Morgunblaðið - 03.12.2003, Blaðsíða 11

MORGUNBLAÐIÐ MIÐVIKUDAGUR 3. DESEMBER 2003 B 11
bílar
Tvennt fangar hins vegar fljótlega
athyglina undir stýri, eða kannski
þrennt. Í fyrsta lagi gírstöngin. Hún
er lítill hnúður á örstuttri stöng rétt
við stýrið. Þar skiptir ökumaður í
„drive“ eða afturábak, hlutlausan
eða „park“ og enn einn möguleikinn
er til að halda við þegar ekið er ofan
brekku. Í öðru lagi er upplýsinga-
skjár efst á mælaborðinu. Þar fær
ökumaður að vita hvaðeina um
ástand bílsins og eyðslu, þar er
kortagrunnur til leiðbeiningar sem
teymir ökumann áfram rétta leið
(og dugar þó ekki alltaf til því það
verður að líta öðru hverju á kortið!)
og þar er einnig hægt að sjá hvort
bíllinn er knúinn bensíni eða raf-
orku og hvort hann eyðir rafmagni
af geymi eða hleður inná hann.
Það þriðja sem vekur athygli þeg-
ar meðhöndla á bíllinn er gangsetn-
ingin. Lykli er stungið á sinn stað
og ýtt á hnapp en ekkert gerist, þ.e.
nema að bíllinn er kominn í gang og
ekkert heyrist samt sem áður. Ljós
kvikna í mælaborði og gefið er til
kynna að allt sé til reiðu.
Ágætt viðbragð
Í akstri er Prius venjulegur bíll
að því leyti að ökumaður finnur ekki
að ráði hvort rafmagn eða bensín
knýr hann, nema hvað hann er ekki
eins hljóðlátur þegar bensínvélin
kemur inn. En það finnast engir
hnökrar eða hik eða drunur þegar
það gerist, allt er þetta mjúkt og
hljóðlátt. Þá er fjöðrunin mjög í takt
við stöðugan bílinn, stíf og góð. Við-
bragðið er þokkalegt, ekkert ofur-
viðbragð, en alveg nóg til að þjóna
venjulegum aðstæðum og óskum.
Rafmótorinn er 65 hestöfl og bens-
ínvélin 77 hestöfl. Rafmótorinn veg-
ur ekki nema 104 kg og rafgeym-
irinn 39 kg og alls vegur bíllinn
1.300 kg sem er ósköp sambærilegt
hliðstæðum bílum. Svo bætt sé við
fleiri tölum má nefna að hámarks-
hraðinn er 170 km og bíllinn er 10,9
sekúndur að ná 100 km hraða úr
kyrrstöðu. Vinnslan er með ágætum
og það er ágætt pláss í framsætum
og öll sætin eru stíf og góð og halda
ökumanni sem farþegum vel skorð-
uðum. Flestir fullorðnir myndu
strjúka höfði við loft í aftursætum
enda þaklínan mjög bogadregin eins
og áður er nefnt.
Uppfyllir óskir
Eftir snaggaralega viðkynningu
og meðhöndlun á sveitavegum ná-
lægt Windsor-kastala í Englandi er
sýnt að Prius er áhugaverður bíll.
Hann uppfyllir ágætlega óskir um
líflegan bíl og laglegan. Má auðveld-
lega færa rök fyrir því að verja ör-
lítið meira í kaupverð á bíl sem er
sérlega sparneytinn og þægilegur
umhverfinu.
joto@mbl.is
Morgunblaðið/jt
Prius er að koma á markað í mörgum löndum Evrópu um þessar mundir. Hingað kemur hann með vorinu nema hvað sýn-
ingarbíll er væntanlegur bráðlega.
Morgunblaðið/jt
Mælaborðið er líflegt og þar er ekki síst skemmtileg staðsetning og lag á gír-
stöng.
Morgunblaðið/jt
Rafgeymirinn vegur 39 kg og er undir hlíf í farangursgeymslunni innan við
varahjólið.
TOYOTA ákvað að tvinnbíll eins og
þessi væri sá möguleiki sem réttast
væri á veðja á varðandi þróun um-
hverfisvænna bíla,“ segir Björn Víg-
lundsson, markaðsstjóri Toyota-
umboðsins, P. Samúelssonar, í sam-
tali við blaðmann Morgunblaðsins.
Björn segir að forráðamenn Toyota
telji að enn sé of langt í aðrar raun-
hæfar lausnir en þessa til að nýta
aðra orkugjafa en þá hefðbundnu.
„Þeir telja að tvinnbíllinn sé raun-
hæfasti kosturinn á þessu sviði, bíll
á mjög samkeppnisfæru verði og bíll
sem hefur alla sömu getu og mögu-
leika og hefðbundinn fjölskyldubíll og
er þá helst horft til hliðstæðra bíla
með dísilvélum. Menn eru því hvorki
að greiða of hátt verð fyrir að vera
umhverfisvænir né þurfa að vera á
bíl sem er eitthvað minni háttar eða
frábrugðinn öðrum bílum. Menn
þurfa með öðrum orðum ekki að
fórna einu eða neinu fyrir það að aka
á umhverfisvænum bíl,“ segir Björn.
Fleiri gerðir sigla í kjölfarið
Toyota mun á næstu árum bjóða
fleiri bíla sína með þessari tvöföldu
vél. Næstur í röðinni verður Lexus
RX 400H, jeppi sem er hliðstæður
RX 300 sem menn þekkja af göt-
unni hér. Fleiri munu síðan sigla í
kjölfarið. Björn segir Toyota líka
vinna að tilraunum með vetnisbíla,
m.a. til almenningssamgangna.
Einn bíll af nýju Prius-gerðinni er
væntanlegur til landsins í mán-
uðinum og verður hann notaður til
kynningar. Sala á að hefjast í vor
hérlendis. Hún er að hefjast í sum-
um löndum Evrópu um þessar
mundir. Verð Prius er 2.690.000 kr.
sem er tæplega 300 þúsund krónum
meira en t.d. sjálfskiptur Toyota
Avensis, sem er þó ívið stærri. Rík-
isvaldið veitir fastan afslátt af vöru-
gjöldum bíla af þessari gerð en þau
eru 30% sem leggjast ofan á kaup-
verð.
Söluvænlegri en eldri gerðin
Björn segist ekki í vafa um að
Prius eigi eftir að seljast hérlendis
enda ætli umboðið að markaðssetja
hann hér sem „venjulegan“ fjöl-
skuldubíl en hann hafi þann kost
aukalega að vera sérlega sparneyt-
inn og menga mjög lítið. „Nýja gerð-
in er mun söluvænlegri en sú gamla
sem var kannski einkum miðuð við
markað í Japan en þessi er mun evr-
ópskari í útliti. Ég hef því mikla trú á
að hann muni fá góðar viðtökur.“
Morgunblaðið/jt
Björn Víglundsson undir stýri í hinum nýja Toyota Prius skammt frá Windsor-
kastala í Englandi.
„Raunhæfasti
kosturinn á
þessu sviði“
SEINT á næsta ári kynni Jeep nýj-
an Grand Cherokee. Ekki hafa
ennþá birst myndir af bílnum en
teikningin hér að ofan gefur hug-
mynd um hvernig bíllinn mun líta
út. Á teikningunni má greina að nýr
Grand Cherokee verður með skarp-
ari línum en áður og innanbúð-
armenn segja að bíllinn verði stærri
en núverandi gerð og jafnframt
með lengra hjólhafi og meiri spor-
vídd.
En þrátt fyrir meiri stærð verður
Grand Cherokee áfram einungis
fimm sæta. Sagt er að Jeep sé nú
að undirbúa þróun á öðrum bíl und-
ir öðru heiti en þó á sama und-
irvagni og Grand Cherokee sem
verði sjö sæta. Ekki hefur enn ver-
ið ákveðið hvaða vélar verði í boði í
nýja bílnum.
Áður en Jeep frumsýnir nýjan
Grand Cherokee gefst mönnum
kostur á að berja augum hug-
myndabílinn Rescue á bílasýning-
unni í Detroit í janúar í næsta mán-
uði. Sá bíll á að vera til marks um
þá stefnu í hönnun sem hinn banda-
ríski armur DaimlerChrysler-sam-
steypunnar mun taka. Rescue er
byggður á Wrangler en gerður mun
lengri og er því fimm dyra jeppi.
Sagt er að honum verði beint gegn
Hummer H2 jeppanum frá GM.
Stjórnendur Jeep hafa staðfest að
jeppi af svipaðri stærð, Wrangler
Unlimited sem er 45 cm lengri en
núverandi gerð Wrangler, verði
sett í framleiðslu. Talið er að
Rescue sé lítillega dulbúin útgáfa af
þeim bíl.
Nýr Grand Cherokee og Wrangler
Nýr Grand Cherokee verður með hvassari línum en áður og stærri.