Morgunblaðið - 12.02.2004, Qupperneq 56

56 FIMMTUDAGUR 12. FEBRÚAR 2004 MORGUNBLAÐIÐ
Clifton - Kóbrukossinn
Risaeðlugrín
framhald ...
SVONA BYFLUGA,
SESTU HÉR Á
TRJÁBOLINN
© DARGAUD
© DARGAUD
ÞREMUR VIKUM SÍÐAR Á HEATHROW-FLUGVELLI, NOKKRA
KÍLÓMETRA FYRIR UTAN LONDON ...
Ó SARA! ... ÉG VAR
FARINN AÐ VERÐA
ÁHYGGJUFULLUR ...
AFSAKI HARALD-
UR! ... ER HANN
KOMINN?
FLUGVÉLIN VAR RÉTT AÐ LENDA! ...
HANN VERÐUR SMÁSTUND AÐ FINNA
FARANGURINN ...
SEGIÐ MÉR,
HAFIÐ ÞÉR LESIÐ
DAGBLÖÐUNGINN
Í DAG?
ÉG VEIT ... JÁ!
RUTHMANN VAR
HANDTEKINN Í
VENESÚELA! HANN
VERÐUR FRAM-
SELDUR FLJÓTLEGA!
ÞAÐ VONA ÉG SVO SANNARLEGA! ÞAÐ HEFÐI VERIÐ
VERRA EF HANN HEFÐI EINN KOMIST UNDAN REFSINGU!
ÞAÐ ER ÞÁ BÚIÐ AÐ UPPRÆTA
ALLAN FLOKKINN!
HÉRNA, SARA ... PFFF
... HVERNIG HAFÐIR ÞÚ
ÞESSAR UPPLÝSINGAR
UM LÁKA?
EINN AF NJÓSNURUM
OKKAR HAFÐI SVINDLAÐ
SÉR Í FLOKK RUTH-
MANNS FYRIR LÖNGU ...
NEI!
EKKI Á ANDLITIÐ Á
MÉR. ÉG SAGÐI Á
TRJÁBOLINN!!
Í HVAÐA
LEIK ER
HANN?
HANN ER AÐ
REYNA AÐ ÞJÁLFA
BÝFLUGU TIL AÐ
SETJAST Á TRJÁBOL
EN ÉG HELD AÐ ... FLUGAN
SÉ AÐ KENNA HONUM AÐ SLÁ
SJÁLFAN SIG ÞEGAR HÚN VILL
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
YFIRLEITT getur verið frekar
leiðinlegt að lesa lagatexta, orðalag-
ið og setningafræðin eru við fyrstu
sýn óaðlaðandi og alls ekki í sam-
ræmi við þann afþreyingartexta sem
við þekkjum úr því léttmeti sem við
lesum oftast í bókum og blöðum.
Þegar ég var í námi, sem er algjör-
lega ótengt lögfræði, kviknaði þó á
einhverjum neista hjá mér þegar ég
las eina litla lagagrein. Þessi grein
fangaði athygli mína og kveikti hjá
mér áhuga á að lesa það sem ég
hefði aldrei áður lesið. Hún hljómar
eins og fallegt ljóð sem hefur til há-
vega óeigingjarnar tilfinningar og
veitir hlýlega öryggiskennd eins og
móðir eða faðir sem faðma að sér
barnið sitt sem hefur hrasað og
fengið bágt á litla líkamann sinn.
Þau vernda barnið sitt fullkomlega,
setja plástur á sárið, hugga og kyssa
á bágtið og kenna því hvernig á að
forðast sömu mistökin aftur. Þannig
er fyrsta grein laga um heilbrigð-
isþjónustu:
1. gr.
1.1. Allir landsmenn skulu eiga
kost á fullkomnustu heilbrigðisþjón-
ustu, sem á hverjum tíma eru tök á
að veita til verndar andlegri, líkam-
legri og félagslegri heilbrigði.
Í ljósi sláandi frétta um miskunn-
arlausan sparnað í heilbrigðisgeir-
anum má líta svo á að foreldrarnir
elski ekki lengur litla krílið sitt. Þau
eru of upptekin við annan rekstur
heimilisins til að taka eftir því að
smáfólkið á heimilinu stendur í bið-
röð við eldhúsdyrnar og bíður eftir
einhverri athygli. Ég er ekki að
ákveða hvað er mikilvægast í for-
gangsröðun ríkisrekstursins, en
heilbrigði landsmanna er sko ekki í
síðasta sæti. Auðvitað kostar allt
pening og það er þess vegna sem við
borgum okkar skatta með bros á vör
vitandi að einhver skynsamur og úr-
ræðagóður þingmaður dreifi þeim á
réttlátan og óeigingjarnan hátt til
allra þeirra málaflokka sem við vilj-
um viðhalda. Ef fjárreiður ríkisins
standa ekki straum af kostnaði við
eins mikilvæga stofnun eins og heil-
brigði landsmanna held ég að það
væri þó skömminni skárra að hækka
skattana frekar en að skerða þjón-
ustu, ég vil frekar borga meiri skatta
en að búa við krypplað heilbrigðis-
kerfi. Nú, ef lágæruverðugt alþingi
Íslendinga sér sér ekki fært að halda
heilbrigðiskerfinu gangandi í sam-
ræmi við 1. grein laga um heilbrigð-
isþjónustu, skulu þeir hið fyrsta
semja frumvarp til breytinga á þeim
lögum svo þau verði svohljóðandi:
1. gr.
1.1. Allir landsmenn skulu eiga
kost á ódýrustu heilbrigðisþjónustu,
sem á hverjum tíma eru tök á að
veita til verndar andlegri, líkamlegri
og félagslegri heilbrigði.
Að lokum má geta þess að það eru
landsmenn sem ráða en ekki ráða-
menn, ef alþingismenn standa sig
ekki, er alltaf hægt að fá sér nýja.
GUNNAR BERGMANN
STEINGRÍMSSON,
Vallarbraut 3,
300 Akranesi.
Krypplað heil-
brigðiskerfi
Frá Gunnari Bergmann
Steingrímssyni sjúkraliða
UM JÓLIN eignaðist ég bók sem
gott er að blaða í og lesa sér til
ánægju. Hér er um að ræða vísna- og
kvæðakver Rögnvalds Rögnvaldsson-
ar (1912–1987). Rögnvaldur var Hún-
vetningur með sanni, þótt hann væri
líka gróinn Akureyringur, ef ekki Mý-
vetningur að einhverju leyti, því að
þar skaut hann rótum um sinn og var
ævinlega í góðum tengslum við Mý-
vatnssveit, enda sótti hann þangað
konu sína, Hlín Stefánsdóttur frá
Haganesi. Hún stendur fyrir útgáfu
bókarinnar, sem Ragnar Ingi Aðal-
steinsson hafði umsjón með.
En Rögnvaldur var umfram allt
Húnvetningur. Nafnið á bók hans er
því vel valið, Húnvetnskt bros í aug-
um. Hann var trúr uppruna sínum og
æskustöðvum, þótt ekki væri hann
borinn til auðs og arfs nema að því
leyti sem hann hlaut í vöggugjöf góð-
ar gáfur, sinnugan hug og mannslund.
Ást sinni á æskustöðvum lýsir hann
svo:
Vinahöndum tek ég tveim
töframyndir, bróðir,
þegar mér er hugsað heim
á Húnvetningaslóðir.
Rögnvaldur Rögnvaldsson var
skáld lausavísunnar, „kveðskapar-
forms sem bundið er hinum fornu
reglum um stuðlasetningu og rím“
eins og Ragnar Ingi orðar það í inn-
gangi bókar. Hvað það varðar eru vís-
ur Rögnvalds afbragðsgóðar. Þeir
sem njóta vilja alþýðlegrar skáld-
skaparlistar ættu að lesa vísurnar í
þessari bók og læra listina að gera
góða vísu af Rögnvaldi Rögnvalds-
syni. Slíkur var hann snillingur lausa-
vísunnar. Efnistök hans svara jafnan
til formsnilldar vísnanna, enda hafði
hann mikinn metnað sem vísnaskáld:
Margir eru Mímisbrunnar,
mörg er feigðarvökin.
Á kröppu formi ferskeytlunnar
finn ég bestu tökin.
Eins og venja er lausavísnaskálda
orti Rögnvaldur marga stökuna í
gamansömum tón með „bros í aug-
um“. En mest dái ég vandvirkni hans,
sem mætti vera öðrum til fyrirmynd-
ar. Framtíð lausavísunnar á allt undir
vandvirkni, að þær séu ortar á skálda-
máli. Það er lítill vandi að hnoða sam-
an leirburði fullum af hortittum,
stuðlabrenglun og rímskekkjum. Þeir
sem læra vilja list vísnagerðar eiga að
kynna sér verk hinna góðu vísna-
skálda. Í þeim hópi er Rögnvaldur
Rögnvaldsson.
INGVAR GÍSLASON,
Eikjuvogi 1, Reykjavík.
Vísnakver Rögnvalds
Rögnvaldssonar
Frá Ingvari Gíslasyni, fyrrverandi
menntamálaráðherra