Morgunblaðið - 19.02.2003, Blaðsíða 11

MORGUNBLAÐIÐ MIÐVIKUDAGUR 19. FEBRÚAR 2003 B 11
bílar
HÖNNUÐUR Ferrari-liðsins, Rory Byrne,
segist hafa með 2003-bíl liðsins hannað besta
bíl Ferrari til þessa og tæknistjórinn Ross
Brawn segir hann stærsta skref sem nokkru
sinni hafi verið stigið í bílsmíði í herbúðum
Ferrari. Segir hann markmiðið að vinna fleiri
mót en í fyrra er Ferrari vann 15 mót af 17
sem þýðir að Michael Schumacher og Rubens
Barrichello verða sín á milli að vinna öll mót
ársins, því þeim hefur fækkað úr 17 í 16. Eyk-
ur það á bjartsýni Ferrari-manna að Schu-
macher setti brautarmet þrjá daga af fjórum
sem hann ók nýja bílnum í einkabraut Ferrari
í Fiorano í síðustu viku.
Mikil bjartsýni ríkti í röðum forsvarsmanna
Ferrari er 2003-bíll liðsins var sviptur hulunni
í verksmiðjum liðsins í Maranello. Ekkert
annað komst að en að vinna heimsmeist-
aratitla einnig í ár sem hin síðustu og ýtir yf-
irlýsing Byrne um að hann hafi hannað besta
bíl Ferrari til þessa – svo og metaslátta Schu-
machers – undir væntingar í þá veru.
49. bíll Ferrari
Bíllinn er sá 49. sem Ferrari smíðar til
keppni í Formúlu-1 og er hann nefndur
F2003-GA til heiðurs FIAT-stjóranum og leið-
arljósi keppnisliðsins í áratugi, Gianni Agnelli.
Byrne segir hönnunarforsendur F2003-GA
bílsins í grundvallaratriðum þær sömu og lágu
til grundvallar 2002-bílnum, einkum hvað
varðar skilvirkni loftafls og loftflæðis bílsins.
Þó hafi verið leitast við – og tekist – að lækka
þyngdarpunkt hans sem mest og hámarka
bæði afköst dekkja og nýju 052-vélarinnar.
Byrne sagði engu að síður að margir þættir
bílsins hafi verið endurskoðaðir frá grunni til
þess að hann gæti tekið forvera sínum fram.
Ekki hafi verið hægt að þróa vissa hluta 2002-
bílsins meira. Á myndum má sjá að tekist hef-
ur að pakka betur saman vélbúnaði undir
skinni bílsins því – einkum aftan við ökuþór –
er hann áberandi aðskornari, eða þveng-
mjórri, en fyrr sem bætir mjög loftstreymi um
bílinn.
Bætt loftflæði
Hliðarbelgirnir eru sporöskjulaga að fram-
an en ílengjast aftanvert og eru mun umfangs-
minni, ávalari og mótaðir að innvolsi bílsins en
fyrr, er þeir voru mun kasssalagaðri. Þar virð-
ist nýi Ferrari-fákurinn hvað frábrugðnastur
öðrum keppnisbílum.
„Undirvagninn, hliðarbelgirnir, fyr-
irkomulag vatnskassanna og innanverð aft-
urfjöðrunin eru alveg ný hönnun og bæta bæði
loftflæði um bílinn og kælingu hans. Þá erum
við ennþá að þróa nokkra þætti, þar á meðal
framvænginn, vindskeiðar, bremsutrektir og
hluta afturfjöðrunarinnar; hluti sem við byrj-
um að prófa við bílprófanir á næstu þremur til
fjórum vikum og ættu að bæta afköst bílsins
frekar,“ sagði Byrne.
Þá segir Byrne, að þótt gírkassinn í 2003-
bílnum sé í aðalatriðum þróaður út frá kassa
2002-bílsins sé hann mun styttri, mjórri og
léttari, en hann er smíðaður úr títanmálmi.
Gírarnir hafa verið endurhannaðir til að spara
vigt og auka endingu þeirra. Þá hafi skiptingin
verið þróuð áfram og séu gírskiptingar orðnar
enn hraðari. Nýtt skref fram á við hafi verið
stigið í þeirri viðleitni að samþætta vélina, gír-
kassann og afturfjöðrunina.
Aflstýri bílsins hefur verið endurhannað frá
grunni og frumgerð þess reynd með góðum
árangri við bílprófanir í 2002-bílnum und-
anfarna mánuði. Hið sama er að segja um nýj-
an rafeindastýribúnað vélkerfa bílsins sem
sagður er taka þeim fyrri fram að vinnslugetu
og -hraða sem gefi möguleika á betri stýring-
um á mótor og gírkassa.
Samverkan bíls og barða
Einnig segir hönnuðurinn að nánara sam-
starf við sérfræðinga Bridgestone-fyrirtæk-
isins hafi aukið tæknimönnum Ferrari skiln-
ing á samverkan bíls og barða og gert þeim
kleift að ná betri nýtingu úr úr dekkjunum
með endurhönnun bæði fram- og afturfjöðr-
unar.
Þannig hafa innri endar afturfjöðrunarinnar
tekið stakkaskiptum og demparakerfi hennar
sé alveg nýtt og aðrir hlutar endurbættir eða
smíðaðir úr alveg nýjum efnum eða með öðr-
um smíðisaðferðum í þeim tilgangi að létta
fjöðrunarkerfið. Trjóna bílsins, sá hluti hans
sem er framan stjórnklefans, virðist nánast
óbreytt frá í fyrra en þó virðist nefið slúta ör-
lítið meira niður.
Mikil vinna hefur verið lögð í að lækka
þyngdarpunkt F2003-GA bílsins og bæta
þyngdardreifingu. Og með því að ná fram
þyngdarbætingu með léttari málmum við
smíðina fæst enn meira svigrúm til að bæta
uppsetningu bílsins og hámarka veggrip og
rásfestu eftir brautaraðstæðum hverju sinni
með aukinni kjölfestu. Því léttari sem bíllinn
er því meiri kjölfestu hefur liðið að spila úr
þar sem bíllinn verður að vera að lágmarki 600
kíló með ökuþór þegar í mark er komið í kapp-
akstri. Hermt er að Ferrari hafi tekist að létta
bílinn það mjög að liðið hafi úr hvorki meira
né minna en 80 kílóum af kjölfestu að spila til
að dreifa um bílinn eftir því sem hentar best.
„Fyrir ári spáði ég því að F2002-bíllinn ætti
eftir að reynast besti kappakstursbíll Ferrari
frá upphafi – og það gekk eftir. Öll okkar við-
mið hafa náðst eða verið betrumbætt [við
prófanir í vindgöngum] svo ég þykist öruggur
með að hann verði besti Formúlu-1 bíll Ferr-
ari frá upphafi,“ sagði Byrne.
Þvengmjór Ferrari-bíllinn sagður sá besti til þessa
Reuters
Nýr Ferrari F2003GA. GA er til heiðurs Gianni Agnelli, fyrrverandi hæstráðanda hjá Fiat.
Heimsmeistarinn Michael
Schumacher tyllir sér á barða
nýja bílsins.
Gallerý Bón
Grensásvegi 11 (Skeifumegin) sími 577 5000
Alþrif • innanþrif • hraðþvottur • teflon
mössun og djúphreinsun
Tökum breytta bíla allt að 44“
Allt handunnið
Smiðjuvegi 32 • rauð gata
Sími 587 2930
Vagnhöfða 6 - 110 Reykjavík
Sími 577 6090 - Fax 577 6095
Eigum til vatnskassa/bensíntanka
og miðstöðvar, ásamt aukamiðstöðvum
ætluðum bifreiðum/bátum og vinnuvélum.
Einnig intercoolera í vörubíla og vinnuvélar.
BÍLSKÚRS
OG IÐNAÐARHURÐIR
Eldvarnar-
hurðir
Öryggis-
hurðirÁrmúla 42 - sími 553 4236
netfang: glofaxi@simnet.is
Hurðir
til á lager
Smíðað
eftir máli
TRUKKURINN EHF.
BÍLA OG VÉLAVERKSTÆÐI
Óseyri 8, 603 Akureyri
sími 462 3010, fax 462 3020
Gsm 24h 898 2459
www.trukkurinn.is
trukkurinn@trukkurinn.is
LoadMaster
vejesystemer
Þjónustuumboð vélasviðs Heklu
G.T. ÓSKARSSON
Vörubílavarahlutir
Vesturvör 23, 200 Kópavogi
sími 554 6000.
Varahlutir — hagstætt verð
Gabriel höggdeyfar, drifliðir,
drifliðshosur, vatnsdælur, vatnslásar,
stýrisendar, spindilkúlur, tímareimar,
sætaáklæði, ökuljós o.fl.
Bíldshöfða 14 • sími 567 6744
HJÓLASTILLUM JEPPA Á STÓRUM DEKKJUM