Morgunblaðið - 31.01.2003, Blaðsíða 5

Jóhannes Karl Jia er formaður Fé-
lags kínverja á Íslandi. Hann kom
hingað til lands árið 1986 til að
gerast þjálfari hjá Blaksambandinu,
en hann hafði um árabil verið í kín-
verska landsliðinu í blaki. Ráðn-
ingartími hans var upphaflega þrír
mánuðir en að þeim tíma liðnum
var ljóst að Blaksambandið hafði
þörf fyrir krafta hans áfram og hann
er hér enn, hefur stofnað fjölskyldu,
rekur nuddstofu við Skólavörðustíg
og starfar enn með Blaksamband-
inu, fer e.t.v. næst með þeim á
Smáþjóðaleikana.
Þegar Jóhannes kom til Íslands
segir hann að hér hafi aðeins verið
örfáir Austurlandabúar og fólk hafi
snúið sér við á götu til að stara á
hann; eitt sinn hafi hann verið á
gangi niður Laugaveginn og þá hafi
einn bílstjóri starað svo mikið og
lengi að hann keyrði aftan á næsta
bíl fyrir framan. En hversu margir
voru þá þegar hér?
„Það voru tveir eða þrír frá kín-
versku Malasíu, auk flóttamanna frá
Víetnam sem komið höfðu hingað
1979. Það voru þeir sem voru fyrst
hraktir þaðan. Kínverjar áttu þar
mikið af verslunum og veitingahús-
um og Víetnamar gerðu það allt
upptækt þegar þeir hröktu Kínverj-
ana burt. Megnið af þeim Kínverj-
um sem hingað komu eru hér enn-
þá – og enn þann dag í dag eru
þeir Íslendingum afar þakklátir fyrir
að hafa tekið við þeim.“
„Annars á samskiptasaga Íslands
og Kína sér lengri sögu, vegna þess
að í Vestmannaeyjagosinu 1973
voru Kínverjar fyrstir til þess að
færa Íslendingum fjárhagsaðstoð
þegar þeir gáfu 200.000 dollara í
Viðlagasjóð.“
Í dag eru um það bil tvö hundruð
Kínverjar á Íslandi og eru margir
þeirra tengdir innbyrðis. „Þetta
byrjar yfirleitt á því að hingað kem-
ur einn einstaklingur til þess að
vinna að ákveðnu verkefni og ef
honum líkar vistin, þá óska fleiri
fjölskyldumeðlimir eftir því að fá að
koma hingað.”
Hvað er það sem þeim líkar svona
vel við Ísland?
„Það er nú ýmislegt. Hér eru mjög
góðir menntunarmöguleikar og al-
mannatryggingakerfið er gott, þótt
hér sé mun dýrara að lifa en í Kína,
eru launin betri og Kínverjar kunna
svo sannarlega að lifa sparlega.“
Hver eru helstu verkefni Félags kín-
verja á Íslandi?
„Starfsemi félagsins er þríþætt. Í
fyrsta lagi er félagið vettvangur fyrir
tengslamyndun og kynni. Í öðru lagi
hefur það upplýsinga- og fræðslu-
gildi. Við höldum fundi til þess að
kynna íslensk lög og reglur fyrir
okkar fólk og þriðja hlutverk félags-
ins er samhjálp. Ef kínversk-ar fjöl-
skyldur þurfa á hjálp að halda, sér
félagið um þá hjálp. Ég nefni sem
dæmi bílslysið í Blöndu í fyrra, þar
sem fórst ung kona, barnið hennar
og tengdaforeldrar. Það var mikill
harmleikur og félagið sá alfarið um
útförina.
Það er einnig svo að ef til okkar
leitar kínverskur einstaklingur með
góða viðskiptahugmynd sem okkur
líst vel á, hjálpum við honum af
stað. Þeir Kínverjar sem eru að
flytja hingað eru almennt mjög vel
menntaðir en verða að vera reiðu-
búnir að vinna við hvað sem er á
meðan þeir eru að komast inn í
þjóðfélagið og tungumálið og á
meðan verið er að undirbúa við-
skiptahugmynd. Við stöndum mjög
þétt saman vegna þess að það er
prinsipmál fyrir okkur að enginn
Kínverji þurfi að þiggja félagslega
aðstoð. Það skiptir miklu máli að
hver einstaklingur haldi sjálfsvirð-
ingu sinni og reisn.
Við höfum líka opnað skóla – fyrir
börnin og erum með kennara, en
okkur vantar húsnæði og höfum
beðið Samtök nýbúa að aðstoða
okkur í þeim efnum.”
Hvað er kennt í skólanum?
„Við kennum kínversku, kínverska
heimspeki, Tai chi og aðrar hefðir
sem eru ríkar í okkar menningu. Við
fylgjumst mjög vel með börnunum
og gerum þær kröfur til þeirra að
þau nái ávallt hámarks árangri í
námi.
Enn eitt verkefni sem við vinnum
að er að leita leiða til að auka fram-
lag okkar til íslensks efnahagslífs.
Eitt af því sem okkur langar til að
gera er að auka ferðamannastraum
hingað frá Kína. Í því stóra landi er
til mikið af auðugu fólki sem vill
búa á dýrum hótelum og eyðir mikl-
um peningum. En hingað komu að-
eins 3.700 ferðamenn frá Kína á
síðastliðnu ári. Við gætum marg-
faldað þann fjölda á stuttum tíma,
en vandamálið er vegabréfsáritun.
Það tekur Kínverja tvo mánuði að fá
vegabréfsáritun til Íslands. Það er
danska sendiráðið í Kína sem veitir
vegabréfsáritunina og á meðan
staðan er svona er Ísland að tapa
miklum viðskiptum – vegna þess að
það er fjöldi fólks sem ákveður með
mun styttri fyrirvara að skreppa í
ferðalag.
Þetta er synd vegna þess að Ísland
er þekkt land í Kína og hefur lengi
verið. Og áhuginn á landinu jókst
enn til muna eftir kínversku ára-
mótin í fyrra. Þá kom hingað þátta-
gerðarfólk frá CCTV, kínversku sjón-
varpsstöðinni, sem fylgdist með há-
tíðarhöldunum hjá Kínverjum bú-
settum á Íslandi. Síðan var þáttur-
inn sendur út á besta tíma og það
er talið að um tvö hundruð milljón
manns hafi séð hann.
Samhjálp, menntun
og viðskipti
Félag Kínverja á Íslandi er nokkuð öflugt þótt
fjöldi Kínverja hér á landi nái ekki tvö hundruð
manns. Jóhannes Karl Jia er formaður félagsins
og segir það hafa margþætt hlutverk
Royal Jelly/drottningarhunang
Drottningarhunang er alls ekki hunang heldur beiskur hvítur safi sem býflugurnar framleiða fyrir býdrottninguna með
þar til gerðum kirtlum. Í hverju býflugnabúi er ein drottning. Þegar búið vantar nýja drottningu, er tekin lirfa (sem ann-
ars hefði bara orðið venjuleg býfluga og lifað í um 4 vikur) og fædd eingöngu á þessum drottningarsafa. Við það breytist
hún í drottningu sem lifir í allt að 4 ár og sér ein um viðhald stofnsins með því að verpa um 2000 eggjum (nálægt hennar
eigin þyngd) daglega yfir sumarmánuðina. Drottningarhunangið er hennar eina fæða til viðhalds krafti og frjósemi á
hlutfallslega langri ævi.
Drottningarhunang inniheldur fjölbreytt vítamín, steinefni og amínósýrur auk fjölda annarra nærandi efna. Samsetning
næringarefna er einstök að því leyti hve fljótt og auðveldlega líkaminn getur tekið þau upp. Vegna þess hve sérstök fæða
drottningarhunangið er, hefur mörgu verið haldið fram um lækningamátt þess sem ekki hefur verið staðfest með rann-
sóknum, en þó hafa rannsóknir víða um heim sýnt fram á margvíslegt ágæti þess fyrir heilsuna. Í náttúrulækningum er
drottningarhunang einkum ráðlagt til að styrkja endurnýjun frumanna, efla ónæmiskerfið, einnig við þreytu og sleni,
kyndeyfð, og alveg sérstaklega við óþægindum samfara breytingarskeiði kvenna. Frá Kína koma 2 vörutegundir þar sem
dagsskammtur þessara bætiefna er í handhægum ampúlum, annars vegar ginseng og drottningarhunang blandað saman
og hins vegar sterkari skammtur af drottningarhunangi eitt sér.
Skólavörðustíg, Kringlunni & Smáratorgi
Ginseng og drottningarhunang
Styrkjandi náttúruafurðir sem Austurlandabúar hafa notað í árþúsundir
Royal Jelly
ampúlur
- Aukin orka og betra úthald
Ginseng Royal Jelly
ampúlur
- Aukið andlegt og
líkamlegt þrek
Kínversk áramót
Í dag, föstudaginn 31. janúar, mun Íslensk-kínverska við-
skiptaráðið halda upp á kínversk áramót en nú gengur í
garð ár geitarinnar samkvæmt kínversku tímatali.
Áramótafagnaðurinn verður haldinn á veitingastaðnum
Asíu, Laugavegi 10, Reykjavík, og hefst kl. 19.00.
Boðið verður upp á fimm rétta máltíð.
Þátttökugjald er 2.800 kr.
Ræðumenn kvöldsins verða þeir Einar Guðbjörns-
son og Jóhann Xiang og munu þeir fjalla um
reynslu af viðskiptum í Kína og um áhrif aðildar
Kína að Alþjóðaviðskiptastofnuninni (WTO).
Félagsmenn eru hvattir til þess að fjölmenna og taka með sér gesti.
FAGNAÐURINN ER ÖLLUM OPINN.
ÍSLENSK KÍNVERSKA VIÐSKIPTARÁÐIÐ
Innflytjandi:
Vatnagörðum 28, sími 581 2388.