Pressan - 17.02.1994, Blaðsíða 7
Hvað segja þau uran
IX/ljóddina?
Ása Guðnadóttir afgreiðir í snyrtivöruversluninni Libiu. „Mér líkar
mjög vel að vinna í Mjóddinni. Ég bý í Breiðholti þannig að það er
stutt í vinnuna fyrir mig. Hér fæst flest sem ég þarf á að haida,
t.d. matvara, fatahreinsun og vefnaðarvara. Hér er gott að fá bíla-
stæði. Fólk kemur hingað alls staðar að úr bænum og það er
hreint ótrúlegt hvað það kemur langt að,“ segir Ása.
Jóhanna Höskuldsdóttir var að leita að sólbekkjaefni í
Metró þegar okkur bar að. „Þetta er nú bara enn einn
áfangastaðurinn í leit minni að sólbekkjaefni, en ég er bú-
in að leita að því um allan bæ. Ég bý í Bústaðahverfi og
kem ekki oft í Mjóddina, en það kemur fyrir, og þá helst
þegar mig vantar eitthvað sem fæst ekki annars staðar, t.d
vefnaðarvöru í Vogue," sagði Jóhanna.
Hrafnhildur Birgisdóttir var í apótekinu með syni sínum Kristófer
Loga Hafþórssyni. „Við erum að koma frá lækninum. Ég er úr Breið-
holtinu þannig að ég fer mjög oft í Mjóddina að versla. Mér finnst
gott að koma hingað, því hér er allt sem mig vantar, — nema þá
helst föt á mig. Það er mjög gott að kaupa í matinn hérna," segir
Hrafnhildur.
Gerður Einarsdóttir og Jón Hjartarson voru í Eymundsson að leita sér
að bókum. Þau segjast gjarnan fara í Eymundsson til að versla. „Við
eigum heima í Grafarvogi og komum hingað ef við eigum erindi til
dæmis í apótekið, Eymundsson eða Kjöt og fisk,“ segir Gerður. Jón
sló á létta strengi og sagði að það vantaði bara pöbb.
Helgi Loftsson var í Steinar
Músík og myndir að versla.
„Ég bý í Seljahverfinu og kem
í Mjóddina við og við, þá helst
í sjoppu, myndbandaleigu eða
banka, en einnig á hár-
greiðslustofuna til að láta
klippa mig. Hér er gott að
koma við, því það er alltaf
hægt að fá bílastæði."
Sólveig Sigurðardóttir var að
kaupa í matinn í Kjöti og fiski
þegar okkur bar að. Sólveig býr
í miðbænum en segist koma í
Mjóddina til að versla af göml-
um vana, því hún bjó áður í
Breiðholti. „Mér finnst gott að
versla í Mjóddinni, sérstaklega
í Kjöti og fiski, því kjötborðið
þar er svo gott. Hér er allt við
höndina og maðurinn fer í
bankann á meðan ég versla.“
Bryndís Jakobsdóttir úr Árbænum og Karen Agnarsdóttir úr Breið-
holtinu voru að fá sér kaffisopa hjá Svejni bakara. „Við komum
hingað annað slagið að fá okkur kaffi. Ég tek strætó í Mjóddina til
að hitta Karenu en annars kem ég ekki oft hingað,“ sagði Bryn-
dís. Karen kemur hins vegar oft í Mjóddina til að versla og fara í
banka. „Ég er nýflutt í Breiðholtið og hef alltaf verslað hérna síð-
an. Hér er öll þjónusta sem mig vanhagar um.“
Rannveig Jónsdóttir vinnur í Mjódd. „Mér finnst mjög gott að
vinna hérna. Þetta er viðkunnanlegur og þægilegur staður og
góður andi meðal starfsfólks. Það er ekki hægt að hafa það
betra. Fólk er að átta sig á því að hér er opið ennþá." Rann-
veig segist kaupa allt sjálf í Mjóddinni. „Hér er allt á einum
stað, sem er mjög þægilegt, því þá þarf maður ekkert að
hlaupa út um hvippinn og hvappinn eftir vinnu til að ná í það
sem vantar. Ég fer niður í Kjöt og fisk til að kaupa í matinn.
Síðan fæst flest annað sem ég þarf á að halda hérna uppi,
t.d. barnaföt, leikföng, skartgripir og föt. Hingað kemur fólk
úr öllu Breiðholtinu og meira að segja úr Grafarvogi, Árbæ,
Kópavogi og einstaka neðan úr bæ.“
l\í LCirCi
LLU'
FIMMTUDAGURINN 17. FEBRUAR 1994 PRESSAN 7C