Morgunblaðið - 13.06.2003, Blaðsíða 8
AUÐLESIÐ EFNI
8 FÖSTUDAGUR 13. JÚNÍ 2003 MORGUNBLAÐIÐ
FEÐGAR á Vopnafirði fengu
hval af tegundinni hnúfubak
í netin hjá sér í vikunni.
Reyndist hvalurinn vera
tæplega níu metra langur og
ekki undir sex tonnum að
þyngd.
„Það var hvalreki hjá
okkur,“ sagði Björgvin
Hreinsson við
Morgunblaðið. En Björgvin
og synir hans Hreinn,
Björgvin og Eiríkur skáru
hvalinn niður með sölu á
markaði í huga. Feðgarnir
voru á sex tonna plastbáti
og var hvalurinn því heldur
stærri en báturinn. Erfiðlega
gekk að koma honum í land
og urðu þeir að drösla
honum með netunum, að
sögn Björgvins. „Það kom
sér vel að það var stutt að
fara,“ sagði hann.
Feðgarnir voru á
þorsk-veiðum og segir
Björgvin að veiðin hafi
annars verið dræm. „Við
fengum um 400 kg meðafla
af þorski eftir nóttina.“
Morgunblaðið/Jón Sig.
Sex tonna
hvalur í netin
UNDANFARNAR vikur hafa
erlend dagblöð og tímarit
lofað íslenska tónlist.
Ný-útkomin plata
rokk-sveitarinnar Mínuss
hefur hvarvetna hlotið
frábærar viðtökur. Í
þungarokks-blaðinu Kerrang!
hlaut hún hæstu einkunn og í
hinu gamalgróna New Musical
Express fékk platan 9 í
einkunn, en þar er 10 hæsta
einkunnin. Mínus er nú á
löngu tónleika-ferðalagi um
gervöll Bandaríkin, sem lýkur
ekki fyrr en í lok júlí-mánaðar.
Sama dag og plata Mínuss
kemur út í Bandaríkjunum,
hinn 17. júní, kemur út plata
rokk-sveitarinnar Singapore
Sling. Platan heitir The Curse
of Singapore Sling. Hún hefur
þegar fengið lofsamlega
dóma, m.a. á einni mest sóttu
tónlistarvefsíðu í heimi, All
Music Guide. Einnig hældi
dagblaðið Chicago Tribune
sveitinni fyrir frammistöðu
hennar á bandarískri
tónlistar-hátíð fyrr á árinu.
Ungir djass- og
framúrstefnu-tónlistarmenn
hafa einnig hlotið lof fyrir
plötur sínar. Þannig hælir
mest sótti djassvefur heims,
All About Jazz, plötu
saxófón-leikarans Jóels
Pálssonar og líkir við Miles
Davis. Platan heitir Septett og
kom út hér á landi fyrir síðustu
jól. Tónlistar-tímaritið Wire fer
svo í nýjasta tölublaði sínu
lofsamlegum orðum um plötu
Óskars Guðjónssonar og
Skúla Sverrissonar sem heitir
Eftir þögn.
Íslensk
tónlist lof-
uð erlendis
ÍSLENSKA lands-liðið hefur
heldur betur verið í
sviðs-ljósinu undanfarið.
Liðið fagnaði fyrst sigri á
Færeyingum í Evrópu-keppni
lands-liða og síðan Litháum.
En lands-liðið lék þá sína
fyrstu landsleiki undir stjórn
Ásgeirs Sigurvinssonar
landsliðs-þjálfara og
aðstoðar-manns hans Loga
Ólafssonar.
Leikurinn gegn
Færeyingum fór fram á
Laugardals-vellinum og var
kveðjuleikur Guðna
Bergssonar á Íslandi. Hann
hefur hætt sem
atvinnu-maður með Bolton í
Englandi þar sem hann var
fyrirliði.
Lengi vel leit út fyrir að
Íslendingar yrði að sætta sig
við jafntefli við Færeyinga.
En Eyja-maðurinn Tryggvi
Guðmundsson skoraði
sigurmark Íslands rétt fyrir
leikslok.
Íslensku leikmennirnir
fylgdu síðan sigrinum á
Færeyingum eftir með því að
vinna frækilegan sigur á
Litháum í borginni Kaunas í
Litháen. Þar sigraði liðið
3:0. Sigurinn var góð
kveðju-gjöf fyrir Guðna
Bergsson, sem nú er hættur
knattspyrnu.
Fyrir leikinn hafði Ísland
leikið níu leiki í röð á útivelli
án þess að fagna sigri, eða
síðan þeir unnu á Möltu
2001, 4:1. Með sigrinum nú
skaust Ísland hins vegar upp
í annað sætið í sínum riðli í
Evrópu-keppninni og á
möguleika á að komast í
loka-keppni EM í Portúgal
næsta sumar.
Glæsilegir sigrar
lands-liðsins
Morgunblaðið/Einar Falur
Arnar Þór Viðarsson, Þórður Guðjónsson og Helgi Sigurðsson
fagna marki Helga gegn Færeyjum á Laugardalsvelli.
ÓTTAST er að friðar-umleitanir
í Miðaustur-löndum séu í
uppnámi eftir ofbeldisverk í
Jerúsalem og á Gaza. En
bæði Ísraelar og talsmenn
palestínsku hreyfingarinnar
Hamas, hóta öllu illu.
Tuttugu og sex menn lágu í
valnum eftir ofbeldis-hrinuna
á miðvikudag. En þá týndu 16
Ísraelar lífi er
Palestínu-maður, dulbúinn
sem strangtrúaður gyðingur,
sprengdi sig í loft upp í
strætisvagni í Jerúsalem.
Hefndu Ísraelar þess óðara
með árásum á Gaza og féllu
þá átta manns. Daginn áður
höfðu Ísraelar drepið tvo
Palestínu-menn er þeir
reyndu að ráða einn helsta
leiðtoga Hamas af dögum.
Slapp hann lífs en særðist
nokkuð. Ísraelar segjast enn
vilja vinna að friði í anda
Vegvísisins, áætlunar um
sátt milli þeirra og
Palestínu-manna. Þeir hafa
þó engu að síður skipað
hernum að „uppræta“
Hamas með öllum ráðum.
Gera eigi engan greinarmun á
háum og lágum liðsmönnum
samtakanna. Ariel Sharon,
forsætis-ráðherra Ísraels,
staðfesti þá stefnu á
föstudag. Er ekki að sjá að
hann taki neitt mark á orðum
George Bush
Bandaríkja-forseta, sem
gagnrýndi harðlega
banatilræðið við leiðtoga
Hamas-samtakanna.
Utanríkis-ráðherra Ísraels,
Silvan Shalom, sagði þá að
kæmi til fleiri hryðjuverka
væri úti um friðar-ferlið.
Hamas-samtökin hóta fleiri
árásum og hafa hvatt
útlendinga til að fara frá
Ísrael.
Mikill uggur og reiði er í
araba-ríkjunum vegna
ástandsins. Þar er bent á að
Ísraelar kæri sig ekkert um
frið og grípi ávallt til árása til
að hleypa öllu í bál og brand
um leið og hann kemst á
dagskrá.
Óttast að úti sé um friðarferlið
Reuters
Lík Palestínu-manns borið til grafar eftir árásir Ísraela.
Netfang: auefni@mbl.is