Morgunblaðið - 03.03.2003, Blaðsíða 2
ÍÞRÓTTIR
2 B MÁNUDAGUR 3. MARS 2003 MORGUNBLAÐIÐ
MAGNÚS Aron Hallgrímsson, Breiðabliki, kastaði
59,68 metra á Vetrarkastmóti Frjálsíþróttasambands
Evrópu í smábænum Gioia Tauro á Ítalíu á laugardag.
Hann hafnaði þar með í 13. sæti af um þrjátíu kepp-
endum sem tóku þátt. Þetta er 16 sentímetrum lengra
en Magnús kastaði lengst í fyrrasumar en nokkuð frá
hans besta árangri, 63,09 frá sumrinu 2000. Fyrirfram
gerði Magnús sér vonir um að rjúfa 60 metra múrinn,
það tókst ekki.
Æfingafélagi Magnúsar, Gerd Kanter frá Eistlandi,
vann keppnina, kastaði 64,14 metra, en saman æfa
þeir í Svíþjóð undir handleiðslu Vésteins Hafsteins-
sonar, Íslandsmethafa í kringlukasti. Vésteinn gat ekki
verið með lærisveinum sínum á Ítalíu en í samtali við
Morgunblaðið sagðist hann vera í sjöunda himni með
árangur Kanters. „Ég vonaðist til að Magnús færi yfir
60 metra á mótinu, það heppnaðist ekki. Það verður
að líta á það jákvæða og það er að hann kastaði lengra
nú en á síðasta sumri, en ég veit að hann getur vel
kastað talsvert lengra en þetta,“ sagði Vésteinn.
Kanter er 23 ára gamall og hafnaði í fjórða sæti í
þessari keppni í fyrra. Magnús Aron var hins vegar
með í fyrsta sinn, komst ekki í fyrra og hittifyrra
vegna meiðsla.
Magnús Aron varð
í 13. sæti á Ítalíu
GUÐMUNDUR E. Stephensen úr Víkingi gerði það
ekki endasleppt á Íslandsmótinu í borðtennis um
helgina. Hann er tvítugur og hefur unnið meist-
araflokkinn í einliðaleik undanfarin tíu ár, tvíliðaleik-
inn síðustu 6 árin og tvenndarleik síðustu níu.
Hann lauk stúdentsprófi á Íslandi en hélt síðan í
víking og nam fyrst land í Noregi en færði sig síðan
yfir til Svíþjóðar. Þar býr hann nú og æfir af kappi
með sterkasta borðtennisliði landsins og hyggur einn-
ig á háskólanám í haust. „Ég hef bætt mig mikið og er
enn ungur. Það er nóg eftir enda er ég rétt að byrja,
aðeins tvítugur á mínu fyrsta ári erlendis,“ sagði Guð-
mundur eftir mótið um helgina. „Ég hef reyndar verið
meiddur síðan í lok nóvember og því misst af nokkr-
um mótum en þetta er allt að koma. Þetta er í fyrsta
sinn sem ég lendi í meiðslum, fékk nokkuð sem lækn-
irinn kallaði borðtennisolnbogi en ekki tennisolnbogi
því meiðslin eru ekki á sama stað. Annars hef ég æft á
fullu og keppti á sterku móti í Svíþjóð um síðustu
helgi, vann minn riðil og síðan tvo leiki en datt út í
32ja manna úrslitum þegar ég tapaði fyrir Kínverja.
Nú fer ég út á miðvikudaginn og held áfram að æfa
enda er nóg fram undan, Evrópumót á Ítalíu, heims-
meistaramótið og Smáþjóðaleikar.“
Tvítugur og
rétt að byrja
Guðmundur E. Stephensen
Þóreyju og Völu tókst ekki að leikasama leikinn og á Opna danska
meistaramótinu um síðustu helgi þeg-
ar þær höfnuðu í tveimur efstu sæt-
unum. Kirsten Belin vann stangar-
stökkskeppnina í kvennaflokki, lyfti
sér yfir 4,37 m og bætti sænska metið
um 2 sentímetra en það átti hún einn-
ig. Þórey fór yfir í 4,12 í fyrstu tilraun,
sleppti síðan 4,17 en felldi síðan 4,27 í
þrígang. Svíinn Linda Person var jöfn
Þóreyju í öðru sæti með 4,12. Þetta er
lakasti árangur Þóreyjar á móti í vet-
ur en hæst hefur hún stökkið 4,40 m
sem tryggði henni keppnisrétt á
heimsmeistaramótinu í Birmingham
um aðra helgi.
„Það gekk ekki vel hjá mér að
þessu sinni,“ sagði Vala þegar Morg-
unblaðið náði tali af henni í gærkvöldi.
„Tæknileg atriði gengu ekki upp hjá
mér auk þess sem stangirnar voru of
mjúkar. Ég var að velta fyrir mér að
nota stífari stöng í síðasta stökkinu en
gerði það ekki. Eftir á að hyggja þá
hefði ég átt að skipta. En þrátt fyrir
allt voru jákvæð atriði í þessu hjá
mér, til dæmis er atrennan orðin jafn-
ari og kraftmeiri en áður. Nú er bara
að fá þessi atriði til að smella saman,“
sagði Vala sem sagði að Þórey hefði
verið óheppnari að fara ekki hærra en
raun varð á. „Hún átti fínar tilraunir
við 4,27, einkum þó annað stökkið, en
hún var ef til vill í sömu vandræðum
og ég, stangirnar voru of mjúkar.“
Vala sagðist ætla að keppa einu
sinni enn innanhúss í vetur, en hún
væri búin að gefa jákvætt svar til
mótshaldara í Árósum í Danmörku
um að etja kappi við danska meist-
arann Marie Bagger Bohn um næstu
helgi. Bohn var heldur ekki í essinu
sínu í Sätrahall í gær, stökk yfir 3,99
m og hafnaði í fjórða til fimmta sæti.
Þrisvar yfir sex metra
Fjölþrautarkonan og Evrópu-
meistarinn í sjöþraut kvenna, Car-
olina Klüft, vann langstökk kvenna
örugglega, stökk 6,47 m. Sunna varð
önnur með 6,24, en stökksería hennar
var ágæt (ógilt - 2,76 - 5,90 - 6,17 - 6,24
- 6,17). Sú sem hafnaði í þriðja sæti
stökk 6,14 en alls stukku fimm kepp-
endur yfir 6 metra. Það var því um
hörkukeppni að ræða en eins og sjá
má á stökkseríunni náði Sunna sér
ekki á strik til að byrja með.
„Þrjú síðustu stökkin voru fín,“
sagði Sunna sem þó var ekki fullsátt
með árangurinn. „Ég ætlaði að gera
betur, ég finn að ég á talsvert meira
inni en þetta og langaði til að bæta Ís-
landsmetið,“ sagði Sunna þegar
Morgunblaðið náði tali af henni eftir
keppnina. „Ég var í vandræðum í
upphafi, gerði ógilt í fyrsta, hljóp í
gegn í öðru og því var þriðja stökkið
upp á 5,90 metra aðeins öryggisstökk,
til þess að komast áfram og fá þrjú
stökk til viðbótar. Eftir það var ég af-
slappaðri og var nokkuð sátt við þrjú
síðustu stökkin,“ sagði Sunna.
Sunna keppti einnig í 60 m hlaupi á
mótinu á laugardag og hafnaði í 7.
sæti í úrslitahlaupinu á 7,71 sekúndu,
sem er talsvert frá hennar besta, en
það er 7,58 sekúndur. Þeim árangri
náði hún á danska meistaramótinu
um síðustu helgi. Í undanrásum hljóp
Sunna á 7,67 en tókst ekki að bæta sig
þegar í úrslitin kom. Íslandsmetið í
greininni á Geirlaug B. Geirlaugs-
dóttir, Ármanni, 7,54. „Ég náði mér
alls ekki á strik í þessari grein,“ sagði
Sunna.
Hún ætlaði einnig að taka þátt í 200
m hlaupi á mótinu en gaf það frá sér
til þess að geta einbeitt sér að lang-
stökkinu. „Ég var að gíra mig upp
fyrir langstökkið, fannst ég geta
stokkið langt og sleppti því 200 metra
hlaupinu, vildi ná öllu því besta fram í
langstökkinu en síðan tókst það ekki
alveg fullkomlega,“ sagði Sunna sem
segist eiga a.m.k. einn möguleika enn
á að bæta eigið Íslandsmet innanhúss
í vetur, á móti í Fífunni í Kópavogi
föstudaginn 13. mars nk.
Björn komst í úrslit
Björn Margeirsson, Breiðabliki,
varð í 6. sæti í 800 m hlaupi karla á
1.54,65 mín., og bætti sinn fyrri ár-
angur um 9/100 úr sekúndu, en þeim
árangri náði hann á móti í Malmö í lok
janúar. Björn var um 1,4 sekúndum
frá Íslandsmeti Þorsteins Þorsteins-
sonar, KR, sem hann setti fyrir rúm-
um þremur áratugum.
Í undanrásum 800 m hlaupsins á
laugardaginn hljóp Björn á 1.55,11 en
Ragnari Frosta Frostasyni, sem
einnig stefndi á sæti í úrslitum, lán-
aðist það ekki.
Vala Flosadóttir felldi byrjunarhæðina í stangarstökki á Opna sæn
Þórey og Sunna í öðru sæti
ÞÓREY Edda Elísdóttir, FH, og Sunna Gestsdóttir, UMSS, náði öðru
sæti í sínum greinum á Opna sænska meistaramótinu í frjáls-
íþróttum í Sätrahall í Stokkhólmi í gær. Þórey stökk 4,12 m í stang-
arstökki en Sunna stökk 6,24 m í langstökki og var aðeins fjórum
sentímetrum frá eigin Íslandsmeti. Vala Flosadóttir, ÍR, náði sér
ekki á strik og felldi byrjunarhæð sína, 4,07 í stangarstökki.
ÍSLANDSMETHAFINN í
hástökki karla, Einar Karl
Hjartarson úr ÍR, náði sín-
um besta árangri í tvö ár
þegar hann lyfti sér yfir
2,23 metra í hástökki inn-
anhúss á háskólamóti í
Nampa í Idaho í Banda-
ríkjunum um helgina. Þá
átti hann þrjár nokkuð
góðar tilraunir við 2,27
sem ekki tókust full-
komlega. Einar vann há-
stökkskeppnina, notaði
færri tilraunir en and-
stæðingur hans sem hafn-
aði í öðru sæti og stökk
einnig 2,23. Þeir tveir
höfðu nokkra yfirburði í
keppninni því sá sem hafn-
aði í öðru sæti stökk 2,14.
Með þessum árangri
hefur Einar að öllum lík-
indum tryggt sér keppn-
isrétt á bandaríska há-
skólameistaramótið
innanhúss.
Íslandsmet Einars er
2,28 m innanhúss en 2,25
utanhúss. Einar náði sér
lítt á strik í fyrra og stökk
þá hæst 2,18 m innanhúss.
Einar Karl
vann og
stökk yfir
2,23 m