Morgunblaðið - 25.06.2003, Qupperneq 3

MORGUNBLAÐIÐ MIÐVIKUDAGUR 25. JÚNÍ 2003 B 3
bílar
GUÐJÓN Þórðarson, fyrrverandi
landsliðsþjálfari og knattspyrnu-
stjóri hjá Stoke í Englandi, býr nú í
Miðlöndunum í Englandi. Hann var
staddur hér á landi í nokkra daga
fyrir síðasta landsleik gegn Litháen
og hélt þá meðal annars óformlegan
töflufund hjá Heklu hf. sem mæltist
vel fyrir hjá knattspyrnuáhuga-
mönnum. Á meðan Guðjón dvaldist á
Íslandi hafði hann til afnota
Volkswagen Touareg V6 með loft-
púðafjöðrun og við fengum hann til
að lýsa reynslu sinni af þessum bíl.
Hefur gaman af góðum bílum
„Ég hef gaman af góðum bílum.
Það sem kom mér mest á óvart var
hve bíllinn var feiknarlega þægileg-
ur í alla staði. Hann er aflmikill –
þetta var V6 bensínvélin. Það má
kannski ekki segja frá því hve hratt
ég fór en óhætt er að segja það
hreint út að aksturseiginleikarnir
eru frábærir. Ég hef verið að keyra
alls kyns bíla hérna úti, jeppa og
fólksbíla, en það er enginn sem slær
þennan bíl út. Ég var mest á malbik-
inu en fór reyndar líka á bílnum upp í
sveit í sumarbústaðinn. Þar fór ég
aðeins jeppaslóðir en samt fór ég
engar stórkostlegar torfærur. Það er
hægt að lækka og hækka bílinn eftir
þörfum með loftpúðafjöðruninni og
ég bara fæ ekki séð að bílarnir gerist
mikið betri,“ segir Guðjón.
Touareg slær allt út
Hann hefur verið á góðum bílum
úti í Englandi. Stjórastarfinu hjá
Stoke fylgdi Range Rover og núna
ekur hann Mercedes-Benz ML 270.
„Touareg-inn slær þetta allt út. Ég
held að þetta sé bíllinn fyrir þá sem
vilja vera á jeppa en eru
oft á tíðum á hálfgerð-
um trukkum sem hafa
ekki þessa æðislegu
aksturseiginleika sem
Touareg hefur. Þetta er
bíll sem hentar þeim
sem þurfa að fara út í
viðskiptaerindum eða
stunda útivist. Hann er
dýr en innifalin eru
mikil þægindi. Þeir sem
eru að kaupa sér bíl í
þessum verðflokki ættu
að skoða þennan kost.“
Segirðu þetta ekki
bara vegna þess að þú
fékkst bílinn lánaðan?
„Nei, ef ég keypti
mér bíl yrði Touareg
fyrir valinu. Ég er van-
ur því að segja hlutina
eins og þeir eru og hef
ekki ætlað mér að
breyta út af því.“
Guðjón segir að Tou-
areg sé lúxuskerra og
mikill hægðarauki sé að
hafa loftpúðafjöðrunina
ef farið er utanvegar
eða um jeppaslóðir. „Ég
hef ekki keyrt bílinn í hálku en miðað
við veggripið sem er til staðar ætti
hann að vera kjörinn líka til vetr-
arferða. Ég gæti hugsað mér að
kaupa svona bíl þegar ég er kominn í
fasta vinnu aftur þótt ekki sé mikið
um utanvegaakstur hér í Englandi.
Hann er efstur á óskalistanum.“
Guðjón segir ýmsar þreifingar í
gangi varðandi atvinnumálin. „Það
er hópur manna að spá í yfirtöku á
nokkrum félögum. Um helgina var
farið í málin hvað varðar annarrar
deildar liðið Barnsley. Það er nokkuð
heitt núna það mál en ég veit ekkert
hvað gerist. Ég vil helst vera í Eng-
landi.“
En er ekki ómögulegt að keyra
þarna?
„Nei, nei. Það er alveg dásamlegt.
Þótt það sé ekið vitlausum megin á
götunum þá verður maður bara jafn-
vitlaus og aðrir og finnur ekki fyrir
því. Eina vandamálið er hraða-
myndavélar sem hér eru úti um allt.
Það verður að gæta sín vel á þessu.
Það eru háar sektir og svo er hérna
punktakerfi. Það safnast upp þrír
punktar fyrir hverja mynd óháð
hraðanum. Eftir tólf punkta missa
menn ökuréttindin. Ég hef verið
duglegur að gæta mín og bara fengið
þrjár myndir á mig á þeim fjórum ár-
um sem ég hef búið hér,“ segir Guð-
jón.
Guðjón hreifst af Touareg
Guðjón Þórðarson sportaði sig
á VW Touareg þegar hann kom
heim til Íslands fyrir landsleik-
inn á móti Litháen. Hann segir í
samtali við Guðjón Guðmunds-
son að Touareg sé sá bíll sem
hann myndi kaupa ef kaup á
nýjum bíl væru á döfinni.
Morgunblaðið/Golli
Guðjón Þórðarson í hlutverki landsliðsþjálfara Íslands
að nudda axlir Árna Gauts Arasonar markvarðar.
gugu@mbl.is
BÍLABÚÐ Benna, umboðasaðili
Porsche á Íslandi, hefur fengið auk-
inn innflutningskvóta á Cayenne-
jeppanum og fær fyrirtækið nokkra
bíla í september með 250 hestafla V6
vél. Að sögn Benedikts Eyjólfssonar
hjá Bílabúð Benna heitir bíllinn þá
Cayenne en fyrir í framleiðslunni
eru Cayenne S sem er 340 hestafla
og Turbo, sem er 450 hestafla. S-bíll-
inn kostar nú frá um 7,9 milljónum
kr. en verðið á V6-bílnum verður 6,4
milljónir kr. Sá bíll verður ekki á
loftpúðafjöðrun en að flestu öðru
leyti með sama búnað og S-bíllinn,
þ.m.t. leðurklæðningu og sama fjór-
hjóladrifskerfi. Hægt verður að
kaupa loftpúðafjöðrunina sem auka-
búnað fyrir 420.000 kr. 15 Porsche
Cayenne S og Turbo hafa verið
skráðir hérlendis og á þessu ári hafa
jafnframt verið skráðir þrír 911
sportbílar og tveir Boxster.
Cayenne V6 kemur í haust.
Cayenne V6 á
6,4 millj. kr.
AUGLÝSINGADEILD
netfang: augl@mbl.is eða sími 569 1111
MMC Lancer 4d Gli 1,3
Nýskr. júlí 2000. Ek. 55 þ.
km. Bsk. Verð 960 þús.
Hyundai Accent 4d, 1,5
Gli. Nýskr. júlí. ‘98. Ek. 55
þ. km. Ssk. Verð 590 þús.
Suzuki Swift 1,3
Nýskr. maí. 1998. Ek. 83 þ.
km. Bsk. Verð 560 þús.
Daihatsu Terios 1,3
Nýskr. sept. 1997. Ek. 85 þ.
km. Bsk. Verð 690 þús.
Kia Pride Wagon 1,3
Glxi. Nýskr. feb 2002.
Ek. 25 þ.km. Bsk. Verð 690
þús.
VW Golf Variant 1,6
Nýskr. janúar 1997. Ek.
107 þ. km. Verð 720 þús.
Toyota Touring 4x4, 1,8
Nýskr. okt. ‘97. Ek. 85 þ.
km. Bsk. Verð 960 þús.
Kia Clarus 2,0 Glsi
Nýskr. júlí 2000. Ek. 60
þ.km. Ssk. Verð 1.130 þús.
Kia Carnival 2,5 Le
Nýskr. nóv 2001. Ek. 24 þ.
km. Ssk. Verð 2.260 þús.
Tilboð 490 þús. Tilboð 575 þús.Tilboð 490 þús.
Tilboð 2.100þús.Tilboð 1.030 þús.
Tilboð 590 þús.
Nissan Terrano II, 2,4 SR
Nýskr. sept. 1997. Ek.113 þ.
km. Verð 1.170 þús.