Morgunblaðið - 26.06.2003, Blaðsíða 1
PRENTSMIÐJA MORGUNBLAÐSINS FIMMTUDAGUR 26. JÚNÍ 2003 Á netinu mbl.is/vidskipti BLAÐ B
LYFSÖLUKEÐJAN Lyf &
heilsa hf. hefur hafið athugun á
þeim möguleika að hefja rekstur
apóteka á erlendri grund. Ætlun-
in er að nýta uppsafnaða reynslu
af rekstri Lyfja & heilsu hér á
landi. Í upphafi verður einkum
horft til Suður-Evrópu og austur-
hluta Mið-Evrópu.
Á aðalfundi Lyfja & heilsu hinn
24. maí síðastliðinn var ákveðið að
Karl Wernersson, framkvæmda-
stjóri fyrirtækisins, tæki við
stöðu starfandi stjórnarformanns
Lyfja & heilsu hf.
Karl segir að auk þess að fylgja
enn betur eftir markaðri stefnu
um frekari uppbyggingu lyfsölu-
keðjunnar innanlands verði
helstu verkefni hans sem starf-
andi stjórnarformanns að kanna
og eftir atvikum hefja rekstur
apóteka á erlendri grund. Hann
segir að í upphafi verði einkum
horft til Suður-Evrópu og austur-
hluta Mið-Evrópu. Karl hefur nú
þegar hafið undirbúning þessa
verkefnis og er fluttur ásamt fjöl-
skyldu sinni til Ítalíu.
Óþrjótandi tækifæri
„Við munum fara í þetta verkefni
af fullri varkárni,“ segir Karl.
„Markmiðið er að kortleggja
ákveðin lönd á því svæði sem við
viljum skoða að þessu sinni. Þeg-
ar slíkri greiningu er lokið þarf að
taka ákvörðun um með hvaða
hætti næsta skref er stigið. Verk-
efnið er á byrjunarstigi og alls
ekki tímabært að tjá sig frekar
um málið á þessum tímapunkti.“
Við starfi framkvæmdastjóra
Lyfja & heilsu hf. frá 1. júlí næst-
komandi tekur Hrund Rudolfs-
dóttir, en hún hefur verið rekstr-
arstjóri fyrirtækisins frá árinu
2001.
Hrund segir að það leggist afar
vel í sig að setjast í framkvæmda-
stjórastól Lyfja & heilsu hf.
„Framundan eru stór og mikil
verkefni sem ég hlakka til að tak-
ast á við,“ segir Hrund. „Smá-
sölumarkaður lyfja hefur tekið
miklum breytingum undanfarin
ár og verður spennandi að taka
þátt í að móta hann enn frekar.
Lyf & heilsa hf. hefur aðlagað sig
að breytingum sem hafa átt sér
stað á markaðnum og í dag stend-
ur fyrirtækið í fremstu röð í
rekstrarlegum og faglegum skiln-
ingi. Öflugur rekstrargrundvöllur
hefur verið tryggður þrátt fyrir
síaukna samkeppni og að stjórn-
völd hafi markvisst dregið úr
þátttöku Tryggingarstofnunar
ríkisins í lyfjakostnaði.“
Hrund bætir við að fyrirtækið
hafi yfir að ráða stórum hópi af
hæfu starfsfólki sem sé vel í stakk
búið til að takast á við verkefni
morgundagsins. „Ég tek því við
góðu og ört vaxandi búi með
óþrjótandi tækifærum.“
Uppbygging á Íslandi
Áætlanir Lyfja & heilsu hf. gera
ráð fyrir að veltan verði fjórum
sinnum meiri á þessu ári en árið
1999, en starfsemin hófst á því
ári. Gert er ráð fyrir að velta fyr-
irtækisins í ár verði um 4,3 millj-
arðar króna en hún var um einn
milljarður árið 1999.
Þegar Lyf & heilsa tók til
starfa var fjöldi lyfjaverslana inn-
an keðjunnar samtals 12 en þær
eru nú 28. Stefnt er að því að
verslanirnar verði samtals 31 í lok
þessa árs.
Af lyfjaverslunum Lyfja &
heilsu eru 25 reknar undir því
vörumerki og 3 undir vörumerk-
inu Apótekarinn. Samtals eru 18
lyfjaverslanir keðjunnar á höfuð-
borgarsvæðinu, 5 á Suðurlandi, 3
á Norðurlandi, ein á Vesturlandi
og ein á Suðurnesjum. Starfs-
menn fyrirtækisins eru um 220
talsins.
Lyf & heilsa hf. kanna
rekstur apóteka erlendis
Karl Wernersson verður starfandi stjórnarformaður Lyfja & heilsu hf. með aðsetur
á Ítalíu og Hrund Rudolfsdóttir tekur við starfi framkvæmdastjóra fyrirtækisins
Morgunblaðið/Jim Smart
VIÐSKIPTABLAÐ MORGUNBLAÐSINS
SEÐLABANKI Bandaríkjanna lækkaði
vexti sína um 0,25%, úr 1,25% í 1%, á vaxta-
ákvörðunarfundi bankans sem lauk í gær.
Þetta er þrettánda vaxtalækkun bankans
frá því hann hóf að lækka vexti snemma árs
2001 og vextirnir hafa ekki verið lægri frá
árinu 1958. Bankinn tilkynnti að hann væri
reiðubúinn til að lækka vexti enn frekar ef
hætta ykist á lækkandi verðlagi. Verð-
bólguspár eru enn yfir núllinu, en hafa farið
lækkandi og vaxtaákvörðunarnefnd bank-
ans segir útlitið of óljóst til að hægt sé að
útiloka verðhjöðnun. Þar sem verðbólga sé
lág hafi verið svigrúm fyrir minna aðhalds-
stig peningastefnunnar. Financial Times
segir að sumir hagfræðingar hafi mælt
gegn vaxtalækkun og það kunni að vera
skýringin á því að hún varð ekki meiri en
raun ber vitni.
Vaxtalækkunin er í samræmi við spár
markaðsaðila, en spáð hafði verið 0,25%–
0,50% lækkun. Vaxtaákvörðunarnefnd
seðlabankans var ekki fyllilega einhuga um
niðurstöðuna, einn nefndarmaður greiddi
atkvæði með 0,50% vaxtalækkun.
Financial Times segir að sumar banda-
rískar hagtölur hafi að undanförnu sýnt
merki um hægan efnahagsbata, en aðrar
tölur gefi til kynna veikt efnahagsástand.
Tiltrú almennings á efnahagslífið virðist
hafa staðnað og vísbendingar séu um að
vinnumarkaðurinn sé að dragast saman.
Lækkun í þremur Evrópulöndum
Stýrivextir voru lækkaðir í þremur löndum
Evrópu í gær, Noregi, Póllandi og Tékk-
landi.
Seðlabanki Noregs lækkaði stýrivexti
sína um 1% í gær, úr 5% í 4%, og er það í
samræmi við væntingar markaðsaðila, sam-
kvæmt könnun Bloomberg News. Þetta er
mesta vaxtalækkun í Noregi í rúman ára-
tug og lækkaði gengi norsku krónunnar í
framhaldi lækkunarinnar.
Seðlabanki Póllands lækkaði vexti um
0,25%, í 5,75%, og seðlabanki Tékklands
lækkaði vexti um sömu hlutfallstölu í
2,25%.
S E Ð L A B A N K A R
Stýrivextir
lækkaðir
Seðlabanki Bandaríkjanna
lækkar vexti niður í 1%
S É R B L A Ð U M V I Ð S K I P T I , E F N A H A G S M Á L O G A T V I N N U L Í F Á S A M T S J Á V A R Ú T V E G S B L A Ð I
Menning og viðskipti
Kostun menningarviðburða eykst 4
Aðbúnaður útlendinga
Erfitt getur verið að starfa á Íslandi 7
UMRÓT Á
STEYPUMARKAÐI