Morgunblaðið - 24.02.2003, Blaðsíða 8
ÍÞRÓTTIR
8 B MÁNUDAGUR 24. FEBRÚAR 2003 MORGUNBLAÐIÐ
HEIÐMAR Felixson skoraði 4
mörk fyrir Bidaoa sem gerði sér
lítið fyrir og sigraði hið geysi-
sterka Ciudad Real, 27:24, á útivelli
í spænsku 1. deildinni í handknatt-
leik um helgina. Rúnar Sigtryggs-
son kom inn í lið Ciudad Real á nýj-
an leik en hann komst ekki á blað í
leiknum. Danski landsliðsmaðurinn
Christian Hjermind var at-
kvæðamestur í liði Ciudad með 7
mörk. Ólafur Stefánsson leysir
Danann af hólmi á næstu leiktíð en
hann hefur ákveðið að ganga til
liðs við Kolding í Danmörku. Ciud-
ad Real er í öðru sæti deildarinnar
með 30 stig en Börsungar, sem
burstuðu Valencia, 34:22, tróna á
toppnum með 33 stig. Bidasoa er í
10. sæti með 14 stig.
Hilmar Þórlindsson og félagar
hans í Cangas steinlá fyrir Ademar
Leon með 18 marka mun, 38:20.
Hilmar skoraði eitt af mörkum
Cangas sem er í 11. sæti af 16 lið-
um.
Óvæntur sigur
hjá Heiðmari
og félögum
Heiðmar Felixson
„ÞAÐ kom yfir leikinn þarna í lokin
þessi sjarmi sem er gjarnan yfir bik-
arúrslitaleikjum og maður hélt að
nú væri leikurinn að detta í ein-
hverja dramatík í lokin. Við höfðum
tveggja marka forskot í lokin en við
vissum að við þyrftum að minnsta
kosti eitt mark enn til að klára þær
en það kom ekki þó við fengjum
færin til þess,“ sagði Gústaf Adolf
Björnsson, þjálfari Hauka í leikslok.
„Þær (ÍBV) héldu áfram að reyna og
reyna, enda urðu þær að gera það í
þessari stöðu, það gerir enginn neitt
fyrir þær inni á vellinum og ég tek
ofan fyrir þeim að hafa haldið
áfram að berjast til hinnar síðustu
mínútu. Það vill verða mikil tauga-
spenna í svona leik, en mér fannst
maður ekki merkja það svo mikið á
leik liðanna. Ég er mjög sáttur þeg-
ar ég geri upp leikinn í heild sinni,
við erum ekki að klúðra út í gegn.
Mér fannst markmennirnir finna sig
vel, það eru skoruð falleg mörk og
fín tilþrif hjá báðum liðum frá upp-
hafi til enda. Hérna voru tvö góð lið
og annað verður að vinna.“
„Þær áttu í erfiðleikum með að
koma boltanum í gegnum okkar
vörn, við náðum að loka á þeirra
skyttur í seinni hálfleiknum og þar
lá möguleiki okkar,“ sagði Gústaf
Adolf Björnsson og hann var sáttur
við innkomu varamarkvarðarins
Bryndísar Jónsdóttur. „Ég segi allt-
af við hana að það sé sáraeinfalt að
vera markvörður, það eina sem þarf
að gera er að verja boltana og hún
fer eftir því sem ég segi.“
Fín tilþrif frá
upphafi til enda
GUÐFINNUR Kristmannsson
skoraði 1 mark fyrir Wasaiterna
sem tapaði fyrir Kroppaskultur,
32:26, í sænsku 1. deildinni í hand-
knattleik á laugardag. Wasaiterna
er í níunda sæti af tólf liðum með 3
stig en Kroppaskultur er í efsta sæti
með 11 stig.
GUÐMUNDUR Hrafnkelsson var
ekki í liði Conversano sem burstaði
Rovigo, 35:19, í ítölsku 1. deildinni í
handknattleik um helgina. Convers-
ano er efst með 44 stig, fjórum stig-
um meira en lið Prato.
HEIÐURSGESTIR á leik ÍBV og
Hauka voru bæjarstjórarnir Ingi
Sigurðsson úr Vestmannaeyjum og
Lúðvík Geirsson úr Hafnarfirði.
UNDIR lok bikarúrslitaleiksins
HK og Aftureldingar kastaðist í
kekki á milli stuðningsmanna HK og
Aftureldingar í neðri stúku Laug-
ardalshallar. Fjöldi öryggisvarða
var fljótur á vettvang til að skilja
óróaseggi að og tókst það en áður
höfðu nokkrir látið hendur skipta.
Setti þetta ljótan svip á leikinn en
dró ekki úr gleði HK-manna þegar
flautað var til leiksloka.
SIGURÐUR Geirdal, bæjarstjóri í
Kópavogi var heiðursgestur úrslita-
leiksins ásamt Ragnheiði Ríkharðs-
dóttur, bæjarstjóra Mosfellsbæjar,
Steinþóri Skúlasyni, forstjóra Slát-
urfélags Suðurlands og Sigurjóni
Péturssyni, varaformanni Hand-
knattleikssambands Íslands.
BORGARSTJÓRINN í Osaka í
Japan fær ekki að afhenda verðlaun
á stórmóti í sumo-glímu sem fram
fer í borginni í næsta mánuði og er
þetta þriðja árið sem borgarstjóran-
um Fusae Ota er meinað að fara inn
á keppnisgólfið til þess að afhenda
verðlaun þar sem hún er kona.
Afar strangar reglur eru í sumo og
hafa forsvarsmenn íþróttarinnar
verið undir stöðugum þrýstingi frá
hópum kvenna sem telja gildi og
hefðir sumo-glímunnar vera niður-
lægjandi fyrir konur.
HIN 13 ára gamla Michelle Wie
hefur fengið boð um að taka þátt í
alls sex atvinnumannamótum á
mótaröð atvinnukvenna í Bandaríkj-
unum á þessu ári en í fyrra tók hún
þátt í þremur mótum aðeins 12 ára
gömul. Wie er frá Honolulu og er því
bandarískur ríkisborgari og þykir
hún vera eitt mesta efni sem komið
hefur fram í mörg ár. Þess má geta
að hún slær allt að 270 metra upp-
hafshögg og gefur körlum ekkert
eftir á því sviði.
WIE getur þurft að bíða í allt að
fimm ár til viðbótar eftir því að fá
keppnisleyfi á mótaröðinni því að-
eins þeir sem eru 18 ára og eldri
mega leika í öllum mótum sem þar
standa til boða
FÓLK
Þegar við höfum tveggja markaforskot og tvær mínútur eftir
þá er ekkert annað en að duga eða
drepast fyrir þær. ÍBV er með topp-
skyttur og við áttum í erfiðleikum
með þær framan af öllum leik. Þá
náðu þær að loka á Hönnu (Stefáns-
dóttur) og hraðaupphlaupin okkar en
þá hlýtur eitthvað annað að opnast í
staðinn og það nýttum við okkur.“
En bikarúrslitaleikurinn fyrir
tveimur árum þegar þið klikkið á
lokasekúndum leiksins og ÍBV
tryggir sér titilinn hlýtur að hafa
komið upp í hugann í dag?
„Já að sjálfsögðu. En við vorum
staðráðnar í að láta það ekki endur-
taka sig. Við vissum að við yrðum að
koma okkur í færi og gulltryggja
okkur sigurinn. Við vissum ekkert
hvað var að gerast en það var mjög
gott að þetta gerðist,“ sagði Inga
Fríða Tryggvadóttir.
Skemmtilegt að fá tækifæri
Bryndís Jónsdóttir, hinn 17 ára
gamli markvörður Hauka, var hóg-
værðin uppmáluð þegar Morgun-
blaðið náði tali af henni í lok leiks.
„Ég veit ekki hvað liggur þarna að
baki,“ sagði Bryndís aðspurð um að-
ferðina við að verja víti, en með vít-
unum tveimur sem hún varði í leikn-
um hefur hún varið fimm vítaköst í
röð fyrir Hauka, hún tók þrjú víti
gegn Val í síðustu umferð Íslands-
mótsins. „Maður þarf bara að verja
og það er mjög skemmtilegt að fá
tækifæri til að taka þátt í leik eins og
þessum,“ sagði Bryndís.
Barátta, grimmd og hungur
„Við áttum ekki von á öðru en að
þetta yrði hörkuleikur. Þær eru fyrir
ofan okkur í deildinni og flestir voru
búnir að spá ÍBV sigri. En það hefur
líka verið rætt um að við hefðum liðs-
heildina þó þær væru með sterkari
einstaklinga á pappírunum og ég
held að liðsheildin hafi verið lykillinn
að sigri okkar í dag,“ sagði Harpa
Melsted, fyrirliði Hauka.
„Það var engin ein sem stóð uppúr
í liði okkar. Þær sem komu inná skil-
uðu allar einhverju, varamarkvörð-
urinn kemur inn og tekur tvö víti.
Vörnin smellur mestan hluta leiks-
ins, Nína kemur inn í seinni hálfleik
og stendur sig vel. Við eigum allar
ágætis tíma og þegar þetta er lagt
saman þá er sigur niðurstaðan.“
En það var ljóst að það átti ekki að
missa leikinn í einhverja taugaveikl-
un og vitleysu?
„Nei, þessir bikarleikir virðast oft
fara í einhverja vitleysu. Það hefur
oft þurft að framlengja og við vissum
að þessi leikur yrði mjög jafn og þeg-
ar aðeins tvö mörk skilja liðin að all-
an leikinn þá getur allt gerst á loka-
mínútunum. Maður er búinn að spila
marga svona leiki og þó það gangi
ekki allt upp á þeim tíma sem maður
vill þá er þetta aldrei búið fyrr en það
er búið. Við sáum það árið 2001 og
við vorum allar sammála um að láta
þann leik ekki endurtaka sig.“
Var það ekki erfitt fyrir ykkur að
sjá að þið eruð ekki að ná að keyra
hraðaupphlaupin sem hafa verið
ykkar aðall í vetur?
„Nei við áttum von á því að þær
myndu klippa Hönnu út úr leiknum.
Ef ég væri að þjálfa lið og væri að
fara að mæta okkur þá er þetta ná-
kvæmlega það sem ég myndi gera.
Við höfðum auðvitað hugsað út í
þetta og við leituðum með boltann
annað. Auðvitað eru þetta viðbrigði
en mér fannst við leysa þetta ágæt-
lega þegar upp var staðið. Þegar
Bryndís kom síðan inná og varði vítin
þá var það okkur mikil hvatning og
þegar 17 ára stelpa kemur inn og
gefur tóninn á þennan hátt þá meg-
um við gömlu ekki láta okkar eftir
liggja.“
En hver er lykillinn að þessum
sigri ykkar?
„Það er fyrst og fremst barátta,
grimmd og hungur. Okkur langaði
meira og við uppskárum eftir því,“
sagði Harpa Melsted, fyrirliði Hauka
og bætti við að það væri langt til vors
og margir bikarleikir framundan í
úrslitakeppni 1. deildar.
Inga Fríða Tryggvadóttir var ánægð með bikarsigur Hauka
Eins og bikarúrslita-
leikir eiga að vera
Morgunblaðið/Árni Sæberg
Gústaf Björnsson, þjálfari Hauka, fagnaði geysilega þegar bikarinn var í höfn.
„HÉR mættust tvö bestu lið
landsins og það þýðir ekkert
annað en að koma sér í gott
færi, klára það og keyra heim.
Það dugar ekki að skjóta úr lé-
legu færi því slík skot tekur Vig-
dís (Sigurðardóttir, markvörður
ÍBV). Lokamínúturnar voru eins
og þær eiga að vera í bikarúr-
slitaleik,“ sagði Inga Fríða
Tryggvadóttir, sem skoraði 4
mörk fyrir Hauka.