Morgunblaðið - 27.01.2003, Blaðsíða 9
HM Í HANDKNATTLEIK
MORGUNBLAÐIÐ MÁNUDAGUR 27. JANÚAR 2003 B 9
Ólafur Stefánsson eftir leikinn gegn áhugalausum leikmönnum Katar
„Núna tekur
alvaran við“
„ÞAÐ liggur við að maður sé að detta úr formi í þessari keppni en
núna tekur alvaran við,“ sagði Ólafur Stefánsson að loknum tuttugu
marka sigri Íslendinga, 42:22, gegn Katar á HM í Viseu á laugardag-
inn. Mótspyrna Katar var engin, áhugaleysið algjört í herbúðum
liðsins þar sem varaliðið fékk að spreyta sig gegn Íslendingum.
Lykilmenn Katar voru hvíldir fyrir úrslitaleik Katar gegn Grænlend-
ingum um fjórða sætið í riðlinum og sæti í milliriðli.
Íslenska liðið lék mun betur í fyrrihálfleik en þeim síðari, þar sem
falleg tilþrif sáust af og til í hraða-
upphlaupum liðsins.
„Sirkusmark“ var
skorað og „síðasta“
sendingin í hraða-
upphlaupunum var
oft og tíðum „skreytt“ til þess að
skemmta áhorfendum. Í þeim síðari
missti íslenska liðið einbeitinguna
um stundarsakir og er það í fyrsta
sinn sem það gerist gegn slöku lið-
unum á þessu heimsmeistaramóti.
Óhætt er að segja að leikurinn hafi
verið einstefna frá upphafi til enda,
Íslendingar skoruðu fyrstu sjö mörk
leiksins, Patrekur Jóhannesson lék
ekki í fyrri hálfleik og skipti við Ólaf
Stefánsson í þeim síðari. Gústaf
Bjarnason hóf leikinn í vinstra horn-
inu og var atkvæðamikill og Róbert
Sighvatsson var í miklum ham á lín-
unni og skoraði átta mörk líkt og
Gústaf. Sigfús Sigurðsson lék ekki
með liðinu vegna meiðsla og hefur
Róbert sýnt góða leiki þegar hann
hefur fengið tækifæri.
Guðmundur Hrafnkelsson stóð í
marki íslenska liðsins frá upphafi og
varði vel í fyrri hálfleik en í þeim síð-
ari lak mikið af langskotum Katar í
gegnum vörnina og í markið. Roland
Valur Eradze varði 4 skot á fyrstu
fimm mínútum síðari hálfleiks en fór
af leikvelli þar sem hann fann til
eymsla í nára.
Eins og áður segir var mótspyrn-
an lítil fyrir íslenska liðið. Leikmenn
Katar áttu margir hverjir í erfiðleik-
um með að grípa og kasta, skotin
voru máttlítil og sóknarleikurinn
einhæfur. Íslenska liðið sýndi festu
og styrk frá upphafi og sýndi á köfl-
um hve vel liðið getur útfært hraða-
upphlaup sín. Þar fór Gústaf fremst-
ur í flokki í fyrri hálfleik.
Gunnar Berg Viktorsson lék sinn
fyrsta leik á mótinu og var eini leik-
maðurinn í íslenska liðinu sem komst
ekki á blað hvað markaskorun varð-
ar. Gunnar virkaði hægur í aðgerð-
um sínum í sókninni og skortir
greinilega sjálfstraust þessa dagana.
Gústaf Bjarnason sagði að leikurinn
hefði verið „skylduverkefni“ sem
hefði þurft að klára.
„Þetta er enn einn leikurinn á
þessu móti þar sem við þurfum að
hafa einbeitinguna í lagi gegn slöku
liði. Katar hafði engan áhuga á þess-
um leik, stillti upp hálfgerðu varaliði.
Af þeim sökum var leikurinn aldrei
skemmtilegur og ég er feginn að
þetta er búið. Núna getum við loks-
ins farið að tala um leikinn gegn
Þjóðverjum,“ sagði Gústaf.
Í gegnum tíðina hefur það gerst af
og til að íslensk landslið hafa leikið
illa gegn slökum mótherjum. Að
þessu sinni var slíku ekki fyrir að
fara. Einbeitingin var nánast alltaf
fullkomin og þeir sem höfðu uppi
efasemdir um að íslenska liðið myndi
gefa eftir á þessum vettvangi geta nú
andað léttar.
Morgunblaðið/Günter Schröder
Roland Eradze býr sig undir að kasta boltanum til Guðjóns Vals Sigurðssonar, eftir að hafa varið.
Sigurður Elvar
Þórólfsson
skrifar
frá Viseu
! "! E ! "! E
'*
#+
-
%#
%*
,
@
-
)
(
#%
%#
%*
,
0 /
+ ' &
C 'A"
&
#
1 A A
#&
+
3
SVÍAR tóku Dani í kennslustund í
uppgjöri liðanna um sigurinn í
D-riðli, 32:28. Svíar réðu lögum og
lofum á leikvellinum frá upphafi til
enda og voru m.a. 19:14 yfir í hálf-
leik. Náðu þeir mest átta marka
forskoti, 22:14, snemma í síðari
hálfleik. Sænska liðið fór hreinlega
á kostum í leiknum en enginn lék
betur en gamla brýnið Magnus
Wislander, sem skoraði 10 mörk og
fór hreinlega hamförum, jafnt í
vörn sem sókn og var kappið svo
mikið í honum að tuttugu mínútum
fyrir leikslok var Wislander vísað
af leikvelli fyrir fullt og fast við
þriðju brottvísun.
Svíar komu Dönum í opna
skjöldu með því að bregða út af
vana sínum og leika 5/1 vörn í stað
hinnar hefðbundnum 6/0 varnar
sem Svíar hafa verið þekktir fyrir
síðasta hálfan annan áratuginn.
Dönsku sóknarmennirnir fundu
aldrei taktinn í leiknum. „Við ætl-
uðum að töfra fram allt það besta í
okkar leik að þessu sinni en því
miður þá snérust vopnin í höndum
okkar,“ sagði Torben Winther,
landsliðsþjálfara Dana, daufur í
bragði í leikslok.
Winther benti á að danska liðið
hefði haft neinu að keppa í leiknum,
sigur hefði engu breytt um fram-
haldið hjá liði sínu sem heldur
áfram í milliriðil með tvö stig. „Ég
skal þó viðureknna að vörnin var
ekki nægilega góð hjá okkur. Því til
staðfestingar bendi ég á að það er
ár og dagur síðan andstæðingar
okkar hafa skorað fleiri en fjórtán
mörk gegn okkur í fyrri hálfleik,“
sagði Winther og bætti því við að
sænska liðið hefði leikið ein-
staklega vel, það yrði ekki af því
tekið.
Mikil spenna var vegna leiksins í
báðum löndum í gær. Eftir stór-
sigur Dana á Egyptum á laugardag
voru Danir bjartsýnir vegna leiks-
ins við Svía. Þegar dæmið var gert
upp í gærkvöldi urðu danskir fjöl-
miðlar að viðurkenna að hið „aldr-
aða“ sænska lið væri ennþá mun
öflugra en hin unga danska sveit.
„Við vorum teknir í gegn af sænska
handboltaskólanum,“ sagði m.a. í
Jyllands Posten.
Danir geta þó huggað sig við að
þeir halda áfram í milliriðil með tvö
stig en Svíar þurfa að bíta í það
súra epli að fara í milliriðil án stiga
því þeir töpuðu fyrir Slóvenum sem
fylgja þeim í milliriðla.
Svíar
tóku
Dani í
kennslu-
stund
ARGENTÍNUMENN byrjuðu með miklum látum í
riðlakeppni HM í handknattleik, gerðu jafntefli við
Króata og unnu síðan Rússa. Eftir það datt allur botn
úr liðinu og í gær féll þeim allur ketill í eld þegar þeir
mættu Sádi-Arabíu sem ekki hafði verið nærri því að
vinna leik á mótinu þegar kom að viðureigninni við
Argentínu. Sigur hefði tryggt Argentínu sæti í 16-liða
úrslitum á kostnað Ungverja sem lágu fyrir Króötum í
gær, 30:29, eftir að hafa skellt Argentínu, 35:23, á
laugardag. Við tapið fyrir Króötum í gær féll Lázsló
Skaliczke, þjálfari Ungverja, saman og felldi tár. Hann
taldi lið sitt vera úr leik – það gæti farið að pakka nið-
ur og halda heim á leið. En önnur varð raunin skömmu
síðar þegar í ljós kom að Sádi-Arabar unnu óvæntan
sigur á Argentínu, 31:30. Argentínumenn fara því
heim í dag eins og Sádi-Arabar og sex önnur landslið
úr hinum riðlunum þremur.
Hrun hjá
Argentínu
SIGURÐUR Bjarnason fékk að spreyta
sig mikið í vörn sem sókn að þessu sinni
og stóð hann sig vel. Sigurður var samt
sem áður vonsvikinn með lokakafla leiks-
ins og þá sérstaklega hve illa íslenskla lið-
ið nýtti sér möguleikana sem sköpuðust
er Stefan Kretzchmar fékk fjögurra mín-
útna „kælingu“, tvær mínútur fyrir brot á
Aroni Kristjánssyni go tvær mínútur til
viðbótar fyrir að mótmæla refsingunni.
„Þeir tóku gríðarlega áhættu og hentu
knettinum inn í vítateiginn á Florian
Kehrmann einum færri og komust yfir
28:27. Það sló okkur aðeins út af laginu en
með réttu hugarfari hefðum við átt að
skora tvö mörk á þessum tíma,“ sagði
Sigurður. Hann taldi breiddina í liðinu
vera meiri en margur héldi.
„Það eru allir heilir og við lærðum af
reynslunni frá Evrópukeppninni í Svíþjóð
í fyrra þar sem menn voru þreyttir í lok
keppninnar því það var yfirleitt leikið
með sama mannskapinn frá upphafi til
enda í öllum leikjum. Þau lið sem eru að
ná langt í svona keppni nota alla sína leik-
menn og við erum að gera það sama. Við
þurfum samt að átta okkur á lokakafla
leiksins. Hvað það var sem fór úrskeiðis
og laga það fyrir næstu orrustu. Svo ein-
falt er það. Við erum að tapa fyrir liði sem
að mínu mati á eftir að leika til úrslita í
þessari keppni og við þurfum að taka það
jákvæða með okkur í framhaldið,“ sagði
Sigurður Bjarnason. Sigurður Bjarnason
„Þurfum að nota
alla leikmenn liðsins“