Morgunblaðið - 03.03.2003, Blaðsíða 8

ÍÞRÓTTIR
8 B MÁNUDAGUR 3. MARS 2003 MORGUNBLAÐIÐ
HAUKASTÚLKUR féllu um
helgina úr efstu deild kvenna í
körfuknattleik þegar þær töpuðu
fyrir Keflavík með tíu stiga mun,
63:73. Gestirnir af Suðurnesjum
náðu snemma forystu og létu
hana ekki af hendi og eru Kefla-
víkurstúlkur efstar í deildinni
með 34 stig, tíu stigum meira en
KR sem er í öðru sæti.
Það verða stúlkurnar í ÍR sem
taka sæti Hauka í efstu deild að
ári en Breiðhyltingar hafa haft
mikla yfirburði í annarri deild-
inni í vetur, hafa leikið fimmtán
leiki og sigrað í þeim öllum og er
liðið með 471 stig í plús. Sann-
arlega miklir yfirburðir.
Þá skýrðist um helgina hvaða
fjögur lið komast í úrslitakeppn-
ina í 1. deild kvenna í körfuknatt-
leik. Stúdínur urðu að vinna KR
til að eiga möguleika á að komast
í úrslitakeppnina. Það gekk ekki
upp hjá Stúdínum, sem töpuðu
80:55 á heimavelli KR og þar með
varð ljóst að Keflavík, KR,
Grindavík og Njarðvík komast í
úrslitakeppnina. Tvö síðastnefndu
liðin eru með 16 stig hvort um
sig og mætast á miðvikudaginn í
næstsíðustu umferðinni. Slag-
urinn stendur um þriðja sæti og
það lið sem endar þar mætir KR í
undanúrslitunum en fjórða sætið
leikur við Keflavík.
Haukastúlkur
féllu – ÍR fer upp
ÍR sigraði Snæfell í framlengdumleik með 89 stigum gegn 86.
Bæði lið mættu hálfvængbrotin til
leiks, hjá ÍR var
Eugene Christopher
ekki með vegna
meiðsla og hjá Snæ-
felli vantaði Jón Ólaf Jónsson vegna
meiðsla og Lýður Vignisson lék með,
en var engan veginn búinn að ná sér
eftir meiðsli.
Snæfell hafði frumkvæðið framan
af, með þá Sigurbjörn Þórðarson og
Clifton Bush fremsta í flokki. Í lok
fyrsta leikhluta náði ÍR að komast yf-
ir með góðum leikkafla, þar sem
þriggja stiga skotin duttu. Í byrjun
annars fjórðungs náðu heimamenn
yfirhöndinni aftur og náðu að rífa sig
upp eftir slakan kafla í lok þess
fyrsta. Um miðjan leikhlutann var
staðan 40:32 fyrir Snæfell, þá eru lyk-
ilmenn Snæfells hvíldir það sem eftir
var fyrri hálfleiks. Þetta riðlaði leik
heimamanna verulega og gestirnir,
með Sigurð Á. Þorvaldsson fremstan
í flokki, skoruðu á rúmum fjórum
mínútum 12 stig gegn 2 stigum Snæ-
fells. ÍR hafði tveggja stiga forskot í
hálfleik, 44:42.
Upphaf seinni hálfleiks hófu ÍR-
ingar með miklum krafti, léku vörn-
ina eins stíft og dómarar leyfðu og
náðu um tíma átta stiga forskoti. Á
þessum kafla var leikur heimamanna
svolítið ráðleysislegur og nokkuð um
mistök. Í lok þriðja fjórðungs misstu
heimamenn leikstjórnandann sinn,
Helga Reyni Guðmundsson, meiddan
af velli og var útlitið þá ekki bjart.
Fjórði leikhluti einkenndist af
spennu, villuvandræðum leikmanna
og litlu skori. Þegar rúmar tvær mín-
útur voru eftir af leiknum jafnaði
Snæfell 77:77. Eftir það er ekki skor-
að stig svo framlengja þurfti leikinn. Í
framlengingunni reyndust gestirnir
sterkari, þar sem Eiríkur Önundar-
son fór á kostum, en hann skoraði 10
stig fyrir ÍR af 12 í framlengingunni.
Snæfell náði boltanum þegar 9 sek-
úndur voru eftir og ÍR með eins stigs
forskot, sóknin var ekki nógu mark-
viss og þriggja stiga skot geigaði þeg-
ar 2 sekúndur voru eftir. Brotið var á
Eiríki Önundarsyni um leið og hann
náði frákasti. Gulltryggði hann sigur
ÍR með tveimur vítaskotum.
Í liði Snæfells lék Clofton Bush
mjög vel, sérstaklega framan af leik,
en þegar á leikinn leið þurfti hann á
köflum að taka að sér hlutverk leik-
stjórnanda, sem ekki er hans staða.
Hlynur Bæringsson lék mjög vel að
vanda bæði í sókn og vörn. Sigur-
björn I. Þórðarson og Andrés M.
Heiðarsson léku eins og þeir gera
best, miklir baráttumenn.
Hjá ÍR fór Eiríkur Önundarson sér
frekar hægt framan af, en efldist er á
leið og átti frábæran kafla í framleng-
ingunni sem tryggði ÍR-ingum sigur-
inn. Sigurður lék allan leikinn mjög
vel og var jafnbesti maður liðsins.
Hreggviður S. Magnússon átti einnig
mjög góða kafla í leiknum og hefði að
ósekju mátt hafa sig meira í frammi.
Ómar Ö. Sævarsson átti góða spretti,
en hann fékk fljótt á sig þrjár villur
sem gerðu það að verkum að hann
varð að hafa hægar um sig í leiknum.
Spenna í Borgarnesi
Skallagrímsmenn áttu í miklutaugastríði því ekkert annað en
fimm stiga sigur kom til greina ef úr-
valsdeildarsæti átti
að vera mögulegt á
næsta tímabili. Hjá
heimamönnum var
afleit skotnýting
samfara lítilli getu til að ná sóknarfrá-
köstum sem olli því að strax hallaði á
lið Skallagríms. Staðan var orðin
24:14 í lok fyrsta leikhluta. Keith
Vassel og Marvin Valdimarsson voru
í miklum ham og skoruðu grimmt fyr-
ir Hamar. Í öðrum leikhluta kvað við
allt annan tón í vörn Skallagríms.
Þeir pressuðu grimmt úti á vellinum
og í öllum innköstum og það skilaði
sér. Eftir mikla baráttu sem greini-
lega útheimti mikla orku löguðu
Skallagrímsmenn stöðuna og hálf-
leikstölur voru 35:38. Þriggja stiga
körfurnar frá Agli Egilssyni vógu
þungt þegar stigaskorun var svona
lítil. Sama var uppi á teningnum í
þriðja leikhluta. Þrátt fyrir góða vörn
og pressu heimamanna áttu Hamars-
menn alltaf innkomu á dýrmætum
augnablikum með þriggja stiga körfu
eða þá að sóknarmistök heimamanna
færðu þeim boltann. Í upphafi síðasta
leikhluta var staðan jöfn, 57:57.
Skallagrímsmenn hvíldu JoVann
fyrstu mínúturnar og Finnur Jónsson
stýrði leik sinna manna og dreif þá
áfram. Þannig náðu heimamenn góðri
forystu. Ákveðinn vendipunktur varð
í leiknum þegar Darkó Ristic færði
heimamönnum níu stiga forskot þeg-
ar 4 mínútur voru eftir. Bæði skotin
geiguðu og þarna gengu Hamars-
menn á lagið og jöfnuðu 77:77 þegar
ein mínúta var eftir. Keith Vassel sá
um að innsigla sigurinn með tveimur
fráköstum í restina og nokkrum víta-
skotum sem rötuðu rétta leið og inn-
siglaði baráttusigur 77:81.
Hjá Hamri var Marvin Valdimars-
son bestur en Lárus Jónsson spilaði
einnig mjög vel. Keith Vassel var
einnig mjög traustur og öruggur í
restina. Hjá Skallagrími voru Egill
Egilsson og Finnur Jónsson góðir
þegar þeir voru inn á. Það sem skipti
miklu varðandi niðurstöðu þessa leiks
var afleit skotnýting heimamanna
bæði úti í teig og á vítalínunni en þar
töpuðust 12 stig.
Skallagrímsmenn fá nú svigrúm til
að byggja upp breiðari hóp í 1. deild á
næsta ári. Fall úr efstu deild annað
árið í röð var staðreynd.
Góð stig Njarðvíkinga
Njarðvíkingar gerðu góða ferð íDHL-höll KR-inga og sigruðu
örugglega, 80:89, það tók þá ekki
nema fyrstu sex mín-
úturnar að gera út
um leikinn, þá var
staðan orðin 2:21.
Þrátt fyrir góða til-
raun heimamanna náðu þeir ekki að
brúa bilið og hafði tapið í för með sér
að möguleikinn á deildarmeistaratitl-
inum er úti. Lið Njarðvíkur virkaði
vel samstillt og reiðubúið fyrir úr-
slitakeppnina.
Fyrstu mínúturnar voru vægast
sagt ævintýralegar. Í stöðunni 2:4 fór
að halla undan fæti hjá heimamönn-
um á meðan leikmenn Njarðvíkur
settu öll sín skot ofan í. Gestirnir voru
komnir 2:21 yfir áður en KR-ingar
náðu að skora á ný. Þá gerðu þeir tíu
stig í röð og minnkuðu muninn fyrir
lok fyrsta leikhluta, 12:21.
Heimamenn hresstust aðeins í öðr-
um fjórðungi en það var ekki nóg á
móti sterku liði Njarðvíkur. Herbert
Arnarsson, fyrirliði KR, var ekki á
skotskónum í fyrri hálfleik og gerði
aðeins eitt stig en Teitur Örlygsson
og Gregory Harris spiluðu einkar vel
í sókn gestanna. Eftir því sem leið á
leikinn hresstust heimamenn þó og
náðu að grynnka aðeins á muninum
fyrir leikslok – náðu honum mest nið-
ur í sex stig en lengra komust þeir
ekki og sannfærandi sigur Njarðvík-
ur staðreynd, 80:89.
„Þetta var sannfærandi sigur, KR
liðið er sterkt og ekki auðvelt að
sækja heim, en við vorum aldrei í
neinni hættu á að missa þetta niður.
Við byrjuðum frábærlega og leikur-
inn í heild var mjög þéttur. Liðið
smellur vel saman og það á besta tíma
– svona rétt fyrir úrslitin. Mér líkaði
vel við það sem ég sá og er mjög
bjartsýnn á framhaldið,“ sagði Frið-
rik Ragnarsson, þjálfari Njarðvík-
inga, brosmildur í leikslok.
„Ég er ekki klár á því hvað leik-
menn mínir ætluðu sér í byrjun en við
vorum alls ekki tilbúnir til að spila
eins og lið. Það var einungis keyrt á
einstaklingsframtaki og það gekk
ekki upp – við gerðum það bara auð-
velt fyrir þá að spila vörn,“ sagði Ingi
Þór Steinþórsson, þjálfari KR-inga.
Auðvelt hjá Keflvíkingum
Keflvíkingar þurftu ekki að hafamikið fyrir að leggja Breiðablik
að velli þegar liðin mættust í næstsíð-
ustu umferð deildar-
innar. Keflavík vann
auðveldan sigur,
78:93, og fara Blikar í
snemmbúið sumarfrí
eftir lokaleik sinn í deildinni sem
verður gegn Njarðvíkingum á
fimmtudag.
Leikurinn var mikilvægur fyrir
bæði lið. Keflvíkingar heyja harða
baráttu við Grindvíkinga um deildar-
meistaratitilinn og efsta sætið inní úr-
slitakeppnina en Blikar urðu nauð-
synlega að sigra til að eygja örlítinn
möguleika á að komast í úrslitin. En
svo virtist sem leikmenn Breiðabliks
væru búnir að útiloka þann mögu-
leika því baráttuþrek þeirra var mjög
veikt. Það var aðeins í fyrsta leikhluta
sem Breiðablik virtist líklegt til að
hrekkja Keflvíkinga en Suðurnesja-
menn slökktu það baráttuþrek í öðr-
um leikhluta þegar Blikar skoruðu
aðeins 13 stig gegn 23. Keflvíkingar
léku síðan eins og þeir sem valdið
hafa í seinni hálfleiknum, skoruðu
nánast að vild en slökuðu síðan á um
stund og hleyptu Blikum aðeins inní
leikinn.
Keflvíkingar þurftu sem fyrr segir
ekki að hafa mikið fyrir sigrinum,
þeir sýndu þó á köflum fyrsta flokks
körfuknattleik þar sem þeir félagar
Damon Johnson og Edmund Saund-
ers fóru mikinn. Með sigrinum eru
Keflvíkingar komnir upp að hlið
Grindavíkur með 32 stig en Grindvík-
ingar hafa mun betri stöðu eftir sigur
í báðum leikjunum gegn Keflvíking-
um. Keflavík verður því að treysta á
að Grindvíkingar misstígi sig í síðustu
tveimur leikjunum, gegn Haukum í
kvöld og Hamri á fimmtudag.
Damon Johnson var frábær í liði
Keflavíkur eins og svo oft áður og Ed-
mund Saunders stóð einnig fyrir sínu,
sérstaklega í fyrri hálfleik.
Blikar hafa sýnt að þeir geta mun
betur en þeir gerðu í þessum leik,en
skotnýting þeirra var afar léleg. Ken-
neth Tate og Mirko Virijevic léku
best en liðiðmá illa við því að lykil-
menn eins og Pálmi Sigurgeirsson
skuli ekki ná upp í meðaltal sitt í
stigaskori.
Kaflaskipt á Króknum
Eftir ágætan leik í fyrsta leikhlutagegn Val virtust Tindastóls-
menn halda að sigurinn yrði fyrir-
hafnarlítill, en
sprækir gestirnir
voru hársbreiddinni
frá því að stela sigr-
inum og hafa stigin
með sér suður. Það tókst þó ekki og
heimamenn unnu 90:86.
Jason Pryor átti frábæran leik og
átti vörn Tindastóls í verulegum erf-
iðleikum með þennan harðskeytta
sóknarmann, en einnig kom Ólafur
Ægisson sjóðheitur inn í síðari hálf-
leik og hitti vel úr þriggja stiga skot-
um. Tindastólsmenn léku á köflum
ágætlega en duttu niður í algeran
drunga en eins og oft áður var það
gamla brýnið Kristinn Friðriksson
sem átti mestan þátt í sigrinum.
Leikurinn byrjaði fjörlega og
heimamenn náðu að skapa sér þægi-
legt forskot þegar í upphafi, gestirnir
hittu illa og gerðu mikið af mistökum
sem heimamenn notfærðu sér til fulls
og við lok leikhlutans var munurinn á
liðunum fimmtán stig. Í öðrum leik-
hlutanum héldu heimamenn áfram en
Valsararnir fóru nú að leika mun
betri vörn og áttu Stólarnir ekki
greiða leið að körfunni. Við lok hálf-
leiksins skildu liðin tíu stig.
Þegar við upphaf þriðja leikhluta
var ljóst að Valsararnir voru ekki
komnir til þess að tapa og nú börðust
þeir af miklu harðfylgi og smátt og
smátt söxuðu þeir niður forskot
heimamanna og fóru þar Pryor og
Ólafur Ægisson fremstir í flokki. Í
þessum leikhluta gekk hvorki né rak
hjá Tindastólsmönnum, þeir klúðr-
uðu sóknum eða sendu boltann beint í
hendur mótherjanna og við lok leik-
hlutans var staðan 68:68.
Í síðasta leikhlutanum var allt á
suðupunkti, Valsararnir eygðu sigur
og Tindastólsmenn virtust nú loksins
gera sér ljóst að stigin voru í veði.
Mikil barátta var á báða bóga og nú
fengu dómarar leiksins nóg að gera
og villurnar hrönnuðust upp, en fram
að því hafði leikurinn verið léttur fyr-
ir dómarana.
Þegar þrjár mínútur voru til leiks-
loka fékk Helgi Rafn hjá Tindastóli
sína fimmtu villu og tæknivíti dæmt í
kjölfarið, þannig að nú skildu liðin að-
eins tvö stig.
Síðustu mínúturnar voru að vonum
æsispennandi, heimamenn náðu að
halda gestunum frá sér þannig að
þeir náðu ekki að jafna og náðu loks
að landa naumum sigri.
Morgunblaðið/Jim Smart
Teitur Örlygsson á fleygiferð á móti KR-ingum í gærkvöldi.
Skallagrím-
ur féll á ný
HAMARSMENN sendu lið Skallagríms niður í næstu deild í spennu-
leik þessara liða í Borgarnesi í gærkvöldi. Hamarsmenn komu
ákveðnir til leiks, nýttu sín færi vel og spiluðu af yfirvegun og unnu
77:81. ÍR-ingar unnu Snæfell í framlengdum leik og tryggðu sæti
sitt í úrslitakeppninni. KR tapaði fyrir Njarðvík og draumur liðsins
um deildarmeistaratitil er úti.
Guðrún Vala
Elísdóttir
skrifar
Andri Karl
skrifar
Ríkharður
Hrafnkelsson
skrifar
Ingibjörg
Hinriksdóttir
skrifar
Björn
Björnsson
skrifar