Lesbók Morgunblaðsins - 15.09.2001, Blaðsíða 14
14 LESBÓK MORGUNBLAÐSINS ˜ MENNING/LISTIR 15. SEPTEMBER 2001
VETRARSTARF kóranna í Langholts-kirkju er komið af stað. Í Langholts-kirkju er haldið uppi markvissu kór-starfi fyrir fullorðna og börn allt frá
fjögurra ára aldri.
Kór Langholtskirkju er aðalkór kirkjunnar.
Að sögn Jóns Stefánssonar kórstjóra flytur
kórinn jafnan nokkur stór kirkjuleg kórverk,
jafnframt því að taka þátt í messusöng. Verk-
efni kórsins í vetur verða meðal annars flutn-
ingur á Sálumessu eftir Nils Lindberg í sam-
vinnu við Stórsveit Reykjavíkur, en sálumessan
er djassverk og leikur 25 manna stórsveit með
kórnum. Árlegir jólatónleikar eru fastur liður í
starfi kórsins og hefur aðsókn á þá verið mikil
dagana fyrir jól. Rússneska tónskáldið Ígor
Stravinskíj gegnir stóru hlutverki í vetrarstarfi
kórsins. Í dymbilviku flytur kórinn messu eftir
hann og á Listahátíð flytur kórinn verk hans
Brúðkaupið á lokatónleikum hátíðarinnar.
Kammerkór Langholtskirkju er úrvalskór
og tekur þátt í margvíslegum tónlistarflutningi
innan kirkjunnar og utan. Í vetur er stefnt að
þátttöku kórsins í kórakeppni í Danmörku, þar
sem kórinn verður fulltrúi Íslands. Kórnum var
boðið að taka þátt í þessari keppni og segist Jón
vonast til að af þessu geti orðið.
Kórstarfið er æskulýðsstarf
Barnastarf er viðamikið í Langholtskirkju.
Jón Stefánsson segir að einhverju sinni hafi
þær raddir heyrst á sóknarnefndarfundi að
ekkert æskulýðsstarf væri í kirkjunni. Því hafi
verið fljótsvarað að kórstarfið væri sannarlega
æskulýðsstarf og það fer vaxandi ár frá ári.
Kórskóli Langholtskirkju er vettvangur
þeirra krakka sem vilja öðlast reynslu í kór-
söng áður en gengið er til liðs við aðra kóra
kirkjunnar en nemendur kórskólans gegna þó
mikilvægu hlutverki í kirkjustarfinu í Lang-
holtinu. Kórskólinn kemur fram í messum og á
aðventukvöldi, þar sem hann flytur Lúsíuleik,
en kórskólinn sýnir einnig helgileikinn Fæð-
ingu frelsarans á jólatónleikum kórskólans og í
fjölskyldumessu annan dag jóla. Kórskólinn er
ætlaður átta ára krökkum og eldri.
Krúttakórinn er tvískiptur kór fjögurra til
fimm ára barna og sex til sjö ára barna og segir
Jón að eftirspurn eftir plássi í kórinn sé meiri
en ráðið hafi verið við. Um 60 börn eru að jafn-
aði í Krúttakórnum og þegar aldri er náð fara
þau í kórskólann. Þegar þau eru orðin níu ára
segir Jón að þau hafi náð mikilli færni í kórsöng
en séu þó of ung til að ganga í Gradualekórinn,
sem er unglingakór kirkjunnar. Eftir mark-
visst starf Krúttakórsins í fimm ár og kórskóla í
tíu ár sé því ekki um annað að ræða en að stofna
yngri deild Gradualekórsins til að fullnægja
þörfum þessara getumiklu krakka sem þegar
eiga að baki allt að fimm ára reynslu í kórsöng.
Nýr kór stofnaður
annað árið í röð
Nýi kórinn með börnum á aldrinum 9 til 12
ára fer af stað í haust, en stjórnandi hans verð-
ur Harpa Harðardóttir. Jón segir þessa krakka
einstaklega duglega. „Eftir fimm ára kórstarf
eru þessir krakkar orðnir mjög agaðir og ein-
beittir í því sem þeir eru að gera; þeir læra nýja
texta eins og að drekka vatn og aganum fylgir
að þau öðlast meira sjálfstæði og læra skipu-
lögð vinnubrögð.“ Jón segist sannfærður um að
samhengi sé milli þátttöku barnanna í kórstarf-
inu og velgengni þeirra í skóla og að krakkarnir
í kórunum í Langholtinu standi sig yfirleitt
mjög vel í því sem þau taka sér fyrir hendur.
„Ég get nefnt dæmi um stelpu sem syngur í
Graduale Nobili sem er í fullu fiðlunámi, en auk
þess í námi í Kvennaskólanum í Reykjavík.
Þessi stelpa æfir sjálf og þjálfar fimleika, og á
öllum þessum sviðum er hún á toppnum. Þetta
er ekkert einsdæmi; það er eins og að krakkar
sem læra góð vinnubrögð geti innbyrt hlutfalls-
lega svo miklu meira af þekkingu og æfingu en
SJÖ KÓRAR Í LANGHOLTSKIRKJU OG NÝTT LISTRÁÐ
Kór Langholtskirkju.
„GOTT HVAÐ BARNAKÓRASTARF
INNAN KIRKJUNNAR HEFUR EFLST“
inic átakaþrungin, enda eru þau fulltrúar ill-
samræmanlegra viðhorfa ólíkra kynslóða til
listarinnar og lífsins.
Með leikstjórn sinni á Vilja Emmu, er Vig-
dís Jakobsdóttir að takast á við sitt fyrsta leik-
stjórnarverkefni í Þjóðleikhúsinu. Síðan hún
lauk leikhúsfræði- og leikstjórnarnámi við
The University of Kent í Kantaraborg árið
1994, hefur hún sett upp fjölmargar leiksýn-
ingar með áhugaleikhópum en einnig í Kaffi-
leikhúsinu og Útvarpsleikhúsinu. Þá aðstoðaði
hún Kjartan Ragnarsson við uppfærsluna á
Sjálfstæðu fólk í Þjóðleikhúsinu.
Vigdís segist einkar lánsöm að hafa fengið
að takast á við svo snjallt verk sem Vilji
Emmu er, í sínu fyrsta verkefni í Þjóðleikhús-
inu, og það með svo frábært leikaralið. „Verk-
ið er ákaflega bitastætt á allan hátt fyrir leik-
arana, leikstjórann og leikhúsið sem setur það
DAVID Hare er meðal virtustu sam-tímaleikskálda Breta, en eitt af nýj-ustu verkum hans, Vilji Emmu eðaAmy’s View eins og það heitir á
frummálinu, hlaut gríðarmikla aðsókn í Lund-
únum og hefur almennt átt mikilli velgengni
að fanga þar sem það hefur verið sýnt báðum
megin Atlantshafsins. Hare er þekktur fyrir
það gagnrýna innsæi og greiningu á bresku
samfélagi sem finna má í leikritum hans.
Hann vakti fyrst athygli með leikritinu Plenty
sem sett var upp af breska þjóðleikhúsinu
nokkru eftir að hann var ráðinn þangað árið
1975. Í kjölfarið hefur Hare sent frá sér hvert
verkið á fætur öðru þar sem hann fjallar um
stofnanir og stoðir samfélagsins, og varð verk
hans The Absence of War sem kom á fjalirnar
árið 1993 mjög umtalað vegna strangrar
gagnrýni á breska verkamannaflokkinn, en
Hare er alla jafna talinn vinstrisinnaður í póli-
tík.
Í Vilja Emmu fjallar Hare af innsæi um
mannleg samskipti og birtingarform listarinn-
ar í síbreytilegum heimi. Þar segir frá ástinni
og hamingjuþrá í lífi þriggja meginpersóna,
Esme (Kristbjörg Kjeld), þekktrar sviðsleik-
konu í London, sem komin er á miðjan aldur
og sér fram á dvínandi hlutverkaframboð.
Verkið hefst þegar Emma (Elva Ósk Ólafs-
dóttir), dóttir Esme kemur með Dominic
(Baldur Trausti Hreinsson), nýja kærastann
sinn í heimsókn til mömmu. Þegar frá fyrstu
stund verða samskiptin milli Esme og Dom-
upp. Þarna er um að ræða samtímaverk sem
er um leið sannkallað leikhúsverk sem gerir
ákaflega miklar kröfur til leikaranna, enda
fjallar verkið að mörgu leyti um stöðu leik-
hússins í fjölmiðlasamfélagi nútímans. Það
sem mér finnst ekki síst heillandi við verkið er
að það ber boðskap kærleikans. Því miður sér
maður ekkert allt of mikið af því nú til dags.
Engu að síður er þetta mjög nútímalegt verk
og gerir hann þetta mjög vel.“
Tal okkar Vigdísar berst nú að því næmi
fyrir mannlegum samskiptum sem verkið hef-
ur til að bera. „Já, samskipti persónanna eru
ótrúlega dýnamísk, það á sér stað mikið
drama innan þeirrar einföldu umgjarðar sem
verkið í raun hefur,“ segir Vigdís. „Sagan
fjallar fyrst og fremst um fólk og tilfinningar,
en innan þess ramma felst jafnframt umfjöll-
un um togstreitu leikhúss og fjölmiðla og um
stöðu listarinnar í flóknum nútíma. Einnig
varpa samskipti persónanna ljósi á kynslóða-
bil, bil milli kynjanna og hreinlega bilið sem
getur skapast milli fólks í samskiptum.“ Vig-
dís bendir á að Esme og Dominic séu fulltrúar
ólíkra viðhorfa í öllum þessum umfjöllunar-
efnum. „Esme er barn hinna gömlu tíma, þeg-
ar leikhúsið naut annarrar stöðu en það hefur
gert undanfarna áratugi. Hún tilheyrir jafn-
framt fágaðri millistéttinni, er vel að sér um
listir. Hún er mjög skörp kona og leggur alla
áherslu á að halda reisn og vera samkvæm
sjálfri sér. Hún hefur því allt að því staðnað og
hefur því engan vilja til að skilja sjónarmið
Dominics sem er fulltrúi nýrra tíma.“
Í verkinu er Dominic fulltrúi nýrra viðhorfa
til listarinnar, sem virða að vettugi hin hefð-
bundnu viðhorf og skilgreiningar á listinni. En
hann er einnig fulltrúi þeirrar einstaklings-
hyggju og tækifærishyggju sem einkennir ef
til vill hina fjölmiðlavæddu menningu samtím-
ans. Vigdís segir verkið fela í sér þroskasögu
persónanna í samhengi við dýpri umræðu um
list og samfélag. „Ef við lítum á tímabilið sem
verkið á að gerast á, sjáum við hversu með-
vitað höfundurinn vinnur með breska sögu og
menningarhræringar. Verkið spannar 16 ára
tímabil, það hefst árið 1979, árið sem Marg-
aret Thatcher komst til valda. Verkinu lýkur
síðan árið 1995, árið sem Tony Blair er kosinn
formaður Verkamannaflokksins. Þannig ger-
ist verkið á tímabili mikilla hræringa fyrir
leikhúsið. Fram að níunda áratugnum hafði
Leikritið Vilji Emmu eftir breska leikskáldið David Hare verður frumsýnt á Smíðaverkstæði Þjóðleikhússins í
kvöld. HEIÐA JÓHANNSDÓTTIR ræddi við leikstjórann Vigdísi Jakobsdóttur um hinar mörgu hliðar verksins.
Morgunblaðið/Kristinn Ingvarsson
Dominic, unnusti Emmu, sem leikinn er af Baldri Trausta Hreinssyni, er fulltrúi nýrra tíma.
Morgunblaðið/Kristinn Ingvarsson
Elva Ósk Ólafsdóttir og Kristbjörg Kjeld eru hér í hlutverkum mæðgnanna Emmu og Esme.
„MIKLIR LISTA-
MENN ERU MIKLAR
MANNESKJUR“