Morgunblaðið - 24.02.2003, Blaðsíða 6

HANDKNATTLEIKUR
6 B MÁNUDAGUR 24. FEBRÚAR 2003 MORGUNBLAÐIÐ
„VIÐ gerðum bara það sem þarf
til þess að vinna bikarúrslitaleik,“
sagði Ólafur Víðir Ólafsson, hinn
19 ára gamli leikstjórnandi HK
liðsins og leikmaður úrslitaleiksins
í bikarkeppninni. Ólafur fór fyrir
félögum sínum, skoraði tíu mörk,
þar á meðal fimm fyrstu mörk HK.
„Við vorum fyrst fremst vel
búnir undir þennan leik, það var
lykill okkar að sigri,“ sagði Ólafur
og vildi lítið gera úr eigin hlut-
verki í leiknum. „Ég var með fyrir
tveimur árum þegar við töpuðum
fyrir Haukum og mig langaði ekki
að endurtaka leikinn að þessu
sinni og tapa. Þess vegna einbeitti
ég mér að leiknum, hafði fullan
stuðning til þess að leika minn
leik. Auk þess stóðu áhorfendur
þétt við bakið á okkur. Sigur okk-
ar var fyrst og fremst sannfær-
andi.“
Ólafur Víðir sagði sagðist ekki
hafa neina sérstaka skýringu á
þeim ham sem hann var í í byrjun
leiksins. „Ég var sennilega bara
með kollinn í lagi. Ég var bara
ákveðinn í að sýna mitt besta.“
Ólafur Víðir hefur alist upp hjá
HK. „Ég hef meira og minna alist
upp í Digranesi og æft handknatt-
leik frá því ég var barn. Hjarta
mitt slær hjá HK og hvergi ann-
arsstaðar, hjá HK verð ég þar til
önnur tækifæri gefast, vonandi,“
segir Ólafur Víðir sem á sér þann
draum að komast í atvinnu-
mennsku í handknattleik í útlönd-
um þegar fram líða stundir. „Auð-
vitað blundar draumurinn um
atvinnumennsku í mér. Ég verð
bara að halda áfram að æfa og
vinna þannig í að láta drauminn
rætast,“ segir hinn knái og glað-
væri leikstjórnandi bikarmeistara
HK í handknattleik, Ólafur Víðir
Ólafsson.
Langaði ekki til
að tapa aftur
Miðað við hvernig leikurinn þróaðistvar sigur HK sanngjarn. Sókn-
arleikur okkar klikkaði gjörsamlega,
vörnin var ekki nægilega sterk og HK-
menn komu einfaldlega tilbúnari til
leiks en við. Það hefði bjargað töluverðu
fyrir tímabilið hjá okkur að vinna bik-
arinn því deildin hefur valdið vonbrigð-
um.“
Reynir stóð upp úr í liði Mosfellinga
og hann ásamt bróður sínum, Arnari
Frey markverði HK, sýndi oft á tíðum
frábæra markvörslu.
Þú hlýtur samt í gegnum vonbrigðin
að vera stoltur af litla bróður þínum?
„Maður getur þó sætt við það að bik-
arinn fer í ættina. Arnar Freyr stóð sig
geysilega vel og varði vel allan leikinn.
Ég vil nota tækifærið að óska honum til
hamingju sem og öllum HK-mönnum.“
h
a
A
k
v
f
a
u
h
l
s
l
o
f
f
h
Ólafur Víðir Ólafsson, leikstjórnandin
Daði Hafþórsson, Sverrir Björn
Fjórir
– og
REYNIR Þór Reynisson, markvörður Aftu
tapa fjórða bikarúrslitaleik sínum í röð m
Víkings sem tapaði fyrir ÍBV 1991, í liði V
liði Fram sem tapaði fyrir Val 1998 og lok
„Ég gefst ekki upp og það hlýtur að koma
urvegari,“ sagði Reynir í samtali við Morg
Reynir Þór Reyn
Ólafi Víði Ólafssyni, hinum 19 áragamla leikstjórnanda HK, mun
seint líða úr minni úrslitaleikurinn
því drengurinn stal
gjörsamlega sen-
unni. Hann fór ham-
förum í upphafi leiks
– skoraði þrjú fyrstu
mörk leiksins og ekki nóg með það
heldur fimm fyrstu mörk HK-inga
og það voru liðnar rúmar 13 mínútur
þar þar til annar en hann komst á
blað fyrir HK þegar Jalieksky
Garcia tókst að koma boltanum í net-
ið. Ólafur Víðir átti sviðið og glæsileg
frammistaða hans gerði það að verk-
um að HK náði undirtökunum í
leiknum sem það hélt út leiktímann.
Mosfellingar vissu ekki hvað á sig
veðrið stóð. Þeir réðu ekkert við Ólaf
Víði og það var ekki fyrr en sex og
hálf mínúta var liðin af leiknum sem
Afturelding komst á blað þegar
Sverrir Björnsson, fyrrverandi leik-
maður HK, minnkaði muninn í 3:1.
Markið vakti liðsmenn Afturelding-
ar af værum blundi og þegar Bjarki
Sigurðsson skipti sér inná breyttist
leikur Mosfellinga til batnaðar. Þeim
tókst að jafna metin í 5:5 eftir 12
mínútna leik með marki Jón Andra
Finnssonar og aftur í 6:6 þegar
Sverrir Björnsson skoraði en því
miður fyrir Aftureldingu var það í
fyrsta í eina skiptið sem jafnt var á
með liðunum. HK svaraði marki
Sverris með þremur mörkum og
þann mun náði Afturelding aldrei að
brúa. Sóknarleikur Aftureldingar
var ákaflega stirður. Bæði gekk bolt-
inn hægt á milli manna og ógnunin
lítil sem engin nema þá helst frá
Bjarka. Sóknarleikur HK manna var
hins vegar mun markvissari þar sem
Ólafur Víðir stjórnaði ferðinni og ef
ekki hefði komið til góð markvarsla
Reynis Þórs Reynissonar hefði mun-
urinn verið meiri en tvö mörk þegar
leiktíminn í fyrri hálfleik rann sitt
skeið.
Mosfellingar breyttu varnarleik
sínum í síðari hálfleik. Í stað þess að
spila 5:1 vörn fóru þeir í afbrigði af
3:2::1 þar sem áhersla var lögð á að
halda aftur að Garcia og Ólafi Víði.
Afturelding minnkaði muninn í eitt
mark og teikn voru á lofti að fram
undan væri jafn og spennandi leikur.
En HK-ingar voru á öðru máli. Þrátt
fyrir að Alexander Arnarson, línu-
maðurinn sterki og varnarjaxl, fengi
sína aðra brottvísun í upphafi síðari
hálfleiks efldust Kópavogsbúar og
þeir voru ekki á þeim buxunum að
gefa frumkvæðið eftir. Með baráttu
og vilja bættu þeir í og eftir 10 mín-
útna leik var staðan orðin 17:13. Út-
litið dökknaði enn frekar hjá Aftur-
eldingu þegar Vilhelm Gauti
Bergsveinsson kom HK í fimm
marka forystu, 21:16. Ellefu mínútur
voru þá eftir af leiktímanum og Mos-
fellingar tóku leikhlé og réðu ráðum
sínum. Það virkaði vel því næstu
þrjú mörk voru Aftureldingar og
þegar Bjarki Sigurðsson minnkaði
muninn í 21:19, fimm mínútum fyrir
leikslok jókst spennan í leiknum. En
HK menn héldu haus og með yfir-
veguðum leik hleyptu þeir ekki Mos-
fellingum nær. Atli Þór Samúelsson
skoraði mikilvægt mark og fiskaði
skömmu síðar vítakast sem Ólafur
Víðir skoraði úr. Liðsmenn Aftureld-
ingar gripu til örþrifaráða. Þeir léku
maður á mann en 50 sekúndum fyrir
leikslok innsiglaði Már Þórarinsson
sigur Kópavogsliðsins þegar hann
skoraði 24. mark sinna manna við
gífurlegan fögnuð stuðningsmann
HK sem studdu vel við bakið á sínum
mönnum. Leikurinn fjaraði út og
þegar lokaflautan gall stigu leik-
menn og stuðningsmenn HK sigur-
dans á fjölum Laugardalshallar.
Langri bið HK eftir titli var þar með
lokið og ekki nema von að HK-ingar,
stuðningsmenn sem og leikmenn,
féllust í faðma með sigurbros á vör.
Ólafur Víðir maður leiksins
Það er á engan hallað að útnefna
Ólaf Víði Ólafsson mann leiksins.
Sjálfstraust þessa unga leikmanns
var með ólíkindum og það ásamt
áræði og útsjónarsemi var til þess að
HK hélt undirtökunum frá upphafi
til enda. Ólafur dró svo sannarlega
HK-vagninn með því að stjórna
sóknarleiknum af festu, skora
grimmt og lék félaga sína vel uppi.
Arnar Freyr Reynisson, markvörð-
ur, var önnur ung hetja í liði HK.
Hann varði jafnt og þétt allan leikinn
og gaf eldri bróður sínum, Reyni Þór
Reynissyni markverði Afturelding-
ar, lítið eftir. Samúel Árnason átti
einnig góðan leik – útsjónarsamur
leikmaður sem skoraði mikilvæg
mörk. Jaliesky Garcia hafði frekar
hægt um sig og það er til marks um
góða breidd í HK-liðinu að þó svo að
Kúbumaðurinn hafi ekki náð sér á
strik kom það ekki að sök. Áður er
minnst á góða markvörslu Arnars en
vörn HK átti stóran þátt í því og þar
fóru Jón Bersi Erlingsen og Alex-
ander Arnarson fremstir í flokki.
HK-ingar voru einfaldlega betri,
baráttuglaðari og hungraðari en
leikmenn Aftureldingar og þeir áttu
sigurinn skilinn.
Lykilmenn brugðust
Reynir Þór Reynisson stóð upp úr
í liði Aftureldingar og markvarsla
hans hélt Mosfellingum inni í leikn-
um. Segja má að sóknarleikurinn
hafi orðið Aftureldingarmönnum að
falli. Hann var einhæfur, máttlaus og
heilt yfir slakur nema þá helst að
Bjarki Sigurðsson, þjakaður af
meiðslum, náði að rífa sig lausan og
skora góð mörk. Jón Andri Finnsson
stóð einnig fyrir sínu en þeir leik-
menn sem Mosfellingar stóluðu hvað
mest á, lykilmenn, og áttu inni að
sýna hvað í þeim býr, brugðust gjör-
samlega og er þar átt við Valgarð
Thoroddsen, Sverri Björnsson og
Daða Hafþórsson. Bikarævintýri
Mosfellinga lauk því á heldur leið-
ingan hátt eftir frábæra frammi-
stöðu á leiðina í úrslitaleikinn þar
sem þeir lögðu FH, Hauka, Gróttu/
KR og Val að velli.
Mikill fögnuður í herbúðum HK-manna
33 ára draumur
um bikar rættist
Morgunblaðið/RAX
Arnar Freyr Reynisson, til vinstri, og Björgvin Gústafsson, markverðir HK-liðsins, höfðu ástæðu
til að fagna eftir leikinn. Arnar Freyr átti mjög góðan leik og var svo sannarlega hetja HK-liðsins.
HK braut blað í sögu handknatt-
leiksins í Kópavogi á laugardag-
inn þegar liðið bar verðskuldað
sigurorð af Aftureldingu, 24:21,
í úrslitaleik bikarkeppni karla
sem fram fór í Laugardalshöll.
Fyrsti stóri titillinn í 33 ára sögu
félagsins var þar með staðreynd
og um leið varð HK fyrsta Kópa-
vogsliðið sem vinnur bikar í
meistaraflokki í handknattleik.
Guðmundur
Hilmarsson
skrifar