Pressan - 14.06.1990, Side 10

10
Fimmtudagur 14. júní 1990
KNATT53YRNAN
ISLANDSMOTIÐ I KNATTSPYRNU
Leikir í 1. deild karla: Möguleikar liðanna: Athyglisverðir leikmenn:
FRAM VIKINGUR LAUGARDALSVELLI mánudagirm 18. júní kl. 20 Enginn vafi leikur á því að Frammarar eru sigurstrang- legri eftir sigur sinn gegn mjög góðu liði KR á þriðjudagskvöld og fjögurra stiga forskot í topp- sæti fyrstu deildar. Vikingar eru með þokkalegt lið og baráttan er helsta vopn þeirra gegn Fram. Guðmundur Steinsson er markhæstur i fyrstu deild með 6 mörk. Spennandi verður að sjá hvort hann bætirvið mörk- um í þessum leik. Annars er ósanngjarnt að tína út einstaka leikmenn úr hinu jafna Fram- liði. Hjá Víkingum hefur Júgó- slavinn Goran Micic staðið sig eima best. Aðalsteinn Aðal- steinsson hefur einnig átt góða leiki á miðjunni.
ipv IA VESTMANNAEYJUM þriðjudaginn 19. júní kl. 20 ÍBV hefur komið á óvart og er í öðru til þriðja sæti ásamt KR. Liðið hefur samt ekki sýnt neina yfirburðaleiki heldur unnið baráttusigra gegn liðum sem hafa vanmetið Eyjamenn. Það er því alls ekki hægt að bóka sigur ÍBV gegn ungu liði ÍA sem er frekar neðarlega í deildinni, en heimavöllurinn hlýtur samt að vega þungt. Hlynur Stefánsson er athygl- isverður markaskorari í liði Eyjamanna og gamla kempan Sigurlás Þorleifsson er drjúgur. Þá hefur Jón Bragi Arnarson staðið sig vel í vörninni. Ungu mennirnir í liði Skagamanna eru forvitnilegir, þeir Bjarki Pét- ursson og Arnar Gunnlaugs- son, og hinn 35 ára gamli Karl Þóiðarson er traustursem fyrr.
ÞÖR VALUR AKUREYRI þriðjudaginn 19. júní kl. 20 Valsmenn hafa sterkari stöðu í deildinni og þekktari leikmenn innanborðs, en bar- áttuglaðir Þórsarar hafa verið að sækja í sig veðrið. Einnig eru þeir erfiðir heim að sækja, efsta liðið, Fram, náði aðeins jafntefli og KR-ingar mörðu sigur með markieftirvenjulegan leiktíma. Jafntefli eða naumur Valssigur eru ekki ólíkleg úrslit. Júgóslavinn Luca Kostic hef- ur verið jafnbestur í liði Þórs- ara. Valsmenn skarta ótal þekktum leikmönnum. Sigur- jón Kristinsson hefur verið sterkur undanfarið og ekki ólík- legt að hann skori i þessum leik.
KR FH KR-VELLI þriöjudaginn 19. júní kl. 20 KR-ingar eiga annan heima- leik sinn í röð að þessu sinni. Liðið stóð sig vel þrátt fyrir tap gegn gríðarsterku liði Fram um daginn. Þá fá KR-ingar athygl- isverðan liðsauka í þessum leik. Vesturbæingar eru því sig- urstranglegir gegn Hafnfirð- ingum, sem virðast hafa misst af lestinni í toppbaráttunni í bili. Rúnar Kristinsson kemur nú inn í KR-liðið að nýju eftir fjög- urra leikja bann og landsliðs- stjarnan Atli Eðvaldsson leikur nú sinn fyrsta leik í KR-peys- unni. Búist er við miklu af þess- um tveimur leikmönnum. Markahrókurinn Hörður Magn- ússon hjá FH gæti reynst KR- ingum skeinuhættur.
STJARNAN KA GARÐABÆ þriðjudaginn 19. júní kl. 20 Mjög erfitt er að spá um úr- slit hér. KA-menn virðast vera að rétta úr kútnum eftir afleita byrjun, en Stjörnumenn hafa staðið sig vel miðað við að um nýliða er að ræða. Ekki er ólík- legt að íslandsmeistarar KA fylgi eftir sigrinum gegn Vík- ingum á dögunum og hífi sig úr botnsætinu með sigri í þessum leik. Árni Sveinsson Stjörnunni hefur skorað þrjú mörk í sumar og átt mjög góða leiki. Aðrir hafa ekki skorið sig úr. KA-liðið hefur allt verið slakt í sumar en athygli vakti að tæplega sautj- án ára piltur, Þórður Guðjóns- son, sonur þjálfara KA-liðsins, skoraði gegn Víkingum á þriðjudagskvöld. Spennandi verður að sjá hvort hann bætir við í þessum leik.
STAÐAN í FYRSTU DEILD:
leikir u j t mörk stig
Fram 5 5 1 0 13:0 13
KR 5 3 0 2 7:5 9
ÍBV 4 3 0 1 5:5 9
Valur 4 2 1 1 5:3 7
Stjarnan 5 2 1 2 6:9 7
FH 5 2 0 3 7:6 6
Víkingur 5 1 2 2 6:7 5
ÍA 5 1 2 2 4:8 5
Þór 5 1 1 3 1:6 4
KA 5 1 0 4 3:9 3
Ath. Leik Vals og ÍBV í síðustu umferð var frestað og ekki vitað hvenær hann verður leikinn.
NÆSTU SJÓNVARPSÚTSENDINGAR FRÁ HM
Fimmtudagur 14. júní: Laugardagur 16. júní: Mánudagur 18 júní: Þriðjudagur 19. júnn Miðvikudagur 20. júní: Júgóslavía—Kólumbía Brasilía—Kosta Ríka England—Holland Argentína—Rúmenía V-Þýskaland—Kólumbía Ítalía—Tékkóslóvakía Brasilía—Skotland kl. 14.45 kl. 14.45 kl. 18.45 (upptaka) kl. 22.10 kl. 14.45 (upptaka) kl. 23.10 kl. 18.45
BENSÍNLEKINN
9.800 lítrar af bensíni fóru niður í Skógarhlíðinni í nóvember sl. og enginn veit hvert þeir
runnu.
ENGAR REGLUR TIL
UM BÚNAÐ OG FRÁGANG
BENSÍNSTÖÐVA
Eins ogmörgum er í fersku minni runnu
9.800 lítrar af bensíni út í jarðveginn á
bensínstöð Skeljungs við Skógarhlíð ínóv-
ember sl. Petta gerðist vegna mistaka við
frágang bensínleiðsla. En hvert fór þetta
bensín og hvað hefur verið gert til að
koma í vegfyrir að slík umhverfisslys end-
urtaki sig?Svörin við þessum spumingum
eru vægast sagt óljós.
EFTIR: INGIBJÖRGU SÓLRÚNU GiSLADÓTTUR
MYNDIR: EINAR ÓLASON
Fyrri spurningunni er fljót-
svarað, því enginn veit hvað
varð um bensínið. Kenningar
eru uppi um að það hafi farið
inn í holræsakerfi borgarinn-
ar og þaðan út í sjó. Halldór
Torfason, jarðfræðingur
hjá gatnamálastjóra, hefur
séð um að taka jarðvegsog
vatnssýni umhvenis stöðina
frá því lekinn varð en ekkert
mælanlegt hefur komið fram
við þá rannsókn. „Eg hef
reynt að fylgjast með þessu
og farið reglulega út í Vatns-
mýri en ekki orðið var við
neina olíumengun. Ef bensín-
ið hefur hins vegar lekið nið-
ur um sprungur í jarðvegin-
um þá er ekki víst að maður
finni þetta nokkurn tímann."
Halldór sagði að ekkert hefði
verið farið út í að mæla „lekt"
bergsins á þessum stað og því
væri ekkert vitað með vissu
eftir hversu langan tíma lík-
legt væri að lekinn kæmi
fram, t.d. á tjarnarsvæðinu.
Engar reglur til
í samtali við Tryggva
Þórðarson hjá Heilbrigðis-
eftirliti Reykjavíkurborg-
ar kom fram að það ekki
væru til neinar ákveðnar
reglur um frágang bensín-
stöðva og það eina sem þeir
hefðu getað staðið á hingað
til væri ákvæði heilbrigðis-
reglugerðar um stein-
steypta þró umhverfis bensín-
tanka. „Olíufélögin drógu
þetta ákvæði alltaf mjög í efa
því það féll undir kafla um
vatnsból í reglugerðinni og
þeir vildu ekki fallast á að
það ætti við um grunnvatnið
almennt. Það var í sjálfu sér
talsverður sigur eftir ára-
langa baráttu þegar þróin í
Skógarhlíðinni náðist í gegn.
Þessi barátta rann yfirleitt út
í sandinn vegna þess að heil-
brigðisráðuneytið gaf olíu-
félögunum alltaf undanþágu
fyrir sitt leyti. Hollustu-
vernd ríkisins var t.d. búin
að samþykkja að það mætti
reisa stöðina í Skógarhlíð án
þróar.“
Ólafur Pétursson hjá
Hollustuvernd ríkisins stað-
festi að þar hefði verið gefin
undanþága frá því að hafa
steinsteypta þró umhverfis ol-
íu- og bensíntanka þó það sé
bundið í reglugerð. „Við höf-
um ekki talið að þrær væru
eina leiðin og höfum jafnvel
talið annan búnað betri. Við
höfum viljað gefa mönnum
færi á að fara aðrar leiðir. í
því sambandi má nefna þró
úr plastdúk og trefjaplast-
tanka.“ Vildi hann ekki fallast
á að með þessum undanþág-
um væru þeir að láta undan
þrýstingi frá olíufélögunum
og sagði það sína skoðun að
þau vildu hafa þessi mál í full-
komnu lagi.
Siglingamála -
stofnun á alla
olíumengun
Frá því bensínlekinn varð í
Skógarhlíðinni hefur bæði
verið sett ný heilbrigðisreglu-
gerð og mengunarvarnar-
reglugerð. Eftirlit með bún-
aði bensínafgreiðslustöðva
heyrir nú algerlega undir
heilbrigðisnefndir sveit-
arfélaganna en birgðatank-
ar yfir ákveðnum stærðar-
mörkum þurfa samþykki
siglingamálastofnunar og
Hollustuverndar ríkisins. Mál
geta þó auðveldlega skarast
milli þessara stofnana. Þann-
ig þarf bensínafgreiðsla með
meira en 100 rúmmetra
geymslurými starfsleyfi frá
heilbrigðisráðherra.
Það kom bæði fram hjá
Tryggva og Ólafi að þessi mál
væru talsvert erfið og flókin í
framkvæmd vegna þess að
olíuleki í sjó, jafnvel þó hann
eigi upphaf sitt langt uppi á
landi, fellur undir siglinga-
málastofnun og samgöngu-
ráðuneytið og, eins og
Tryggvi orðaði það, „þeir
hafa löngum taliðsig eiga alla
olíumengun".
Það var einmitt samgöngu-
ráðuneytið sem skipaði
nefnd á síðasta ári til að setja
leiðbeinandi reglur fyrir olíu-
félögin og heilbrigðisnefndir
sveitarfélaganna um aðbún-
að bensín- og birgðastöðva.
Þetta gerðist eftir nokkurn
ágreining við heilbrigðis-
ráðuneytið, því samkvæmt
því sem Ólafur segir var holl-
ustuverndin, sem heyrir und-
ir heilbrigðisráðuneytið, þá
þegar með vinnuhóp í mál-
inu sem var byrjaður að
vinna að slíkri reglugerð.
Nefnd samgönguráðuneytis-
ins hefur enn ekki komið
saman og reglurnar því ekki
litið dagsins Ijós. Ekki náðist í
formann nefndarinnar sem
er Gunnar Ágústsson hjá
siglingamálastofnun.
Hlutur
sveitarfélaganna
Yfir þessu kvarta menn
eðlilega hjá heilbrigðisnefnd-
um sveitarfélaganna. Þeim
eru þó ekki allar bjargir
bannaðar því samkvæmt
heilbrigðisreglugerð hafa
sveitarfélög rúma heimild til
að setja sér eigin heilbrigð-
issamþykktir. Þau geta því
gert samþykkt um aðbúnað
bensínstöðva. Hjá Oddi R.
Hjartarsyni, forstöðu-
manni Heilbrigðiseftirlits
Reykjavíkurborgar, kom
fram að slík samþykkt hefði
ekki verið gerð í Reykjavík.
„Við höfum verið að bíða eft-
ir niðurstöðum úrnefnd sam-
gönguráðuneytisins því það
er kannski engin ástæða til
að menn séu að leggja í þetta
vinnu á mörgum stöðum.
Eins og er afgreiðum við því
hvert mál fyrir sig og í því
sambandi höfum við átt
ágætt samstarf við bygging-
arfulltrúann í Reykjavík."
En sem sagt: Svo virðist
sem í þessum málum reki lög,
reglugerðir og stofnanir sig
hver á annars horn og verk-
svið og vinnureglur séu mjög
óljósar. Eftir stendur að engar
ákveðnar reglur eru til um
aðbúnað bensínafgreiðslu-
stöðva.