Morgunblaðið - 11.08.2003, Blaðsíða 4
ÍÞRÓTTIR
4 B MÁNUDAGUR 11. ÁGÚST 2003 MORGUNBLAÐIÐ
Fyrstu mínúturnar reyndu leik-menn að ná undirtökunum á
miðjunni svo lítið var um að vera
upp við mörkin.
KR-ingar urðu fyrri
til að ná tökum á
spilinu og fengu
einu færin framan
af, helst var það Veigar Páll eftir
góðar sendingar Bjarka Gunn-
laugssonar og Sigurvins Ólafsson-
ar, en honum tókst ekki að nýta
þau. Veigar Páll lék sjálfur oft list-
ir sínar þegar hann lék varnar-
menn KA grátt en var oftast of
lengi að því og missti fyrir vikið
boltann. Fyrsta færi KA kom ekki
fyrr en á 25. mínútu þegar Þor-
valdur Örlygsson skaut yfir mark
KR. Á 33. mínútu uppskáru KR-
ingar mark úr góðri sókn en áhorf-
endur voru ekki alveg hættir að
fagna í stúkunni þegar Örn Kató
Hauksson jafnaði, markið kom
sannarlega eins og þruma úr heið-
skíru lofti en gott engu að síður.
Mörkin virtust frekar hressa KA-
menn við en efla baráttu Vest-
urbæinga og rétt fyrir leikhlé
sendi Þorvaldur Örlygsson boltann
inn fyrir vörn KR á Hrein Hrings-
son, sem tók góðan sprett, en
Gunnar Einarsson, varnarmaður
KR, hljóp hann uppi áður en hætta
skapaðist.
Eftir hlé snerist taflið alveg við.
Til að byrja með var ekkert um að
vera hjá KR á meðan Akureyring-
arnir sóttu í sig veðrið. Það kom
rigningardemba í hálfleik svo að
völlurinn varð mjög háll og leik-
menn voru nokkra stund að venjast
því. KA-menn fengu gott færi á 55.
mínútu þegar Dean Martin komst
upp hægri kantinn og gaf boltann
inn í vítateig KR. Þorvaldur Mak-
an Sigbjörnsson náði boltanum, lék
á varnarmann KR en Kristján
Finnbogason markvörður var vel á
verði og varði vel. KR-ingar fengu
nokkur sæmileg færi eftir það og
um miðjan hálfleik fóru þeir aðeins
að taka við sér enda slógu KA-
menn af, hvort sem það var vegna
þreytu eða að menn voru sáttir við
eitt stig. Á 77. mínútu fór boltinn í
hönd varnarmanns KA. Dómarinn
benti á vítapunktinn en eftir öflug
mótmæli gestanna ræddi hann
málin við aðstoðardómara og
breytti síðan dómnum í auka-
spyrnu á vítateigslínunni. Þegar
leið að lokum voru KR-ingar búnir
að ná tökum á leiknum. Steinar
Tenden fékk reyndar gott tækifæri
til að koma KA aftur yfir en Krist-
ján varði skot hans. Á sömu mín-
útu fékk KR þrjár hornspyrnur í
röð og úr þeirri síðustu skoraði
Veigar Páll.
Íslandsmeistarar KR voru ekki
sannfærandi í þessum leik. Byrj-
uðu að vísu vel en þegar þeir upp-
skáru ekki neitt fyrir nokkrar
ágætar sóknir virtist það draga
vígtennurnar úr þeim en sóknar-
menn þeirra fengu nægan tíma til
að athafna sig. Vörnin stóð að vísu
fyrir sínu með Gunnar Einarsson
og Kristján Örn Sigurðsson fasta
fyrir og Kristján markvörður varði
vel þrátt fyrir að fá á sig klaufalegt
mark.
KA-menn eru sterkir en virðast
jafnframt þungir og áttu oft í vand-
ræðum með spræka mótherja. Það
á við um Slobodan Milisic og Ronni
Hartvig en þeir vinna það rækilega
upp með yfirvegun auk þess sem
leikreynsla þeirra kemur þeim vel
til góða. Á miðjunni voru menn
ágætir á köflum en sóknarmönnum
þeirra gekk ekki vel að vinna úr
sínu, varnarmenn KR sáu til þess.
Glæsimark
Veigars Páls
bjargaði KR
VEIGAR Páll Gunnarsson bjargaði heiðri KR með sigurmarki einni
mínútu og 20 sekúndum fyrir leikslok gegn KA í Vesturbænum í
gærkvöldi, 2:1. Fyrir hlé voru heimamenn djarfari í sóknum sínum
en gestirnir frá Akureyri réðu ferðinni eftir hlé – þar til tíu mínútur
voru eftir og það nýttu KR-ingar sér til að freista gæfunnar enda
dugði ekkert minna en þrjú stig til að missa ekki af baráttunni um
toppsæti deildarinnar. Sigurinn var því sætari að KA vann fyrri leik
liðanna á Akureyri.
Stefán
Stefánsson
skrifar
Morgunblaðið/Jim Smart
Veigar Páll Gunnarsson lék KA-mann oft grátt á KR-vellinum í gær-
kvöldi og er þetta dæmigerð mynd fyrir hvað gerðist oft inni á vell-
inum – Þorvaldur Sveinn Guðbjörnsson og Slobodan Milisic verða hér
að játa sig sigraða.
Stjarnan vann öruggan sigur áLeiftri/Dalvík á Dalvík á laugar-
daginn, 4:1, en sá sigur var heldur
stærri en gangur leiksins
gaf tilefni til. Heima-
menn voru sterkari að-
ilinn í fyrri hálfleik og
léku oft vel saman. Tony Usnik og Jó-
hann Traustason voru tvívegis nálægt
því að skora fyrir Leiftur/Dalvík en
Stjarnan náði ekki að sýna sitt rétta
andlit í hálfleiknum. Garðbæingar voru
þó yfir í leikhléi, því Valdimar Kristó-
fersson náði að skalla í markið rétt fyrir
hlé.
Heimamenn hófu seinni hálfleikinn af
krafti og jöfnunarmarkið kom fljótlega.
Árni Thor Guðmundsson skoraði með
skalla eftir hornspyrnu. Hann var síðan
rekinn af velli nokkrum mínútum síðar
þegar hann fékk sitt annað gula spjald,
fyrir óþarfa brot. Þetta var vendipunkt-
urinn í leiknum og gestirnir náðu smám
saman tökum á honum. Brynjar Svav-
arsson náði forystunni fyrir Stjörnuna,
eftir að hafa fengið stungusendingu inn
fyrir vörnina, og stuttu síðar jók Drag-
oslav Stojanovic muninn með skoti utan
teigs. Brynjar gulltryggði svo sigurinn
rétt fyrir leikslok þegar hann skoraði af
stuttu færi eftir að Sævar í markinu
varði frá Calum Bett.
Salar Yashin var geysiöflugur í fyrri
hálfleik í liði heimamanna og Heiðar
Gunnólfsson góður í vörninni. Liðið
missti síðan taktinn einum færri. Brynj-
ar var bestur í liði Garðbæinga, sem eru
nú einungis sex stigum frá öðru sæti
deildarinnar, eftir góðan sprett að und-
anförnu
Maður leiksins: Brynjar Svavarsson,
Stjörnunni.
Stjarnan
nálgast
efstu liðin
Valur
Sæmundsson
skrifar
GUÐJÓN Valur Sigurðsson og samherjar
hans hjá Essen fögnuðu sigri á Wallau-
Massenheim í úrslitaleiknum á Kempa
Cup í Sindelfingen í Þýskalandi í gær,
27:24. Guðjón Valur skoraði þrjú mörk í
leiknum, en Einar Örn Jónsson skoraði
eitt fyrir Wallau, Rúnar Sigtryggsson ekk-
ert.
Guðjón Valur skoraði þrjú mörk í leik
gegn Pfullingen í riðlakeppni og tvö mörk
gegn franska liðinu Chambery, 20:20.
Jaliesky Garcia skoraði 8 mörk fyrir
Göppingen – hjá Guðmundi Hrafnkelssyni,
markverði Kronau/Östringen, 23:20. Ein-
ar Örn skoraði tvö mörk hjá Guðmundi,
en þá fögnuðu Guðmundur og félagar
sigri, 20:19. Rúnar skoraði eitt mark fyrir
Wallau þegar liðið lagði Göppingen, 28:21.
Garcia skoraði fjögur mörk fyrir Göpp-
ingen.
Essen lagði
Wallau
„ÞAÐ er alltaf sárt að tapa með því að fá á sig mark á síðustu mín-
útu – eftir að hafa barist vel allan leikinn,“ sagði Þorvaldur Örlygs-
son, leikmaður og þjálfari KA. „Við vorum ekki undir neinni
pressu í síðari hálfleik en þreyttir á að komast ekki framar síðustu
tíu mínúturnar. KR-ingar voru með yfirhöndina í fyrri hálfleik og
við of værukærir um tíma, náðum ekki rúlla boltanum eins vel og
við vildum gera, en eftir hlé sköpuðu þeir sér ekki nein færi, við
áttum þau bestu eftir hlé. Við náðum góðum dampi, náðum að láta
boltann rúlla og það var jafnvægi í leik okkar. Við fengum góð færi
sem okkur tókst ekki að nýta, það var súrt að nýta ekki eitt eða tvö
því þá hefði leikurinn breyst mikið. Svo fá KR-ingar horn á síðustu
mínútu og við gætum þeirra ekki nógu vel og fáum á okkur mark.
Við náðum oft góðu spili upp hægri kantinn svo að varnarmaður
þeirra þar var varla með og vafi hvort hann átti yfirleitt að vera
inná eftir seinna brot sitt á Dean Martin. Hann braut oft á Dean í
fyrri hálfleik en dómarinn var of langt í burtu eins og svo oft. Mér
fannst leiðinlegast við leikinn í dag að þótt dómarinn reyndi sitt
besta hjálpuðu hinir á línunni honum ekki mikið og voru ekki í takt
við leikinn. Fyrir vikið leit dómarinn verr út en ella þótt ekki sé
hægt að neita því að hann er ekki í sínu besta formi.“
Þorvaldur var ekki
sáttur við lokamarkið
KR 2:1 KA
Leikskipulag: 4-3-3 Landsbankadeildin,
13. umferð
KR-völlur
Sunnudaginn 10. ágúst
2003
Aðstæður:
14 stiga hiti, austan gola,
rigndi á meðan leik stóð. Völl-
ur blautur.
Áhorfendur: 1353
Dómari:
Gísli H. Jóhannsson, Kefla-
vík, 3
Aðstoðardómarar:
Svanlaugur Þorsteinsson,
Gunnar Gylfason
Skot á mark: 14(6) - 8(2)
Hornspyrnur: 3 - 1
Rangstöður: 2 - 3
Leikskipulag: 4-3-3
Kristján Finnbogason M
Jökull I. Elísabetarson M
Gunnar Einarsson M
Kristján Örn Sigurðsson M
Sigursteinn Gíslason
(Þórhallur Örn Hinriksson 67.)
Kristinn Hafliðason
Sigurvin Ólafsson M
Veigar Páll Gunnarsson M
Sigurður Ragnar Eyjólfsson
(Einar Þór Daníelsson 67.)
Garðar Jóhannsson
Bjarki B. Gunnlaugsson M
Sören Byskov M
Steinn V. Gunnarsson
Slobodan Milisic M
Ronnie Hartvig M
Þorvaldur Sveinn Guðbjörnsson
Örn Kató Hauksson M
Þorvaldur Makan Sigbjörnsson
Þorvaldur Örlygsson M
(Óli Þór Birgisson 81.)
Dean Martin M
Steinar Tenden M
(Elmar Dan Sigþórsson 87.)
Hreinn Hringsson
1:0 (33.) Bjarki Gunnlaugsson komst óáreittur upp vinstri kantinn og fékk næg-
an tíma til að gefa hnitmiðað sendingu inn í miðja markteig þar sem
Garðar Jóhannsson skallaði boltann af öryggi í markið.
1:1 (34.) KA-menn voru að undirbúa sókn á miðjum vallarhelmingi KR og Örn
Kató Hauksson ætlaði sér að gefa boltann fyrir. Kristján Finnbogason
markvörður KR kom út úr markinu en sendingin reyndist lengri en
hann bjóst við, Kristján hörfaði strax aftur en boltinn fór yfir hann í
stöng og inn.
2:1 (89.) KR-fengu hornspyrnu frá vinstri, boltinn fór yfir markteiginn þar sem
Þórhallur Hinriksson skallaði hann inn í markteiginn. Þar var fyrir Veig-
ar Páll Gunnarsson, sem tók hjólhestaspyrnu í erfiðu færi og skoraði
sigurmarkið
Gul spjöld: Sigursteinn Gíslason, KR (60.) fyrir brot. Ronnie Hartvig, KA (67.) fyrir brot.
Rauð spjöld: Engin
„ÞETTA eru sætustu sigrarnir og
leiðinlegt fyrir KA-menn að lenda í
þessu en mér fannst við eiga þenn-
an sigur skilinn,“ sagði Kristján
Finnbogason, fyrirliði KR. „Það var
kraftur í okkur í fyrri hálfleik en
síðan jafnaðist leikurinn. Við hætt-
um samt aldrei og héldum áfram að
pressa á þá þótt við fengjum ekki
mörg góð færi. Við erum mjög sátt-
ir við stigin þrjú. Það er erfitt að
spila á móti KA-mönnum, þeir verj-
ast vel og eru skeinuhættir frammi
með góða skotmenn.“
Sigurinn dugar KR til að halda
jafnmörgun stigum og Fylkir, efsta
lið deildarinnar. „Við urðum líka að
vinna til að hanga í Fylkismönnum,
þeir eru að vísu með betri marka-
tölu svo við verðum að halda í við
þá í stigunum. Nú fáum við Val
næst en svo Fylki hérna á KR-
vellinum. Við verðum að halda okk-
ar striki, það dugir ekkert annað og
það má ekki misstíga sig. Það er lít-
ið eftir af mótinu og liðin eru farin
að slípast til. Fylkismenn eru komn-
ir á gott skrið og erfitt að eiga við
þá svo að við megum ekki missa þá
of langt frá okkur. Við erum að
koma til. Júní var lélegur og svo
var mikil törn hjá okkur í júlí og þá
fór þetta að koma. Menn gefa sig
alla í leikinn og við spilum að okkar
hætti, – baráttuandinn er kominn,“
sagði Kristján og hristi höfuðið
þegar hann var spurður um mark
KA. „Þetta var frekar klúðurslegt.
Ég sá að hann ætlaði að gefa fyrir
og lagði af stað en svo snerist send-
ingin og ég náði ekki aftur í tæka
tíð til að bjarga málunum.“
Urðum
að vinna
HELGI Sigurðsson og Jóhann B.
Guðmundsson voru í liði Lyn sem tap-
aði fyrir Rosenborg í gær, 2:0, í
Þrándheimi. Árni Gautur Arason
landsliðsmarkvörður sat á vara-
mannabekknum hjá Rosenborg.
GLENN Hoddle, knattspyrnustjóri
Tottenham, greindi frá því í gær að
Jamie Redknapp yrði fyrirliði liðsins
á komandi leiktíð. Redknapp tekur
við bandinu af Teddy Sheringham
sem er genginn til liðs við nýliða
Portsmouth í úrvalsdeildinni.
ATLI Sveinn Þórarinsson var í
byrjunarliði Örgryte sem steinlá á
móti Malmö FF í gær.
PSV Eindhoven varð um helgina
meistari meistaranna í Hollandi er
liðið sigraði bikarmeistara Utrecht á
sunnudag, 3:1.
FÓLK