Morgunblaðið - 07.04.2003, Blaðsíða 9

KÖRFUKNATTLEIKUR
MORGUNBLAÐIÐ MÁNUDAGUR 7. APRÍL 2003 B 9
BYRJUNARLIÐ Grindvíkinga
skoraði 92 stig af alls 94 stigum
liðsins í leiknum og aðeins Predr-
ag Pramenko náði að komast á
blað í liði heimamanna af þeim
leikmönnum sem ekki hófu leik-
inn. Aðra sögu er að segja af liði
Keflvíkinga þar sem varamenn
liðsins skoruðu 25 stig af alls 103
stigum liðsins. Þar fór Guðjón
Skúlason fremstur í flokki með 14
stig á 22 mínútum en hann skoraði
fjórar þriggja stiga körfur í leikn-
um úr fimm skottilraunum.
Friðrik Ingi Rúnarsson og Sig-
urður Ingimundarson notuðu báðir
átta leikmenn af tíu í leiknum.
Varamenn Keflvíkinga léku hins
vegar samtals í 66 mínútur á með-
an varamenn Grindvíkinga léku í
21 mínútu. Álagið er því mikið á
byrjunarlið Grindvíkinga þar sem
Guðlaugur Eyjólfsson lék í 32 mín-
útur, Guðmundur Bragason í 33,
Páll Axel Vilbergsson í 35, Helgi
Jónas Guðfinnsson í 39 mínútur og
Darrell Lewis fékk enga hvíld í
leiknum og lék allar 40 mínútur
leiksins.
Edmund Saunders og Damon
Johnson voru einu leikmenn Kefl-
víkinga sem léku meira en 30 mín-
útur en báðir léku þeir í 39 mín-
útur í leiknum.
Við töpuðum einnig fyrsta leikn-um gegn Keflvík þegar við urð-
um Íslandsmeistarar árið 1996 og
það sem við þurfum
að gera er að leggja
Keflvíkinga á þeirra
heimavelli. Það höf-
um við gert í vetur
og við höfum tekið þátt í mörgum
úrslitakeppnum til þessa og ég veit
að hlutirnir geta snúist okkur í hag
ef okkur langar virkilega til þess,“
sagði Friðrik og taldi að slæm byrj-
un sinna manna hefði gert gæfu-
muninn að þessu sinni. „Við gefum
þeim ákveðna forgjöf í fyrri hálfleik
sem þeir nýttu sér vel og að auki
var Keflavíkurliðið í þannig ham að
maður hefur ekki séð slíkt lengi.
Þeir klikkuðu varla á skoti um tíma
í fyrri hálfleik,“ sagði Friðrik en
var samt sem áður ánægður með
hvernig hans menn brugðust við
mótlætinu. „Við náðum að minnka
muninn í 7 stig um tíma og náðum
okkur á strik í síðari hálfleik og það
segir mikið um okkar styrk sem ég
tel vera mikinn.“
Spurður um lítið framlag frá
varamönnum liðsins sagði Friðrik
ekki hafa miklar áhyggjur af því.
„Ég geri ekki aðra kröfu til
þeirra sem koma inná en að þeir
berjist af krafti og skili varnarhlut-
verki sínu – og taki skot þegar þau
standa til boða. Við erum ekki með
eins reynslumikla varamenn og
Keflvíkingar en við erum ekki að
velta því mikið fyrir okkur og reyn-
um að spila úr því sem við höfum,“
sagði Friðrik Ingi en vildi lítið spá í
spilin hvað varðar næsta leik. „Það
þarf að vinna þrjá leiki til þess að
verða Íslandsmeistari og það skiptir
í raun engu máli hvar þeir leikir
vinnast. Við erum hvergi bangnir.“
Guðmundur Bragason, miðherji
Grindavíkur, hafði í nógu að snúast
í baráttu sinni við Edmund Saund-
ers undir körfunni. Guðmundur af-
rekaði það að verja alls átta skot í
leiknum og er það óvenju mikið í ís-
lenskum körfuknattleik, auk þess
sem hann skoraði 16 stig og tók 13
fráköst í leiknum.
„Fyrsti leikhluti var afar slakur
af okkar hálfu og það kostaði okkur
sigurinn að þessu sinni. Ég tel að
við séum með jafngott lið, ef ekki
betra en Keflavík, en byrjunin
reyndist okkur dýrkeypt. Við get-
um mætt til leiks í Keflavík með
sjálfstraustið í lagi því að við höfum
lagt þá þar að velli í vetur og ég
veit að við getum gert það.“
Guðmundur tók undir að það
væri ekki liðinu til framdráttar að
fá aðeins fimm villur samtals í fyrri
hálfleik. „Það segir mikið um
hvernig við vorum að leika. Bar-
áttan var ekki til staðar og við
reyndum ekki einu sinni að brjóta á
þeim. Ég get lofað því að það kem-
ur ekki fyrir aftur hjá okkur,“ sagði
Guðmundur.
Það má segja að skorpa Banda-ríkjamannsins Edmund
Saunders í fyrsta leikhluta lýsi leik
Keflvíkinga í hnot-
skurn á upphafs-
mínútum leiksins.
Saunders varði
skot frá Grindvík-
ingum í vörninni, rak knöttinn
sjálfur upp völlinn gaf þar á sam-
herja sinn og endaði sóknina með
því að troða með tilþrifum. Magnús
Gunnarsson sá um að halda Grind-
víkingum við efnið með því að hitta
vel úr þriggja stiga skotunum og
þegar Magnús skipti við Guðjón
Skúlason í fyrri hálfleik tók hinn
reyndi leikmaður upp þráðinn og
„negldi“ nokkrum þriggja stiga
skotum beint í körfuna. Leikaðferð
Keflvíkinga var einföld – ákafur
varnarleikur og að ljúka sóknum
liðsins með opnu skoti og virtust
allir leikmenn liðsins hitta á rétta
daginn í þeim efnum því skotnýt-
ing liðsins var með ólíkindum.
Flestir leikmenn Keflavíkur tóku
þátt í sýningunni í fyrri hálfleik og
vakti framlag Jóns N. Hafsteins-
sonar athygli undir lok 1. leikhluta
er hann greip sendingu frá Fal
Harðarsyni á lofti og tróð knett-
inum í körfuna með tilþrifum.
Grindvíkingar náðu ekki að laga
leik sinn í 2. leikhluta og Keflvík-
ingar héldu áfram að herja á þá
með skotum utan af velli auk þess
sem Damon Johnson og Edmund
Saunders voru öflugir í vítateign-
um og undir körfunni. Helgi Jónas
Guðfinnsson vaknaði til lífsins und-
ir lok fyrri hálfleiks og virtist vera
sá fyrsti í liði Grindavíkur sem átt-
aði sig á því hvað gera þyrfti í
framhaldinu enda var 16 stiga
munur á liðunum í hálfleik, 62:46.
Deildarmeistararnir náðu að
rétta úr kútnum í upphafi síðari
hálfleiks og náðu um tíma að
minnka muninn í sjö stig, 60:67, og
í lok 3., leikhluta var munurinn 10
stig. Þessi rispa þeirra gulklæddu
kom hinsvegar of seint og með ög-
uðum leik héldu þeir Grindvíking-
um í skefjum og lönduðu sigri,
103:94. Um tíma í 4. leikhluta
beittu Keflvíkingar 3:2 svæðisvörn
með Edmund Saunders fremstan í
flokki og var það hans hlutverk að
skyggja á þriggja stiga skottil-
raunir heimamanna. Sigurður Ingi-
mundarson, þjálfari Keflvíkinga,
viðraði þar athyglisvert varnaraf-
brigði því vörnin hafði sitt að segja
og náðu Grindvíkingar aldrei að
setja Keflvíkinga í veruleg vand-
ræði á lokakafla leiksins.
Liðsheildin var sterk hjá Kefl-
víkingum og herjuðu þeir Saund-
ers og Johnsons á Grindvíkinga
undir körfunni og skoruðu grimmt
á því svæði. Að auki voru þeir fé-
lagar með augun vakandi á fé-
lögum sínum þegar Grindvíkingar
reyndu tvídekkun og voru þriggja
stiga skyttur liðsins í miklum ham
frá fyrstu mínútu til þeirrar síð-
ustu.
Grindvíkingar gerðu sig seka um
að sofa á verðinum í upphafi leiks
og fór liðið ekki í gang fyrr en í
síðari hálfleik er forskot gestanna
var orðið vænlegt. Guðmundur
Bragason var sá leikmaður sem lét
mest að sér kveða enda skoraði
hann 16 stig, tók 14 fráköst auk
þess sem hann varði alls 8 skot í
leiknum. Skotnýting Grindvíkinga
fyrir utan þriggja stiga línuna
hefði dugað til gegn flestum liðum
landsins þar sem liðið skoraði 14
körfur úr 32 tilraunum en Kefla-
víkurliðið var í miklum ham og má
þar nefna að Guðjón Skúlason og
Magnús Gunnarsson voru báðir
með 80% nýtingu í þriggja stiga
skotum sínum en þeir skoruðu báð-
ir fjórar slíkar úr fimm tilraunum.
Damon Johnson reyndi sig varla
fyrir utan þriggja stiga línuna
enda vissi hann að Darrell Lewis
átti erfitt með að gæta hans undir
körfunni þar sem Damon skoraði
24 af 28 stigum sínum í leiknum.
Eins og áður segir var Edmund
Saunders atkvæðamikill í liði
Keflavíkur en hann skoraði 27 stig
auk þess sem hann tók 15 fráköst,
gaf 8 stoðsendingar og varði 3 skot
– fínn leikur.
Liðin mætast að nýju í kvöld í
íþróttahúsi Keflvíkinga og má bú-
ast við að þráðurinn verði tekinn
upp að nýju hjá báðum liðum og ef
tilþrifin verða svipuð hjá báðum
liðum í þeim leik er best að mæta
snemma á svæðið til þess að missa
nú ekki af neinu.
Varamenn Keflvíkinga
skoruðu 25 stig gegn 2
Morgunblaðið/Árni Torfason
Keflvíkingar
með sýningu
í Grindavík
KEFLVÍKINGAR mættu til leiks með sjálfstraustið í lagi í fyrstu
rimmu liðsins um Íslandsmeistaratitilinn í körfuknattleik í Grinda-
vík á laugardag og buðu uppá snilldartiþrif í fyrri hálfleik gegn
deildarmeistaraliðinu. Þar fóru gestirnir á kostum í vörn sem sókn
og lögðu grunninn að 103:94 sigri sínum en staðan í hálfleik var
62:46 Keflvíkingum í vil. Lærisveinar Friðriks Inga Rúnarssonar í
Grindavík mættu einfaldlega of seint til leiks að þessu sinni og góð-
ur leikkafli liðsins í 3. leikhluta hrökk ekki til eftir flugeldasýningu
Keflvíkinga í fyrri hálfleik.
Sigurður Elvar
Þórólfsson
skrifar
„Við gáfum
þeim forgjöf“
FRIÐRIK Ingi Rúnarsson, þjálfari Grindvíkinga, var að vonum ósátt-
ur við niðurstöðuna í fyrsta leik liðsins gegn Keflvíkingum þar sem
deildarmeistararnir töpuðu á heimavelli, 94:103. Hinn reyndi þjálf-
ari var samt sem áður ekki á því að stríðinu væri lokið þrátt fyrir erf-
iða byrjun og vitnaði í úrslitin úr rimmu liðanna árið 1996.
Eftir
Sigurð Elvar
Þórólfsson