Morgunblaðið - 03.11.2003, Blaðsíða 12

RAGNA Ingólfsdóttir og Sara Jóns-
dóttir, landsliðskonur í badminton,
féllu út í átta manna úrslitum í tví-
liðaleik á opna ungverska meistara-
mótinu í badminton sem haldið var í
Búdapest um helgina. Ragna og
Sara öttu kappi við stöllur sínar frá
Suður-Kóreu og urðu að láta í
minnipokann í tveimur lotum, 15:6
og 15:7.
Sara komst einnig í átta manna
úrslit í einliðaleik en þar beið hún
lægri hlut fyrir Susan Hughes frá
Skotlandi í tveimur lotum, 11:6 og
11:7.
Sara vann áður Alexöndru
Gabrielu Olariu frá Rúmeníu 11:5,
3:11 og 11:5, en Ragna mátti þola
tap fyrir Tatjönu Vattier frá
Frakklandi 11:8 og 11:7.
Stefnan er á ÓL í Aþenu
Ragna og Sara hafa verið á ferð
og flugi undanfarnar vikur –
ferðast um Evrópu og til Bandaríkj-
anna, en þær stöllur hafa sett stefn-
una á að tryggja sér rétt til að
keppa á Ólympíuleikunum í Aþenu
næsta sunar. Þær eru nú í 28. sæti á
styrkleikalista Alþjóða-
badmintonsambandsins og hafa
hækkað sig um þrjú sæti.
Þær hafa einnig fært sig upp á
heimslistanum í einliðaleik – Ragna
upp um fjögur sæti og er í 54. sæti
og Sara upp um eitt sæti – í nú 61.
sæti.
Heimsmet-
hafi í liði
Ovaranse
ÍSLANDS- og bikarmeist-
aralið Keflavíkur í körfu-
knattleik karla tekur á móti
Ovaranse frá Portúgal í
Bikarkeppni Evrópu á mið-
vikudaginn. Í portúgalska
liðinu er athyglisverður
leikmaður frá Bandaríkj-
unum – Michael Wilson, sem
lék m.a. með sama háskóla-
liði og Penny Hardaway í
Memphis, sem lék með liði
Harlem Globetrotters á ár-
unum 1996-2002. Wilson á
heimsmet í því að troða
knettinum í körfuna, sem
var hækkuð í 3,62 metra –
venjuleg karfa er í 3,05
metra hæð. Það er því ljóst
að Wilson getur stokkið
hærra en flestir aðrir. Ovar-
anse er sem stendur í efsta
sæti í portúgölsku 1. deild-
inni – með fjóra sigra og eitt
tap.
Ég er auðvitað ekki ánægður meðað hafa ekki náð lengra að
þessu sinni en núna er ég reynslunni
ríkari – enda í fyrsta
sinn sem ég tek þátt í
slíku móti,“ sagði
Sigurpáll Geir
Sveinsson að loknum
fjórða og síðasta keppnisdegi úr-
tökumótsins fyrir Evrópumótaröð-
ina í golfi.
Sigurpáll Geir lék á 75 höggum á
lokadeginum og var samtals á fjór-
um höggum yfir pari. „Ég hefði þurft
að leika á 68 höggum á lokadeginum,
eða þremur undir pari, en það gekk
ekki upp.“ Að mati Sigurpáls voru
það púttin sem reyndust honum erfið
á þessum fjórum dögum. „Ég var að
slá ágætlega af teig og inná flatirnar
en púttin duttu ekki niður. Ég vil
ekki meina að ég hafi púttað illa en
boltinn krækti oft framhjá holunni.
Það er fljótt að telja í slíkri keppni.“
Akureyringuinn var samt sem áð-
ur viss um að hann yrði klár í slaginn
að ári. „Eftir að hafa kynnst þessu er
það planið að gera allt til þess að
mæta til leiks á ný í úrtökumótin og
þá fer maður alla leið. Það er góður
hópur manna sem hefur staðið vel
við bakið á mér í þessu ferli og ég vil
nota tækifærið til þess að þakka
þeim kærlega fyrir,“ sagði Sigurpáll
Geir Sveinsson.
„Malasía er næsta verkefni“
Björgvin Sigurbergsson lék á
samtals einu höggi yfir pari vallar
eða 285 höggum en hann var ekki í
vafa um hver flöskuhálsinn var að
þessu sinni. „Pútterinn sveik mig al-
veg – ef við getum sagt svo. Ég fékk
mín pör, var að slá vel úti á vellinum
en setti ekkert niður af 2-4 metra
færi. Ef það gerist ekki þá er maður
ekkert að skora vel. Ég er einn yfir
pari í heildina en hefði átt að gera
mun betur,“ sagði Björgvin en hann
mun taka þátt í móti í Malasíu á
næsta ári sem er hluti af Evrópu-
mótaröðinni. „Ég veit ekki hvað ger-
ist í framhaldinu, enda veltur þetta
allt saman á því fjármagni sem við
höfum úr að spila. Það eru litlar líkur
á því að ég leiki á Europro-mótaröð-
inni líkt og í fyrra. Kannski fer ég á
eitt og eitt mót. En ég ætla að setjast
niður þegar ég kem heim og fara yfir
stöðuna.“
Björgvin sagði að púttin hefðu
lengi verið akkillesarhæll hjá honum
en hann hefði náð ágætum tökum á
þeim í sumar. „Það er kannski of
djúpt í árinni tekið að segja að maður
hafi púttað illa og endað einu yfir
pari á 72 holum. En til þess að ná í
gegn á slíku móti þá þarf maður að
„negla“ niður pútt sem gefa manni
fugla. Ef það gerist ekki þá kemst
maður ekki í gegn,“ sagði Björgvin.
„Skiptast á skin og skúrir“
Íslandsmeistarinn Birgir Leifur
Hafþórsson var að vonum ekki sátt-
ur við að komast ekki lengra að
þessu sinni en líkt og hjá félögum
hans úr íslenska hópnum var lítið að
gerast á flötunum hjá Birgi. „Ég var
að leika vandræðalaust golf, en fékk
til að mynda aðeins einn fugl á síð-
asta deginum en átti ágæta mögu-
leika á 6-7 fuglum á lokadeginum.
Þetta var bara ekki okkar vika og á
„venjulegum“ degi hefði maður
„drepið“ fleiri fugla við þessar að-
stæður. Auðvitað eru þetta vonbrigði
en svona eru íþróttirnar, skiptast á
skin og skúrir.“
Birgir sagði að nú þegar draum-
arnir hefðu ekki að ræst þyrfti að
gera aðrar áætlanir. „Ég fer nú bara
að leita mér að vinnu en síðan þarf að
skoða hvaða möguleikar eru í stöð-
unni. Auðvitað langar mann að reyna
á ný við að komast inná mótaröðina
en það er ekki hægt að svara því í
dag hvað maður gerir næsta haust.
Íslensku kylfingarnir komust ekki áfram á úrtökumótinu fyrir Evrópumótaröðina
Morgunblaðið/Brynjar Gauti
Björgvin Sigurbergsson, Sigurpáll Geir Sveinsson og Birgir Leifur Hafþórsson.
Fátt gekk upp
á Perelada
ÍSLENSKU atvinnukylfingarnir þrír sem léku á öðru stigi úrtöku-
móts fyrir Evrópumótaröðina í golfi á Perelada-vellinum á Spáni
komust ekki áfram á þriðja úrtökumótið sem jafnframt er það síð-
asta í þessu ferli. Björgvin Sigurbergsson lék 72 holur á samtals
einu höggi yfir pari, 285. Sigurpáll Geir Sveinsson var samtals á
fjórum yfir, 288, og Íslandsmeistarinn Birgir Leifur Hafþórsson var
fimm yfir pari, eða á 289 höggum.
Eftir
Sigurð Elvar
Þórólfsson

MARCEL Koller, 42 ára Sviss-
lendingur, var í gær ráðinn þjálfari
þýska knattspyrnuliðsins FC Köln.
Koller, sem var þjálfari Grasshopp-
ers í Sviss - liðsins sem Sigurður
Grétarsson lék með á árum áður og
var Svisslandsmeistari með, tekur
við starfi Friedhelm Funkel, sem
var látinn taka poka sinn fyrir þrem-
ur dögum. „Ég sé ekki annað en við
ætlum að taka lyftuna upp,“ sagði
Koller brosandi, en Köln er í sex-
tánda sæti af átján liðum í þýsku 1.
deildarkeppninni. „Það er takmark
okkar að halda sæti okkar ofarlega,
þannig að við tökum ekki lyftuna nið-
ur,“ sagði Koller.

KEVIN Kurany, landsliðsmiðherji
Þýskalands, skoraði tvö mörk er
Stuttgart lagði Freiburg að velli,
4:1. Stuttgart hefur ekki tapað leik í
Þýskalandi, og er á toppnum eftir
ellefu umferðir.

BÆJARAR máttu þola tap fyrir
Schalke í Gelsenkirchen, 2:0. Það er
greinilegt að meistarar Bayern er
langt frá sínu besta. Þeir léku tíu
mest allan leikinn, þar sem Thomas
Linke fékk að sjá rauða spjaldið á 32.
mín., fyrir að gefa Niels Oude
Kamphuis olnbogaskot.

SEBASTIAN Deisler varð að fara
af leikvelli – meiddur og er það áfall
fyrir Bæjara.

ENN hitnar sætið undir Huub
Stevens, þjálfara Herthu Berlín, eft-
ir að liðið tapaði á útivelli fyrir
Wolfsburg, 3:0. Argentínumaðurinn
Diego Klimowicz skoraði tvö mörk.

DORTMUND komst í hann krapp-
an gegn Hamborg á Westfallen leik-
vangnum í Dortmund í gær. Gest-
irnir komust í 2:0 eftir klukku-
tímaleik en Dortmund náði að snúa
leiknum sér í vil og sigra, 3:2. Jan
Koller jafnaði metin með mörkum á
64. og 66. mínútu og Brasilíumaður-
inn Ewerthon skoraði sigurmarkið
þremur mínútum síðar.

SIR Alex Ferguson knattspyrnu-
stjóri Manchester United gæti þurft
að blæða fyrir ummæli sem hann við-
hafði eftir að dómur féll í máli Arsen-
al sem höfðað var gegn því eftir leik
Manchester United og Arsenal í síð-
asta mánuði. Ferguson var ekki sátt-
ur við niðurstöðu dómsins og sagði
að forráðamenn Arsenal hefðu
örugglega gert samning við enska
knattspyrnusambandið um niður-
stöðuna.
FÓLK
Sara og
Ragna á
ferð í
Búdapest