Morgunblaðið - 19.03.2003, Blaðsíða 7

MORGUNBLAÐIÐ MIÐVIKUDAGUR 19. MARS 2003 B 7
bílar
F
LESTIR þekkja Einar
Thoroddsen af því að
krukka í eyrun á börnum
með eyrnabólgur eða af því
að kynna leyndardóma létt-
vínanna. Einar leynir á sér og er mik-
ill bílaáhugamaður. Oft má rekast á
Einar í bílaumboðunum þar sem
hann mátar nýja bíla og skoðar og
spekúlerar. Það var því full ástæða til
að rekja garnirnar úr Einari og sjá
hvað hann er að pæla.
Hvað ertu alltaf að gera uppi í Bíl-
heimum?
„Ég er pínulítið að fylgjast með því
hvort nýi Saab-inn sé kominn. Ég
fylgist nokkuð vel með bílum og
kaupi skemmtilegt bílablað sem heit-
ir Car. Ég veit því oft ýmislegt áður
en það verður almannarómur á Ís-
landi jafnvel þótt það verði oft ekki
undir sömu formerkjunum hérna.
Sjálfur er ég á Subaru Legacy Out-
back og Mercedes-Benz C180.
Draumabíllinn hefur hins vegar alltaf
verið einhver af þessum ítölsku en
eftir því sem árin færast yfir verður
alltaf erfiðara að vera með bíla sem
maður þarf að klæða sig í og úr; þar
sem maður situr flötum beinum á
jörðinni. Yfirleitt er ég fullur aðdáun-
ar á þessum ítölsku og frönsku
merkjum sem Norðurlandabúar al-
mennt fyrirlíta. Þessi fyrirlitning er
gamalgróin og meira að segja var
Opel einu sinni undir sömu formerkj-
um og Fiat og Renault. Það var alltaf
sagt: „Þú ferð ekkert út á vegi á
þessu.“ Þetta sögðu menn sem áttu
þýska, að maður tali nú ekki um am-
eríska bíla sem þurfti að snúa milljón
hringi í stýrinu til þess að fá þá til að
beygja. Ég var nú yfirleitt á Fiat í
gamla daga og skemmti mér konung-
lega. Svo fór ég líka dálítið á Ölfur og
skemmti mér þá líka konunglega. Ég
er hallur undir Ítalann og líklega er
ástæðan sú að hann kyndir svo undir
akstursgleðinni,“ segir Einar.
Þannig að það eru ekki allir læknar
á jeppum?
„Ekki alveg allir. Ég hef tvisvar
verið á Cherokee en brenndi mig dá-
lítið á þeim. Það er ekki eins gaman
að keyra jeppa. Þeir eru þunglama-
legir, þeir liggja ekki í beygjum held-
ur hallast og manneskjan í aftursæt-
inu segir við sessunautinn: „Varaðu
þig! Ég kem.“ En núna eru náttúru-
lega komnir svokallaðir SUV sem
keyra betur en gömlu jepparnir en ég
reikna ekki með að þú hættir þér út í
Krossá með svona fínan bíl upp á 7–9
milljónir. Það er ágætt að vera á fjór-
hjóladrifnum bíl. Minn heitir Legacy
Outback en draumabíllinn heldur
áfram að vera ítalskur. En ég er
hræddur um að ég þyrfti að klæða
mig í t.d. Ferrari og rífa mig upp úr
honum með handafli. Fyrir nokkrum
árum vildi enginn sjá fjölnotabíla en
nú held ég að margir sjái að það eru
stundum not fyrir fjölnot. Ég held að
það hafi verið fyrir um þrjátíu árum
þegar Lancia kom með stuttan
uppháan kubb, hugmyndabíl, og 20
árum síðar fór maður að sjá þetta
byggingalag. Þá gátu menn farið að
vera með hatt inni í bílnum,“ segir
Einar.
Ítalinn kyndir
undir akst-
ursgleðinni
Alfa 156 GTA gæti uppfyllt drauma Einars.
Morgunblaðið/Ásdís
Einar Thoroddsen gluggar hér í bókina Heimur vínsins á útgáfudegi.
DRAUMABÍLLINN
VINNUBÍLL
MMC Canter
Double Cab
2800 Diesel,
f.skr.d. 03.03.1997,
ek. 71 þús. km., 4 dyra,
beinskiptur.
Verð 1.950.000.
BERTONE á Ítalíu hefur hannað GT
Coupé út frá Alfa Romeo 156 og var
bíllinn sýndur í framleiðslugerð sinni á
bílasýningunni í Genf. Alfa 156 er góð-
ur útgangspunktur fyrir kúpubak því
stærð bílsins og aksturseiginleikar
henta vel.
Bertone fjarlægði að sjálfsögðu aft-
urdyrnar og þakið var einnig haft
lægra. Auk þess stækkaði bíllinn um
fimm cm og breiddin um einn cm.
Engu að síður virðist bíllinn á myndum
minni en venjulegur Alfa 156.
Það kemur vart á óvart að kúpubak-
urinn verður boðinn í GTA-útfærslu
einnig með 3,2 lítra, V6-vél sem skilar
250 hestöflum. Minnsta vélin í boði
verður 1,8 lítra T.Spark, 140 hestafla.
Auk þess verður hægt að fá bílinn með
tveggja lítra JTS-dísilvél, 165 hestafla.
Búast má við að bíllinn verði kominn á
markað víðast hvar í haust.
Alfa GT Coupé var sýndur í Genf.
Lengri og breiðari en Alfa 156.
Alfa 156 Coupé