Morgunblaðið - 03.03.2003, Blaðsíða 4

KNATTSPYRNA
4 B MÁNUDAGUR 3. MARS 2003 MORGUNBLAÐIÐ
STJÖRNULIÐ Real Madrid
er loksins komið með und-
irtökin í baráttunni um
spænska meistaratitilinn í
knattspyrnu. Baskarnir í
Real Sociedad hafa verið í
forystuhlutverkinu í allan
vetur en þeir hafa gefið eft-
ir síðustu vikurnar og biðu í
gær sinn þriðja ósigur á
skömmum tíma. Hann var
afgerandi, 3:0 gegn
Valladolid, og mörkin voru
skoruð á fyrstu 20 mínútum
leiksins.
Á laugardagskvöldið voru leik-
menn Real Madrid hinsvegar í bana-
stuði þegar þeir sóttu Alavés heim.
Ronaldo skoraði þar þrjú
mörk og Raúl tvö í stórsigri,
5:1. Þar með er Real Madrid
komið með eins stigs for-
ystu í deildinni og liðið er
líklegt til að fylgja því eftir.
Meistarar Valencia misstu
af stigum gegn Celta Vigo í
jafnteflisleik, 1:1, og eru
tveimur stigum á eftir topp-
liðinu. Fjórða liðið sem á
möguleika er Deportivo La
Coruna sem vann Racing
Santander á útivelli, 2:1.
Barcelona var hársbreidd frá sín-
um öðrum sigri í röð en fékk á sig
jöfnunarmark á síðustu mínútu, 2:2,
gegn Osasuna á útivelli
Þrenna frá Ronaldo
og Real tekur völdin
FÓLK

GERMAN Burgos, markvörður
Atletico Madrid, gekkst um helgina
undir uppskurð þar sem illkynja
æxli var fjarlægt úr öðru nýra hans.
Aðgerðin tókst mjög vel og líkur eru
taldar á að Burgos geti byrjað að
spila á ný með Atletico áður en tíma-
bilið er úti.

BURGOS, sem er 33 ára og lék 34
landsleiki fyrir Argentínu en hætti á
þeim vettvangi í lok síðasta árs
veiktist fyrir tveimur vikum og talið
var að um venjulega flensu væri að
ræða. Læknar Atletico sáu þó strax
að ekki væri allt með felldu og
skurðlæknirinn í Madríd sem fram-
kvæmdi aðgerðina þakkaði við-
bragðsflýti þeirra hve vel hefði farið.

FILIPPO Inzaghi skoraði tvívegis
fyrir AC Milan í gær þegar liðið
vann upp þriggja marka forskot
Atalanta í ítölsku 1. deildinni. Paolo
Maldini, fyrirliði AC Milan, skoraði
sjálfsmark strax á fyrstu mínútu og
gestirnir voru komnir í 3:0 eftir að-
eins hálftíma leik. Rivaldo tókst ekki
að skora úr vítaspyrnu fyrir Mílanó-
liðið í fyrri hálfleiknum.

PAOLO Negro sá til þess að Lazio
hefur enn ekki tapað leik á útivelli í
ítölsku deildakeppninni í vetur.
Hann jafnaði gegn Perugia, 2:2, sex
mínútum fyrir leikslok.

JOHAN Mjällby tryggði Celtic
nauman sigur á Hibernian, 3:2, í
skosku úrvalsdeildinni í gær. Hann
skoraði sigurmarkið þegar venjuleg-
um leiktíma var lokið. Celtic er
áfram sex stigum á eftir Rangers í
hinu árlega einvígi um skoska meist-
aratitilinn en á leik til góða.

DONATO, hinn þrautreyndi leik-
maður Deportivo La Coruna á
Spáni, verður frá keppni næsta
mánuðinn vegna aðgerðar á hné.
Donato er orðinn fertugur og er elsti
leikmaður spænsku 1. deildarinnar
en læknir hans sagðist undrandi á
líkamlegu ástandi þessa fyrrum
Brasilíumanns. „Fætur hans eru
eins og á tvítugum pilti,“ sagði lækn-
irinn.

GIORGI Lomaia er nýjasti mark-
vörðurinn sem orðaður er við enska
meistaraliðið Arsenal. Lomaia, sem
er 22 ára gamall, er landsliðsmaður
Georgíu og leikur með Lokomotovi
Tbilisi í heimalandi sínu.

ADE Akinbiyi, fyrrum leikmaður
með Leicester í ensku úrvalsdeild-
inni, er sagður í viðræðum við Ís-
lendingafélagið Stoke City um að
leika með því út tímabilið. Akinbiyi
leikur nú með Crystal Palace en
dagblaðið The People sagði í gær að
Tony Pulis, stjóri Stoke, væri í við-
ræðum við hann. Akinbiyi lék á sín-
um tíma undir stjórn Pulis hjá Gill-
ingham.

CRYSTAL Palace vinnur hinsveg-
ar að því að fá lánaða þrjá leikmenn
úr úrvalsdeildinni, Marcus Stewart
frá Sunderland, Lee Clark frá Ful-
ham og John Curtis frá Blackburn.
MICHAEL Ballack, miðjumað-
urinn snjalli hjá Bayern München,
sá til þess að lið hans héldi 10
stiga forystu í þýsku 1. deildinni á
laugardaginn. Ballack skoraði þá
bæði mörkin þegar Bayern sigraði
Energie Cottbus, 2:0, á útivelli.
„Ballack var besti maður vall-
arins. Við komum hingað til að
tryggja stöðu okkar á toppnum og
það tókst, en við urðum að spila
mjög vel til þess,“ sagði Ottmar
Hitzfeld, þjálfari Bayern. Lið
Cottbus hefur komið mjög á óvart
að undanförnu og hafði fengið 13
stig af 15 mögulegum eftir vetr-
arfríið.
Dede og Ahmed Madouni skor-
uðu fyrir Dortmund sem vann
Hansa Rostock, 2:0, og er eina lið-
ið sem á einhverja möguleika á að
halda í við Bayern München.
Tvö frá Ballack
Steven Gerrard kom Liverpoolyfir á 39. mínútu með góðu
marki af um 30 metra færi. Boltinn
fór í David Beckham, breytti aðeins
um stefnu og í netið án þess að Fa-
bien Barthez kæmi nokkrum vörn-
um við. „Við vorum dálítið seinir í
gang en eftir markið lagaðist þetta
allt,“ sagði Gerrard eftir leikinn.
Spurður hvort það skipti einhverju
máli fyrir hann að boltinn hrökk af
félaga hans í landsliðinu og í netið
sagði hann: „Svo fremi sem boltinn
fer í netið og markið stendur og
skrifað á mig þá er mér alveg
sama.“
United sótti talsvert í leiknum og
fékk nokkur ákjósanleg marktæki-
færi en Pólverjinn Jerzy Dudek sá
til þess að leikmenn liðsins náðu
ekki að skora, varði hvað eftir ann-
að frábærlega. Sannarlega maður
leiksins, en hann átti ekki góðar
minningar frá leik liðanna fyrr í
vetur þegar hann missti knöttinn
klaufalega framhjá sér í netið þeg-
ar engin hætta var á ferðum. „Ég
sagði við Dudek fyrir leikinn að
þetta yrði hans leikur,“ sagði Ger-
ard Houllier, knattspyrnustjóri
Liverpool, ánægður með sinn mann
eftir leikinn.
Owen gerði síðan út um leikinn á
86. mínútu með 19. marki sínu á
leiktíðinni. „Þetta var fyrsta alvöru
færið sem ég fékk í leiknum,“ sagði
hann. Spurður um hvort tímabilið
væri búið að vera slakt hjá liðinu
brosti hann og sagði: „Þegar við
verðum búnir að fagna í kvöld
finnst okkkur það örugglega ekki.
Það er samt ýmislegt eftir á þessu
tímabili og við getum bætt stöðu
okkar verulega. Það er frábært að
vinna þennan titil.“
Sigurinn veitir Liverpool rétt til
að keppa í UEFA-bikarnum á
næsta ári og léttir því ákveðinni
pressu af leikmönnum og þjálfara.
„Þetta gerir framhaldið auðveldara
hjá okkur. Nú getum við spilað í
deildinni án þess þrýstings sem
hefur verið á leikmönnum þar sem
við vitum að næsta ár leikum við í
Evrópukeppninni. Ég vonast því til
að nú förum við að sýna okkar
besta,“ sagði Houllier kampakátur í
leikslok.
Liverpool og United hafa mæst
163 sinnum í öllum mótum Bret-
landseyja og hefur United vinning-
inn, hefur unnið 59 sinnum en Liv-
erpool 55 sinnum. Jafntefli hefur
orðið í 49 leikjum. Í deildabikarn-
um hefur Liverpool hins vegar
vinninginn, 3-1, en liðin mættust í
úrslitaleik 1983 og þá hafði Liver-
pool einnig betur, vann 2:1.
Deildabikarkeppnin er bikar-
keppni númer tvö í Englandi, næst
á eftir ensku bikarkeppninni og
misjafnt er hversu mikla áherslu
liðin leggja á hana. „Deildabikarinn
er ekki forgangsverkefni hjá okkur,
deildin og Meistaradeildin koma
þar á undan. Við erum samt mjög
vonsviknir því það er alltaf gaman
að vinna bikara og það er mark-
miðið hjá okkur að gera það á þess-
ari leiktíð. Núna erum við búnir að
missa þennan út úr höndunum á
okkur,“ sagði Sir Alex Ferguson,
stjóri United, eftir leikinn. Hann
óskaði þó Liverpool til hamingju
með sigurinn, sagði liðið hafa leikið
vel og sérstaklega hefði létt af því
pressu eftir að fyrra markið kom.
„Ég held menn verði bara að skoða
leik markvarðarins og þá sjá allir
að það var hann sem vann leikinn
fyrir Liverpool. Hann átti stórkost-
legan leik,“ sagði Ferguson.
Hann sagði leikinn hafa verið
frekar rólegan framan af en eftir
að fyrra markið kom hafi það létt
mjög á leiknum og eftir það hafi
hann verið opinn og skemmtilegur.
„Ég er ekki ánægður með hvernig
lið mitt lék í dag, við vorum ekki
nærri nógu beittir í sókinni. Liver-
pool lék í rauninni alveg eins og við
bjuggumst við en við vorum allt of
rólegir í öllum sóknaraðgerðum
okkar og þegar við lentum undir
lagaðist það ekki neitt,“ sagði
Ferguson og hrósaði einnig Houll-
ier hjá Liverpool, en hann hefur
sætt mikilli gagnrýni í vetur. „Ég
veit ekki hvaðan þessi gagnrýni
kemur og skil ekki hvers vegna því
Houllier vinnur frábært starf á An-
field,“ sagði Ferguson.
Reuters
Michael Owen fagnar marki sínu sem gulltryggði Liverpool deildameistaratitilinn í sjöunda sinn.
Dudek hetja Liverpool
LIVERPOOL fagnaði í gær sigri í deildabikarkeppninni ensku, sigr-
aði Manchester United 2:0 í úrslitaleiknum sem fram fór á Þúsald-
arleikvanginum í Cardiff. Þetta er í sjöunda sinn sem Liverpool sigr-
ar í keppninni og hefur ekkert enskt lið sigrað svo oft.
LÁRUS Orri Sigurðsson
fékk á ný tækifæri í byrj-
unarliði WBA eftir sex leiki í
röð á varamannabekknum
þegar lið hans sótti South-
ampton heim í ensku úrvals-
deildinni á laugardaginn. Fá
lið hafa sótt gull í greipar
Southampton í vetur og
WBA fór heim með enn einn
ósigurinn á bakinu, 1:0.
James Beattie skoraði mark-
ið á líflegum upphafskafla,
hans 18. mark í úrvalsdeild-
inni í vetur. Lárus Orri lék
allan leikinn með WBA.
Stuðningsmenn liðsins
kenndu dómaranum um ósig-
urinn og sungu „dómarinn
vann 1:0,“ í leikslok en um-
deild atvik féllu WBA í óhag.
Liðið situr sem fastast í fall-
sæti, tveimur stigum fyrir
ofan Sunderland, en er nú
fimm stigum á eftir Bolton
og West Ham.
Lárus
Orri með
á ný
Ronaldo
fagnar einu
marka sinna.