Morgunblaðið - 17.07.2003, Blaðsíða 3
MORGUNBLAÐIÐ FIMMTUDAGUR 17. JÚLÍ 2003 B 3
NFRÉTTIR Rétta útimálningin
getur sparað þér tugi þúsunda króna
Steinakrýl
- mjög góð viðloðun, gott
rakagegnstreymi og mikið
veðrunarþol
Kópal Steintex
- frábært á múr og
steinsteypta fleti þar sem
krafist er mikils veðrunarþols
Steinvari 2000
- besta mögulega vörn fyrir húsið
- yfirburðamálning fyrir íslenskar aðstæður
- verndar steypuna fyrir slagregni
- flagnar ekki og hefur frábært
veðrunarþol
Málning hf. hefur tekið þátt í viðamiklum rannsóknum á steinsteypu og
áhrifaþáttum yfirborðsmeðhöndlunar með helstu sérfræðingum á þessu sviði
hér innanlands. Á rannsóknarstofu Málningar er jafnframt haft strangt eftirlit
með framleiðslu og hráefnum og unnið kröftuglega að vöruþróun þar sem
nýjungar á sviði yfirborðsmeðhöndlunar með tilliti til íslenskra aðstæðna hafa
skapað málningu frá okkur sérstöðu.
Við erum sérfræðingar í útimálningu
fyrir íslenskar aðstæður.
Útsölustaðir Málningar:
Byko Kópavogi • Byko Hringbraut • Litaver Grensásvegi • Byko Hafnarfirði • Málningarbúðin Akranesi • Byko Akranesi •
Axel Þórarinsson, málarameistari, Borganesi • Verslunin Hamrar, Grundafirði • Litabúðin Ólafsvík • Núpur
byggingavöruversl. Ísafirði • Vilhelm Guðbjartsson, málarameistari, Hvammstanga • Verslunin Eyri, Sauðárkróki • Byko
Akureyri • Versl. Valberg, Ólafsfirði • Versl. Vík, Neskaupstað • Byko Reyðarfirði • Málningarþjónustan Selfossi •
Miðstöðin Vestmannaeyjum • Byko Keflavík.
HOLLENSKA raftækjafyrirtækið Philips skilaði 42
milljónum evra í hagnað á öðrum ársfjórðungi eða
sem nemur 3,7 milljörðum króna, þrátt fyrir minnk-
andi sölu.
Minni sala kemur til vegna HABL-faraldursins og
lítillar einkaneyslu að undanförnu.
Fyrirfram hafði því verið spáð að þessi stærsti raf-
tækjaframleiðandi Evrópu myndi tapa sem nemur um
6,6 milljörðum króna í fjórðungnum, samkvæmt at-
hugun Reuters meðal 16 fjármálasérfræðinga.
Að sögn forstjóra fyrirtækisins, Gerard Kleisterlee,
hefur það reynst fyrirtækinu vel í vondum markaðs-
aðstæðum að einblína á kostnað og eignastýringu.
Hagnaður Philips kemur á óvart vegna þess að fyr-
irtækið hefur ekki sýnt hagnað í næstum tvö ár. Tap
á öðrum ársfjórðungi ársins 2002 nam 1,36 millörð-
um evra eða sem nemur 119 milljörðum íslenskra
króna.
Hagnaðurinn á öðrum fjórðungi þessa árs segir þó
ekki alla söguna því flestar deildir Philips eru enn
að skila tapi. Sú sem sker sig úr, og stendur á bak
við hagnaðinn í fjórðungunm, er sú sem framleiðir
lækningatæki: Philips Medical Systems.
Deildin skilaði 153 milljónum evra í hagnað eða
um 13,4 milljörðum króna og vó með því upp á móti
tapi á sölu almennra raftækja.
Þá komu 78 milljónir evra, eða 6,8 milljarðar
króna, inn í kassann hjá Philips í fjórðungnum þegar
fyrirtækið seldi hlut sinn í Vivendi Universal og fleiri
fyrirtækjum.
Reuters
Stafrænar myndavélar eru meðal framleiðsluvara Phil-
ips. Sala á þeim sem og almennum raftækjum hefur
dregist saman, m.a. vegna HABL.
Philips sýnir hagnað
í fyrsta sinn í tvö ár
TVÖ af vinsælustu skiptiforrit-
um á Netinu, Kazaa og Morpheus,
greindu frá því að notendum hefði
fækkað um 15% í upphafi júlímán-
aðar. Fækkun notenda kom í kjöl-
far þess að Samtök hljómplötu-
framleiðenda í Ameríku (RIAA)
hótuðu því að stefna notendum
hugbúnaðar sem gerir fólki kleift
að skiptast á tónlistarskrám um
Netið. Frá þessu segir í frétt
BBC.
Fyrir Kazaa þýðir 15% fækkun
um einni milljón færri notendur.
Að sögn aðstandenda Kazaa er
eðlilegt að notendafjöldi sveiflist
til og frá.
Hótanir RIAA um að samtökin
muni stefna einstökum notendum
komu í kjölfar þess að þau urðu að
láta í minni pokann fyrir Morph-
eus og aðstandendum hugbúnaðar-
ins Grokster og gátu ekki fengið
dómsúrskurð til að koma í veg fyr-
ir útbreiðslu kerfanna. Dómarinn
sagði ekki hægt að gera framleið-
endur hugbúnaðarins ábyrga fyrir
aðgerðum þeirra sem nota hann.
Með öðrum dómsúrskurði fékk
RIAA hins vegar leyfi til að krefja
fjarskiptarisann Verizon um lista
yfir stórnotendur skiptiforrita eins
og Morpheus og Kazaa.
Í júní var haft eftir forseta sam-
takanna að þeir sem ekki vildu
eiga yfir höfði sér 12 milljóna
króna fjársekt ættu að forðast að
hlaða hugbúnaði sem leyfir skipti á
tónlistarskrám inn á tölvur sínar
og eyða honum út ef hann er þar
fyrir.
Færri hlaða
tónlist inn á
tölvur sínar
Hótanir Samtaka
hljómplötuframleið-
enda í Bandaríkjunum
hafa áhrif
FJÁRMÁLAFYRIRTÆKIÐ
Morgan Stanley er undir rannsókn
yfirvalda í New York og
Massachusetts. Ástæðan er sú að
grunur leikur á að Morgan Stanley
hafi ekki sagt viðskiptavinum sín-
um að miðlarar þess fengju sér-
staka þóknun fyrir að selja í verð-
bréfasjóðum fyrirtækisins. Þá eru
einnig uppi grunsemdir um að fyr-
irtækið hafi afvegaleitt eftirlitsaðila
sem voru að skoða starfsaðferðir
þess.
AP-fréttastofan greinir frá þessu
og segir að ríkin Massachusetts og
New York séu einnig að kanna
hvort fleiri fyrirtæki hafi tengt bón-
usgreiðslur og þóknanir til starfs-
manna sinna við sölu í sjóðum fyr-
irtækjanna. „Þegar þú ert í útilegu
og sérð einn maur kemurðu yfirleitt
auga á mun fleiri,“ segir William
Galvin, upplýsingafulltrúi ríkis-
stjórnar Massachusetts.
Eiðsvarin viðurkenning
Hann segir að þess kynni að verða
krafist af Morgan Stanley að það
upplýsti viðskiptavini sína um hugs-
anlega hagsmunaárekstra vegna
umræddra starfsaðferða og hvort
verðbréfasjóðirnir séu dýrari vegna
hárra þóknana.
Morgan Stanley mótmælti því
harðlega í skriflegri yfirlýsingu í
maí síðastliðnum að miðlarar eða
yfirmenn deilda hefðu fengið auka-
greiðslur fyrir að beina viðskipta-
vinum að sjóðum fyrirtækisins. Nú
segja eftirlitsaðilar hins vegar að sá
sem sér um þóknanir innan fyrir-
tækisins hafi eiðsvarinn viðurkennt
að miðlarar og yfirmenn deilda hafi
fjárhagslegan ávinning af því að
mæla með sjóðum fyrirtækisins,
sem sé nokkuð sem fjárfestum er
ekki sagt frá.
Morgan
Stanley
rannsakað
♦ ♦ ♦