Morgunblaðið - 10.05.2004, Blaðsíða 8

Rúnar
setti mark
hjá Gent
RÚNAR Kristinsson skoraði
mark Lokeren sem gerði
jafntefli, 1:1, við Gent á úti-
velli í belgísku 1. deildinni í
knattspyrnu á laugardags-
kvöldið. Rúnar kom Loker-
en yfir um miðjan fyrri hálf-
leik en Gent jafnaði um
miðjan þann síðari.
Rúnar, Arnar Þór Viðars-
son og Arnar Grétarsson
léku allan leikinn með
Lokeren, en Marel Baldvins-
son fór af velli á 73. mínútu.
Með þessum úrslitum á
Lokeren ekki lengur mögu-
leika á áttunda sætinu í
deildinni og kemst því vænt-
anlega ekki í Intertoto-
keppnina, þar sem Fylkir
hefði getað orðið mótherj-
inn. Nú er líklegast að
Árbæjarliðið mæti Germinal
Beerschot eða La Louviere,
sem Karl þórðarson og Þor-
steinn Bjarnason léku með á
árum áður. Indriði Sigurðs-
son lék allan leikinn með
Genk sem sigraði Westerlo,
1:0, og á möguleika á að ná
fjórða sæti deildarinnar.
Viðureignir ÍBV og Vals um Ís-landsmeistaratitil kvenna hafa
allar verið gríðarlega spennandi og
vel leiknir leikir og
frábær auglýsing
fyrir íslenskan
kvennahandbolta.
Leikurinn á laug-
ardaginn var engin undantekning
þar sem varnarleikur og markvarsla
liðanna var í aðalhlutverki. Eyja-
stúlkur byrjuðu af miklum krafti og
skoruðu fyrstu þrjú mörk leiksins og
gestirnir náðu aðeins að gera eitt
mark á fyrstu tíu mínútunum.
Eyjastúlkur náðu mest fimm
marka forystu í fyrri hluta hálfleiks-
ins og virtust hafa fullkomna stjórn á
leiknum. Einkum skipti máli að þær
náðu að stöðva hraðar sóknir Vals-
stúlkna sem þær höfðu keyrt svo
mikið á í fyrstu tveimur viðureign-
unum. Þegar fimm mínútur voru eft-
ir af fyrri hálfleik hafði ÍBV yfir, 11:6,
þá hrökk Valsliðið í gang og skoraði
síðustu þrjú mörkin fyrir leikhlé og
munur Eyjastúlkna kominn niður í
tvö mörk.
Valsliðið mætti af sama krafti í
upphafi síðari hálfleiks og jafn-
aði,11:11. Eftir það var leikurinn
hnífjafn nánast á öllum tölum. ÍBV
hafði þó yfirleitt frumkvæðið og
Valsliðið komst í fyrsta skipti yfir í
leiknum í stöðunni 18:19 og tíu mín-
útur eftir. Næstu þrjú mörk voru
Eyjastúlkna og staðan orðin 21:19.
Þá tóku Valsstúlkur við sér og kom-
ust yfir, 21:22, en líkt og í fyrsta
leiknum var það Elísa Sigurðardótt-
ir, fyrirliði ÍBV, sem tryggði Eyja-
stúlkum framlengingu með loka-
markinu í venjulegum leiktíma. Í
framlengingu tókst Valsstúlkum ekki
að skora en Guðbjörg Guðmanns-
dóttir gerði tvö mörk fyrir ÍBV.
Alla Gokorian og Julia Gantim-
urova voru bestu leikmenn ÍBV. Alla
sýndi hvers hún er megnug, bæði í
sóknarleik liðsins og ekki síður í vörn
ÍBV – þar sem hún er lykilmaður.
Julia var drjúg á lokasprettinum þar
sem hún varði meðal annars tvö víta-
köst en alls 21 skot. Guðbjörg Guð-
mannsdóttir var mistæk framan af
en þegar á reyndi sýndi hún hvers
hún er megnug og í framlengingunni
voru það mörkin hennar sem tryggðu
ÍBV forystu í einvíginu. Endurkoma
Drífu Skúladóttur í Valsliðið er því
gríðarlega mikilvæg og í jöfnu liði
Vals telst hún með bestu útileik-
mönnum liðsins á laugardag. Hún
gerði sex mörk og flest utan af velli
og leysti hún sína stöðu vel. Aftur á
móti hefur markvörður Vals, Berg-
lind Hansdóttir, stolið senunni í við-
urreignum liðanna og hefur verið
besti leikmaður þeirra. Á laugardag-
inn urðu skotin 23 sem hún varði, og
oft á tíðum glæsilega í dauðafæri.
Þrjú vítaköst varði hún, líkt og koll-
egi hennar í hinu markinu.
Einbeitingarleysi í lokin
„Þetta var svekkjandi. Við náðum
ekki að keyra okkar leik líkt og vana-
lega. Við komumst oft í vandræði í
sóknarleik okkar og í fyrri hálfleik
vorum við með tíu til tólf feilsend-
ingar,“ sagði Drífa Skúladóttir,
markahæsti leikmaður Vals. „Það
var einbeitingarleysi í leik okkar
undir lokin og að skora ekki mark í
framlengingunni er óafsakanlegt.“
Drífa hefur undanfarna mánuði átt
í erfiðum meiðslum, en sýndi gamla
takta í leiknum í Eyjum. „Ég er ekki
nógu sátt við minn leik. Það er nátt-
úrlega frábært að vera aftur komin á
ferðina. En ég var einum of áköf og
skaut kannski of mikið,“ sagði Drífa
og bætti við að hún væri sannfærð
um að Valur myndi jafna metin á
mánudag. „Svo klárum við þetta úti í
Eyjum í oddaleiknum.“
Leikur góðra varna
Elísa Sigurðardóttir, fyrirliði ÍBV,
hefur reynst liðinu happadrjúg í við-
urreignunum við Val en í báðum
leikjunum í Eyjum hefur það verið
hún sem tryggt hefur liðinu fram-
lengingu. „Þetta er búið að vera al-
veg ótrúlegt. Ég vil nú meina að við
eigum að geta haldið þessu forskoti
sem við náum. Við náum fjórum
mörkum í fyrri hálfleik – með því að
stoppa hraðar sóknir þeirra – og töl-
urnar segja að þetta hafi verið leikur
góðra varna.“
Aðalsteinn ánægður
með varnarleikinn
„Ég veit ekki hverjir hafa verið að
tala um að við getum ekki spilað vörn
hérna í Eyjum,“ sagði Aðalsteinn
Eyjólfsson, þjálfari ÍBV, sigurreifur í
leikslok. „Varnarleikur er níutíu pró-
sent hugarfar og þær klára þetta í
dag. Þá varði Julia Gantimirova mjög
vel í markinu hjá okkur. Það er ekki
hægt að segja að við séum að skjóta
Berglindi í stuð í leikjunum – hún
hefur einfaldlega verið að leika líkt
og besti markvörður Danmerkur.
Mér finnst reyndar með ólíkindum
að hún sé ekki farin út í atvinnu-
mennsku.“
Aðalsteinn sagði að Berglind hefði
verið ástæðan fyrir því að ÍBV vann
ekki sannfærandi sigur í leiknum.
„Mér finnst umræðan í fjölmiðlum
um þessar viðureignir út í hött.
Þessu er stillt upp eins og í Evrópu-
keppni og að við séum utanaðkom-
andi liðið. Við njótum ekki sannmælis
í fjölmiðlum og ekki í dómgæslu, þar
sem dómarar fara greinilega ekki
eftir sömu línu í brottrekstrum. Vals-
stúlkur mega berja Sylviu og Önnu
Yakovu trekk í trekk – það er eins og
það megi vegna þess að þær eru út-
lendingar,“ sagði Aðalsteinn.
Eyjastúlkur sögðu:
Lok, lok og læs …!
Morgunblaðið/Árni Torfason
Anna Yakova sækir að marki Vals – Elfa B. Hreggviðsdóttir og Anna M. Guðmundsdóttir til varnar.
Sylvia Strass, hinn knái leikmaður ÍBV, geysist fram hjá
Hafrúnu Kristjánsdóttur, sem er henni á vinstri hönd.
ÞEGAR mest á reyndi í þriðju
viðureign ÍBV og Vals um Ís-
landsmeistaratitilinn í hand-
knattleik kvenna – í Vestmanna-
eyjum á laugardaginn, sögðu
leikmenn Eyjaliðsins: Lok, lok
og læs og allt í stáli. Eyjastúlkur
gerðu það svo sannarlega í
framlengingu í æsispennandi
leik þar sem lokatölur urðu
22:22. Það var Elísa Sigurðar-
dóttir, fyrirliði ÍBV, sem tryggði
Eyjastúlkum framlengingu með
glæsilegu marki. Í framlenging-
unni léku Eyjastúlkur, með þær
Öllu Gokorian og Birgit Engl,
geysilega sterkan varnarleik,
sem Valsstúlkur réðu ekkert
við. Eyjastúlkurnar skoruðu tvö
mörk í framlengingunni – Guð-
björg Guðmannsdóttir skoraði
þau bæði, en Valsstúlkur náðu
ekki að skora, þannig að það
voru Íslandsmeistarar ÍBV sem
fögnuðu sætum sigri, 24:22.
Eyjastúlkur eru yfir í rimmunni
við Val, 2:1, og geta tryggt sér
meistaratitilinn að Hlíðarenda í
kvöld.
Sigursveinn
Þórðarson
skrifar

 

 $%
 


 



 

 
 

 

 !



  


  


&




'

  





'


!

" 




#


#

GUNNAR Gunnarsson fékk heið-
ursviðurkenningu á ársþingi Hand-
knattleikssambands Evrópu, EHF,
sem fór fram á Kýpur um helgina.
Gunnar fékk viðurkenninguna fyrir
vel unnin störf í þágu sambandsins á
undanförnum árum, en hann hefur
verið einn af virkustu eftirlitsmönn-
um EHF. Pólverjinn, Janusz Czerw-
inski, fyrrverandi landsliðsþjálfari
Íslands, fékk einnig viðurkenningu.

Á ÞINGINU á Kýpur var ákveðið
að Evrópukeppni landsliða hjá körl-
um 2006 fari fram í Sviss og EM 2008
í Noregi.

ÞÁ var dregið í riðla í Evrópu-
keppni 20 ára landsliða karla og 19
ára kvenna, en Ísland tekur þátt í úr-
slitum. Strákarnir leika í riðli með
Ungverjalandi, Sviss og Rúmeníu í
Riga í Lettlandi í ágúst og stúlkurn-
ar leika í riðli með Noregi, Þýska-
landi og Austurríki í Tékklandi í júlí.

BJÖRN Þorleifsson varð í 9. til 16.
sæti í 78 kg flokki á Evrópumeist-
aramótinu í taekwondo, sem haldið
er í Lillehammer í Noregi. Auður
Anna Jónsdóttir varð einnig í 9.til 16.
sæti í sínum þyngdarflokki.

TOBY Stevenson, 27 ára, banda-
rískur stangastökkvari, varð um
helgina níundi stangarstökkvarinn til
að stökkva yfir 6 metra. Hann vann
þetta afrek á frjálsíþrótta í Modesto í
Kaliforníu, er hann stökk sex metra
sletta. Fyrir mótið hafði hann stokkið
hæst 5,75 m. Stacy Dragila varð sig-
urvegari í keppni kvenna – stökk 4,55
m.

DWIGHT Phillips, heimsmeistari í
langstökki karla, stökk 8,43 m á
mótinu í Modesto, sem er lengsta
stökk ársins.

VENUS Williams, tenniskonan
snjalla frá Bandaríkjunum, gat ekki
leikið úrslitaleik á opna þýska meist-
aramótinu í Berlín í gær, vegna
meiðsla á ökkla. Hún varð að gefa
leikinn við Amelie Mauresmo frá
Frakklandi. Venus meiddist í undan-
úrslitaleiknum er hún lagði Karolínu
Sprem frá Króatíu. Mauresmo vann
Jennifer Capriati frá Bandaríkjun-
um í undanúrslitum, 6-2 og 6-0
FÓLK