Morgunblaðið - 07.04.2003, Blaðsíða 2

ÍÞRÓTTIR
2 B MÁNUDAGUR 7. APRÍL 2003 MORGUNBLAÐIÐ
Í spjallþætti hjá Jay Leno sl.
fimmtudag var Sörenstam innt eft-
ir því hvernig hún teldi að henni
reiddi af í keppni gegn Tiger
Woods og var hún fljót til svara:
„Ég mun leggja hann að velli í
hvert skipti sem ég fæ tækifæri til
þess að keppa við hann,“ sagði Sör-
enstam en hún hefur unnið 42 at-
vinnumannamót á ferli sínum.
Sörenstam sagði enn fremur að
tenniskappinn Björn Borg hefði
verið hennar fyrirmynd á yngri ár-
um og þegar Leno innti hana eftir
því hvers vegna hún hefði ekki riðið
á vaðið fyrr í keppni gegn körlum
sagði Sörenstam að hana hefði
skort kjark til þess fyrir ári síðan.
„Ég hef tekið vel á lóðunum und-
anfarin misseri og hef aukið styrk
minn til muna. Ég slæ því lengra en
áður án þess að vera ónákvæm. Að
auki er ég aðeins eldri og vonandi
klókari í höfðinu – en það skiptir
öllu máli þegar á hólminn er kom-
ið,“ sagði Sörenstam og sagðist
hlakka til þess að fá eigið búnings-
herbergi á meðan mótið stendur yf-
ir.
Keppnin hefst 22. maí nk. og
nefnist Ameríkubanka-mótið og fer
keppnin fram á hinum 6474 metra
langa Fort Worth-velli sem er í
Texasríki. Par vallarins er 70 högg
og er vallarmetið 61 högg. Nick
Price sigraði á mótinu fyrir ári.
Hin 32 ára gamla Sörenstam
valdi að leika á þessum velli þar
sem hann krefst þess að leikmenn
séu nákvæmir og lengd upphafs-
högga eru ekki afgerandi þáttur í
skori keppenda.
Það eru 58 ár síðan Babe Zah-
arias lék gegn körlum á opna Los
Angeles-mótinu árið 1945 en
bandaríska konan Suzy Whaley
hefur þegið boð um að leika á at-
vinnumannamóti fyrir karla í Hart-
ford í júlí á þessu ári. Líklegt þykir
að þátttaka Whaley falli algerlega í
skuggann á einvígi þeirra Woods
og Sörenstam. Þess má geta að
unnusta Woods er sænsk og ættu
þau að geta rætt um daginn og veg-
inn á meðan keppni stendur en bú-
ast má við að Sörenstam og Woods
verði í sama ráshóp á fyrsta keppn-
isdegi.
Annika Sörenstam hefur fagnað mörgum sigrum.
„Ég mun
sigra Tiger“
Sænski kylfingurinn Annika
Sörenstam er ekki í vafa um hver
er besti kylfingur veraldar
SÆNSKI kylfingurinn Annika Sörenstam hefur vakið mikla athygli
á bandarísku mótaröðinni í golfi þar sem hún hefur haft töluverða
yfirburði undanfarin ár og leikið keppninauta sína grátt. Sör-
enstam hefur þegið boð um að taka þátt í atvinnumannamóti sem
aðeins er ætlað körlum og þar mun hún mæta bestu kylfingum
heims – og þar á meðal Bandaríkjamanninum Tiger Woods.
SKOTINN Scott Ramsey leik-
ur að öllum líkindum ekki með
Íslandsmeisturum KR í sumar.
Í fréttatilkynningu sem KR-
Sport sendi frá sér um helgina
stendur orðrétt: „Það tilkynn-
ist hér með að Scott Mckenna
Ramsay mun af persónulegum
ástæðum að öllum líkindum
ekki spila á Íslandi í sumar.“
Samkvæmt heimildum Morg-
unblaðsins bar Ramsey fyrir
sig mikla heimþrá og heldur
hann af landi brott um næstu
helgi en þá er hugsanlegt að
eitthvað spili inn í hjá honum
að KR-ingar hafa sankað að
sér leikmönnum í vetur og
samkeppnin um stöður í liðinu
hörð. Síðast fengu KR-ingar
til liðs við sig tvíburana Arnar
og Bjarka Gunnlaugssyni og
áður höfðu vesturbæingar
fengið Hilmar Björnssn frá
FH, Garðar Jóhannsson frá
Stjörnunni og Kristján Jónsson
frá KA.
Ramsey ákvað að ganga til
liðs við KR-inga í vetur en
undanfarin fimm tímabil hefur
hann leikið með Grindvík-
ingum, alls 81 leik í úrvals-
deildinni og skorað 8 mörk, en
hann kom hingað fyrst árið
1996 og lék í tvö ár með Reyn-
ismönnum úr Sandgerði áður
en hann gekk í raðir Grindvík-
inga.
Ramsey ekki
með KR-ingum
RÚNAR Sigtryggsson og
félagar hans í spænska
liðinu Ciudad Real leika
til úrslita í Evrópukeppni
bikarhafa í handknattleik
þar sem þeir mæta Red-
bergslid frá Gautaborg.
Ciudad Real tapaði á
laugardaginn fyrir Celje
Piovarna Lasko frá Slóv-
eníu, 28:25, en það dugði
Spánverjunum til að komast
áfram þar sem þeir unnu heima-
leikinn með sjö marka mun. Rún-
ar skoraði eitt mark í leiknum en
markahæstir voru Talant Dujs-
habaev og Christian Hjermind
með 6 mark hver.
Redbergslid tapaði fyrir
Lemgo í Þýskalandi,
37:35, en fór áfram
samanlagt, 71:69. Mart-
in Boquist, sem gengur
í raðir Kiel á næstu
leiktíð, skoraði 11 mörk
fyrir Redbergslid en
hann skoraði 13 mörk í
fyrri leiknum. Hinn fer-
tugi Magnus Wislander
sýndi að hann er ekki
dauður úr öllum æðum en þessi
firnasterki línumaður skoraði 6
mörk.
Svissneski landsliðsmaðurinn
Marc Baumgartner og þýski
landsliðsmaðurinn Florian Kehr-
mann voru atkvæðamestir hjá
Lemgo með 8 mörk hver.
Rúnar í
úrslitaleikinn
Ég náði að hefna mín á Bjarna fyrirað stela af mér titlinum fyrir
þremur árum þegar ég var mun betri
en hann. Nú er hann
betri en ég en með út-
sjónarsemi náði ég að
leggja hann,“ sagði
Þorvaldur Blöndal
eftir mótið. „Ég hef hvílt mig lengi og
aðallega verið að þjálfa líkamann al-
mennt, byrjaði ekki að æfa júdó fyrr
en eftir síðustu áramót og hafði þá
ekki æft í átta mánuði. Það hefur ver-
ið mitt markmið í vetur að geta tekið
Bjarna en hann hefur ekki verið að
hugsa neitt um hvort hann hafi mig
svo ég er búinn að hugsa þetta betur
út en hann. Hann var kærulaus í byrj-
un, fékk á sig refsistig sem var óþarfi
hjá honum en taldi sig geta unnið það
upp. Ég náði samt að hanga á því. Ég
hef dæmt júdó sjálfur og veit hvernig
dómarar hugsa og vissi hvað maður
gat leyft sér mikið aðgerðaleysi og ég
notfærði mér þann rétt. Úthaldið er
miklu betra hjá honum og hann tók
rispu og reyndi að sprengja mig en ég
náði að standa það af mér og þá var
Bjarni orðinn jafnþreyttur og ég,“
sagði Þorvaldur.
Geysilega sterkur glímumaður
Bjarni Skúlason var afslappaður
eftir mótið og hrósaði Þorvaldi fyrir
sigurinn. „Ég veit að það er alltaf
hörkurimma þegar kemur að Þor-
valdi Blöndal, hann er geysilega
sterkur glímumaður og það leikur sér
enginn að honum. Hann spilaði á mig
og það gekk upp hjá honum. Ég var
meira í sókn en hann nær að halda í
refsistigið, setur upp sókn með reglu-
legu millibili svo að ég náði ekki að
koma á hann stigi og herbragð hans
tókst. Maður verður að sætta sig við
það og þýðir ekkert að væla,“ sagði
Bjarni.
Hann var í fyrra í tvo mánuði í Jap-
an en býr í Svíþjóð þar sem hann æfir
og keppir. Bjarni hefur staðið í
ströngu að undanförnu og keppt á
sterkum mótum þrjár síðustu helgar.
Fram undan eru æfingabúðir í Tékk-
landi og svo strangar æfingar fram að
Norðurlandamóti og Evrópumóti í
maí en hann stefnir á að ná nægilega
mörgum stigum til að komast á Ól-
ympíuleika á næsta ári.
Höskuldur varði titilinn
Hinn síungi 37 ára Höskuldur Ein-
arsson í Júdófélagi Reykjavíkur varði
titil sinn í -60 kílóa flokki fyrir Darra
Kristmundssyni úr Ármanni. Tæpum
tveimur áratugum munar á aldri
þeirra en Darra tókst ekki að velta
Höskuldi af stalli þrátt fyrir góðar til-
raunir. „Þeir eru alltaf erfiðir þessir
óþekku guttar,“ sagði Höskuldur eftir
mótið, sem byrjaði að æfa 24 ára gam-
all. „Ég held að þetta sé ellefti sigur
minn en þetta er farið að renna saman
hjá mér. Ég æfi mikið, allt að átta eða
níu sinnum í viku og hef gert nær
undantekningalaust. Ég sé til eftir
þetta keppnistímabil hvort ég held
áfram, þá fer ég yfir stöðuna því það
er erfitt að halda sér svona léttum.“
Í -66 kílóa flokki varði Hilmar
Trausti Harðarson úr KA einnig titil
sinn eftir góðan bardaga við Heimi
Kjartansson úr Júdófélagi Reykja-
víkur en félagi hans, Snævar Jónsson,
hafði betur gegn Hans R. Snorrasyni
í -73 kg flokki.
Ármenningurinn Vignir Stefáns-
son kom frá Bandaríkjunum til að
endurheimta titil sinn í -81 kg flokki
en það var ekki auðvelt. Axel Jónsson
úr Júdófélagi Reykjavíkur er bæði
sterkur og sókndjarfur en eftir mikil
átök hafði Vignir betur. Þar naut
hann keppnisreynslunnar en hann
æfir og keppir af kappi samhliða há-
skólanámi í Suður-Karólínu.
Gígja endurheimti titil
í opna flokknum
Gígja Guðbrandsdóttir vann
þyngdarflokk sinn í fyrra og var í
öðru sæti í opnum flokki en nú snerist
það við. Margrét Bjarnadóttir vann
þyngdarflokkinn en Gígja hafði hana
undir í opnum flokki. „Við gjörþekkj-
um hvor aðra svo það er erfiðara að
keppa en gott fyrir íþróttina. Minnstu
mistök kosta sigurinn svo það eru
mikil átök en það er gaman að sjá
hvað eru margar stelpur að koma til,“
sagði Gígja eftir mótið. Það er nóg að
gera hjá henni, hún var nýlega við
keppni í Hollandi og Tékklandi og er
á leiðinni á mót á Englandi áður en
Norðurlandamótið tekur við.
Þá var komið að opna flokknum hjá
körlunum þar sem mættust Þorvald-
ur og Bjarni. Snemma í atinu fékk
Bjarni refsistig og þrátt fyrir margar
harðar atlögur tókst honum ekki að
ná stigi af Þorvaldi, sem varðist með
klókindum. Þegar leið á glímuna kom
yfir þá þreyta en þeir slógu samt ekk-
ert af vitandi að minnstu mistök
myndu kosta stig og þegar glímunni
lauk féllu báðir úrvinda í gólfið.
Landsliðsþjálfarinn Sævar Sigur-
steinsson var ánægður í mótslok. „Ég
er mjög ánægður með þetta mót. Síð-
ustu árin hefur einn og einn verið að
skara framúr en nú eru menn jafnari í
flestum þyngdarflokkum. Nú var
Vernharð ekki til að verja sína titla og
Þorvaldur tók þá báða. Það er líka
gaman að sjá hvað Vignir kemur
sterkur frá Bandaríkjunum en hann
var ekki með í fyrra.
Fram undan er Norðurlandamót
og Evrópumót í maí, síðan Smáþjóða-
leikar í júní þar sem við verðum með
stóran hóp og eftir stutt sumarfrí fara
menn að æfa sig fyrir heimsmeistara-
mót í september. Það verður því lítið
um uppbyggingartímabil en menn
eru í góðri æfingu,“ sagði Sævar.
Tvöfaldur sigur Þorvaldar Blöndals og Gígja
Með útsjónar-
semi náði ég
að leggja hann
ÞORVALDUR Blöndal úr Ármanni kom, sá og sigraði á Íslands-
mótinu í júdó í Austurbergi um helgina. Hann fór í uppskurð við
brjósklosi á síðasta ári og hefur því lítið æft en gerði sér lítið fyrir,
vann sinn þyngdarflokk og lagði síðan Bjarna Skúlason, félaga sinn
úr Ármanni, í opnum flokki. Gígja Guðbrandsdóttir úr Júdófélagi
Reykjavíkur endurheimti titilinn í opnum flokki kvenna.
Stefán
Stefánsson
skrifar
’ Ég veit að það eralltaf hörkurimma
þegar kemur að Þor-
valdi Blöndal, hann
er geysilega sterkur
glímumaður og það
leikur sér enginn að
honum. Hann spilaði
á mig og það gekk
upp hjá honum. ‘