Morgunblaðið - 19.03.2004, Page 62

ÍÞRÓTTIR
62 FÖSTUDAGUR 19. MARS 2004 MORGUNBLAÐIÐ
FIMM lið eru skráð til leiks á Ís-
landsmótinu í hópfimleikum sem
hefst í Laugardalshöllinni í kvöld
kl. 19.30. Í hópfimleikum er aðeins
um liðakeppni að ræða og er keppt
í dansi, dýnuæfingum og stökki af
trampólíni. Fimleikafélagið Björk
sigraði á mótinu í fyrra en Gerpla
P1 varð í öðru sæti og Stjarnan í því
þriðja.
Undanfarin ár hefur verið mikil
gróska í hópfimleikum og eru
margir keppendur mun eldri en
tíðkast í áhaldafimleikum, enda
voru hópfimleikar settir á lagg-
irnar á sínum tíma til þess að vera
vettvangur fyrir fimleikafólk sem
vildi halda áfram æfingum án þess
að æfa eins mikið og tíðkast í
áhaldafimleikum. Undanúrslit Ís-
landsmótsins eru í kvöld – þar sem
Íslandsmeistarar í einstökum
áhöldum verða krýndir um kl.
20.45, en þrjú efstu liðin keppa um
Íslandsmeistaratitilinn á laug-
ardeginum þar sem keppni hefst kl.
11.00.
Á vefsvæðinu www.fimleikar.is
spáir Jón Finnbogason í spilinn og
telur hann að Stjarnan úr Garðabæ
verði Íslandsmeistari en baráttan
um annað sætið verði á milli Gerplu
P1 og Gróttu.
Norðurlandamót juniora fer
fram á Íslandi 23.-24. apríl og að
auki verða íslenskir keppendur á
danska meistaramótinu sem fram
fer 2. apríl.
Stjörnustúlkur til alls
líklegar á Íslandsmótinu
FÓLK
 ALEXANDER Petersson skoraði
sex mörk þegar Düsseldorf skellti
Willstätt/Schutterwald í þýsku 2.
deildinni í handknattleik í fyrra-
kvöld. Düsseldorf er sem fyrr í efsta
sæti deildarinnar, hefur 47 stig að
loknum 27 leikjum.
 SPÆNSKIR fjölmiðlar hafa kennt
þjálfara meistara Real Madrid,
Quieroz, um tap liðsins fyrir Zara-
goza í úrslitaleik bikarkeppninnar,
3:2. Quieroz ákvað að setja vara-
markvörðinn Cesar í markið og
segja blöð á Spáni að það hafi gefið
til kynna að hann hafi ekki tekið úr-
slitaleikinn alvarlega.
 LEIKMENN Real höfðu fyrir leik-
inn talað mikið um að hugur væri í
þeim – að tryggja sér hinn eftirsótta
bikar, sem Real vann síðast 1993 –
þá einmitt eftir úrslitaleik gegn
Zaragoza, 2:1. Forráðamenn tóku
undir það og menn voru ekki búnir
að gleyma tapi fyrir 2. deildarliði í
keppninni í fyrra. Þrátt fyrir stór
orð, kom skellur.
 WERDER Bremen getur sett fé-
lagsmet á laugardaginn þegar það
leikur við Wolfsburg í þýsku 1. deild-
inni í knattspyrnu. Vinni leikmenn
Bremen eða geri þeir jafntefli verð-
ur þetta þrettándi leikurinn í röð
sem þeir leika án taps. Félagsmetið
er tólf leikir í röð án taps árið 1968.
 DANSKA landsliðsmanninum í
knattspyrnu, Martin Laursen, er
frjálst að yfirgefa AC Milan í vor
þótt hann eigi eftir tvö ár af samn-
ingi sínum við félagið sem hann gerði
fyrir þremur árum þegar hann var
keyptur fyrir 900 milljónir króna frá
Verona. Laursen hefur ekki náð sér
á strik með Evrópumeisturunum á
leiktíðinni og er ekki inni í framtíð-
aráætlunum þjálfarans.
 VINNY Samways, fyrrum leik-
maður með Tottenham og Las Palm-
as, er í slæmum málum hjá liði sínu
Walsall, í ensku 1. deildinni í knatt-
spyrnu. Samways hefur ekki mætt á
æfingar undanfarnar tvær vikur og
bar við að hann væri veikur af flensu.
Síðan kom á daginn að hann hefur
dvalið í mestu makindum í húsi sínu
á Kanaríeyjum og sleikt sólina.
 COLIN Lee, knattspyrnustjóra
Walsall, er ekki skemmt. „Þetta
hlýtur að vera lengsta flensa í sög-
unni. Ég hef skipað honum að mæta
hjá lækni félagsins, og svo sjáum við
til um framhaldið,“ sagði Lee en
Walsall á í harðri baráttu um að
halda sæti sínu í 1. deild.
 SIR Alex Ferguson, knattspyrnu-
stjóri Manchester United, mun fara
með sína menn í æfinga- og keppn-
isferð til Bandaríkjanna í sumar,
eins og sl. sumar. United mun leika
þrjá leiki gegn kunnum liðum í ferð-
inni – fyrst gegn Bayern München í
Chicago 25. júlí, þremur dögum
seinna við skoska liðið Celtic í Phila-
delphia og síðast gegn AC Milan í
New York 31. júlí.
Andri Sigþórsson hefur lagt knattspyrnuskóna á hilluna – vegna alvarlegra hnémeiðsla.
SEBASTIAN Deisler, þýski
landsliðsmaðurinn í knatt-
spyrnu, hóf æfingar á ný með
Bayern München í vikunni.
Þessi 24 ára gamli og bráð-
snjalli knattspyrnumaður hef-
ur glímt við þunglyndi í vetur
og verið frá æfingum og
keppni í tvo mánuði af þeim
sökum. Hann er nýkominn af
meðferðarstofnun þar sem
hann hefur dvalið síðustu vik-
urnar.
Uli Höness, framkvæmda-
stjóri Bayern, sagði í gær að
hann vonaðist eftir því að
Deisler færi að spila með lið-
inu á ný eftir 3-4 vikur. Rudi
Völler, landsliðsþjálfari, fylg-
ist væntanlega grannt með
framförum Deislers næstu
vikurnar en talið er mjög lík-
legt að hann velji leikmanninn
í liðið fyrir Evrópukeppnina í
Portúgal í sumar, ef Deisler
nær fyrri styrk með vorinu.
Deisler byrj-
aður að æfa
á nýjan leik
FRANSKA kvennalandsliðið í
knattspyrnu sem berst við Ísland
í riðlakeppni EM vann óvæntan
stórsigur á Svíum, 3:0, á al-
þjóðlegu móti sem nú stendur yf-
ir í Portúgal. Marinette Pichon,
fremsta knattspyrnukona
Frakka, skoraði eitt markanna
og hin gerðu Hoda Lattaf og
Sonia Bompastor. Svíar höfðu
áður sigrað Dani, 1:0, og danska
liðið tapaði einnig fyrir því
bandaríska á sama hátt, 1:0. Ang-
ela Hucles skoraði sigurmarkið.
Þær frönsku lögðu Svía
ALÞJÓÐA knattspyrnusam-
bandið, FIFA, gaf út þá yfirlýs-
ingu í gær að gripið yrði í taum-
ana til þess að koma í veg fyrir
að leikmenn fengju ríkisborg-
ararétt með auðveldum hætti hjá
„ríkum“ þjóðum, en Katar hefur
boðið nokkrum Brasilíumönnum
að fá ríkisborgararétt gegn
greiðslu – að því gefnu að þeir
leiki með landsliði Katar í und-
ankeppni HM.
Á fundi sínum dag ákvað FIFA
að herða kröfurnar til þess að
leikmenn fái keppnisleyfi með
„nýju“ landsliði. Þar má nefna að
leikmenn verða að hafa búið í
umræddu landi samfellt í tvö ár
og segir Blatter að verið sé að
koma í veg fyrir að ríkar þjóðir
geti hreinlega keypt til sín leik-
menn sem ekki komist að hjá
landsliðum þjóða sinna.
Frakkinn Philippe Troussier
landsliðsþjálfari Katar fór ekki
leynt með það á dögunum að
hann vildi fá framherja Werder
Bremen, Ailton, til liðsins en
hann er frá Brasilíu en kemst
ekki í heimsmeistaraliðið.
Að auki hafði Troussier hug á
því að fá til liðsins tvo Bras-
ilíumenn til viðbótar.
FIFA
herðir
reglur
Allir sterkustu sundmenn lands-ins taka þátt í mótinu að þeim
Jakobi Jóhanni Sveinssyni úr Ægi
og Láru Hrund Bjargardóttur, SH,
undanskildum. Jakob er við æfingar
í Lúxemborg og verður fram að Ól-
ympíuleikunum í sumar. Lára dvel-
ur við nám í Bandaríkjunum og er
einmitt að taka þátt í bandaríska há-
skólameistaramótinu nú um helgina,
fyrst íslenskra sundmanna í 14 ár.
Þetta er í 14. sinn sem IMÍ fer
fram í Vestmannaeyjum og gæti
verið það síðasta. Með tilkomu 50
metra innilaugar í Laugardalnum
eru líkur á að mótið færist þangað
strax að ári en endurskoðun stendur
nú yfir á mótaskipulagi Sundsam-
bandsins. Laugin í Eyjum hefur
verið eftirsótt til keppni á IMÍ
vegna þess hversu hratt sundmenn
geta synt í henni m.a. vegna þess
hve tært vatnið er, saltmagnið í
henni er það sama og í líkamanum
og því verður sundfólkið léttara í
vatninu. Flotbakkar hafa sitt að
segja, ásamt því hve djúp laugin er
að hluta. Af þessu leiðir að yfirleitt
hefur fjöldi Íslands- og aldurs-
flokkameta fallið á IMÍ í Eyjum.
Á mótinu gefst sundmönnum síð-
asta tækifæri til að tryggja sér far-
seðilinn á Evrópumeistaramótið í 50
m laug sem fram fer í Madríd fyrri-
hluta maímánaðar. Þegar hafa átta
íslenskir sundmenn tryggt sér
keppnisrétt á EM, þeir eru; Anja
Ríkey Jakobsdóttir, SH, Hjörtur
Már Reynisson, KR, Íris Edda
Heimisdóttir, ÍRB, Lára Hrund
Bjargardóttir, SH, Jakob Jóhann
Sveinsson, Ægi, Kolbrún Ýr Krist-
jánsdóttir, Akranesi, Ragnheiður
Ragnarsdóttir, SH, og Örn Arnar-
son, ÍRB. Í mótslok verður tilkynnt
um unglingalandsliðið sem tekur
þátt í sterku unglingamóti í Lúx-
emborg í næsta mánuði, en IMÍ er
síðasta tækifærið fyrir unga sund-
menn að sanna að þeir eigi heima í
liðinu.
IMÍ í Eyjum í
síðasta sinn
ALLS eru 146 sundmenn frá 14 félögum skráðir til leiks á Innan-
hússmeistaramóti Íslands (IMÍ) í sundi sem hefst í Vestmannaeyjum
í dag og stendur fram á sunnudagskvöld. Þetta eru um 30 sund-
mönnum fleira en í fyrra auk þess sem skráningar eru 100 fleiri en í
fyrra eða samtals 639 sem þykir sýna vaxandi áhuga fyrir mótinu.
Alls verður keppt um Íslandsmeistaratitil í 34 einstaklingsgreinum
og 6 boðsundum.