Morgunblaðið - 16.01.2004, Blaðsíða 4

4 | FÓLKIÐ | FÖSTUDAGUR 16|1|2004 MORGUNBLAÐIÐ
Söguna af því þegar Lísa eltir hvíta kanínu ofan í holu og
endar í ævintýraheiminum Undralandi þekkja margir.
Lewis Carroll er höfundur þessarar þekktu sögu sem
Leikfélag Menntaskólans við Hamrahlíð sýnir í Tjarn-
arbíói í leikgerð leikstjóranna Steinunnar Knútsdóttur
og Árna Péturs Guðjónssonar.
Í þetta sinn eru Lísurnar fjórar talsins og leiknar af
16–18 ára nemendum, þremur stelpum, Sonju Líndal
Þórisdóttur, Katrínu Björgvinsdóttur og Gígju Hólmgeirs-
dóttur, og Lísa er líka strákur, Jakob Tómas Bullerjahn.
„Hana er að dreyma og draumarnir hennar eru svolítið
skrýtnir. Sagan er mjög súrrealísk,“ byrjar Jakob. „Þetta
er þroskasaga ungrar stúlku sem mætir alls konar hindr-
unum. Hún þarf að kljást við ýmsar hliðar í sjálfri sér,“
segir Katrín. „Hún uppgötvar að það er ekki hægt að
skilja allt í heiminum. Undraland er staður fyrir hana til
að uppgötva sjálfa sig.“
Sonja tekur til við að lýsa sinni Lísu. „Ég er dreymand-
inn. Ég er fötluð og er í hjólastól. Ég þarf á hjálp að
halda og er klædd og fæ ekki að ráða mjög miklu um
mig sjálf. Hinar Lísurnar eru eins og ég vildi óska að ég
væri,“ segir Sonja en áhorfendur fá líka að skyggnast inn
í heim hennar með því að heyra hugsanir hennar inn á
milli.
„Í lokin þá er Lísa orðin það heilsteypt manneskja að
ég kem ein fram,“ segir Sonja. „Þá er þroskaferlinu lok-
ið,“ bætir Katrín við og heldur áfram: „Ég er Gelgju-Lísa
og fer á kynþroskaskeiðið og uppgötva ýmsa hluti, eins
og líkamann. Hún er líka mjög tilfinningarík,“ segir hún.
Gígja er barnið í Lísu. „Ég er barnalega Lísa. Mér
finnst þessi heimur ekki alveg eins skrýtinn og hinum og
tek honum meira eins og hann kemur fyrir,“ segir hún en
þau hin eru varari um sig í Undralandi.
Jakob er staðfastur. „Ég er rökhugsuðurinn, sú Lísa
sem heldur að það sé hægt að leysa allt lífið með einni
jöfnu. Hún er ekki mikið fyrir tilfinningar og er líka svolít-
ið í því að verja Litlu-Lísu,“ segir hann.
Þau segja að það sé búið að skapa skemmtilegan
heim í leikritinu. „Við erum þarna í heimi þar sem eru
einhver lögmál sem er auðvelt að beygja og brjóta og
ekki er allt sem sýnist. Það sem Lísa er að gera er að
læra inn á þennan heim,“ segir Jakob.
„Þetta verk hæfir mjög öllum tímum,“ segir Katrín.
„Það sýnir í raun mismunandi menningarheima og hvern-
ig fólk getur lagað sig að nýjum aðstæðum í stað þess
að halda alltaf í sín gömlu gildi.“
FRUMSAMIN TÓNLIST
MH er þekktur fyrir að hafa listhneigða nemendur inn-
anborðs. Tveir nemendur úr skólanum, Atli Bollason og
Leó Stefánsson, semja tónlist fyrir verkið og einnig er
flutt lifandi tónlist meðan á sýningu stendur. Stefnt er að
því að gefa tónlistina út á diski. Líka má geta þess að
kvennagullið Helgi Rafn Ingvarsson, sem tók þátt í Idol –
Stjörnuleit við góðan orðstír, er einn leikenda.
Sýningar verða á laugardögum, sunnudögum og
fimmtudögum kl. 20 út mánuðinn og má finna nánari
upplýsingar um miðasölu og verkið á
www.lisaiundralandi.com.
|ingarun@mbl.is.
Lísur í UNDRALANDI
Morgunblaðið/Jim Smart
17. janúar
LFMH frumsýnir
Lísu í Undralandi
í Tjarnarbíói