Morgunblaðið - 26.01.2003, Blaðsíða 6

6 C SUNNUDAGUR 26. JANÚAR 2003 MORGUNBLAÐIÐBARNASPÍTALINN
ar hæðir og kjallari. Hún skiptist í
tvær álmur sem tengjast með tengi-
álmu. Deildir spítalans eru 7 talsins.
Vökudeild og barnadeild 23E á 3 hæð,
barnaskurðdeild 22D og barnadeild
22E eru á 2. hæð og göngdeild, dag-
deild og bráðamóttaka eru á jarðhæð,
en þar eru einnig anddyri og móttaka.
Á 1. hæð eru skrifstofur, skóli, leik-
skóli, kapella og endurhæfing en í
kjallara eru búningsherbergi,
geymslur og tæknirými auk tenging-
ar við lagnaganga spítalans. Á jarð-
hæð er einnig vel búinn fyrirlestra-
salur sem tekur 117 manns í sæti auk
kennslustofu.
Mikil áhersla hefur verið lögð á öll
tæknikerfi spítalans og eru þau eins
og best gerist á sjúkrahúsum hér á
landi og standast einnig samanburð
við tæknikerfi spítala í nágrannalönd-
unum.
U
NDIRBÚNINGUR að ný-
byggingu Barnaspítala
Hringsins hófst með því að
16. júní 1994 var skipuð
byggingarnefnd. Hún fékk um haust-
ið ráðgjafa til að vinna að gerð
alútboðsgagna fyrir spítalann. Sú
vinna var unnin í náinni samvinnu við
notendur, rekstraraðila og bygging-
arnefnd. Eldri húsrýmisáætlanir
voru endurskoðaðar og unnin ítarleg
byggingarlýsing og alútboðsgögn.
Í mars 1996 ákvað þáverandi heil-
brigðisráðherra að fara af stað með
byggingu Barnaspítala Hringsins á
Landspítalalóð og skipaði byggingar-
nefnd til að annast verkefnið. Nefnd-
in ákvað að halda opna arkitektasam-
keppni, skipaði dómnefnd og fékk
Framkvæmdasýslu ríkisins til þess
að sjá um undirbúning og fram-
kvæmd verkefnis. Samkeppnislýsing
var gerð en hún byggist meðal annars
á alútboðsgögnum, sem fyrir lágu.
Samkeppnin var opin tveggja þrepa
samkeppni auglýst á EES-svæðinu í
júní 1997.
Mikill áhugi var fyrir samkeppn-
inni og tóku 23 arkitektahópar þátt.
Þrjár tillögur voru valdar til útfærslu
í síðara þrepi og urðu hlutskarpastir
arkitektarnir Sigríður Magnúsdóttir
og Hans Olav Andersen, en tillaga
þeirra féll vel að kröfum samkeppn-
isgagna.
Hlýlegt og aðlaðandi
Byggingin er hefðbundin stein-
steypt bygging, einangruð að utan og
klædd með vandaðri steinklæðningu.
Inni er tekið fullt tillit til þess að not-
endurnir eru veik börn. Forsendur
byggingarinnar voru að skapa um-
hverfi sem hæfði hlutverki hennar,
skapa aðstöðu fyrir foreldra til þess
að vera hjá og hlúa að veikum börn-
um sínum. Gætt skyldi að því að yf-
irbragð byggingarinnar væri hlýlegt
og aðlaðandi.
Verkfræðihönnun var boðin út og
myndaður var hönnunarhópur, sem
hefur unnið saman í fimm ár. Útboðs-
áfangar urðu þrír og hafa hönnuðir
fylgt verkum sínum eftir allt til loka
verksins við útfærslur og breytingar
á verki, aðstoð við efnisval og aðstoð
við úttektir hinna ýmsu verkþátta.
Eftirlit með framkvæmd stærstu
verkþáttanna var einnig boðið út og
fengnir til þess reyndir eftirlitsaðilar.
Verkið hófst 19. nóvember 1998 er
Ingibjörg Pálmadóttir ráðherra tók
fyrstu skóflustunguna.
Framkvæmdaáfangar urðu þrír og
voru allir boðnir út. Jarðvinna var
boðin út í nóvember 1998 og annaðist
Suðurverk þann áfanga sem lauk á
miðju sumri 1999. Uppsteypa húss,
utanhússfrágangur og gerð lóðar
voru boðin út í mars 2000. Hlutskarp-
ast varð verktakafyrirtækið Ólafur
og Gunnar ehf. Frágangur inni var
síðan boðinn út í júní 2001 og Ólafur
og Gunnar ehf. urðu aftur hlutskarp-
astir í samkeppninni. Þeir hafa því
ásamt fjölda undirverktaka byggt
barnaspítalann á um 33 mánuðum.
Kostnaður 1.500 milljónir króna
Undirbúningur og mannvirkja-
gerðin sjálf hafa tekið um sjö ár eftir
að ákvörðun var tekin um að ráðast í
verkið. Hinar fyrstu tímaáætlanir
hafa ekki staðist þar sem nokkrar taf-
ir urðu á því að koma verkinu af stað
af ýmsum ástæðum. Kostnaður við
verkefnið er 1.500 Mkr eða um
220.000 kr/m² með búnaði sem er í
takt við áætlanir.
Byggingin er 6.800 fermetrar, fjór-
Ljósmynd/Þórdís Erla Ágústsdóttir
Byggingarnefnd ásamt hluta stýrihóps og sviðstjórum barnasviðs. Anna Ólafía
Sigurðardóttir, Viðar Ólafsson, Gunnlaugur Sigfússon, Hörður Kristjánsson,
Magnús Pétursson, Hjálmar Árnason, formaður byggingarnefndar, Ásgeir Har-
aldsson, Magnús Ólafsson, Áslaug Viggósdóttir og Aðalsteinn Pálsson.
Ljósmynd/Þórdís Erla Ágústsdóttir
Ljósmynd/Þórdís Erla Ágústsdóttir
Barnaspítalinn byrjaður að gægjast upp úr grunninum.
Ljósmynd/Þórdís Erla Ágústsdóttir
Verkamenn að vinnu í september árið 2000.
Barnaspítali á 33 mánuðum
Ljósmynd/Þórdís Erla Ágústsdóttir
Búið að taka grunninn og uppbygging að hefjast.
Ljósmynd/Helga Ívarsdóttir
Ingibjörg Pálmadóttir, þáverandi heilbrigðisráðherra, tekur fyrstu skóflustung-
una að nýjum barnaspítala 19. nóvember 1998.