Morgunblaðið - 02.10.2003, Qupperneq 9
MORGUNBLAÐIÐ FIMMTUDAGUR 2. OKTÓBER 2003 B 9
NFRÉTTIR STAFRÆNA prentstofan getur
bjargað þegar verkefnin eiga að
„leysast í gær!“ segir í auglýsinga-
bæklingi Stafrænu prentstofunnar,
en það er sú prentsmiðja hérlend sem
hefur á síðustu árum verið hvað fljót-
ust að tileinka sér nýja strauma og
stefnur í prenttækni, samkvæmt upp-
lýsingum frá prentstofunni.
Þó að fullyrðingin hér í byrjun geti
engan veginn staðist, segir fram-
kvæmdastjórinn, Kristján Ingi Ein-
arsson, að stafræn prentun bjóði upp
á mikla möguleika til skjótrar þjón-
ustu í hámarks stafrænum gæðum.
Kristján kallar prent sitt stafrænt
offsett prent til aðgreiningar frá öðru
stafrænu prenti og ljósritun, en hann
segir að gæði stafrænu prentunarinn-
ar séu orðin nánast þau sömu og í
hefðbundu offsettprenti.
Ennfremur segir Kristján að staf-
ræn prentun sé mun vistvænni en hin
hefðbundna og bjóði upp á mun meiri
möguleika. „Þessi tækni býður upp á
breytilega prentun, þ.e.a.s. texti eða
myndir geta verið breytilegar frá ein-
taki til eintaks. Þetta er kallað breyti-
legt prent eða persónuprent,“ sagði
Kristján í samtali við Morgunblaðið.
Kristján segir að Stafræna prent-
stofan muni fagna hálfrar aldar af-
mæli á næsta ári.
„Áður var þetta dæmigerð prent-
smiðja með gamla laginu en hefur nú
farið í gegnum öll stig prentunar og
prenttækni,“ segir Kristján.
Á morgun verður haldin örstutt
ráðstefna, eins og Kristján orðar það,
sem Stafræna prentstofan stendur
fyrir í tilefni af fimmtugsafmælinu og
í tilefni af því að fyrirtækið hefur fest
kaup á nýrri og fullkominni prentvél,
þeirri fullkomnustu sem til er á Norð-
urlöndunum, að sögn Kristjáns. Aðal-
fyrirlesari á ráðstefnunni, sem ber
yfirskriftina „Bull eða bylting – ör-
stefna um stafræna prentun“, er
Erwin Busselot, sérfræðingur frá
Hewlett-Packard og mun hann fara í
saumana á hinum ýmsu hliðum staf-
ræns prents.
Héldu mig snarvitlausan
„Þegar ég sá fyrir nokkrum árum
hver tækniþróunin yrði í prentuninni
hélt ég að mér höndum varðandi frek-
ari fjárfestingar í gömlu tækninni. Ég
hef ávallt fylgst vel með því sem er að
gerast í greininni og sótt sýningar úti
og árið 1992 sá maður að prentið var
að færast út í að vera stafrænt,“ segir
Kristján Ingi.
Hann segir að fyrstu vélarnar hafi
verið mikil tækninýjung. „Gæðin voru
ágæt en það var samt enn allt í tómri
vitleysu varðandi tæknihliðina og mér
var ráðlagt að bíða með kaup á svona
vél. Þegar ég sá þetta svo á sýningu
1998 þá fannst mér vélarnar farnar að
verða nokkuð góðar og menn voru
farnir að mæla með kaupum. Ég sló
þá til og keypti fyrstu vélina fyrir 30
milljónir króna sem var talsverð fjár-
festing þá. Menn héldu að ég væri
orðinn snarvitlaus, en þetta gekk
ágætlega þó að það hafi tekið tíma að
ná tökum á þessu. Ári síðar keypti ég
síðan aðra vél til að geta bætt þjón-
ustuna og hraðann enn frekar, því
menn voru farnir að átta sig á að ég
gat þjónustað þá með mjög skömm-
um fyrirvara.“
Fimmfaldaði veltuna
Kristján segir að yfirfærslan yfir í
stafræna þjónustu hafi gjörbreytt hjá
sér rekstrinum og veltan hafi fimm-
faldast á tveimur árum.
Hann segir að nýja prentvélin sem
er af gerðinni HP Indigo 3000 sé talin
sú fullkomnasta sem völ er á.
„Þetta er eina vél sinnar tegundar
á Íslandi og sú fyrsta á Norðurlönd-
um. Hún er frábrugðin öðrum staf-
rænum vélum sem til eru hér á landi
þar sem hún prentar á arkir en ekki
rúllur eins og venjan er, auk þess sem
farfi er notaður til prentunarinnar í
stað dufts sem notað er í öðru staf-
rænu prenti og ljósritun.“
Þjónusta eins og sú sem Stafræna
prentstofan innir af hendi kallar
Kristján „on demand“-prentun, eða
prentun eftir þörfum. „Þú prentar
bara eftir þörfum, þess vegna bara
eitt eintak ef svo ber undir. Það safn-
ast því enginn lager upp hjá fyrir-
tækjum sem á á hættu að úreldast
fyrr en varir. Þetta er ekki hægt í
hefðbundnu prenti.“
Kristján segir að erlendis sé mesti
vöxturinn í persónuprentinu. „Sem
dæmi þá er BMW-bílaframleiðandinn
með svona prentvél hjá sér í verk-
smiðjunni og þegar þú ert búinn að
panta bíl færðu mynd með þér heim
þar sem þú situr undir stýri á bílnum
sem á þá enn eftir að smíða. Menn eru
sem sagt farnir að nota þessa mögu-
leika mun almennar erlendis. Hér
heima finnast okkur möguleikarnir í
persónuprenti illa nýttir, þess vegna
blásum við til þessarar örstefnu á
morgun,“ sagði Kristján Ingi að lok-
um.
Morgunblaðið/Jim Smart
Hálfdán Gunnarsson, prentari hjá Stafrænu prentstofunni, og Kristján Ingi Ein-
arsson framkvæmdastjóri skoða efni prentað í nýju HP Indigo-prentvélinni.
„Þegar verk-
efnin eiga að
leysast í gær“
TÆKNIHÁSKÓLI Íslands sigr-
aði í MSB 2003-keppninni sem lauk
um síðustu helgi.
MSB 2003 er fyrsta keppni há-
skólanna á Íslandi sem bjóða upp á
viðskiptatengt nám í hagnýtingu
fræðanna. Þeir skólar sem sendu lið
voru Háskólinn á Akureyri, Háskóli
Íslands, Háskólinn í Reykjavík, Við-
skiptaháskólinn á Bifröst og
Tækniháskóli Íslands. Keppt var í 4
riðlum og tóku þátt 5 lið í hverjum
þeirra. Úrslitin urðu þau að lið frá
Tækniháskóla Íslands urðu í fyrsta,
öðru og fjórða sæti en lið frá Há-
skólanum á Akureyri í því þriðja.
Lið nemenda ráku fyrirtæki í
sýndarveruleika sem náði yfir 8 ára
tímabil. Notað var hermiforrit sem
líkir eftir viðbrögðum markaða við
markaðsaðgerðum. Markmiðið var
að hámarka markaðsvirði fyrirtæk-
isins en sýna jafnframt fram á að
það væri afleiðing skýrrar stefnu
sem mótuð var í lok 3ja rekstrarárs
hvers fyrirtækis.
Eins og áður sagði fór fyrri hluti
keppninnar fór fram í sýndarveru-
leika yfir Netið en seinni hlutinn
var í formi kynningar á stefnumót-
andi markaðsáætlun, hvernig henni
hefði verið framfylgt, hver árang-
urinn var og hvernig brugðist var
við breytingum á markaði. Níu
fulltrúar frá atvinnulífinu voru í
dómnefnd. Sigurlið keppninnar, lið
frá Tækniháskóla Íslands, mun
keppa fyrir hönd Íslands í al-
þjóðlegri keppni í Kanada í janúar
nk. Í sigurliðinu voru þeir Ágúst
Kr. Steinarsson, Kári Steinar Lúth-
ersson, Rúnar H. Bridde og Sveinn
I. Einarsson sem munu allir útskrif-
ast um áramótin með B.Sc.-gráðu í
alþjóðamarkaðsfræði. Afhenti
Steinn Logi Björnsson, formaður
dómnefndar, þeim verðlaunin.
Tækni-
háskólinn
sigraði í
MSB 2003
Ágúst Kr. Steinarsson, Sveinn I. Einarsson, Rúnar H. Bridde og Kári S. Lúthersson,
nemendur við Tækniháskóla Íslands, voru í sigurliði MSB 2003-keppninnar.
Frá hugmynd
að fullunnu verki
Plötusmíði Hönnun:GísliB.