Morgunblaðið - 27.01.2003, Blaðsíða 12
Það var hörkuleikur á laug-ardag sem heimastúlkur úr
Grindavík og gestirnir úr Njarð-
vík buðu upp á í 1.
deild kvenna í
körfuknattleik. Nú
voru það gestirnir
sem fylgdu eftir
góðum sigri á Keflavík með því að
leggja nágranna sína í Grindavík,
78:71. Grindavíkurstúlkur byrj-
uðu leikinn með látum og náðu
12:0 forustu og gestirnir virtust
úti á túni lengstum í fyrsta leik-
hluta. Þær náðu þó að vinna sig
hægt og rólega inn í leikinn og
komust yfir í fyrsta skipti í leikn-
um þegar rúmar sex mínútur
voru liðnar af öðrum leikhluta.
Leikurinn var því orðinn jafn og
spennandi en gestirnir leiddu í
hálfleik með einu stigi, 34:33 fyrir
Njarðvík. Þriðji leikhluti var hníf-
jafn og spennandi en í þeim síð-
asta tók Eva Stefánsdóttir í liði
Njarðvíkur til sinna ráða og skor-
aði tólf af tuttugu stigum gest-
anna sem sigruðu verðskuldað
78:71.
Bestar í liði gestanna voru þær
Eva Stefánsdóttir og Ingibjörg
Vilbergsdóttir en hjá heimastúlk-
um var Stefanía Ásmundsdóttir
best en einnig átti Jovana Stef-
ánsdóttir sterka innkomu í síðasta
leikhlutann.
„Við unnum góðan sigur í deild-
inni í vikunni og vildum fylgja því
eftir hér í Grindavík en þær voru
þær einu sem við áttum eftir að
vinna. Það var sterkur varn-
arleikur sem skilaði okkur þess-
um sigri. Denise Shelton þurfti að
hafa mikið fyrir sínu í kvöld. Það
var kannski stórleikur Evu Stef-
ánsdóttur sem gerði gæfumuninn
í annars mjög sterkri liðsheild hér
í kvöld,“ sagði Einar Árni Jó-
hannsson, þjálfari Njarðvíkur-
stúlkna.
Hörkuleikur
í Grindavík
GIANFRANCO Zola, hinn
36 ára gamli Ítali, var í að-
alhlutverki hjá Chelsea þeg-
ar liðið vann 3. deildarlið
Shrewsbury á sannfærandi
hátt, 4:0, í 4. umferð ensku
bikarkeppninnar í gær-
kvöld. Leikið var á Gay
Meadow, heimavelli
Shrewsbury við landamæri
Englands og Wales, þar sem
Everton beið lægri hlut í 3.
umferðinni.
Zola skoraði tvö mark-
anna en hin gerðu vara-
mennirnir Carlton Cole og
Jody Morris. Eiður Smári
Guðjohnsen var nálægt því
að skora nokkrum sinnum í
fyrri hálfleiknum en honum
var skipt af velli á 62. mín-
útu.
„Þegar maður nýtur þess
að spila fótbolta gleymist öll
þreyta,“ sagði Zola eftir
leikinn.
Zola enn
í aðal-
hlutverki
NOREGUR og Þýskaland gerðu
jafntefli 2:2. Dagny Mellgren og
Anita Rapp komu norsku stúlkunum
tvisvar yfir en Martina Müller og
Linda Bresonik jöfnuðu tvívegis fyr-
ir þær þýsku.
MARTINA Navratilova varð í gær
elsti sigurvegarinn á stórmóti í tenn-
is frá upphafi. Hin 46 ára gamla fyrr-
um stórstjarna í íþróttinni sigraði í
tvenndarleik á opna ástralska meist-
aramótinu ásamt Leander Paes. Þau
unnu Todd Woodbridge og Eleni
Daniilidou í úrslitaleik í Melbourne.
JANICA Kostelic, skíðakonan
snjalla frá Króatíu, þurfti að fá blóð-
gjöf á sjúkrahúsi í Slóveníu eftir
keppni í heimsbikarnum þar í landi á
laugardaginn. Hún var aðframkomin
eftir keppni í stórsvigi þar sem hún
endaði í 17. sæti. Kostelic var öllu
hressari eftir þetta og varð önnur í
sömu grein á sama stað í gær.
CHRISTIAN Vieri skoraði öll þrjú
mörk Inter frá Mílanó þegar lið hans
vann Empoli, 3:0, í ítölsku 1. deild-
inni í knattspyrnu í gær.
INTER náði þar með forystu í
deildinni, á betri markatölu en
grannarnir í AC Milan sem töpuðu
fyrir Udinese, 1:0, í gærkvöld. Pizz-
aro skoraði sigurmark heimaliðsins.
ALESSANDRO Del Piero og Pav-
el Nedved tryggðu Juventus sigur á
Piacenza, 2:0. Juventus er stigi á eft-
ir Mílanóliðunum. Lazio gat náð
þeim en tapaði óvænt heima fyrir
Reggina, 0:1, og var það fyrsti ósigur
Lazio í 17 leikjum.
BAYERN München náði í gær-
kvöld átta stiga forystu í þýsku 1.
deildinni í knattspyrnu með því að
sigra Mönchengladbach, 3:0. Það
voru Owen Hargreaves, Alexander
Zickler og Giovane Elber sem skor-
uðu mörk Bayern en liðið virðist
stefna hraðbyri að þýska meistara-
titlinum.
HRAKFARIR Barcelona í
spænsku knattspyrnunni héldu
áfram í gærkvöld þegar liðið tapaði,
2:0, fyrir Celta Vigo. Jesuli og Silv-
inho skoruðu mörk heimamanna og
Barcelona er nú aðeins þremur stig-
um frá fallsæti.
RONALDO heldur áfram að skora
á Spáni – skoraði mark Real Madrid
sem gerði jafntefli við Athletic
Bilbao á útivelli í gærkvöldi, 1:1.
FÓLK
Eradze lék eitt stærsta hlutverkiðí 29:28 sigri Íslands gegn
Portúgal. Í stöðunni 24:26 varði
Eradze vítakast og
breytti gangi mála á
þann veg að íslenska
liðið landaði naum-
um sigri. „Ég vissi
að ég myndi verja vítið og eftir það
breyttist líka hugarfarið hjá liðinu,
við fengum sjálfstraustið á ný,“ segir
Eradze og bætir því við að hann hafi
alltaf leikið vel gegn Portúgal. „Ég
lék þrjá leiki með landsliði Georgíu
gegn Portúgal á sínum tíma og hef
alltaf kunnað vel við mig gegn þeim.
Guðmundur Guðmundsson lands-
liðsþjálfari vissi af þessu og eftir að
Guðmundur Hrafnkelsson hafði ekki
fundið taktinn í upphafi fékk ég
tækifærið.“
Eradeze segir andrúmsloftið í her-
búðum Íslands ólíkt því sem hann
átti að venjast með landsliði Georgíu.
„Það er mikil spilling í mínu gamla
heimalandi, maður veit aldrei hverju
maður á von á. Stjórn handknatt-
leikssambandsins er spillt og skortir
fé, leikmenn liðsins þurfa jafnvel að
borga ferðalög og slíkt sjálfir til að
byrja með því skipulagið er ekki
gott. Hjá íslenska liðinu er þetta
öðruvísi. Við erum meira saman og
meiri vinir en ég hef vanist frá lands-
liði Georgíu. Hér er hægt að tala
mannamál við þjálfarana, þeir eru
með allt aðrar áherslur í samskipt-
um sínum við leikmenn sé miðað við
það sem ég upplifði í Georgíu. Þar er
heragi á öllu og aðeins þjálfarinn veit
hvað er best. Hér getum við sagt
hvað okkur finnst um hitt og þetta en
Guðmundur Guðmundsson tekur að
sjálfsögðu lokaákvörðunina.“
Spurður um „keppinautinn“ Guð-
mund Hrafnkelsson segir Eradze að
hinn reynslumikli markvörður sé að
kenna sér nýja hluti á hverjum degi.
„Þrátt fyrir að vera rúmlega þrítug-
ur (31), hef aldrei tekið þátt í stór-
móti sem þessu og það tekur tíma að
átta sig á aðstæðum og hvernig hlut-
irnir virka. Guðmundur er mjög góð-
ur markvörður og mitt hlutverk er
að vera ávallt til taks ef svo ber und-
ir. Við vinnum vel saman, förum yfir
myndbönd úr leikjum andstæðinga
okkar. Hann er að kenna mér vinnu-
brögð sem ég hef lítið notað. Það er
ekkert mál fyrir mig að vera á
bekknum í upphafi leiks og ég sætti
mig við það hlutverk en er eins og
áður segir alltaf tilbúinn að koma
inná ef þess þarf. Markverðir eru
mikilvægir í hverju liði og suma daga
virðist ekkert ganga upp hjá manni
og þá er ekkert annað að gera en að
leyfa öðrum að fá tækifæri. Ég er
lærlingur hjá Guðmundi,“ sagði
Eradze.
„Það er markmið okkar sem liðs
að tryggja okkur farseðil á Ólympíu-
leikana í Aþenu árið 2004. Það er
draumur hvers íþróttamanns að fá
tækifæri á ÓL og ég ætla að leggja
mitt af mörkum til þess að liðið nái
þeim áfanga. Ég get varla sofnað
þegar ég byrja að hugsa um ÓL í
Aþenu,“ segir hinn brosmildi Roland
Valur Eradze.
Roland Eradze hefur staðið sig vel í sinni fyrstu heimsmeistarakeppni
Morgunblaðið/Golli
Roland Valur Eradze, landsliðsmarkvörður úr Val.
„Er enn
að læra
nýja hluti“
EFTIR að hafa séð nokkra leiki með handknattleikslið-
inu Val á undanförnum misserum komst ég að þeirri
niðurstöðu að líklega væri markvörður Valsmanna Ro-
land Eradze og nú landsliðsmaður íslenska liðsins lítið
fyrir það að brosa. Í leikjum er hann gríðarlegar ein-
beittur, horfir grimmur á andstæðingana eftir að hafa
varið frá þeim og er oftar enn ekki ósáttur í hvert sinn
sem mark er skorað hjá honum. En utan vallar gerir
Roland Valur Eradze lítið annað en að brosa og er hvers
manns hugljúfi.
Eftir
Sigurður Elvar
Þórólfsson
í Viseu
Morgunblaðið/Günter Schröder
Roland Eradze ver hér skot frá leikmanni Katar á
laugardaginn í Viseu. Hann tognaði í leiknum og lék
því lítið með gegn Þjóðverjum í gær.
Garðar
Vignisson
skrifar