Morgunblaðið - 24.02.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 24. FEBRÚAR 2003 B 5
DAVID Davies, framkvæmdastjóri
enska knattspyrnusambandsins,
FA, sagði í gær að fjárhagur þess
væri ekki traustur þessa stundina
en enskir fjölmiðlar greindu frá því
í gær að sambandið þyrfti 6,2 millj-
arða ísl. kr. lán (50 millj. ensk pund)
nú þegar til þess að bjarga því frá
gjaldþroti.
Adam Crozier sagði af sér sem
framkvæmdastjóri mjög óvænt í
október sl. og hafa margir gagn-
rýnt stjórnunarstíl hans þar sem
kostnaðaráætlanir hans stóðust
sjaldan eða aldrei.
Tekjur FA eru ágætar og sem
dæmi má nefna að sambandið fær 7
milljarða ísl. kr. í ágúst á þessu ári
vegna sjónvarpssamninga vegna
ensku bikarkeppninnar og enska
landsliðsins. Þriggja ára samningur
FA við BBC og BSkyB er metinn á
um 50 milljarða ísl. kr. en samt sem
áður er fjárhagur sambandsins á
veikum grunni þessa stundina.
Forsvarsmenn FA hafa boðað
niðurskurð í starfsemi sambandsins
en ekki verður hróflað við fram-
kvæmdum á nýja Wembley-
leikvanginum sem mun kosta um 93
milljarða ísl. kr. og þar af greiðir
FA um 19 milljarða í framkvæmd-
ina.
Dýr húsaleiga
í miðborg London
FA hefur ekki sent frá sér upp-
lýsingar um stöðu mála og hvaða
verkefni það eru sem hafa farið úr
böndunum fjárhagslega en sem
dæmi má nefna að árlega greiðir
FA 310 millj. ísl. kr. í leigu fyrir
höfuðstöðvar sínar sem eru í mið-
borg London, Soho Square.
STUÐNINGSMENN enska 1. deild-
arliðsins Leicester City sem hafa
látið flúra nafn og félagsmerki liðs-
ins á handleggi sína á undanförnum
árum geta nú andað léttar því
áformum um að breyta nafni fé-
lagsins hefur verið kastað fyrir
borð. Forráðamenn liðsins lögðu til
að í framtíðinni myndi félagið bera
upprunalegt nafn sitt, Leicester
Fosse, en stuðningsmenn liðsins
greiddu atkvæði um nöfnin í leik-
hlénu á laugardag þegar Leicester
City tók á móti Wimbledon. Stuðn-
ingsmenn liðsins fengu spjald fyrir
leikinn sem þeir áttu að lyfta upp á
vissum tímapunkti í hálfleik, öðrum
megin var bókstafurinn F og hin-
ummegin var C sem réð ríkjum í at-
kvæðagreiðslunni. Eins og kunnugt
er var Leicester bjargað frá gjald-
þroti af hópi fjárfesta sem vildu
kanna viðhorf stuðningsmanna liðs-
ins til nafnsins Leicester Fosse sem
félagið notaði fyrst árið 1884 en því
var breytt í Leicester City árið
1919.
Leicester
City með
yfirburði
gegn
Fosse
GUÐNI Bergsson, fyrirliði
Bolton, átti mjög góðan leik í
vörn sinna manna í leiknum
við Manchester United. Guðni
batt vörn Bolton vel saman og
komust sóknarmenn United-
liðsins lítt áleiðis gegn vel
skipulagðri vörn heima-
manna. Guðni og Rud van
Nistelrooy áttu nokkrar rimm-
ur hvor gegn öðrum og und-
antekningarlaust hafði Guðni
betur. Hollendingurinn, sem
skorað hefur 25 mörk á leik-
tíðinni, var í heljargreipum
Guðna og félaga og langt er
síðan lið Manchester United
hefur fengið úr jafn litlu að
moða í sókninni og skapað sér
jafn fá færi í einum leik eins
og raun bar vitni á Reebook.
Alex Ferguson, knattspyrnu-stjóri Manchester United,
sagði að liðið hefði neitað að gefast
upp í nánast vonlausri stöðu en
Bruno N’Gotty hafði komið Bolton
yfir í leiknum og var útlitið bjart
hjá Bolton allt þar til Norðmaður-
inn Ole Gunnar Solskjær jafnaði
metin á 90. mínútu. „Við áttum
kannski ekki skilið að fá stig í þess-
um leik en við náðum því samt sem
áður. Það er vel þekkt að leikmenn
gera oft meira en venjulega þegar
mest liggur við,“ sagði Ferguson.
Newcastle hefur enn ekki sagt
sitt lokaorð í baráttunni um meist-
aratitilinn eftir að liðið lagði Leeds
Utd. 3:0 á útivelli og er nú aðeins
þremur stigum á eftir Man. Utd. og
á að auki leik til góða. Kieron Dyer
skoraði tvívegis fyrir Newcastle en
hann hafði ekki skorað í deildinni í
10 mánuði. Alan Shearer bætti við
því þriðja sem er jafnframt 15.
mark hans í deildinni á leiktíðinni
en það 18. í heild.
Jonathan Woodgate lék ekki
gegn sínu gamla liði – ákvæði í
samningi hans meina honum að
leika gegn Leeds það sem eftir er
keppnistímabilsins en hann var
seldur til Newcastle á dögunum.
Stuðningsmenn Leeds sungu fyrir
stjórnarformann félagsins, Peter
Ridsdale: „Hvernig er staðan Rids-
dale? Hvernig er staðan Ridsdale?“
en hann er undir miklum þrýstingi
úr öllum áttum hvað varðar fjárhag
og gengi Leeds. Í síðustu átta deild-
arleikjum hefur Newcastle unnið
sex og gert tvö jafntefli.
Radzinski
hetja Everton
Kanadamaðurinn Tomasz Radz-
inski er hetjan hjá Everton þar sem
hann skoraði tvívegis gegn South-
ampton undir lok leiksins og
tryggði liðinu 2:1 sigur. Piltarnir
frá Goodison Park eygja enn vonir
um sæti í Meistaradeildinni næsta
haust. Enski landsliðsmaðurinn
James Beattie skoraði 17. mark sitt
á þessum vetri fyrir Southampton í
fyrri hálfleik.
Everton er með 48 stig í fimmta
sæti deildarinnar líkt og Chelsea
sem er í því fjórða eftir 2:1 ósigur á
heimavelli sínum gegn Blackburn.
Gianfranco Zola lék sinn 300. leik
fyrir Chelsea en hann kom inná
sem varamaður í síðari hálfleik.
Eiður Smári Guðjohnsen var í byrj-
unarliði Chelsea en mark liðsins
skoraði Jimmy Floyd Hasselbaink
beint úr aukaspyrnu eftir að þeir
Dwight Yorke og David Dunn höfðu
skorað fyrir gestina.
Charlton kemur
enn á óvart
Charlton stefnir á sæti í Evrópu-
keppni á næstu leiktíð eftir 3:0 sig-
ur gegn Jóhannesi Karli Guðjóns-
syni og félögum hans úr Aston
Villa. Jason Euell og Jonatan Jo-
hansson skoruðu mörkin og sá síð-
arnefndi skoraði í tvígang.
Ekkert nema fall blasir við Sund-
erland sem tapaði 3:1 á heimavelli
fyrir Middlesbrough í grannaslag
liðanna frá norðausturhluta Eng-
lands.
Trevor Sinclair tryggði West
Ham sigur, 2:1, gegn WBA í mikl-
um fallslag á sunnudag og skoraði
hann bæði mörk liðsins. Daniele
Dichio skoraði mark WBA en þrátt
fyrir sigurinn er West Ham enn í
fallsæti, því 18., með 23 stig, WBA
kemur þar næst með 21 og Sunder-
land er á botninum.
FA í fjárhagsvanda
Guðni
öflugur
í vörn
Bolton
Reuters
Leikmenn Newcastle hafa fagnað góðum sigrum að undanförnu og hafa þeir Tresor Lualua og
Shola Ameobi heldur betur verið í sviðsljósinu og Newcastle er enn með í meistarabaráttunni.
Newcastlemenn
halda sínu striki
ARSENAL er með fimm stiga forskot á Manchester United sem náði
að merja 1:1 jafntefli gegn Guðna Bergssyni og félögum í Bolton og
aðeins eru eftir tíu umferðir í deildinni. Newcastle er enn við sama
heygarðshornið, hefur ekki tapað í sl. átta deildarleikjum og fylgja
lærisveinar Bobby Robsons fast á hæla Manchester United sem er í
öðru sæti deildarinnar. Ekkert gengur hjá Liverpool sem tapaði fyrir
Birmingham á útivelli, 2:1, og virðist liðið því ekki líklegt til afreka.
STJÓRN danska knattspyrnu-
sambandsins, DBU, skaut í kaf til-
lögu þess efnis að taka upp úr-
slitakeppni í efstu deild karla þar í
landi, en það voru samtök danskra
félagsliða sem lögðu tillöguna
fram. Af alls 145 atkvæðum á
danska knattspyrnuþinginu fékk
tillagan 50 atkvæði en 95 voru á
móti. Á föstudag var annað uppi á
teningnum en þá leit allt út fyrir
að danska knattspyrnusambandið
myndi samþykkja tillöguna.
Gert var ráð fyrir að skipta
dönsku deildinni í tvo hluta að
loknum 22 umferðum þar sem sex
efstu liðin myndu leika um meist-
aratitilinn en sex neðstu um fall í
1. deild. Einnig var rætt um að
fækka eða fjölga liðunum í efstu
deild en uppi eru tillögur um 10
eða 16 liða deild. Bendir flest til
þess að liðunum verði fækkað um
tvö í allra nánustu framtíð.
Danir
vilja ekki
úrslita-
keppni