Íslendingaþættir Tímans - 02.03.1983, Blaðsíða 2
Valtýr Sigurðsson,
Geirmundarstöðum
Fæddur 16. febrúar 1902
Dáinn 29. desember 1982
Nokkur kveðjuorð til vinar míns. Valtýs Sig-
urðssonar, bónda, Geirmundarstöðum, Sæmund-
arhlíð, Skagafirði, er andaðist í Sjúkrahúsi Skag-
firðinga 29. desember s.l.
Valtýr Sigurðsson er fæddur að Litlu-Gröf á
Langholti 16. dag febrúarmánaðar árið 1902.
Foreldrar hans voru Sigurður Jónsson, bóndi
þar, og kona hans. Guðlaug Eiríksdóttir. Að
Litlu-Gröf elst Valtýr upp, yngstur fjögurra
systkina. Nítján ára gamall flyst hann að Gcir-
mundarstöðum með foreldrum sínum. Þar bjó þá
Guðlaug systir hans og maður hennar, Sigurður
Sigurðsson. Viðbúi að Litlu-Gröf tekur Arngrím-
ur, bróðir Valtýs, og kona Arngríms, Sigríður
Benediktsdóttir. Eldri systirin. Jórunn, var þá
farin að búa með manni sínum. Snorra Stefáns-
syni, bónda, Stóru-Gröf.
Nokkrum árum eftir að Valtýr flyst að Geir-
mundarstöðum andast mágur hans, Sigurður.
Varð þá Valtýr systur sinni innan handar með
búskapinn, þar til hún bregður búi.
Skagfirðingar hafa löngum verið nokkrir frjáls-
hyggjumenn. Þeir taka gjarnan þátt í málþingum
og ræöa framfaramálin oft af lífi ogsál. Flestir eru
þeir góðir hestamcnn og góðar söngraddir hafa
löngum verið skagfirsk einkenni. Allt þetta hafði
Valtýr til brunns að bera í ríkum mæli. Hanri hafði
yndi af að vera á mannfundum þar sem framfara-
málin voru á dagskrá. Hann var félagsmaður
góður og yildi í hvívetna virða rétt þess, sem til
hlutarins hafði unnið og eigi ganga á rétt annarra.
Hann átti sæti í stjórn Ungmennafélagsins
Æskan í Staðarhreppi í mörg ár og var formaður
þess um skeið og var heiðursfélagi þess seinni árin.
Valtýr var mikill framsóknarmaður og hvatti
samherja sína oft óspart til sóknar á sviði
þjóðmálanna.
Valtýr hafði gott auga fyrir hestum, enda
hestamaður góður. Eitthvað mun hann hafa
fengist við að þjálfa hesta fyrir aðra og mun hann
hafa skilað því vel úr hendi. En þekktastur er
Valtýr í sambandi við hestamennsku fyrir þátttöku
sína í kappreiöum. Menn sem voru með
kappreiðahesta, sóttust eftir að fá hann sem
knapa á hesta sína. Og víst er um það. að það var
oftar en hitt, að knapi færði eiganda hestsins 1.
verðlaun að hlaupi loknu.
Valtýr hafði góða söngrödd og tók virkan þátt
í sönglífi Skagfirðinga. Hann söng um árabil með
Karlakórnum Heimi og í Kirkjukór Glaumbæjar-
og Staðarsóknar. Var og formaður sóknarnefndar
Staðarkirkju um skeið.
Valtýr hóf sjálfstæðan búrekstur á Geirmundar-
stöðum árið 1931 og kvæntist þá eftirlifandi konu
sinni Önnu Hjartardóttur frá Hofsósi. Árið 1949
kaupir Valtýr Geirmundarstaði og ræðst jafnframt
í að byggja upp á jörðinni. Hann reisti myndarlegt
íbúðarhús og gripahús. ásamt hlöðum, allt úr
steinsteypu.
Um þetta leyti ryðja sér til rúms stórvirk
jarðvinnslutæki. sem Valtýr fær til að slétta og
stækka ræktarlandið. Þannig varð kostajörðin
Geirmundarstaðir. enn betri í höndum bóndans.
Valtýr var mikið snyrtimenni í búskapsínum. eins
og í annarri framgöngu. Hann naut þess cinnig að
hafa eignast mikilhæfa dugnaðarkonu. þar sem
Anna Hjartardóttir er. sem stóð viö hlið hans í
blíðu og stríðu.
Eins og að líkum lætur. gengur búskapur hjá
einyrkjabónda ekki alltaf eins og best verður á
kosið. í þeim efnum skiptast á skin og skúrir. En
cf hcilsán cr góð og mikill vilji cr fyrir hendi. má
yfirstíga tlest. Valtýr sagði niér. að erfiðasta
tímabil í sínum búskap hefði veriö. þegar Anna
kona hans þurfti að fara á spítala og dvelja þar
svo mánuðum skipti. Valtýr var ávallt vel kynntur
og átti góða vini, sem réttu honum hjálparhönd á
erfiðum tíma. Það er alltaf gott að geta hitt sjálfan
sig fyrir.
Vissulega voru Anna og Valtýr vinir vina sinna.
Ég minnist þess, að þegar börnin okkar Ásu voru
að vaxa upp í heimahúsum, áttum við oft
ánægjulegar heimsóknir að Geirmundarstöðum
og árviss voru jólaboðin, sem við fórum í þangað.
Um þessi samskipti eiga börnin og við öll Ijúfar
minningar.
Valtýr og Anna búa á Geirmundarstöðum til
ársins 1977, þó seinni árin í félagi við Geirmund.
son þeirra, en þá flytja þau til Sauðárkróks.
Kaupa þar íbúð og áttu þar þægilega daga á
meðan heilsan entist.
Valtýr og Anna eignuðust tvo syni. Eru þeir:
Gunnlaugur Sigurður f. 5. september 1934. sjálfs-
eignar-bifreiðarstjóri. Fögrubrekku 23, Kópa-
vogi. Kvæntur Jóhönnu Haraldsdóttur og eiga
þau þrjá syni og Hjörtur Geirmundur f. 13. apríl
1944, skrifstofumaður, Raftahlíð 10. Sauðár-
króki. Kvæntur Mínervu Björnsdóttur. og eiga
þautvosyni.
Valtýr var yfirleitt heilsugóður um dagana.
Fyrir um það bil ári síðan kenndi hann sjúkdóms,
er ágerðist. Hann var lengst af heima í skjóli konu
sinnar. en síðustu dagana lá hann í Sjúkrahúsi
Skagfirðinga. Hann andaöist þar þann 29. des-
ember s.l. Hann var jarðsunginn frá Sauðárkróks-
kirkju 8. janúar s.l. að viðstöddu miklu fjölmenni.
Að lokum kveð ég og fjölskylda mín öll Valtý
Sigurðsson hinStu kveðju. Með honum er góður
og réttsýnn maður genginn.
Ég færi Önnu, frænku minni. sonum hennar og
fjölskvldum þeirra innilegustu samúðarkveðjur
frá okkur Ásu. börnum okkar og þeirra fjöl-
skyldum.
Sauðárkróki 15. febrúar 1983.
Sæntundur Á. Hermannsson.
t»eir sem að skrif a
minnino’ar- eða afmælis-
greinar í íslendingaþæ tti,
eru vinsamlegast
beðnir um að skila
vélrituðum handritum
2
íslendingaþaettii