Morgunblaðið - 19.03.2003, Blaðsíða 3
MORGUNBLAÐIÐ MIÐVIKUDAGUR 19. MARS 2003 B 3
bílar
BÍLGREINASAMBANDIÐ hefur
lagt fram drög að breyttu grunnnámi
í bifreiðaviðgerðum hjá Fræðslumið-
stöð bílgreina og drög að meistara-
námi í greininni sem er til viðbótar
við grunnnámið. Drögin liggja nú hjá
menntamálaráðuneytinu. Það er
Jónas Þór Steinarsson, fram-
kvæmdastjóri Bílgreinasambands-
ins, sem hefur unnið að framgangi
þessa máls.
„Það liggja einnig fyrir hjá ráðu-
neytinu drög að breytingum á grunn-
náminu sem styrkja almennan grunn
námsins þannig að nemendur fara
fyrr að eiga við verkefnin sjálf á sviði
bifreiðaviðgerða. Námið verður að
þessu leyti markvissara. Það verður
einnig þægilegra að bjóða upp á
námið úti á landi og sömuleiðis verð-
ur auðveldara að meta nemendur inn
í námið,“ segir Jónas Þór.
Gert er ráð fyrir 21 einingu í
grunnnáminu samkvæmt drögunum
í stað 40 eininga. Gert er ráð fyrir að
breytingin geti tekið gildi næsta
haust.
„Svo verður nemendum sem hafa
lokið sveinsprófi gert að fara í skipu-
lagt meistarapróf sem ekki hefur áð-
ur verið boðið upp á með þessum
hætti. Áður fengu nemendur sjálf-
krafa meistararéttindi eftir þriggja
ára starf. Auk þess var sérstakur
meistaraskóli sem lagði meira upp úr
bóklegum fögum en ekki hefur áður
verið boðið upp á meistaranám á
tæknisviði,“ segir Jónas Þór.
Námið tekur mið af því skipulagi
sem er hjá framleiðendum. Náminu í
Fræðslumiðstöð bílgreina, FMB,
verður skipt upp í þrjú þrep að hætti
bílaframleiðenda. Í 1. þrepi er gert
ráð fyrir að neminn öðlist grundvall-
arþekkingu til að framkvæma reglu-
bundið eftirlit á starfssviði sínu, hafi
grundvallarþekkingu á efnum sem
notuð eru á starfssviði hans og að
neminn hafi grundvallarþekkingu á
búnaði bílsins, en sú þekking geti
nýst sem undirbúningur fyrir nám á
2. og 3. þrepi.
Í 2. þrepi er gert ráð fyrir að nem-
inn öðlist þekkingu á uppbyggingu
og virkni helstu hluta og kerfa bíls-
ins, í mælingu og samsetningu helstu
hluta og kerfa bílsins, í vinnu við að
rífa í sundur og setja saman helstu
hluta og kerfi bílsins, þekkingu og
getu í efnisvali og efnismeðferð á
starfssviði sínu og hafi getu og þekk-
ingu til að slípa niður og ganga frá yf-
irborði helstu hluta og kerfa bílsins.
Á 3. þrepi, í meistaranáminu, á
neminn að ná fullu valdi á bilana-
greiningu helstu hluta bílsins, ná há-
marksþekkingu og færni í viðgerðum
á helstu hlutum bílsins og öðlast
þekkingu og færni til að leiðbeina í
virkni, stillingu, bilanagreiningu og
vinnu við helstu hluta bílsins.
Gert er ráð fyrir að náminu sé lok-
ið á þremur til fjórum önnum.
Meistara-
nám í bif-
reiðavið-
gerðum
Morgunblaðið/Árni Sæberg
Jónas Þór Steinarsson, framkvæmdastjóri Bílgreinasambandsins.
EINN af skemmtilegri bílavefjum er hinn danski biltorvet.-
dk. Á síðunni er fjallað um nýja og notaða bíla og þarna er
líka viðmiðunarverðskrá sem nýtist okkur lítið hér á Ís-
landi þar sem bílverð er allt annað og skaplegra. Á síðunni
er hægt að kalla upp bíla og gera samanburð á þeim. Bil-
doktoren er þáttur þar sem fjallað er um algengar bilanir
og á sérstakri undirsíðu eru gefin ráð við bílakaup. Þarna
eru líka nytsamlegar krækjur í ýmsar bílasíður, s.s. alla
dönsku bílaklúbbana, bílaklúbba í öðrum löndum, fornbíla-
síður og margt fleira.
Vefsíða vikunnar
Nýir bílar og
samanburður
TENGLAR
.......................................................................
www.biltorvet.dk