Morgunblaðið - 11.08.2003, Blaðsíða 7

ÍÞRÓTTIR
MORGUNBLAÐIÐ MÁNUDAGUR 11. ÁGÚST 2003 B 7

KENYON Martin, leikmaður
New Jersey Nets í NBA deildinni í
körfubolta, vill fara frá félaginu.
Martin á eitt ár eftir af samningi
sínum við Nets og hefur staðið í
samningaviðræðum við félagið.
Martin vill fá 87 milljónir dollara
fyrir sex ára samning en Nets hef-
ur boðið honum 66 milljónir doll-
ara.

MARTIN sættir sig ekki við það
sem Nets býður honum og vill fara
til annars félags. Martin lék mjög
vel fyrir Nets á síðasta tímabili og
skoraði að meðaltali 18,9 stig í leik
í úrslitakeppninni og tók 9,4 frá-
köst.

LAMAR Odom, framherji Los
Angeles Clippers, vill fara frá lið-
inu og flytja sig um set til Miami.
Odom vill leika undir stjórn Pat
Rileys þjálfara Miami. „Það er
kominn tími til að ég færi mig um
set og mig langar að leika með
Miami. Ég vona að Clippers skilji
afstöðu mína og leyfi mér að fara
til Miami. Odom er aðeins 23 ára
gamall og hann skoraði að með-
altali 14,6 stig og tók 6,7 fráköst í
leik síðasta vetur.

NBA liðin New Jersey Nets og
Portland Trail Blazers eru að
íhuga að skipta um leikmenn sam-
kvæmt bandarískum fjölmiðlum.
Rasheed Wallace og Ruben Patt-
erson, leikmenn Portland, eru
jafnvel á leið til Nets í skiptum
fyrir Dikembe Mutombo og Ken-
yon Martin.

FYRSTA umferð skosku úrvals-
deildarinnar í knattspyrnu fór
fram um helgina. Celtic byrjaði
ekki vel en liðið gerði markalaust
jafntefli við Dunfermline á útivelli.
Meistararnir Glasgow Rangers
byrjuðu hinsvegar ágætlega og
sigruðu Kilmarnock, 4:0, á heima-
velli. Mikel Arteta gerði tvö marka
Rangers og Peter Lovenkrands og
Michael Mols gerðu sitt markið
hvor.

BLACKBURN er talið hafa
áhuga á Darius Vassell sóknar-
manni Aston Villa. Samningur
Vassel rennur út næsta sumar en
hann hefur verið í samningavið-
ræðum við Villa í töluverðan tíma.
Það er talið líklegt að félagið fari
að íhuga að selja Vassell nema
hann skrifi undir bráðlega.

ARSENE Wenger, knattspyrnu-
stjóri Arsenal, sagði að Francis
Jeffers hefði fullkomnlega átt skil-
ið að fá rauða spjaldið gegn Man-
chester United í gær. Jeffers var
rekinn af velli á 71.mínútu fyrir að
sparka í Phil Neville. „Jeffers veit
að hann átti ekki að bregðast
svona við eins og hann gerði og
hann átti skilið að vera rekinn af
velli,“ sagði Wenger.

MANCHESTER City sigraði
Barcelona í æfingaleik 2:1 í gær á
nýjum heimavelli félagsins, Man-
chester-leikvanginum. Nicolas
Anelka og Trevor Sinclair gerðu
mörk City en Javier Saviola mark
Börsunga.

FJÓRÐA Gullmót alþjóða frjáls-
íþróttasambandsins fór fram í
Berlín í gær. Þegar mótið hófst
voru aðeins tveir frjálsíþrótta-
menn eftir í pottinum, til að keppa
um miljón dala verðlaunaféð sem í
boði er. Til þess að eiga möguleika
á verðlaunum, verður frjálsíþrótta-
maður að standa uppi sem sig-
urvegari í öllum fimm gullmótun-
um. Chandra Sturrop frá Bahama
og Maria Mutola frá Mósambík
voru eftir í pottinum.

STURROP varð að játa sig sigr-
aða í 100 m hlaupi, sá á eftir Kelly
White frá Bandaríkjunum koma á
undan sér í mark á 10,84 sek.
Christie Gaines varð önnur og
Sturrop þriðja.

MUTOLA fagnaði aftur á móti
sigri í 800 metra hlaupi á 1.59,01
mín. og er því ein eftir í gullpott-
inum.
FÓLK
Ekkert hættulegt færi leit dagsinsljós fyrstu fjörutíu og fimm
mínútur leiksins, en þó átti Ray
Anthony Jónsson
hörkuskot að marki
ÍBV sem Birkir
varði vel. Marka-
laust í leikhléi en lið-
in mættu heldur ákveðnari til leiks í
síðari hálfleik. Voru gestirnir skei-
nuhættari framan af og helst að Paul
McShane og Ray Anthony sköpuðu
hættu. Ray átti góðan skalla á 61.
mínútu sem Birkir varði vel. Eyja-
menn fóru þó að bíta frá sér þegar
leið á leikinn, Ingi Sigurðsson komst
í gott færi á 67. mínútu en Helgi Már
Helgason, markvörður gestanna,
varði glæsilega. Besti leikmaður
Grindavíkur í leiknum, Paul
McShane, fékk svo gullið tækifæri til
að koma þeim yfir þegar ellefu mín-
útur voru eftir þegar hann fékk frían
skalla á markteig Eyjamanna en
laus skallinn fór beint í hendurnar á
Birki Kristinssyni. Eina mark leiks-
ins kom svo á 83. mínútu en Bjarnólf-
ur Lárusson átti þá góða sendingu á
Gunnar Heiðar sem sendi knöttinn
fyrir þar sem Steingrímur Jóhann-
esson kom aðvífandi og skallaði í net-
ið. Grindvíkingar reyndu hvað þeir
gátu að jafna metin en þrátt fyrir
mikla pressu tókst þeim það ekki.
Lokakaflinn var þó ekki laus við
dramatík því þegar fjórar mínútur
voru komnar fram yfir venjulegan
leiktíma komst Óli Stefán Flóvents-
son inn fyrir vörn ÍBV og Hjalti Jó-
hannesson braut á honum innan víta-
teigs og Gylfi Orrason benti réttilega
á vítapunktinn. Grindvíkingar fögn-
uðu en Eyjamenn bentu á línuvörð-
inn, sem hafði flaggað rangstöðu á
gestina en Gylfi ekki tekið eftir því.
Gylfi dæmdi því rangstöðu og Eyja-
menn sluppu með skrekkinn. Næsta
spyrna var sú síðasta í leiknum og
Eyjamenn færðust upp að hlið
Grindvíkinga í deildinni með nítján
stig.
Nóg eftir af mótinu
Ólafur Örn Bjarnason, fyrirliði
Grindavíkur, sagði eftir leikinn að
munurinn á liðunum hefði einfald-
lega verið nýtingin. „Þetta var mikill
baráttuleikur og jafn en þeir fengu
kannski tvo til þrjá sénsa í leiknum
og nýttu einn og það var meira en við
gerðum. Það var munurinn á liðun-
um í dag.“ Ólafur sagði að dagskip-
unin í þessum leik hefði ekki verið
neitt önnur en í öðrum leikjum liðs-
ins í sumar. „Hún er alltaf sú að
halda hreinu og setja að minnsta
kosti eitt á andstæðinginn en það
tókst ekki í dag. Við erum ekkert af
baki dottnir þrátt fyrir þetta, það eru
enn fimm leikir eftir af mótinu og allt
getur gerst. Við verðum bara að ein-
beita okkur að því að ná í fleiri stig.“
Glæsimark Stein-
gríms dugði ÍBV
Morgunblaðið/Sigfús Gunnar Guðmundsson
Steingrímur Jóhannesson hefur hér betur í viðureign við Grindvíkinginn Eyþór Atla Einarsson.
ÞAÐ var ekki áferðarfalleg knattspyrna sem lið ÍBV og Grindavíkur
buðu upp á í Eyjum í gær. Bæði lið léku varfærnislega og tóku litla
áhættu í leik sínum, sérstaklega í fyrri hálfleik, sem var afspyrnu-
leiðinlegur áhorfs. Í liðin vantaði lykilmenn; Atli Jóhannsson,
miðjumaðurinn sterki hjá ÍBV, var í banni sem og Sinisa Kekic hjá
gestunum. Eins vantaði Ólaf Gottskálksson í markið hjá Grindvík-
ingum, sem urðu að játa sig sigraða, 1:0.
Sigursveinn
Þórðarson
skrifar
FH sigraði lið Þórs/KA/KS
1:0 á Kaplakrikavelli í fall-
baráttuslag í efstu deild
kvenna á laugardag. Sig-
urmark FH gerði varamað-
urinn Bryndís Sighvatsdóttir
á 40. mínútu. Heimamenn
léku einum færri í klukku-
tíma því á 30. mínútu fékk
Guðrún Sveinsdóttir að líta
rauða spjaldið fyrir tvö gul
spjöld. Þór/KA/KS náði ekki
að færa sér liðsmuninn í nyt
og því var FH sigur stað-
reynd. Við sigurinn eru FH
stúlkur komnar í 5.sæti en
Þór/KA/KS er sem fyrr í því
sjöunda og næstneðsta með
sex stig.
FH-sigur
í fallslag
ÍBV 1:0 Grindavík
Leikskipulag: 4-4-2 Landsbankadeildin,
13. umferð
Hásteinsvöllur
Sunnudaginn 10. ágúst
2003
Aðstæður:
Logn. 14 stiga hiti.
Áhorfendur: 250
Dómari:
Gylfi Þór Orrason,
Fram, 4
Aðstoðardómarar:
Ingvar Guðfinnsson, Eyjólfur
Finnsson
Skot á mark: 9(3) - 11(7)
Hornspyrnur: 0 - 8
Rangstöður: 2 - 5
Leikskipulag: 4-5-1
Birkir Kristinsson M
Bjarni Geir Viðarsson
Tom Betts
Tryggvi Bjarnason
Hjalti Jónsson M
Ingi Sigurðsson
(Bjarni Rúnar Einarsson 90.)
Bjarnólfur Lárusson
Pétur Runólfsson
(Unnar Hólm Ólafsson 74.)
Ian Jeffs
Steingrímur Jóhannesson M
Gunnar Heiðar Þorvaldsson
Helgi Már Helgason
Óðinn Árnason
Ólafur Örn Bjarnason M
Eyþór Atli Einarsson
Gestur Gylfason
Mathias Jack
Paul McShane M
Guðmundur A. Bjarnason
Óli Stefán Flóventsson
Ray Anthony Jónsson M
(Alfreð Elías Jóhannsson 80.)
Jerry Brown
1:0 (83.) Gunnar Heiðar Þorvaldsson fékk góða sendingu út á hægri kant,
sendi glæsilega fyrirgjöf beint á kollinn á Steingrími Jóhannessyni
sem sneiddi knöttinn í fjærhornið.
Gul spjöld: Eyþór Atli Einarsson, Grindavík (40.) fyrir brot.  Mathias Jack, Grindavík
(76.) fyrir mótmæli  Gestur Gylfason, Grindavík (89.) fyrir brot.
Rauð spjöld: Engin.
„ÞETTA var ljúft en erfitt,“ sagði markaskorari
ÍBV, Steingrímur Jóhannesson, eftir leikinn. „Völl-
urinn var blautur og þungur og Grindvíkingar eru
með sterkt lið. Ég var búinn að fá eitt skallafæri
áður í leiknum en þá var allt lokað þannig að það
var ekkert annað í stöðunni en að nýta þetta.“
Steingrímur sagði leikinn hafa einkennst af mikilli
baráttu. „Það er langt síðan við spiluðum síðast og
menn eru þungir. Það var líka skemmtileg Þjóðhá-
tíð hér um síðustu helgi og vikan hefur farið í að
kýla menn upp í þetta verkefni. Menn börðust vel í
leiknum og gamli skarfurinn í markinu bjargaði
okkur nokkrum sinnum. Það er ótrúlegt hvað hann
getur ennþá, algjör toppleikmaður.“ Aðspurður
hvort stefnan hjá ÍBV væri núna á Evrópusæti
sagði hann að auðvitað væri stefnan sett hátt. „Ég
hef alltaf sagt að við byrjum á sama punkti og allir
aðrir og ég vil vera í toppbaráttunni. Ég kynntist
því hérna þegar maður var að byrja í þessu að vera
í botnbaráttunni en það er alltaf skemmtilegra að
vera á toppnum og þar vil ég vera.“
Steingrímur vill
vera á toppnum