Morgunblaðið - 24.02.2003, Blaðsíða 11
KNATTSPYRNA
MORGUNBLAÐIÐ MÁNUDAGUR 24. FEBRÚAR 2003 B 11
LEIK AC Milan gegn Torino í ítölsku deildinni í knattspyrnu var frestað á
laugardag er síðari hálfleikur átti að hefjast þar sem stuðningsmenn Tor-
ino reyndu að komast inná völlinn. Lögreglan þurfti að beita táragasi til
þess að hafa hemil á áhorfendum sem rifu upp sæti úr áhorfendastúkum
Delle Alpi-vallarins og hentu í átt að leikmönnum sem og lögreglu. Eins og
áður segir reyndu áhorfendur að brjóta sér leið inná völlinn en háar girð-
ingar eru umhverfis vellina á Ítalíu en slíkar girðingar eru t.d. bannaðar á
enskum knattspyrnuvöllum. Luca Palanca dómari leiksins brá á það ráð að
fresta leiknum þar sem táragasið hafði áhrif leikmenn beggja liða. Um
helgina tilkynnti ríkistjórn landsins hertar aðgerðir gegn óróaseggjum á
knattspyrnuvöllum en fregnir um þær aðgerðir náðu ekki eyrum stuðn-
ingsmanna Torino sem er í næst neðsta sæti deildarinnar.
Allt vitlaust
á Delle Alpi
Jóhannsson, þjálfari Grindvíkinga, í
samtali við Morgunblaðið.
„Ég gat stillt upp mínu sterkasta
liði. Það eru engin meiðsl í hópnum
svo það er um að gera að keyra liðið
saman,“ bætti Bjarni við.
Eyjamenn gátu hins vegar ekki
stillt upp sínu sterkasta liði. Til að
mynda vantaði Bjarnólf Lárusson
og Hlyn Jóhannesson.
Bjarni sagði að landsliðskandítat-
ar hefðu staðið í mörkunum – Ólaf-
ur Gottskálksson í marki Grindvík-
inga og Birkir Kristinsson hjá
Eyjamönnum. „Þeir litu vel út báðir
og Óli er í mjög fínu standi. Hann
Grindvíkingar stilltu upp sínusterkasta liði í gær með Ólaf
Gottskálksson á milli stanganna
þegar þeir lögðu Eyjamenn, 2:0 í
Fífunni. Skotinn Paul McShane
skoraði fyrra markið um miðjan
fyrri hálfleik og Grétar Hjartarson,
markakóngur úrvalsdeildarinnar á
síðustu leiktíð bætti við öðru í byrj-
un síðari hálfleiks.
„Úrslitin voru sanngjörn að mínu
mati og það voru ágætir kaflar í
leiknum. Við erum að vísu búnir að
spila lítið á undirbúningstímabilinu
og Eyjamenn líka svo leikurinn bar
þess svolítið merki,“ sagði Bjarni
vantar kannski tvær vikur til að
komast í toppform og ég trúi ekki
öðru en að hann hljóti að koma til
greina í landsliðið,“ sagði Bjarni.
Sören með þrennu
Danski sóknarmaðurinn Sören
Hermansen sem á dögunum gekk
til liðs við Þrótt byrjaði vel með
Þrótturum þegar liðið sigraði
Deildabikarmeistara FH, 4:2, í Fíf-
unni á laugardaginn. Hermanson
skoraði þrennu fyrir sína menn en
Vignir Sverrisson opnaði marka-
reikninginn hjá Þróttunum. Þrótt-
arar komust í 2:0 en Atli Viðar
Björnsson og Emil Sigurðsson jöfn-
uðu metin fyrir FH-inga. Þróttarar
innsigluðu sigurinn á lokakafla
leiksins þegar þeir skoruðu tvívegis
og til að bæta gráu ofan á svart fyr-
ir FH-inga fékk Sigmundur Ást-
þórsson að líta rauða spjaldið.
ÍA tapaði fyrir Þór, 1:0, í Bog-
anum á Akureyri en Skagamenn
unnu KA á föstudagskvöldið á sama
stað. Jóhann Þórhallsson skoraði
sigurmarkið á 27. mínútu leiksins
með hörkuskoti. Mikill hamagangur
var í síðari hálfleik og þrívegis lyfti
Jóhannes Valgeirsson, dómari,
rauða spjaldinu á loft. Kristján
Hagalín var sendur í bað fyrir brot
og í kjölfarið fékk Ólafur Þórðarson
einnig að líta rauða spjaldið fyrir
mótmæli en hann var þá nýkominn
inná í lið Skagamanna. Jóhann Þór-
hallsson fór svo sömu leið á loka-
mínútu leiksins þegar hann fékk að
líta sitt annað gula spjald. Skaga-
menn urðu fyrir áfalli í fyrri hálfleik
þegar fyrirliðinn Gunnlaugur Jóns-
son fór meiddur af velli.
„Ég verð líklega frá í 2-3 vikur en
ökklinn er stokkbólginn,“ sagði
Gunnlaugur við Morgunblaðið í
gær. „Leikurinn við Þór var ansi
skrautlegur þar sem dómarinn var í
aðalhlutverki. Þórsararnir voru
mjög grimmir en við hefðum átt að
ná í það minnsta jafntefli,“ sagði
Gunnlaugur.
Laugardagurinn var ekki happa-
drjúgur fyrir Aftureldingu. Hand-
knattleiksmenn félagsins lágu fyrir
HK í úrslitaleik bikarkeppninnar
en fyrr um daginn töpuðu knatt-
spyrnumenn Mosfellsliðsins fyrir
KR, 3:0. Nýi framherjinn í liði vest-
urbæinga, hinn hávaxni Garðar Jó-
hannssson, skoraði tvö marka KR
og Sigurður Ragnar Eyjólfsson eitt.
Morgunblaðið/Árni Sæberg
Ólafur Gottskálksson, markvörður Grindvíkinga, er hér við öllu búinn á milli stanganna í Fífunni í gær enda eins gott því Gunnar
Heiðar Þorvaldsson í liði ÍBV er mikill markahrókur. Grindvíkingar höfðu betur í leiknum og lögðu Eyjamenn að velli, 2:0.
Þrjú rauð spjöld
í sigri Þórs á ÍA
FIMM leikir fóru fram í efri deild karla í Deildabikarkeppni KSÍ í
knattspyrnu helgina. Tvö lið úr 1. deildinni gerðu sér lítið fyrir og
lögðu úrvalsdeildarlið – Þór sigraði ÍA í Boganum, 1:0, þar sem þrjú
rauð spjöld fóru á loft og í Egilshöll báru Víkingar sigurorð af Val, 2:1.
JENS Lehmann, markvörð-
ur Borussia Dortmund úr
þýsku 1. deildinni í knatt-
spyrnu, á nú vafasamt met
eftir leik liðsins um helgina
gegn Schalke á útivelli.
Leiknum lauk með jafntefli
2:2 en Lehmann var vísað af
leikvelli á 80. mínútu fyrir að
skammast í samherja sínum
Marcio Amoroso. Er þetta í
fyrsta sinn sem leikmaður
fær að líta rauða spjaldið
fyrir að „rökræða“ við sam-
herja sinn. Lehmann eign-
aðist einnig annað met á
laugardaginn þar sem hann
hefur nú verið rekinn af velli
fjórum sinnum á sínum ferli
sem markvörður og er það
einu sinni oftar en Oliver
Kahn markvörður Bayern
München hefur afrekað en
hann heldur Lehmann á
varamannabekk þýska
landsliðsins. Herbert Fandel
dómari leiksins sagðist ekki
gera greinarmun á orða-
skiptum samherja eða mót-
herja – Lehmann hefði sýnt
af sér óíþróttalega fram-
komu og átt það skilið að
verða sendur útaf. For-
ráðamenn Dortmund sögðu í
gær að málið væri úr sög-
unni í herbúðum liðsins þar
sem leikmennirnir hefðu
rætt saman um atvikið eftir
leikinn.
Lehmann
á spjöld
sögunnar
LOGI Gunnarsson skoraði 31 stig í
sigri Ulm gegn Frankfurt í þýsku 2.
deildinni í köfruknattleik. Ulm lék á
útivelli en hafði mikla yfirburði í
leiknum sem endaði 110:76. Ulm er í
öðru sæti suðurriðils deildarinnar,
með 36 stig, og á einn leik til góða á
Karlsruhe sem er í efsta sæti deild-
arinnar með 38 stig. Efsta liðið leik-
ur í úrvalsdeild næsta haust.
JÓN Arnór Stefánsson skoraði 10
stig fyrir Trier sem tapaði á útivelli
90:79 gegn Alba Berlín í 1.deildinni í
Þýskalandi í gær. Trier er sem fyrr í
neðsta sæti deildarinnar. Alba Berl-
ín er hinsvegar í öðru sæti og segir
þjálfari Trier að liðið hafi leikið sinn
besta leik á tímabilinu.
CHRISTIAN Vieri skoraði tvíveg-
is fyrir Inter Milan í 3:1 sigri gegn
Piacenza í ítölsku deildinni á sunnu-
dag. Gabriel Battistuta skoraði eitt
mark fyrir Inter sem er á toppiu
deildarinnar ásamt Juventus. Lazio
gerði markalaust jafntefli gegn Atal-
anta og Róma tapaði gegn Udinese.
ÍTALSKA ríkisstjórnin tilkynnti í
gær aðgerðir gegn ofbeldi á meðal
áhorfenda á knattspyrnuleikjum en
ofbeldi og slagsmál hafa verið stórt
vandamál í ítölsku deildunum. Lög-
reglan mun herða allar sínar aðgerð-
ir og öryggismyndavélum verður
fjölgað til muna.
FÓLK
„ÉG tel litlar líkur á því að ég taki
tilboði gríska liðsins,“ sagði Dam-
on Johnson leikmaður körfu-
knattleiksliðs Keflavíkur í gær en
gríska 2. deildarliðið Panellinios
hefur ítrekað óskað eftir því að fá
Johnson í sínar raðir. Forráða-
menn Keflvíkur sögðu fyrir
helgina að tilboðið yrði skoðað frá
öllum hliðum og sú staða gæti
komið upp að því væri ekki hægt
að hafna. Damon sagði að hlut-
irnir hefðu farið úr böndunum
hvað þetta mál varðar enda hefðu
Grikkirnir aðeins sent fyrir-
spurnir og samningsdrög en hann
hefði ekki átt frumkvæði í þessu
máli. „Ég hef aldrei sagt að ég sé
að yfirgefa Keflavík á þessum
tímapunkti og eins og staðan er í
dag mun ég klára þetta tímabil
með liðinu enda ætlum við okkur
að vinna meistaratitilinn,“ sagði
Johnson sem fékk íslenskt rík-
isfang á sl. ári og opnast þar með
nýir möguleikar fyrir hann á
meginlandi Evrópu.
Damon er ekki á förum