Morgunblaðið - 05.02.2003, Blaðsíða 4
4 B MIÐVIKUDAGUR 5. FEBRÚAR 2003 MORGUNBLAÐIÐ
bílar
Toyota Landcruiser 80 VX árg. 1991.
Túrbó Dísel, 38", 7 manna með öllu.
Verð 2.250.000.
W Caddy árg. 1998. Ekinn 114.000
km. Verð 550.000.
Toyota 4Runner Dísel Túrbó. Ekinn
213.000 km. 38". Verð 1.570.000.
Volvo 850 2.0 Station árg. 1996.
Ekinn 80.000 km, sjálfskiptur.
Verð 1.290.000.
Jeep Grand Cherokee 4.0 árg. 1996.
Ekinn 140.000 km. Sjálfskiptur.
Verð 1.680.000.
Ford Windstar 3.8 l árg. 1996.
Ekinn 120.000 km, sjálfskiptur,
7 manna. Verð 1.180.000.
Toyota Celica V-VTI 1800. Ekinn
40.000 km, 6 gíra. Verð 1.480.000.
Áhvílandi 1.200.000.
Ford Transit Túrbó Dísel 15 manna.
Ekinn 85.000 km, árg. 1997.
Verð 1.290.000.
Nissan Patrol GR SLX árg. 1996.
Ekinn 150.000 km. Verð 1.530.000.
Stórhöfða 26
sjá fleiri myndir á
www.bilasalaislands.is
510 4900
IÐNAÐARMENN og fyrirtæki eru
gjarnan á höttunum eftir hag-
kvæmum bílum með mikla flutn-
ingsgetu og lágan rekstrarkostnað.
Nokkrir kostir standa þeim til boða
og má þar nefna Renault Kangoo,
Peugeot Partner og Citroën Berl-
ingo.
Nýtt útlit
Gripið var stuttlega í Citroën
Berlingo Van sem Brimborg hefur
verið með til sölu undanfarið eitt og
hálft ár. Bíllinn hefur fengið lítils-
háttar andlitslyftingu. Framsvipur-
inn hefur breyst með nýjum lugtum
og stuðara og straumlínulagaðra
formi. Einnig eru komnar í hann
nýjar innréttingar. Engu að síður
er hann nokkuð hrár að innan og
greinilega hugsaður út frá notagild-
inu. Þar eru til dæmis ekki hanska-
hólf með loki heldur hillur sem eru
hentugar til að leggja frá sér ýmsa
hluti. Þó hefur einnig verið hugsað
fyrir þægindum t.d. með því að hafa
fjarstýringu á hljómtækjum (út-
varpi og segulbandi) í stýrinu og
stýrið er með hjálparátaki og hægt
að velta því.
Mikið rými og gott aðgengi
Helstu kostir þessa tveggja sæta
flutningabíls er mikið flutnings-
rými, tvær rennihurðir á hliðunum
með lokunarvörn og afturhleri sem
opnast í tvennu lagi í 90 og 180
gráður, sem auk rennihurðanna
gefur mikið aðgengi að hleðslurým-
inu. Fáanlegur er gluggi í hægri
rennihurð. Staðalbúnaður í Van-
gerðinni er líka opnanlegur toppur
ofan við afturhlerann. Með því að
opna toppinn er hægt að flytja t.d.
langa stiga í bílnum og láta þá hvíla
á þverbita í gáttinni og vísa í átt til
himins. Síðan er hægt að fella niður
þverbitann ef ætlunin er að koma
fyrir háum og stórum hlutum í bíln-
um, t.d. með lyftara.
Varadekkið er undir bílnum til að
hámarka flutningsrýmið og gólfið í
bílnum er lagt harðplasti sem virð-
ist auðvelt í þrifum. Farþegasæt-
isbakið er hægt að fella fram og
nota sem borð og einnig er hægt að
velta sætinu upp að mælaborðinu til
að auka flutningsrýmið. Undir því
er 100 lítra hólf þar sem sniðugt er
að geyma t.d. verkfæri eða annað
lauslegt.
Sjálft hleðslurýmið er minnst
þrír rúmmetrar. Lengdin á því er
1,7 metrar, breiddin 1,6 metrar og
hæðin 1,25 metrar. Hleðslurýmið er
hið sama og í Peugeot Partner en
meira en í Renault Kangoo og burð-
argetan einnig sem er 800 kg eða
220 kg meiri en í Renault Kangoo
og 200 kg meiri en í Partner.
Berlingo er sniðugur vinnubíll
þar sem hugsað er út í hörgul út í
allar lausnir sem henta þeim sem
þurfa að flytja mikið af verkfærum
eða vörum.
Sparneytinn en afllítill
Ókosturinn við bílinn er að hann
er eingöngu fáanlegur með 1,4 lítra
bensínvél eða 1,9 lítra dísilvél.
Þarna vantar fleiri vélargerðir því
sannast sagna er bíllinn fremur afl-
vana með 1,4 lítra vélinni og þó var
bíllinn eingöngu prófaður ólestað-
ur. Hann er seinn upp en vinnur svo
sem þokkalega þegar vélin er kom-
in á nægilegan snúning. Með fullri
hleðslu, þ.e. 800 kg, má ætla að bíll-
inn sé seinn í svifum því togið er
heldur ekki mikið, að hámarki 120
Nm. Á hinn bóginn hafa menn í
höndunum sparneytinn bíl og þar
sem hann er fyrst og fremst ætl-
aður sem vinnubíll ætti það að vega
þyngra en upptak og hestöfl. Verð-
ið ætti mönnum einnig að þykja
bærilega þægilegt. 1.519.000 kr.
eða 1.220.060 kr. án virðisauka-
skatts.
Fjölskyldu- og vinnubíllinn
Multispace
Berlingo Multispace er síðan
fólksbílaútgáfa bílsins. Grunnurinn
er hinn sami og í Van-útgáfunni en
það eru komin þrjú aftursæti sem
hægt er að fella fram og velta upp
að framsætunum í skiptingunni 40/
60 og er þá komið mikið flutnings-
rými, eða allt að 2.800 lítrar. Með
sætin á sínum stað er hleðslurýmið
myndarlegir 624 lítrar. Kostur er
að afturgólfið er alveg slétt og þar
rúmast því þrír farþegar með góðu
móti og samt er mikið flutnings-
rými aftan við aftursætin.
Þetta er sömuleiðis sniðugur bíll
sem getur þjónað tveimur hlutverk-
um; sem vinnubíll með mikla flutn-
ingsgetu og fjölskyldubíll. Multis-
pace vagninn sem var prófaður
stríðir við sama vandamál og Van-
bíllinn, þ.e.a.s. of litla bensínvél.
Margir geta látið sér lynda við vél
af þessu tagi en undirritaður myndi
fljótt missa þolinmæðina – en þá er
hægur vandi að bæta 120.000 krón-
um við grunnverðið sem er
1.569.000 kr., og fá bílinn með
þokkalegri 1,6 l vél, 110 hestafla.
Auk aflmeiri vélar fæst fyrir þann
pening, sem sé samtals 1.689.000
kr., ABS-hemlakerfi og geislaspil-
ari í stað segulbands. Multispace er
vissulega kassalega og sendibíls-
legur í útliti og það kostar eflaust
marga átak að kaupa slíkan bíl sem
fjölskyldubíl. En þegar haft er í
huga notagildi bílsins er óhætt að
segja að Multispace sé athyglis-
verður kostur.
Morgunblaðið/Sverrir
Multispace-fólksbíllinn er með heilum afturhlera og
tveimur rennihurðum á hliðum.
Morgunblaðið/Sverrir
Gott aðgengi er að farþegarýminu í Multispace.
Morgunblaðið/Sverrir
Van-gerðin er með tveimur afturhurðum og opn-
anlegum toppi.
Berlingo — einn bíll en þó tveir
Morgunblaðið/Sverrir
Berlingo hefur fengið andlitslyftingu sem felst í nýjum framenda.
Vél: Fjórir strokkar, 1.360
rúmsentimetrar.
Afl: 75 hestöfl við 5.500
snúninga á mínútu.
Tog: 120 Nm við 3.400
snúninga á mínútu.
Lengd: 4.137 mm.
Breidd: 1.724 mm.
Hæð: 1.819 mm.
Burðargeta: 800 kg.
Hleðslurými: Allt að
3.000 lítrar.
Hurðir: Sex.
Hæð undir lægsta punkt:
14,5 cm.
Fjöldi farþega: 1.
Hemlar: Diskar að framan,
skálar að aftan.
Eigin þyngd: 1.025 kg.
Eyðsla: 7,1 l í blönduðum
akstri.
Verð: 1.519.000 kr.
Umboð: Brimborg.
Citroën Berlingo
Van 1,4i
Innréttingar eru einfaldar en vel
útfærðar.
Berlingo er fáanlegur jafnt sem fólksbíll og sendibíll.
gugu@mbl.is
REYNSLUAKSTUR
Citroën Berlingo
eftir Guðjón Guðmundsson