Íslendingaþættir Tímans - 06.10.1982, Side 2
eru þau hjón bæði sönghneigð og áhugasamir
kórfélagar.
Þótt opinberu störfin hafi verið bæði mörg og
mikil, þá gaf Alexander sér tíma til bústarfa.
Hann hafði yndi af sauðfé og átti sér til gagns og
gamans kindur, sem hann fór vel með, enda
skiluðu ærnar miklum afurðum og hrútar frá
honum voru eftirsóttir til kynbóta.
Margt fleira mætti nefna, en hér verður látið
staðar numið. Framanskráð störf gefa það til
kynna, að Alexander hefur notið og nýtur mikils
trausts samstarfsmanna sinna og þeirra er hann
þekkja og það að verðleikum. Frá unga aldri hefur
hann verið samvinnumaður og framsóknarmaður
og oftast í fylkingarbrjósti þar sem hann hefur
unnið að málum. Hann gjörþekkir atvinnuhætti
þjóðarinnar og lífsbaráttu fólks til sjávar og
sveita. Hann hefur vaxið með hverju því verkefni
sem honum er falið og alltaf gert sitt besta til að
kynna sér málavexti og leysa vandamálin. Hann er
framfarasinnaður félagshyggjumaður, ritfær vel
og ræðumaður ágætur.
Ólafsvík var lengi innilokaður staður. Hafnar-
skilyrði þar voru vond af náttúrunnar hendi og
þverhnípt björg gengu í sjó fram á tvo vegu,
Ólafsvíkurenni að sunnan og Búlandshöfði lengra
frá að norðan. Fróðárheiði er skammt frá
jöklinum og er yfir 360 metra há. Þar eru veður
oft válynd og margur lenti þar í hrakningum að
vetrarlagi. í>að þarf því engan að undra, þótt oft
væri erfitt til bjargar sér og sínum í Ólafsvík á
árum áður.
Nú er öldin önnur. Ólafsvík er komin í
þjóðbraut með myndarlega hafnaraðstöðu og
nýtísku fiskiskip. Fengsælu fiskimiðin nýtast nú
betur en áður og öryggi sjómanna meira. Þar býr
margt fólk og duglegt. Uppbygging öll bæði hjá
einstaklingum og á opinberu og félagslegu sviði
er með myndarbrag og staðurinn snyrtilegur og
ber hann þess vott, að þar hafi verið vel stjómað
og heppilega að öllu unnið. Fólkið þar býr að
heita má við öll lífsins þægindi. Þetta hefur ekki
gerst þama af sjálfu sér frekar en annars staðar.
Til áð ná þessum árangri þurfti vökula forystu,
dugnað, fyrirhyggju og gott samstarf. Mér er það
vel ljóst að þetta er engum einum manni að þakka.
Þarna hefur samstaða fólksins ráðið miklu. Hitt
er mér líka jafn ljóst að forystan brást ekki, þar
sem Alexander var að verki, því hverju máli fylgir
hann vel úr hlaði og rökstyður greinilega,
jafnframt því sem engu tækifæri er sleppt, sem
verða má staðnum til framdráttar. Ég hef
staðnæmst nokkuð við Ólafsvík af þvf að þar hefur
verið starfsvettvangur Alexanders alla ævi. Þar er
af mörgu að taka, en aðeins gerð almenn úttekt
á staðnum af vegfaranda, sem þó þekkir nokkuð
til mála á staðnum.
Alexander hefur frá því hann kom fyrst í
þingsalinn verið eins og þaulvanur þingmaður.
Þar veldur mestu þekking hans og æfing í meðferð
sveitarstjómarmála. Forystumaðurinn frá Ólafs-
vík hefur nú fleiri „jám í eldinum“ en áður, en
öll eru þau hömruð og unnin af þekkingu, æfingu
og því hugarfari að gera sitt besta. Það var vel
ráðið af framsóknarþingmönnum og Alþingi að
setja hann í fjárveitinganefnd. Störfin þar eru
mikil og verkefnin krefjast þekkingar á landi og
þjóð og þeim lagalegu skyldum sem fjárveitinga-
valdinu ber að virða. Þetta veit ég að Alexander
2
er allt vel ljóst, enda kynnir hann sér ætíð málin,
áður en afstaða er tekin.
Kvæntur er Alexander Björgu Hólmfríði
organista Finnbogadóttur útvegsbónda að Búðum
og síðar hreppstjóra í Olafsvík. Heimili þeirra er
hlýlegt, myndarlegt og gestrisnin í hávegum höfð.
Börn þeirra eru öll myndarlegt fólk. Þau eru
Finnbogi lögfræðingur, fulltrúi hjá bæjarfógeta í
Hafnarfirði. Eiginkona: Sigríður Halldórsd.
Svanhildur flugfreyja gift Marínó Sveinssyni
bankam., Lára kerfisfræðingur, gift Þórði
Ólafssyni lögfr., Stefán bifvélavirki, kv. Lailu
Michaelsdóttur, Örn stýrimaður kv. Aðalheiði
Eiríksdóttur, Atli kennari í Ólafsvík.
Á þessum tímamótum flyt ég fjölskyldunni
heillaóskir og þakkir fyrir góð kynni. Alexander
afmælishöfðingjanum óska ég allra heilla nú og í
framtíðinni, en jafnframt þakka ég samstarfið og
skemmtileg kynni, einnig þakka ég margþætt og
farsæl þjóðmálastörf. Það er von mín að við
megum lengi njóta starfa þinna. Lifðu heill.
Ásgeir Bjamason.
Alexander Stefánsson alþingismaður og fyrr-
verandi oddviti og sveitarstióri í Ólafsvík er 60
ára í dag. Á þessum tímamótum óska ég honum
og fjölskyldu hans hjartanlega til hamingju með
afmælisdaginn.
Daginn sem ég hóf að undirbúa þessa
afmæliskveðju, var sólríkt og stillt veður hér í
heimabyggð afmælisbamsins. Sólin gaf haust-
litum gróðursins sérstæða litadýrð, sem er svo
heillandi á þessum árstíma. Sólin speglaðist
einnig í sjónum á víkinni og dreifði geislum
sínum um byggðina. Mér kom í hug sú mikla
breyting sem orðið hefur á Ólafsvíkurkauptúni
þau 25 ár sem ég hef búið hér. Átt hefur sér stað
síórkostleg uppbygging, t.d. endurbygging hafn-
arinnar, gatnagerð með varanlegu slitlagi,
myndarlegar húsbyggingar og stóraukin fegrun
lóða og mannvirkja svo eitthvað sé nefnt.
Alexander er fæddur í Ólafsvík 6. október 1922
á heimili foreldra sinna Stefáns Kristjánssonar
vegaverkstjóra og konu hans Svanborgar Jóns-
dóttur og ólst hann þar upp í hópi 5 systkina.
Á æskuheimili hans ríkti mikið félagslyndi og
sönggleði og erfði hann þessá eiginleika í ríkum
mæli. Hann hefur góða söngrödd og hóf ungur að
syngja í kór Ólafsvíkurkirkju og starfaði þar
samfleytt þangað til fyrir tveimur árum. Hann
h tlgaði Ólafsvfkurkirkju mikið af tíma sínum og
Björg kona hans starfaði einnig við kirkjuna í
fjölHa ára sem organisti og söngstjóri. Alexander
var formaður sóknamefndar um árabil og hafði á
þeim tíma m.a. mikil afskipti af byggingu nýrrar
kirkju með dyggilegum stuðningi safnaðarins.
Árið 1942 giftist Alexander Björgu Hólmfríði
Finnbogadóttur kaupmanns frá Búðum og konu
hins Laufeyjar Einarsdóttur. Þau stofnuðu
heimili í Ólafsvík og eiga 6 börn, Finnboga
Hólmkel, Svanhildi, Stefán, Láru Öldu, Örn og
Atla. Þau hafa ávallt búið í Ólafsvík og heimilið
verið rómað fyrir reglusemi og myndarskap.
Á uppvaxtarárunum komst Alexander í snert-
ingu við hin almennu störf sem til féllu í
sjávarplássinu. Faðir hans var lengi sjómaður og
formaður á áraskipum og síðar vegaverkstjóri.
Einnig kynntist hann búskaparháttum frændfólks-
ins sunnan Heiðar, því faðir hans var ættaður frá
Hjarðarfelli og hafði ávallt samband við
frændfólkið þar.
Alexander hóf störf hjá föður sínum við
vegabætur og' einnig vann hann við brúarsmiði
hjá Sigfúsi Kristjánssyni. Þar komu fram ágætir
smíðahæfileikar hans og um skeið rak hann
trésmiðju í félagi við fleiri og stundaði almenn
trésmiðastörf. En hugurinn stefndi til fleiri
verkefna. Hann stundaði nám í héraðsskólanum
á Laugarvatni og síðan í Samvinnuskólanum og
útskrifaðist þaðan 1944.
Eftir námið hóf hann stó’rf hjá kaupfélaginu
Dagsbrún og veitti því forstöðu um árabil. Undir
handleiðslu hans efldist fyrirtækið og auk
verslunar í kauptúninu, voru viðskipti við
nærliggjandi sveitir, m.a. keypt mjólk af
bændum og flutt til Olafsvíkur, einnig var byggt
og rekið sláturhús. Þá var ráðist í að byggja
frystihús en við rekstur þess jókst mjög atvinna
í kauptúninu.
Þessi umsvif örfuðu fólkið til framkvæmda,
kaupfélagið veitti fólki fyrirgreiðslu sem stóð í
byggingarframkvæmdum, þá hófu menn eða juku
útgerðarumsvif í samvinnu við, eða í skjóli
kaupfélapsins. Samkeppni jókst milli fyrirtækja
og bátaflotinn stækkaði svo ört, að höfnin rúmaði
hann ekki með góðu móti.
Árið 1962 urðu þáttaskil á starfsferli Alexand-
ers. í sveitarstjómarkosningunum það ár hófst
samstarf um hreppsmálefni Ólafsvíkur, sem
leiddi til þess að sameiginlegur framboðslisti
almennra borgara varð sjálfkjörinn. Alexander
var einn þeirra manna sem þá tók sæti í hrepps-
nefnd og var jafnframt ráðinn sveitarstjori. Hann
hafði þá áður setið í hreppsnefndum sem aðal-
eða varamaður.
Hann var sveitarstjóri frá 1962 til 1978 og
oddviti lengstan hluta þess tfmabils og þar til nú
í sumar. Of langt væri að tíunda þær framfarir
sem orðið hafa í Ólafsvík síðustu 20 árin, en
óhætt er að óska Alexander og samstarfsfólki
hans til hamingju með árangurinn.
Auk forystu ummálefniÓlafsvíkurhrepps, hefur
Alexander valist til fjölda trúnaðarstarfa á
vettvangi sveitarstjórnarmála. Hann var fyrsti
formaður Samtaka sveitarfélaga f Vesturlands-
kjördæmi og hefur gegnt mörgum trúnaðarstörf-
um fyrir Samband íslenskra sveitarfélaga og
síðasta kjörtímabil var hann vara|ormaður
samtakanna.
Alexander hefur helgað Framsóknarflokknum
mikið af tíma sínum og starfskröftum. Hann hefur
verið í forystuliði flokksins í kjördæminu og gegnt
margvíslegum störfum innan flokksins. Hin síðari
ár hefur hann setið á alþingi, fyrst sem
varaþingmaður og er nú fyrsti þingmaður
Vesturlandskjördæmis. Við samstarfsmenn hans
í Framsóknarflokknum vitum að þekking hans á
þjóðmálum er yfirgripsmikil. Þar kemur honum
að notum reynslan af fyrri störfum, ásamt því að
hafa að eigin raun kynnst lífsbaráttu fólksins, sem
hann starfar fyrir.
Alexander er mikill gæfumaður. Heilsa hans
hefur ávallt verið góð og starfsþrekið óskert.
Hann hefur notið þess að takast á við hin
fjölbreyttustu verkefni. Hann og samtíðarfólk
hans hefur upplifað mikið ævintýr í atvinnusögu
þjóðarinnar og er byggðasaga Ólafsvíkur gott
islendingaþættir