Morgunblaðið - 11.08.2003, Blaðsíða 5
ÍÞRÓTTIR
MORGUNBLAÐIÐ MÁNUDAGUR 11. ÁGÚST 2003 B 5
PÁLL Einarsson, fyrirliði efstu-
deildarliðs Þróttar í knattspyrnu, og
Björgólfur Tekefusa framherji eiga
báðir við meiðsli að stríða og í samtali
við Morgunblaðið sagði Ásgeir Elías-
son, þjálfari liðsins, að það yrði tekin
ákvörðun um það seinna í dag hvort
þeir gætu leikið eða ekki.
JÓHANN Möller, Baldvin Hall-
grímsson og Benedikt Hinriksson,
leikmenn Vals, eru allir meiddir og
verða ekki með gegn Þrótti. Útséð er
um að Benedikt leiki meira með á
þessu leiktímabili. Þá er Bjarni Ólaf-
ur Eiríksson í leikbanni.
REYNIR Leósson var fyrirliði ÍA í
gærkvöldi gegn Fram í fjarveru
Gunnlaugs Jónssonar sem var í leik-
banni að þessu sinni.
RAGNAR Árnason, leikmaður
Fram, bar sig vel á velli þrátt fyrir að
keppnisbúningur hans væri rifinn og
tættur eftir átökin við leikmenn ÍA.
Áður en leiknum lauk vantaði vinstri
ermina á búning Ragnars og var ekki
að sjá að regnið og rokið á Akranesi
hefðu áhrif á bakvörðinn.
GUÐJÓN Þórðarson og lærisvein-
ar hans í Barnsley byrjuðu leiktíðina
á sigri. Liðið vann Colchester á
heimavelli 1:0.
BRYNJAR Björn Gunnarsson lék
sinn fyrsta deildarleik fyrir Notting-
ham Forest, þegar liðið lagði Sunder-
land að velli, 2:0. Brynjar Björn var
tekinn út af um miðjan seinni hálf-
leikinn, eftir að hafa staðið sig vel á
miðjunni – sem varnartengiliður.
ÍVAR Ingimarsson, landsliðsmað-
ur í knattspyrnu, var ekki í leik-
mannahópi Wolves þegar liðið fagn-
aði sigri á portúgalska liðinu Boavista
í æfingaleik á laugardaginn, 2:0.
TVÖ mörk á tveimur mín., sem
Malcolm Christie skoraði, tryggðu
Middlesbrough sigur á ítalska liðinu
Chievo á Riverside Stadium, 2:0
YFIR 19.000 áhorfendur mættu á
St. Andrews í Birmingham, þar sem
þeir sáu markvörðinn Maik Taylor,
sem er í láni frá Fulham, leika sinn
fyrsta leik fyrir Birmingham og halda
jöfnu í leik gegn Real Mallorca, 0:0.
REAL Madrid hefur lokið ferð
sinni um Asíu. Liðið lagði landslið
Taílands að velli í Bangkok í síðasta
leik sínum, 2:1. 55 þús. áhorfendur.
Javier Portillo skoraði fyrst fyrir
Real, en Sarayut Chaikamdee jafn-
aði fyrir heimamenn. Það var Fern-
ando Morientes sem skoraði sigur-
mark Real Madrid.
KEVIN Campbell, miðherji Ever-
ton, meiddist í gær þegar liðið vann
ítalska liðið Bologna í vináttuleik, 3:0.
Svo getur farið að hann geti ekki leik-
ið með gegn Arsenal um næstu helgi,
þegar enska úrvalsdeildin hefst. Þá
er hinn ungi sóknarleikmaður Wayne
Rooney einnig meiddur og Duncan
Ferguson verður í leikbanni.
FÓLK
Það léttist aðeins brúnin ástuðningsmönnum ÍA í leiks-
lok eftir sigur heimamanna enda
hefur sumarið verið
liðinu þungt í
skauti og illa hafði
gengið að skora
mörkin. Nokkur fjöldi stuðnings-
manna Fram fylgdi liðinu að þessu
sinni og lagði leið sína í gegnum
„rörið“ í þeirri von að staða liðsins
myndi lagast. Þeim varð ekki að
ósk sinni og enn einn leikurinn
tapaðist með aðeins eins marks
mun – og virðist það ætla að verða
hlutskipti þeirra bláklæddu að
leika vel úti á vellinum en upp-
skeran er að sama skapi ekki mikil
þegar litið er á stigatöfluna.
Fyrri hálfleikur var markalaus
en bæði liðin fengu þó fín tækifæri
til þess að koma boltanum í netið.
Garðar Gunnlaugsson framherji
ÍA fékk gott færi á 7. mínútu en
skaut framhjá og fékk Garðar
nokkur ágæt færi í fyrri hálfleik
sem hann vann illa úr.
Stefán Þórðarson lét einnig að
sér kveða með ágætum skot-
tilraunum og þurfti Gunnar Sig-
urðsson markvörður Fram að hafa
fyrir hlutunum er hann varði
aukaspyrnu sem Stefán tók á 8.
mínútu. Gunnar fékk nóg að gera í
leiknum og var besti maður Fram-
liðsins að þessu sinni.
Leikmenn Fram náðu betri tök-
um á leiknum er á leið fyrri hálfeik
og náðu tveimur rispum þar sem
mikil hætta skapaðist við mark
Skagamanna.
Mörkin þrjú sem skoruð voru í
síðari hálfleik voru það markverð-
asta sem gerðist í síðari hálfleik.
Hjörtur Hjartarson gerði vel er
hann kom ÍA yfir á 52. mínútu en
stuðningsmenn ÍA voru rétt sestir
niður eftir fagnaðarlætin er Bald-
ur Bjarnason jafnaði metin mínútu
síðar.
Julian Johnson besti maður vall-
arins var maðurinn á bak við sig-
urmarkið sem Stefán Þórðarson
skoraði með skalla af stuttu færi á
75. mínútu en landsliðsmaðurinn
frá Færeyjum lagði einnig upp
markið sem Hjörtur skoraði.
Eftir að heimamenn höfðu kom-
ist yfir vörðu þeir stöðu sína með
kjafti og klóm án þess að skapa
sér afgerandi færi og að sama
skapi náðu leikmenn Fram ekki að
ógna marki Skagamanna.
Þrátt fyrir sigurinn eru Skaga-
menn áfram í neðri hluta deild-
arinnar, í því þriðja neðsta, en eins
og flestir knattspyrnuáhugamenn
vita er deildin mjög jöfn og er ÍA
aðeins 2 stigum á eftir liðinu sem
er í þriðja sæti þessa stundina.
Gefumst ekki upp
Baldur Bjarnason leikmaður
Fram vildi ekki meina að leikmenn
liðsins væru farnir að örvænta
þegar skammt væri eftir af Ís-
landsmótinu og liðið í neðsta sæti.
„Við verðum að halda áfram og
höldum alltaf í vonina um að okkur
fari að ganga betur. Þetta er ekki
fyrsti leikurinn í sumar sem við
töpum með einu marki, leikur sem
við áttum alla möguleika á að
vinna. Núna er staðan önnur en
hún var áður en þessi leikur hófst.
Það er lengra í þau lið sem við
verðum að komast upp fyrir en við
gefumst ekki upp á þessari stundu.
Við höfum trú á því að þetta muni
ganga upp hjá okkur,“ sagði Bald-
ur.
Eigum mikið inni
Stefán Þórðarson skoraði sigur-
mark ÍA að þessu sinni en fram-
herjinn sagðist geta yljað sér að-
eins á markinu næstu klukku-
stundirnar. „Það var ljúft að skora
enda hef ég ekki leikið vel í sumar
sem framherji. Ég á mikið inni en
vona samt að þetta mark verði til
þess að auka sjálfstraustið hjá mér
og okkur sem liði. Því er ekki að
leyna að fallbaráttan var ekki það
sem við ætluðum okkur á þessu
sumri en það er samt sem áður
það sem við erum að glíma við.
Það er lítið sem skilur á milli í
svona leikjum. Við áttum í basli
með neðsta lið deildarinnar og við
verðum að mæta til leiks gegn KA
í næsta leik með það eitt að mark-
miði að bæta okkur sem lið og ná í
þrjú stig,“ sagði Stefán.
Stefán bjarg-
aði málunum
gegn Fram
STEFÁN Þórðarson sá til þess að Skagamenn þokuðust fjær fallbar-
áttunni um stundarsakir er hann skoraði sigurmarkið í viðureign
liðsins gegn botnliði Fram, en liðin áttust við í 13. umferð Lands-
bankadeildarinnar í gær á Akranesi. Leiknum lauk með 2:1 sigri ÍA
en Hjörtur Hjartarson kom heimamönnum yfir á 52. mínútu en Bald-
ur Bjarnason skoraði mark Fram mínútu síðar. Skagamenn eru með
17 stig og aðeins 2 stigum á eftir liðinu sem er í þriðja sæti en staða
Fram er heldur dökk þar sem liðið er í neðsta sætinu með 11 stig.
Sigurður Elvar
Þórólfsson
skrifar
Hjörtur kvaddi með stæl
HJÖRTUR Hjartarson, leikmaður ÍA, fékk klapp á öxlina frá fé-
lögum sínum, þjálfaranum Ólafi Þórðarsyni og síðast en ekki
síst stuðningsmönnum liðsins, er honum var skipt út af undir
lok leiksins gegn Fram í gærkvöldi. Hjörtur skoraði fyrsta mark
leiksins og lagði grunninn að 2:1-sigri liðsins í síðasta leik sínum
með ÍA á leiktíðinni. Hjörtur heldur til Bandaríkjanna í næstu
viku þar sem hann mun hefja nám í fjölmiðlafræði í Alabama
þar sem hann mun jafnframt leika knattspyrnu með skólaliðinu
en þar hittir hann fyrir þá Sigþór Júlíusson og Þórhall Hinriks-
son, leikmenn KR.
„Það var ljúft að kveðja liðið með sigri og það skemmdi ekki
fyrir að hafa skorað mark,“ sagði Hjörtur sem var léttur í lundu
er hann gekk af velli undir dynjandi lófataki áhorfenda. „Ég
veit samt sem áður ekki hvort ég hef leikið minn síðasta leik
með ÍA þar sem ég er samningsbundinn liðinu á næstu leiktíð
einnig og ég hef hug á því að kom til Íslands í maí á næsta ári
til þess að leika knattspyrnu,“ sagði Hjörtur, sem varð marka-
kóngur Íslandsmótsins árið 2001 er liðið varð Íslandsmeistari,
en hann hefur skorað þrjú mörk fyrir Skagamenn í sumar.
TIM Howard, Bandaríkjamaðurinn í marki Manchester
United, var hetja síns liðs er United lagði Arsenal að-
velli í leik um Samfélagsskjöldinn 5:4 að lokinni víta-
spyrnukeppni. Staðan eftir venjulegan leiktíma var 1:1.
Mikael Silvestre kom Englandsmeisturunum yfir á 14.
mínútu með skallamarki eftir að afmælisbarnið Roy
Keane hafði fleytt áfram hornspyrnu Ryans Giggs.
Thiery Henry jafnaði metin fyrir bikarmeistara Arsen-
al fimm mínútum síðar með glæsilegu marki beint úr
aukaspyrnu.
Mikil harka var í leiknum og þegar rúmur stund-
arfjóðungur lifði leiks fékk Francis Jeffers, varamaður
í liði Arsenal, að líta rauða spjaldið eftir ljótt brot á
Phil Neville leikmanni Manchester United. Hvorugu
liðinu tóks að bæta við marki og grípa varð til víta-
spyrnukeppni. Eins og áður stendur var Tim Howard
hetja Manchester United í vítaspyrnukeppninni, varði
hann spyrnur frá Giovanni van Bronckhorst og Robert
Pires. Jens Lehmann, Þjóðverjinn í marki Arsenal,
varði eina spyrnu, frá Ruud van Nistelrooy.
Howard hetja
Manchester United
BAYER Leverkusen er eina liðið í þýsku 1. deildinni
sem unnið hefur báða leiki sína það sem af er. Í gær
gerðu leikmenn liðsins góða ferð til Frankfurt og sigr-
uðu 2:1. Bernd Schneider gerði fyrra mark liðsins en
sigurmarkið var sjálfsmark. Dortmund sigraði Wolfs-
burg, 4:0, á heimavelli og skoraði Tékkinn snjalli, Tom-
as Rosicky, tvö markanna. Marcio Amoroso og Jan
Koller voru einnig á skotskónum. Bayern München
slapp með skrekkinn gegn Hannover 96 en þegar
venjulegur leiktími var liðinn bjargaði Owen Har-
greaves einu stigi fyrir þýsku meistaranna þegar hann
jafnaði metin í 3:3 með fallegu marki beint úr auka-
spyrnu. Hannover komst yfir 3:1 en Michael Ballack og
Claudio Pizarro skoruðu tvö marka Bæjara. „Í dag
sýndum við tvær ólíkar hliðar á okkur. Í fyrri hálfleik
voru við stressaðir í vörninni en eftir hlé var ég mjög
ánægður með hvernig liðið lék,“ sagði Ottmar Hitzfeld,
knattspyrnustjóri Bayern München. Bochum og Ham-
burg gerðu, 1:1, jafntefli og kom Þórður Guðjónsson
inná sem varamaður í liði Bochum á 46. mínútu.
Leverkusen
á toppinn
ÍA 2:1 Fram
Leikskipulag: 4-4-2 Landsbankadeildin,
13. umferð
Akranesvöllur
Sunnudaginn 10. ágúst
2003
Aðstæður:
Rok þvert á völlinn, rigning er
á leið. Hiti um 12 stig, völl-
urinn góður.
Áhorfendur: 830.
Dómari:
Kristinn Jakobsson, KR, 5
Aðstoðardómarar:
Sigurður Óli Þórleifsson, Sig-
urður Þór Þórsson
Skot á mark: 17(11) - 10(3)
Hornspyrnur: 5 - 9
Rangstöður: 7 - 4
Leikskipulag: 4-3-3
Þórður Þórðarson M
Hjálmur Dór Hjálmsson
Helgi Pétur Magnússon M
Reynir Leósson M
Andri Lindberg Karvelsson
Julian Johnsson MM
Pálmi Haraldsson M
Hjörtur J. Hjartarson M
(Baldur Aðalsteinsson 77.)
Kári Steinn Reynisson
(Guðjón H. Sveinsson 60.)
Stefán Þór Þórðarson M
Garðar Gunnlaugsson
(Kristian Gade Jörgensen 65.)
Gunnar Sigurðsson MM
Ragnar Árnason
(Ómar Hákonarson 70.)
Eggert Stefánsson
Ingvar Ólason M
Gunnar Þór Gunnarsson
Viðar Guðjónsson
Baldur Þór Bjarnason M
Ágúst Gylfason
Daði Guðmundsson M
Kristinn Tómasson
(Kristján Brooks 46.)
Andri Fannar Ottósson
1:0 (52.) Julian Johnsson vann knöttinn af Fram á miðsvæðinu og gaf á Hjört
Hjartarson sem snéri baki í mark Fram á vítateigslínu fyrir miðju
marki. Hjörtur sneri af sér varnarmann Fram og skaut í markið úr
miðjum vítateignum.
1:1 (53.) Baldur Bjarnason fékk knöttinn fyrir utan vítateiginn eftir að Skaga-
menn höfðu bjargað sér fyrir horn eftir leiftursókn Fram. Baldur skaut
hnitmiðuðu skoti með vinstri fæti í hægra markhornið.
2:1 (75.) Julian Johnsson fékk stungusendingu inn fyrir vörn Fram og lék upp að
endamörkum hægra meginn. Þar gaf hann knöttinn fyrir markið þar
sem Kristian Gade Jörgensen og Stefán Þórðarson börðust um knött-
inn og skallaði sá síðastnefndi knöttinn í netið af stuttu færi.
Gul spjöld: Gunnar Þór Gunnarsson, Fram (8.) fyrir brot. Julian Johnsson, ÍA (45.) fyrir
brot. Ingvar Ólason, Fram (71.) fyrir brot. Baldur Þór Bjarnason, Fram
(90.) fyrir brot.
Rauð spjöld: Engin