum
hætti og auk hinna hefðbundnu fjár-
öflunarleiða Hringsins s.s. jólabasars,
jólakaffis, sölu jóla- og minningar-
korta berast félaginu oft áheit og
gjafir. Allt þetta fé rennur óskipt í
Barnaspítalasjóð Hringsins.
Í nýja barnaspítalanum verður
nýrri fjáröflunarleið bætt við.
„Nú ætlum við að reyna að bæta við
nýrri fjáröflunarleið með því að setja
á stofn „Veitingastofu Hringsins“ á
fyrstu hæð í nýja barnaspítalanum.
Allur ágóði af henni rennur að sjálf-
sögðu til Barnaspítala Hringsins.“
Áslaug segir að fólk sé mjög já-
kvætt í garð Hringsins og það sé vel-
vild og stuðningur velunnara þeirra
sem hafi í raun gert Hringnum kleift
að afhenda barnaspítalanum þær
gjafir sem félagið hefur fært honum.
Morgunblaðið/Sverrir
Áslaug Björg Viggósdóttir, formaður
Kvenfélagsins Hringsins.
Velferð barna er
okkar hjartans mál
TILEFNI stofnunar Hringsins er heit
sem Kristín Vídalín Jacobson
strengdi er hún lá fárveik á sjúkrahúsi
í Kaupmannahöfn veturinn 1894-
1895.
Hét hún sjálfri sér því ef henni
auðnaðist líf og heilsa að verða þeim
að liði sem stríddu við veikindi og fá-
tækt í ofanálag. Með frumkvæði sínu
að stofnun Hringsins 26. janúar 1904
efnir hún það heit.
Stofnfundurinn var í sal Hússtjórn-
arskólans uppi í Iðnó og voru 46 kon-
ur mættar til leiks. Kristín, sem þá var
gift Jóni Jacobson landsbókaverði og
hafði eignast fjögur börn, tók við for-
ystu í félaginu og var formaður þess
til dánardægurs vorið 1943.
Í Hringnum í Reykjavík hafa alls
starfað um 800 konur.
Hringurinn er fyrstu skipulögðu
samtök hér á landi um varnir gegn
berklaveiki og öflun fjár varð fljótt
meginverkefni félagskvenna; Nefna
má árlega leikstarfsemi 1905-1928
og fjölmennar útihátíðir í Hljóm-
skálagarðinum á fimmta tug ald-
arinnar; basara, happdrætti, útgáfu
jólakorta og ýmiss konar skemmtanir.
Frá 1942 hefur allt starf Hring-
skvenna hnigið að eflingu sjóðs vegna
Barnaspítala og varð það þeim, líkt og
fleirum er veltu lausafjármunum á
eftirstríðsárunum, þolraun að sjá fjár-
magn, er mikið erfiði hafði kostað að
afla, rýrna í verðbólgunni sem þá geis-
aði.
Nokkrir áfangar hafa verið á þeirri
leið sem Hringurinn hefur átt hlut að:
Barnadeild í rishæð Landspítalans
1957; Barnaspítali Hringsins á tveim-
ur hæðum í nýrri álmu 1965; Geðdeild
Barnaspítala Hringsins við Dalbraut
1970; Vökudeild við Kvennadeild
Landspítalans 1976 fyrir nýbura er
þurfa sérstaka meðferð og eftirlit. Í
áranna rás hafa Hringskonur einnig
eflt tækjakost barnaspítalans, styrkt
fagfólk til sérnáms og börn til lækn-
inga erlendis þegar þörf krafði.
Heitstrenging
í Kaupmannahöfn
Ljósmynd/Landspítalinn
Hjúkrunarkonur og börn á Barnaspítala Hringsins árið 1965.
Forsíðumyndir: Þórdís Erla Ágústsdóttir og Kjartan Þorbjörnsson (Golli).