Morgunblaðið - 18.09.2003, Blaðsíða 4

4 B FIMMTUDAGUR 18. SEPTEMBER 2003 MORGUNBLAÐIÐ










































































































NVIÐSKIPTI B
REYTINGAR í ferða-
þjónustunni á undan-
förnum árum hafa
skýrt komið fram á
ferðakaupstefnunni
Vestnorden, að sögn Magnúsar
Oddssonar, framkvæmdastjóra
Ferðamálaráðs Íslands. Átjánda
Vestnorden ferðakaupstefnan var
haldin í Þórshöfn í Færeyjum í vik-
unni, en henni lauk í gær.
Magnús sagði á fréttamannafundi
sem haldinn var á fyrri degi kaup-
stefnunnar síðastliðinn þriðjudag, að
yfirbragð Vestnorden hefði breyst
mikið á undanförnum árum. Hann
hefði samanburðinn því hann hefði
sótt allar kaupstefnurnar sem haldn-
ar hafi verið til þessa. Á fyrstu kaup-
stefnunum hefðu flugfélög og önnur
fyrirtæki sem flytja ferðamenn, svo
og gististaðir af ýmsum toga, verið
mest áberandi. Þessir ferðaþjón-
ustuaðilar séu enn á kaupstefnunni
en hin síðari ár hafi hins vegar stöð-
ugt meira borið á fyrirtækjum sem
bjóði upp á ýmiss konar afþreyingu.
Mikil aukning hafi orðið á þessu
sviði ferðaþjónustunnar á Vestnor-
den og það sé í samræmi við þær
breytingar sem orðið hafi í þessum
geira.
Það eru Ferðamálaráð Íslands,
Færeyja og Grænlands, sem standa
að Vestnorden. Kaupstefnan er
haldin annað hvert ár á Íslandi en
þess á milli til skiptis í Færeyjum og
Grænlandi. Á næsta ári verður hún á
Íslandi.
Samtals kynntu 113 ferðaþjón-
ustuaðilar vörur sínar og þjónustu á
Vestnorden í Færeyjum að þessu
sinni, þar af voru flestir frá Íslandi.
Kaupendur voru alls 89, mest ferða-
skrifstofur, og komu víðs vegar að úr
heiminum. Flestir þeirra voru frá
Danmörku, Þýskalandi, Bandaríkj-
unum, Hollandi, Svíþjóð og Frakk-
landi. Einnig komu kaupendur frá
Belgíu, Bretlandi, Kanada, Eist-
landi, Færeyjum, Finnlandi, Græn-
landi, Íslandi, Ítalíu, Kanada, Nor-
egi, Póllandi, Spáni, Sviss og alla leið
frá Ástralíu.
Gott ár í ferðaþjónustunni
Fram kom í máli framkvæmdastjóra
Ferðamálaráða Íslands, Færeyja og
Grænlands, á fréttamannafundinum
á kaupstefnunni, að árið 2003 hafi
verið gott ár fyrir ferðaþjónustu í
öllum þremur löndunum. Magnús
Oddsson sagði að vonir standi til að
fjöldi ferðamanna, sem heimsækja
munu Ísland á árinu, verði svipaður
og á metárinu 2000 er rúmlega 300
þúsund ferðamenn komu til lands-
ins. Henri Nielsen, framkvæmda-
stjóri Ferðamálaráðs Færeyja,
sagði að áætlað sé að fjöldi ferða-
manna sem heimsækja eyjarnar
verði svipaður á þessu ári og í fyrra,
sem hafi verið gott ár. Þá kom fram í
máli Stig Rømer Winther, fram-
kvæmdastjóra Ferðamálaráðs
Grænlands, að gert sé ráð fyrir að
nokkur aukning verði í fjölda ferða-
manna sem heimsækja landið á
þessu ári í samanburði við síðasta ár.
Tekjur af ferðaþjónustu í löndun-
um þremur, sem hlutfall af heildar-
útflutningstekjum, eru mestar á Ís-
landi, um 13%, í kringum 7% í
Færeyjum og um 5–6% í Grænlandi,
að því er fram kom í máli fram-
kvæmdastjóranna.
Samstarf í Kaupmannahöfn
Magnús Oddsson greindi frá því að í
nóvember næstkomandi muni
Ferðamálaráð Íslands opna skrif-
stofu í Kaupmannahöfn, sem ætlað
er að sinna Norðurlöndunum. Fyrir
er Ferðamálaráð með skrifstofur í
Þýskalandi og Bandaríkjunum.
Hann sagði að í sama húsi í Kaup-
mannahöfn og skrifstofa ráðsins
verður, svonefndu Vestnorrænu
húsi, verði einnig skrifstofur frá
ferðamálaráðum Færeyja og Græn-
lands. Þá verði og sameiginleg upp-
lýsingamiðstöð fyrir ráðin þrjú á
sama stað.
Hann sagði að vel hafi tekist til
með að standa vörð um ferðaþjón-
ustuna á Íslandi í kjölfar hryðju-
verkaárásarinnar á Bandaríkin í
september 2001, en í fyrstu hafi ver-
ið búist við að ástandið í greininni
myndi versna verulega. Aukið fjár-
magn hafi komið til frá stjórnvöld-
um, samtals um 450 milljónir króna,
sem hafi verið varið til markaðs-
átaks í samstarfi við fyrirtækin í
ferðþjónustunni. Þetta átak hafi
greinilega skilað sér því aukning hafi
orðið í komum ferðamanna til Ís-
lands frá öllum markaðssvæðum
nema Norður-Ameríku. Þá sagði
hann sérstaklega ánægjulegt hvern-
ig tekist hafi til við að kynna Ísland
sem ferðamannaland yfir vetrar-
mánuðina.
Ný jarðgöng í Færeyjum
Henri Nielsen sagði að ný jarðgöng
milli Voga, þar sem alþjóðaflugvöll-
ur Færeyja er, og Straumeyjar, er
þar er höfuðstaðurinn Þórshöfn, hafi
mikið að segja fyrir ferðaþjónustuna
á eyjunum. Göngin voru tekin í notk-
un í desember á síðasta ári en við
það styttist ferðatíminn milli flug-
vallarins og höfuðstaðarins úr u.þ.b.
tveimur klukkustundum í innan við
eina, en áður þurfti að fara með ferju
á milli eyjanna tveggja.
Sagði Nielsen að það sama eigi og
við um hina nýju Norrænu, Smyril
Line skipafélagsins, sem var tekin í
notkun síðastliðið vor. Hið nýja skip
gefi mikla möguleika fyrir ferða-
þjónustuna í Færeyjum. Sumaráætl-
un hefjist fyrr en áður og standi
lengur. Nú verði einnig siglt yfir
vetrarmánuðina milli Færeyja, Nor-
egs og Hjaltlands. Þar með opnist
nýr markaður fyrir færeyskan
ferðaþjónustu, þar sem séu um fimm
milljónir Norðmanna.
Ævintýralandið Grænland
Að sögn Stig Røhmer Winther hefur
verið ákveðið að leggja sérstaka
áherslu á menningu Inúíta í Græn-
landi í kynningu á landinu sem
ferðamannalandi. Hann sagði á
fréttamannafundinum að ferðamenn
hafi sýnt þessari einstöku menningu
mikinn áhuga á undanförnum árum.
Þá verði einnig lagt upp úr því að
kynna landið sem ævintýraland, sem
land sem bjóði upp á einstakar fjalla-
og snjó- og jökulferðir ýmiss konar
og aðra útivist. Stærstur hluti þeirra
sem heimsæki þessa stærstu eyju í
heimi komi einmitt í þeim tilgangi að
njóta hinnar sérstöku náttúru lands-
ins. Sagði hann ánægjulegt hvað
ungt fólk hefði í auknum mæli lagt
leið sína til landsins í slíkum erinda-
gjörðum.
Góðar ábendingar
Haukur Birgisson, sem veitir skrif-
stofu Ferðamálaráðs Íslands í
Frankfurt í Þýskalandi forstöðu,
sagði í samtali við blaðamann á
kaupstefnunni að hún skili miklum
árangri fyrir ferðaþjónustufyrirtæki
sem taki þátt í Vestnorden. Seljend-
ur í ferðaþjónustu í löndunum þrem-
ur, Íslandi, Færeyjum og Græn-
landi, hitti kaupendur, sem komi alls
staðar að en að stærstum hluta frá
Evrópu. Á kaupstefnunni sé rætt um
það sem í boði er og hverju væri
hugsanlega hægt að bæta við. Þá sé
auk þess í mörgum tilvikum gengið
frá samningum um ferðir, gistingu
og afþreyingu. Kaupendur á kaup-
stefnunni komi einnig gjarnan með
ábendingar um það sem betur megi
fara hjá seljendum, sem sé gott fyrir
ferðaþjónustuna.
Að sögn Hauks hefur mikil breyt-
ing orðið í ferðaþjónustunni í heim-
inum á undanförnum árum og það
eigi einnig við um Ísland, Færeyjar
og Grænland. Hann sagði að fólk
vilji í auknum mæli upplifa það land
sem það heimsækir á eigin vegum
þótt hópferðir séu enn sem fyrr vin-
sælar. Þetta komi til að mynda fram
í mikilli aukningu bílaleigufyrir-
tækja á Íslandi, svo dæmi sé nefnt.
Ánægðir ferðaþjónustuaðilar
Hjónin Guðbjörg Ingibergsdóttir og
Ólafur Haukdal stofnuðu bílaleiguna
Berg á árinu 1999. Þá seldu þau fjöl-
skyldubílinn og keyptu tvo nýja bíla í
ódýrari kantinum. Þau sögðu að um-
svifin hjá fyrirtækinu hafi aukist gíf-
urlega á þeim tíma sem liðinn er frá
stofnun þess og voru sammála um
nauðsyn þess að vera með á Vestnor-
den. Það hafi skilað góðum árangri
til þessa og ekki hafi annað komið til
greina en að vera með að þessu sinni
í Færeyjum.
Ragnheiður Valdimarsdóttir hjá
Sæferðum í Stykkishólmi, sem reka
ferjuna Baldur og bjóða auk þess
m.a. annars upp á hvalaskoðun frá
Ólafsvík, sagði að fyrirtækið myndi
ekki vera með á Vestnorden nema
vegna þess hvað það skilar góðum
árangri. Þar komist á sambönd við
nýja viðskiptavini auk þess að eldri
sambönd séu treyst.
Í svipaðan streng tók Dorothee
Lubecki, ferðamálafulltrúi Vest-
fjarða. Hún sagði að kynning á Vest-
fjörðum fyrir ferðamenn sé lang-
tímaverkefni, og þátttaka í
Vestnorden sé sjálfsagður og nauð-
synlegur liður þar í. Árangurinn í
þeim efnum hafi nú þegar skilað sér.
Þær Dóra Magnúsdóttir frá Höf-
uðborgarstofu og Sonja Bent frá
Upplýsingamiðstöð ferðamanna í
Reykjavík voru að taka þátt í Vest-
norden í fyrsta skipti. Þær sögðust
telja næsta víst að góður árangur
verði af þeirri kynningu sem þær
stóðu fyrir á Reykjavík sem ákjósan-
legum viðkomustað ferðamanna út
frá slagorðinu, Reykjavík, pure
energy. Viðtökurnar hjá þeim ferða-
þjónustuaðilum sem gáfu sér tíma til
að setjast hjá þeim á kaupstefnunni
hafi verið uppörvandi.
Ferðaþjónustuaðilar í Færeyjum
og Grænlandi, sem blaðamaður
ræddi við á Vestnorden í Þórshöfn,
voru sama sinnis og fulltrúar ís-
lenskra fyrirtækja og þjónustuaðila,
og sögðu að ekki fari á milli mála að
kaupstefnan skili tilætluðum ár-
angri.
Breyttar áherslur í ferðaþjónustu
Afþreyingarfyrirtæki eru mun meira áberandi á ferðakaupstefnunni Vestnorden en á fyrri ferðakaupstefnum
Ferðakaupstefnan Vestnorden, sem Ferða-
málaráð Íslands, Færeyja og Grænlands
standa að, var haldin í átjánda skipti í vikunni,
að þessu sinni í Þórshöfn í Færeyjum. Grétar
Júníus Guðmundsson var á staðnum og varð ekki
var við annað en að þeir sem þátt tóku í kaup-
stefnunni hefðu verið ánægðir með árangurinn,
eins og undanfarin ár.
gretar@mbl.is
Morgunblaðið/Pétur Kristjánsson
Nýja Norrænan sem var tekin í notkun síðastliðið vor eykur möguleika færeyskrar ferðaþjónustu allt árið en Norræna mun sigla
yfir vetrarmánuðina milli Færeyja, Noregs og Hjaltlands. Þar með opnast nýr markaður fyrir færeyska ferðaþjónustu.
Morgunblaðið/Halldór Kolbeins
Ferðamenn vilja í auknum mæli upplifa það land sem þeir heimsækja á eigin vegum þótt hópferðir séu enn sem fyrr vinsælar.